باستان - اياق ساق بولىپ، كۇش ۇستىنە كۇش قوسىپ، ىندەتتەن ساقتانۋ - تىزگىندەۋدەن قامال الۋ شايقاسىنىڭ جالپى بەتتىك جەڭىسىنە باتىل قول جەتكىزەيىك
شينجياڭ گازەتىنىڭ جالپىلىق اقپارات قۇرالدارى ءتىلشىسى جاۋ جىيۇن 8 - ايدىڭ 25 - كۇنى ۇرىمجىدەن حابارلايدى. 8 - ايدىڭ 16 - كۇنىنەن 25 - كۇنىنە دەيىن اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى قولباسشىلىق شتابىنىڭ باستىعى لي پىڭشين ءۇرىمجى قالاسىندا الەۋمەتتىك اۋماقتاردىڭ ىندەتتەن ساقتانۋ - تىزگىندەۋ قىزمەتىنە تەكسەرۋ - زەرتتەۋ جۇرگىزىپ، نەگىزگى ساتىنىڭ ءبىرىنشى شەبىندەگى كادرلاردان حال سۇرادى. ول بىلاي دەپ باسا دارىپتەدى: ماسەلەنى باعدار ەتۋدەن جازباي، باستان - اياق ساق بولىپ، كۇش ۇستىنە كۇش قوسىپ، ماڭىزدى ءتۇيىندى يگەرىپ، ولقىلىقتاردى تولىقتاپ، ءالسىز بۋىنداردى كۇشەيتىپ، وڭاي - وسپاق قولعا كەلمەگەن ىندەتتەن ساقتانۋ - تىزگىندەۋدىڭ تابىستارىن بەكەمدەپ جانە كەڭەيتىپ، ىندەتتەن ساقتانۋ - تىزگىندەۋدەن قامال الۋ شايقاسىنىڭ جالپى بەتتىك جەڭىسىنە باتىل قول جەتكىزۋ كەرەك.
لي پىڭشين ىلگەرىندى - كەيىندى ءۇرىمجى قالاسىنداعى ءبىر ءبولىم تۇرعىندار شاعىن اۋماعىنا، جەكەلەر ءوزى سالعان ۇيلەر شاعىن اۋماعىنا كەلىپ، الەۋمەتتىك اۋماقتاردىڭ ساقتانۋ - تىزگىندەۋ، قورشاعان ورتانى زارارسىزداندىرۋ، ىندەتسىز شاعىن اۋماق قۇرۋ، بۇقارانى باسقارۋ، قىزمەت وتەۋ سياقتى قىزمەتتەردى ۇعىستى، ءبىرىنشى شەپتەن تاپجىلماعان نەگىزگى ساتىداعى كادرلارعا، الەۋمەتتىك اۋماقتارداعى قىزمەتكەرلەرگە العىس ايتتى جانە ولاردان حال سۇرادى. ول بىلاي دەدى: الەۋمەتتىك اۋماق ساقتانۋ - تىزگىندەۋدىڭ ەڭ الدىڭعى شەبى رەتىندە، مىندەتى ەرەكشە اۋىر بولىپ وتىر، كوپشىلىك اتويلاپ الدا ءجۇرىپ، توقتاۋسىز شايقاس جۇرگىزىپ، ماشاقاتتى قۇلشىنىس جاساپ، ىندەتتى ءونىمدى تىزگىندەۋگە بەلسەندى ۇلەس قوستى. ءار دارەجەلى پارتكومداردىڭ ءبىرىنشى شەپتەگى قىزمەتكەرلەرگە كوڭىل ءبولۋ، ولاردى ايالاۋ تەبىنىن شىنايى ارتتىرىپ، ءىس جۇزىندىك قيىنشىلىقتارىن شەشىپ، پسيحيكالىق جاقتان جەتەكشىلىك ەتۋدى كۇشەيتىپ، جاۋاپكەرشىلىك ارقالاپ، ىسكەرلىك كورسەتۋگە شابىتتاندىرىپ، قالىڭ كادرلاردىڭ ىندەتتەن ساقتانۋ - تىزگىندەۋ قىزمەتىنە الاڭسىز كىرىسۋىنە جاعداي جاساۋىن ءۇمىت ەتەمىن.
