تيانشان تورى حابارى. (ٴتىلشى جاۋ مەي حابارلايدى) ٴسىز ٴشول دالادا قىلىپ ەتەر قىلتاناق تا شىقپايدى دەپ ويلايسىزبا؟ شينجياڭنىڭ كەڭ كوسىلگەن ٴشول جازيرا رايونىنان دا قايىسپاس قايسار ومىرشەڭدىك پەن اسەم گۇلدەردى كورۋگە بولادى. 8 - ايدىڭ 23 - كۇنى، اۆتونوميالى رايوننىڭ ”عىلىم - تەحنيكا قيمىلى اپتالىعى“ رەسمي باستالدى، جۇڭگو عىلىم اكادەمياسى شينجياڭ ەكولوگيا جانە جاعراپيا زەرتتەۋ ورنى شينجياڭ وسىمدىك عىلمي قوعامىمەن، شينجياڭ عىلىم ـ تەحنيكا سارايىمەن بىرلەسىپ، ٴۇنحات الەۋمەتتىك نومىرىنە قىرۋار سۋرەتتەر شىعارۋمەن باسقالارعا ٴشول دالا وسىمدىكتەرىنىڭ وزگەشە كوركەمدىگىن كورسەتتى.
”عىلىم - تەحنيكا قيمىلى اپتالىعى“ كەزىندە، سانجى حۇيزۋ اۆتونوميالى وبلىسى ينتەرنەت جەلىسىندەگى كورمە زالى، ينتەرنەت جەلىسىندە ٴتۇسىندىرۋ سياقتى تاسىلدەر ارقىلى عىلىم جالپىلاستىرۋ ساباقحاناسى، عىلىم جالپىلاستىرۋ تاجىريبەسى، ىندەتتەن ساقتانۋ - تىزگىندەۋ عىلمي بىلىمدەرىن جالپىلاستىرۋ تاڭدامالىلارى، سانجى وبلىسىنىڭ عىلىم - تەحنيكا جوسپارى نىساندارىن اتقارۋ اياق الىسى جاعدايى جانە مەملەكەتتىڭ عىلىم - تەحنيكادا جاڭالىق اشۋدى ىلگەرىلەتۋگە قاتىستى ساياساتتارىن ۇگىتتەۋ سياقتى 5 ۇلكەن نەگىزگى تاقىرىپتىق قيمىلداردى ورتاعا قويدى؛ قارامايلى قالاسى ”قارامايلى عىلىم - تەحنيكادا جاڭالىق اشۋعا قىزمەت وتەۋ تۇعىرى“، ”قارامايلى عىلىم - تەحنيكاسى“ ۋيشين الەۋمەتتىك ٴنومىرى سياقتى ينتەرنەت جەلىسىندەگى ارنالارعا سۇيەنىپ، ىندەتتەن ساقتانۋ عىلمي بىلىمدەرى ۇگىتىن ورىستەتىپ، عىلىم - تەحنيكادا جاڭالىق اشۋ جەتىستىكتەرىن كورسەتەدى؛ قىزىلسۋ قىرعىز اۆتونوميالى وبلىسى تور، ۋيشين الەۋمەتتىك ٴنومىرى، ينتەرنەتتەگى تىكە تاراتۋ تۇعىرلارى، بەينە ەكران ٴماجىلىس تۇعىرى سياقتىلاردان پايدالانىپ، ۇگىت قىزمەتىن الەۋمەتتىك اۋماقتارعا (قىستاق) كەڭەيتىپ، عىلىم - تەحنيكا ۇگىتىنىڭ ”ەڭ سوڭعى ءبىر كيلومەترىن“ ۇلاستىرادى.
2020 - جىل − بۇكىل مەملەكەتتىك عىلىم - تەحنيكا قيمىلى اپتالىعى وتكىزىلگەندىگىنىڭ 20 جىلدىعى، شينجياڭ 2001 - جىلدان بەرى ۇدايى 19 كەزەك ٴساتتى وتكىزدى. عىلىم - تەحنيكا قيمىلى اپتالىعى الەۋمەتتىڭ قاتىناسۋ مولشەرى ەڭ جوعارى، قامتۋ اۋماعى ەڭ كەڭ، قوعامدىق ىقپالى ەڭ زور عىلىم جالپىلاستىرۋ ماركا قيمىلى بولىپ دامىدى. (سۋرەتتى شينجياڭ ەكولوگيا جانە جاعراپيا زەرتتەۋ ورنى ازىرلەگەن)
