شينجياڭ گازەتىنىڭ جالپىلىق اقپارات قۇرالدارى ءتىلشىسى يۋان لەي 8 - ايدىڭ 24 - كۇنى ۇرىمجىدەن حابارلايدى. ىندەت تۋىلعاننان بەرى، بۇقارانىڭ كيەر كيىم، ىشەر اس، تۇرارجاي، ءجۇرىس - تۇرىس، ناۋقاس كورسەتۋ، ەمدەلۋ، شينجياڭنان شىعىپ وقۋدى قالپىنا كەلتىرۋ، ونىمدەر ساتىلماي قالۋ سياقتى حالىق تۇرمىسىنا قاتىستى كوپتەگەن ماسەلەلەردى شەشۋگە تۋرا كەلدى. قوعام ءجىتى قاداعالاپ وتىرعان ماسەلەلەرگە دەر كەزىندە جاۋاپ قاتىپ، ءار ۇلت بۇقاراسىنىڭ كوڭىل ءبولىپ، نازار اۋدارىپ وتىرعان قولامتالى، قيىن ماسەلەلەردىڭ دەر كەزىندە شەشىم تابۋىنا شىنايى كەپىلدىك ەتۋ ءۇشىن، اۆتونوميالى رايون حالىققا قولايلى قىزمەت وتەۋ تىكە لەنياسىن ىركىلىسسىزدەندىرىپ، تەلەفوندا حالىق رايىن تىڭداپ، قىزمەت وتەۋ بارىسىندا حالىقتىڭ مۇقتاجىن شەشتى.
اۆتونوميالى رايون اۆتونوميالى رايون، ايماق، اۋدان ءۇش دارەجەلى حالىققا قىزمەت وتەۋ تىكە لەنياسى، 12320 دەنساۋلىق ساقتاۋ تىكە لەنياسى، ارىز - شاعىم تىكە لەنياسى، قالا باستىعى تىكە لەنياسى، ينتەرنەتتە شاعىم ايتۋ تۇعىرى سياقتىلاردى ىركىلىسسىزدەندىرىپ، جالپى تىكە لەنيا تەلەفونىنان 3622ىن ورنالاستىرىپ، ارناۋلى قىزمەتكەرلەردى سەپتەپ بۇقارادان كەلگەن تەلەفوندى قابىلدادى. حالىق تۇرمىسى سالاسىنداعى ءار كاسىپتىڭ نەگىزگى باسقارۋ تاراۋلارىنىڭ تەلەفونىن دەر كەزىندە اشىق جاريالاپ، بۇقارانىڭ تەلەفون بەرىپ كەڭەس سۇراۋىن ىرىقتىلىقپەن قابىلدادى. ءۇرىمجى حالىقارالىق اۋەجايى 96556 ارنايى جەلى تەلەفونىن ىركىلىسسىزدەندىرىپ، 8 گرۋپپا جەلى اشىپ، 24 ورىندى تىڭنان قوسىپ، اۋەجايدان كىرىپ - شىعاتىن ساياحاتشىلاردىڭ كەڭەس سۇراۋ قاجەتىن قاناعاتتاندىردى.
”بۇقارا كوڭىل بولگەن، نازار اۋدارعان ماسەلەلەر، نەگىزىنەن، ساياساتتىق كەڭەس سۇراۋ، مەديتسينالىق قۇتقارۋ - ەمدەۋ، ءجۇرىس - تۇرىس، شاعىم ايتۋ سياقتى بىرنەشە جاققا شوعىرلاندى، وسىعان مەڭزەس، اۆتونوميالى رايون ’جيناۋ − تۇجىرىمداۋ − شەشۋ − اڭىس ەتۋ − باعالاۋ‘ سىندى جابىق اينالىمدى ءبىر جاقتى ەتۋ مەحانيزمىن قالىپتاستىرىپ، بۇقارا كوڭىل ءبولىپ، نازار اۋدارىپ وتىرعان قولامتالى، قيىن ماسەلەلەردىڭ دەر كەزىندە شەشىلۋىنە شىنايى كەپىلدىك ەتتى“، - دەدى اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى قولباسشىلىق شتابى جالپىلىق سايكەستىرۋ گرۋپپاسىنىڭ باستىعى شۇي لۇڭجاڭ.