لي پىڭشين مىنالاردى اتاپ كورسەتتى: كەزەكتە ىندەت جاعدايى ءالى قاتاڭ دا كۇردەلى، ”ءتورت جاقتىڭ جاۋاپكەرشىلىگىن“ اناعۇرلىم كۇشەيتىپ، باستان - اياق ساق بولىپ، ءتۇيىندى شاعىن اۋماقتاردى، شوعىرلى مەديتسينالىق باقىلاۋ تۇيىندەرىن جانە قوعامدىق باسقارۋ، قىزمەت وتەۋدى تيتتەي دە بوساڭسىماستان ويداعىداي يگەرىپ، ءتۇرلى ساقتانۋ - تىزگىندەۋ شارالارىن قاز - قالپىندا ناقتى، ەگجەي - تەگجەيلى تياناقتاندىرۋ كەرەك. الەۋمەتتىك اۋماقتاردىڭ ساقتانۋ - تىزگىندەۋ نەگىزىن بەكەمدەپ، بۇقارالىق قىزمەتتى ىشكەرىلەي، تىڭعىلىقتى، ويداعىداي ىستەپ، ىندەتتەن ساقتانۋ بىلىمدەرىن ۇگىتتەۋدى كۇشەيتىپ، ىندەتتەن ساقتانۋ ساياساتتىق شارالارىن انىق ءتۇسىندىرىپ، قىزمەت وتەۋدى، قامتاماسىزداندىرۋدى مۇقيات، ويداعىداي ىستەپ، كوڭىل كۇي جاقتان سابىرلىلىقپەن جەتەكشىلىك ەتىپ، بۇقارانىڭ ءتۇسىنۋى مەن قولداپ - قۋاتتاۋىن ەڭ جوعارى دارەجەدە قولعا كەلتىرىپ، يگى ىستەردى ويداعىداي ىستەۋ، ناقتى ىستەردى ناقتىلاندىرا ىستەۋ كەرەك. عىلمي ساقتانۋ - تىزگىندەۋ، دالمە - ءدال ساقتانۋ - تىزگىندەۋ تالابى بويىنشا بەلسەندى، بايىپتى، يكەمدى، ءتارتىپتى تۇردە ساقتانۋ - تىزگىندەۋ ساياساتىن رەتتەۋگە بولاتىن ىندەتسىز شاعىن اۋماق كولەمىن بىرتىندەپ كەڭەيتىپ، ءوندىرىس، تۇرمىس ءتارتىبىن بىرتىندەپ قالپىنا كەلتىرۋگە نەگىز قالاۋ كەرەك.
لي پىڭشين بىلاي دەپ باسا دارىپتەدى: رايوندىق (اۋداندىق) پارتكومنىڭ ءبىرىنشى شەپ قولباسشىلىق شتابى مەن رايوندىق (اۋداندىق) پارتكوم شۋجيىنىڭ ءبىرىنشى شەپتەگى باس قولباسشىلىق رولىن ساۋلەلەندىرىپ، الدا ءجۇرىپ قولباسشىلىق ەتۋ، نەگىزگى ساتىعا ىشكەرىلەي كىرۋ، ماسەلەنى بايقاۋعا، ماسەلەنى زەرتتەۋگە، ماسەلەنى شەشۋگە شەبەر بولۋ، ىندەتتەن ساقتانۋدا ساياساتتىق باۋلۋدى كۇشەيتىپ، قىزمەتكە جەتەكشىلىك ەتۋدى كۇشەيتىپ، نەگىزگى ساتىداعى ءاربىر كادردى تۇگەلدەي ساياساتقا جۇيرىك ادامعا اينالدىرىپ، ءاربىر ىندەتتەن ساقتانۋ - تىزگىندەۋ شاراسىن تۇگەلدەي عىلمي، جۇيەلى تياناقتاندىرىپ، اتقارىپ، ىندەتتەن ساقتانۋ - تىزگىندەۋدەن قامال الۋ شايقاسىنىڭ ەڭ سوڭعى جەڭىسىن ەرتەرەك قولعا كەلتىرۋ كەرەك.
اۆتونوميالى رايون باسشىلارىنان شۇي حايرۇڭ، تيان ۋىن، ۋان حايچۋان جەكە - جەكە تەكسەرۋ - زەرتتەۋگە قاتىناستى.
