شيپاحانادان شىققان ناۋقاستار مەن مەديتسينالىق باقىلاۋدان بوساتىلعان اۋرۋ بەلگىسى جوق جۇعىمدالۋشىلاردىڭ جالپى سانى 800دەن استى
شينجياڭ گازەتىنىڭ جالپىلىق اقپارات قۇرالدارى ءتىلشىسى چاۋ جين 8 - ايدىڭ 23 - كۇنى ۇرىمجىدەن حابارلايدى. مەملەكەتتىك كەڭەستىڭ جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ بويىنشا بىرلەسىپ ساقتانۋ، بىرلەسىپ تىزگىندەۋ مەحانيزمى ماماندار گرۋپپاسى مەن اۆتونوميالى رايونداعى مەديتسينالىق ەمدەۋ - قۇتقارۋ ماماندارىنىڭ بىرلەسىپ دياگنوز قويۋىنان، ساراپتاۋىنان كەيىن 8 - ايدىڭ 23 - كۇنى ءۇرىمجى قالاسىندا دياگنوزى تۇراقتاندىرىلعان تاعى 15 ناۋقاس مەملەكەتتىك دەنساۋلىق ساقتاۋ، سالاماتتىق كوميتەتىنىڭ جاڭا تيپتى ايدارشا ۆيرۋس وكپە قابىنۋىنا شالدىعىپ دياگنوزى تۇراقتاندىرىلعان ناۋقاستاردىڭ شيپاحانادان شىعۋ ولشەمىنە ۇيلەسكەندىكتەن، ساۋىعىپ شيپاحانادان شىقتى، اۋرۋ بەلگىسى جوق 12 جۇعىمدالۋشى مەديتسينالىق باقىلاۋدان بوساتىلدى. قازىرگە دەيىن دياگنوزى تۇراقتاندىرىلعان 643 ناۋقاس ساۋىعىپ شيپاحانادان شىعىپ، اۋرۋ بەلگىسى جوق 181 جۇعىمدالۋشى مەديتسينالىق باقىلاۋدان بوساتىلىپ، جالپى سانى 824 بولدى.
اۆتونوميالى رايون جاڭا تيپتى ايدارشا ۆيرۋس وكپە قابىنۋى بويىنشا مەديتسينالىق قۇتقارۋ - ەمدەۋگە بەلگىلەگەن شيپاحانانىڭ بىرلەسكەن ەمدەۋ ىستەرى ءبولىمىنىڭ مەڭگەرۋشىسى لەي ۋي بىلاي دەپ تانىستىردى: قازىرگە دەيىن وسى رەتكى ىندەتتە ەمدەلىپ ساۋىعىپ شيپاحانادان شققان دياگنوزى تۇراقتاندىرىلعان ناۋقاستار مەن مەديتسينالىق باقىلاۋدان بوساتىلعان اۋرۋ بەلگىسى جوق جۇعىمدالۋشىلاردىڭ جالپى سانى 800دەن استى، بۇدان ءبىز ىندەتتەن ساقتانۋ - تىزگىندەۋدەن قامال الۋ شايقاسىنىڭ تولىق جەڭىسىنە جەتۋ جولىندا تاعى ءبىر نىق قادام تاستادىق، الايدا ەڭ سوڭعى شەشۋشى ساتكە تاياعان سايىن، ەڭ ماشاقاتتى بولا تۇسەدى، ءبىز ات ءۇستى قاراماي، عىلمي قۇتقارۋ - ەمدەۋ سىندى ارقاۋدى ۇزدىكسىز تىعىز شيراتىپ، قاتاڭ تۇردە «جاڭا تيپتى ايدارشا ۆيرۋس وكپە قابىنۋىنا دياگنوز قويۋ جانە ونى ەمدەۋ جوباسىنداعى (سىناق رەتىندە اتقارىلاتىن 8 - نۇسقاسى)» بويىنشا ىڭعايلاندىرا، ولشەمدەندىرە ەمدەپ، ءاربىر ناۋقاستى مەيىرىمدىلىكپەن قورعاپ، ولاردىڭ سەنىمدى بولىپ، ەرتەرەك ساۋىعۋىنا مۇمكىندىك جاساۋىمىز كەرەك.