7 - ايدىڭ 16 - كۇنىنەن بەرى، اۆتونوميالى رايوننىڭ ءارقايسى حالىققا قولايلى قىزمەت وتەۋ تىكە لەنياسى بۇقارادان جالپى 102 مىڭ رەت تەلەفون قابىلدادى، ناقتى قيىنشىلىققا ساياتىن تالاپ 774 بولىپ، ءبىتىرىلۋ سالىستىرماسى ％100كە جەتتى؛ ايماقتاردىڭ (وبلىس، قالا) حالىققا قولايلى قىزمەت وتەۋ تىكە لەنياسى بۇقارادان جالپى ءبىر ميلليون 250 مىڭ رەت تەلەفون قابىلدادى، ناقتى قيىنشىلىققا ساياتىن تالاپ ءبىر ميلليون 233 مىڭ بولىپ، ءبىتىرىلۋ سالىستىرماسى ％98.65كە جەتتى.
شۇي لۇڭجاڭ بىلاي دەپ تانىستىردى: الداعى جەردە اۆتونوميالى رايون حالىققا قولايلى قىزمەت وتەۋ تىكە لەنياسىنا قاتىستى قىزمەت وتەۋدى ۇزدىكسىز جاقسارتادى، ءبىرىنشى، قابىلداۋ، تىڭداۋ، جاۋاپ قايتارۋ، بىتىرۋگە تاپسىرۋ، انىقتاۋ، شەشۋ، اڭىس قايتارۋ، قايتالاي احۋال ۇعىسۋ، حابارلاندىرۋ، باقىلاۋ - تەكسەرۋ مەحانيزمىن كەمەلدەندىرىپ، قىزمەت ءتارتىبىن ارناعا ءتۇسىرىپ، قىزمەت جابىق اينالىمىن كەمەلدەندىرەدى؛ ەكىنشى، بەينەبايلانىس ارقىلى ورنالاستىرۋ تۇزىمىنە تاباندى بولىپ، حالىققا قولايلى قىزمەت وتەۋ تىكە لەنياسىندا اڭىس ەتىلگەن تيپتىك ماسەلەلەردى حابارلاندىرىپ، بىرەۋى ارقىلى وزگەسىن تۇسپالداپ، ”كەسىگى كىشكەنە“ ”ونىمدىلىگى زور“ ۇلگىلىك رولىن ساۋلەلەندىرەدى؛ ءۇشىنشى، بۇقارانىڭ اڭىسى كۇشتى كورنەكتى ماسەلەلەرگە مەڭزەس، ءۇرتىس ىزىنە ءتۇسىپ سۇراستىرىپ، باقىلاۋ - تەكسەرۋدى، بىتىرۋگە قۋزاۋدى كۇشەيتىپ، ءاربىرىن تياناقتاندىرۋدى، بارلىق ىسكە جاۋاپ قايتارۋدى ورىندايدى؛ ءتورتىنشى، قاراستى ءوڭىر جاۋاپكەرشىلىگى مەن كاسىپتىك تاراۋلاردىڭ باقىلاۋ - باسقارۋ جاۋاپكەرشىلىگىن قاتاڭ تياناقتاندىرىپ، بۇقارانىڭ تالاپ - ۇسىنىسىنان پارىقتى قاراستىرىپ، ولقىلىقتاردى تولىقتاپ، ءالسىز تۇستاردى كۇشەيتىپ، ءتۇرلى قىزمەت وتەۋ شاراسىن كەمەلدەندىرەدى؛ بەسىنشى، ءىشىنارا ايماقتاردىڭ (وبلىس، قالا) تىكە لەنيا تەلەفونىنا تەلەفون شالۋدىڭ قيىن بولۋ ماسەلەسىنە مەڭزەس، قىزمەت وتەۋ تىكە لەنياسىن، اسىرەسە، ەمدەۋ، وقۋعا ءتۇسۋ سياقتى ارناۋلى قىزمەت وتەۋدى لايىقتى ارتتىرىپ ءارى دەر كەزىندە قوعامعا اشىق جاريالاپ، بۇقارانىڭ ۇيلەسىمدى تىلەك - تالاپتارىن، ءسوزسىز، شەشۋگە شىنايى كەپىلدىك ەتەدى.
