تيانشان تورى   ›   جاڭالىقتار   ›   شينجياڭعا باعىتتامالى كومەكتەسۋ

ونسۋدىڭ مىڭ توننا الماسى جينحۋاعا جونەلتىلدى

     8 - ايدىڭ 19 - كۇنى تولتىرا الما تيەلگەن جۇك اۆتوموبيلى ونسۋ اۋدانى كوكيار قالاشىعى كوكيار قىستاعىنان اتتاندى. سۋرەتتى جاڭ جۇنسىن تۇسىرگەن

  شينجياڭ گازەتىنىڭ جالپىلىق اقپارات قۇرالدارى ءتىلشىسى ۋاڭ شينحۇڭ 8 - ايدىڭ 25 - كۇنى ونسۋدان حابارلايدى. 8 - ايدىڭ 19 - كۇنى گالا الماسى مەن جينحۋا، ونسۋ ەكى جەردەگى حالىقتىڭ سۇيىسپەنشىلىگىن تولتىرا تيەگەن ۇلكەن جۇك اۆتوموبيلدەرى ىركەس - تىركەس ونسۋ اۋدانى كوكيار قالاشىعىنان جولعا شىقتى.

  ”بۇل 100 توننا گالا الماسى ونسۋ اۋدانىنىڭ بيىل جىجياڭنىڭ جينحۋا قالاسىنا جونەلتكەن تۇڭعىش توپتاعى الماسى، سونداي - اق ءبىزدىڭ كومەك قابىلداعان جەردىڭ اۋىل شارۋاشىلىق ونىمدەرىنىڭ ساتىلۋى قيىن بولۋ ماسەلەسىن شەشۋگە كومەكتەسۋ ءۇشىن قول قويىسقان 1000 توننا گالا الماسىن ساتىپ الۋ توقتامىمىزدىڭ ءبىر بولىگى. كەيىن تاعى ءتىپتى كوپ گالا الماسىن ونسۋدان توپقا ءبولىپ جينحۋاعا جونەلتەمىز“، - دەدى ”شينجياڭنىڭ جەمىس - جيدەكتەرىن شىعىسقا جەتكىزۋ“ جانە مىڭ توننا المانى تۇڭعىش توپتا جونەلتۋ سالتىنا قاتىناسىپ شىققان جينحۋا قالاسى شينجياڭعا كومەكتەسۋ قولباسشىلىق شتابىنىڭ ورىنباسار قولباسشىسى تاۋ گوجيان.

  ۇعىسۋىمىزشا، ونسۋ اۋدانىنىڭ وزگەشە جاعراپيالىق ورتاسى، كۇن نۇرىنىڭ ءتۇسۋ شارت - جاعدايى سەبەبىنەن، ونىڭ ۇستىنە قار - مۇز سۋىمەن سۋارىلىپ، قۇم توپىراقتا وسىرىلەتىندىكتەن، تۇسكەن المالاردىڭ سىرتى جىلتىر، مايدا، ءوڭى جالتىراعان، قابىعى جۇقا، ەتى ۇگىلگىش، ايرىقشا ءدامدى بولادى ەكەن.

  جينحۋا قالاسىنىڭ شينجياڭعا كومەكتەسۋ قولباسشىلىق شتابى نىسان كاسىبى گرۋپپاسىنىڭ باستىعى ۋاڭ گوجۇن بىلاي دەپ تانىستىردى: قولباسشىلىق شتابى جينحۋا قالاسىنىڭ قامداۋ - ساۋدا كووپەراتيۆى، فۋتايلۇڭ ەرەن بازارى، جىجۇڭ جەلىسى سياقتى كوپتەگەن ساتۋشى كاسىپورىندارمەن جانە يۇنجي، پيندودو سياقتى ينتەرنەتتە ساتۋ تۇعىرلارىمەن بەلسەنە بايلانىس جاساپ، ينتەرنەت جەلىسىندە جانە جەلىدەن تىس ساتۋدى جەبەۋ قيمىلدارىن ورىستەتىپ، گالا الماسىنان جيىنى 1000 توننا ساتىپ الۋ توقتامىنا قول قويدى. بۇل جينحۋا قالاسى تۇرعىندارىنىڭ ساپالى جەمىس جەۋىنە مۇمكىندىك جاساپ قانا قويماي، ونسۋ اۋىل شارۋاشىلىق ونىمدەرىنىڭ ساتىلۋى قيىن بولۋ ماسەلەسىن دە شەشتى. قازىر جينحۋا سياقتى جەرلەردە 80 نەشە زات ساتۋ دۇكەنى اشىلىپ، ءار جىلى كومەك قابىلدايتىن جەردىڭ 20 مىڭ توننادان استام اۋىل شارۋاشىلىق ونىمدەرىن ساتۋعا كومەكتەسەدى.

  اقسۋ قالاسى بىنلاي ميانمۋ جەمىس شارۋاشىلىعى شارۋالار كاسىپتىك سەلبەستىك كووپەراتيۆىنىڭ جاۋاپتىسى سۇن بەيجيڭ بىلاي دەدى: ”كووپەراتيۆتە قازىر 30 نەشە مۇشە بار، جارتىسىنا جۋىعى كەدەي وتباسى. بۇگىنگى ’شينجياڭنىڭ جەمىس - جيدەگىن شىعىسعا جەتكىزۋ‘ قيمىلى الما سياقتى اۋىل شارۋاشىلىق ونىمدەرىنىڭ ساتىلۋ ارناسىن اشۋعا زور كومەگىن تيگىزىپ، كەدەي وتباسىلارىنىڭ كىرىسىن ارتتىرۋعا شىنايى كەپىلدىك ەتتى“.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.