شينجياڭ گازەتىنىڭ جالپىلىق اقپارات قۇرالدارى ءتىلشىسى شيە حۇيبيان 8 - ايدىڭ 23 - كۇنى ۇرىمجىدەن حابارلايدى. 8 - ايدىڭ 23 - كۇنى 2020 - جىلعى شينجياڭ عىلىم - تەحنيكا قيمىلى اپتالىعى باستالدى، ىندەتتەن ساقتانۋ - تىزگىندەۋ قىزمەتىنىڭ تالابىمەن ۇشتاستىرىلعان بيىلعى عىلىم - تەحنيكا قيمىلى اپتالىعى، باستىسى، ينتەرنەت جەلىسىندە وتكىزىلىپ، عىلىم - تەحنيكا ارقىلى ىندەتپەن شايقاسۋ ونىمدىلىكتەرى، عىلىم - تەحنيكادا جاڭالىق اشۋ اكەلگەن تاماشا تۇرمىس، عىلىم - تەحنيكا ارقىلى كەدەيلىكتەن ارىلتۋدان قامال الۋعا دەم بەرۋ سياقتى 3 جاقتاعى مازمۇندار ءتۇيىندى كورسەتىلەدى.
بيىلعى عىلىم - تەحنيكا قيمىلى اپتالىعىنىڭ نەگىزگى تاقىرىبى − ”عىلىم - تەحنيكا ارقىلى ىندەتپەن شايقاسۋ، جاڭالىق اشۋ ارقىلى مەملەكەتتى قۇدىرەتتەندىرۋ“. اۆتونوميالى رايوندىق عىلىم - تەحنيكا مەڭگەرمەسىنىڭ قاتىستى جاۋاپتىسى تانىستىرىپ بىلاي دەدى: بۇكىل شينجياڭنىڭ ءارقايسى ايماق، وبلىستارى ينتەرنەت جەلىسىندەگى كورمە زالى، ينتەرنەت جەلىسىندەگى اشىق ساباق سياقتىلار ارقىلى عىلىم - تەحنيكانىڭ رايونىمىزداعى ءار ۇلت بۇقاراسىنا اكەلگەن تابىس سەزىمى مەن باقىت سەزىمىن جان - جاقتان، ءار قىرىنان كورسەتەدى. سانجى حۇيزۋ اۆتونوميالى وبلىسى ينتەرنەت جەلىسىندەگى كورمە زالى، ينتەرنەت جەلىسىندە ءتۇسىندىرۋ سياقتى تاسىلدەر ارقىلى عىلىم جالپىلاستىرۋ ساباقحاناسى، عىلىم جالپىلاستىرۋ تاجىريبەسى، ىندەتتەن ساقتانۋ - تىزگىندەۋ عىلمي بىلىمدەرىن جالپىلاستىرۋ تاڭدامالىلارى، سانجى وبلىسىنىڭ عىلىم - تەحنيكا جوسپارى نىساندارىن اتقارۋ اياق الىسى جاعدايى جانە مەملەكەتتىڭ عىلىم - تەحنيكادا جاڭالىق اشۋدى ىلگەرىلەتۋگە قاتىستى ساياساتتارىن ۇگىتتەۋ سياقتى 5 ۇلكەن نەگىزگى تاقىرىپتىق قيمىلداردى ورتاعا قويدى؛ قارامايلى قالاسى ”قارامايلى عىلىم - تەحنيكادا جاڭالىق اشۋعا قىزمەت وتەۋ تۇعىرى“، ”قارامايلى عىلىم - تەحنيكاسى“ ۋيچات الەۋمەتتىك تۇعىرى سياقتى ينتەرنەت جەلىسىندەگى ارنالاردى تايانىش ەتىپ، ىندەتتەن ساقتانۋ عىلمي بىلىمدەرى ۇگىتىن ورىستەتىپ، عىلىم - تەحنيكادا جاڭالىق اشۋ جەتىستىكتەرىن كورسەتەدى؛ قىزىلسۋ قىرعىز اۆتونوميالى وبلىسى سايت، ۋيچات الەۋمەتتىك تۇعىرى، ينتەرنەتتەگى تىكە تاراتۋ تۇعىرلارى، بەينە ەكران ءماجىلىس تۇعىرى سياقتىلاردان پايدالانىپ، ۇگىت قىزمەتىن الەۋمەتتىك اۋماقتارعا (قىستاق) كەڭەيتىپ، عىلىم - تەحنيكا ۇگىتىنىڭ ”ەڭ سوڭعى ءبىر كيلومەترىن“ ۇلاستىرادى.
2020 - جىل − بۇكىل مەملەكەتتىك عىلىم - تەحنيكا قيمىلى اپتالىعى وتكىزىلگەندىگىنىڭ 20 جىلدىعى، رايونىمىز 2001 - جىلدان بەرى ۇدايى 19 كەزەك وتكىزىپ، عىلىم - تەحنيكا قيمىلى اپتالىعىن الەۋمەتتىڭ قاتىناسۋ مولشەرى ەڭ جوعارى، قامتۋ اۋماعى ەڭ كەڭ، قوعامدىق ىقپالى ەڭ زور عىلىم جالپىلاستىرۋ ماركا قيمىلى ەتىپ دامىتتى.
