شينحۋا اگەنتتىگىنىڭ 8 - ايدىڭ 25 - كۇنى بەيجيڭنەن بەرگەن حابارى. تاياۋدا جۇڭگو كوممۋنيستىك پارتياسى ورتالىق كوميتەت كەڭسەسى، مەملەكەتتىك كەڭەس كەڭسەسى «قوعامدىق قۇتقارۋ - كومەكتەسۋ ءتۇزىمىن رەفورمالاۋ، كەمەلدەندىرۋ جونىندەگى پىكىردى» باسىپ تاراتتى ءارى حابارلاندىرۋ شىعارىپ، جەر - جەردىڭ، تاراۋلاردىڭ ءىس جۇزىندىككە بىرلەستىرىپ، مۇقيات دايەكتىلەندىرۋىن، تياناقتاندىرۋىن تالاپ ەتتى.
«پىكىردە» مىنالار اتاپ كورسەتىلدى: قوعامدىق قۇتقارۋ - كومەكتەسۋ قيىنشىلىعى بار بۇقارانىڭ نەگىزگى تۇرمىسىنا جانە كيەر كيىم، ىشەر اسىنا سايادى، ول نەگىزگى حالىق تۇرمىسىن قامتاماسىز ەتەتىن، قوعامدىق ادىلدىكتى جەبەيتىن، قوعام ورنىقتىلىعىن قورعايتىن تومەنگى شەكتەن تۇسىرمەۋ سيپاتتى، نەگىزدىك سيپاتتى تۇزىمدىك ورنالاستىرۋ، سونداي - اق پارتيامىزدىڭ بۇكىل ىنتا - پەيىلىمەن حالىق ءۇشىن قىزمەت ىستەۋ ءتۇبىرلى باس ماقساتىنىڭ شوعىرلى بەينەسى. حالىقتى وزەك ەتكەن دامۋ يدەياسىنا تاباندى بولىپ، نەگىزگە كەپىلدىك ەتۋ، تومەنگى شەكتەن تۇسىرمەۋ، شۇعىل، قيىن جاعدايلاردان قۇتقارۋ، باياندى بولۋ سىندى جالپى تۇلعالىق وي جەلىسىنە ساي، قۇتقارۋ - كومەكتەسۋ بايلىعىن ءبىر تۇتاس جوسپارلاۋدى، تومەنگى شەكتەن تۇسىرمەۋ قۋاتىن ارتتىرۋدى، قىزمەت وتەۋ قابىلەتىن جوعارىلاتۋدى ءتۇيىن ەتىپ، زاڭ ەرەجەلەردى، تۇزىمدەردى كەمەلدەندىرىپ، ءتۇزىلىس مەحانيزمدى اقاۋسىزداندىرىپ، ساياساتتىڭ تياناقتانۋىن كۇشەيتىپ، قيىنشىلىعى بار بۇقارانىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز ارتتىرۋ كەرەك.
جالپى تۇلعالىق نىسانا − شامامەن 2 جىل ۋاقىتتا ساتىعا، تۇرگە ايىرۋ، قالا مەن اۋىلدى ءبىر تۇتاس جوسپارلاۋ سىندى جۇڭگوشا قوعامدىق قۇتقارۋ - كومەكتەسۋ جۇيەسىن اقاۋسىزداندىرىپ، ءتۇزىمدى اناعۇرلىم كەمەلدەندىرۋ، اناعۇرلىم تۇراقتاندىرۋ نەگىزىندە كورنەكتى ونىمدىلىككە قول جەتكىزۋ. قوعامدىق قۇتقارۋ - كومەكتەسۋ زاڭ - ءتۇزىمىن اقاۋسىزداندىرىپ، كەمەلدەندىرىپ، ءتۇزىلىس مەحانيزمىن جوعارى ءونىمدى، ىركىلىسسىز ەتىپ، قىزمەت وتەۋدى، باسقارۋدى حالىققا قولايلى، ءتيىمدى ەتىپ، تومەنگى شەكتەن تۇسىرمەي قامتاماسىز ەتۋ يقۋاتىن ءونىمدى ساۋلەلەندىرىپ، قالا، اۋىلداعى قيىنشىلىعى بار بۇقاراعا دەر كەزىندە قۇتقارۋ - كومەكتەسۋ. 2035 - جىلعا جەتكەندە قوعامدىق قۇتقارۋ - كومەكتەسۋ ىستەرىنىڭ جوعارى ساپالى دامۋىن ىسكە اسىرىپ، رەفورما - دامۋ جەتىستىكتەرىنىڭ قيىنشىلىعى بار بۇقارانى ءتىپتى كوپ، ءتىپتى ءادىل يگىلىككە كەنەلدىرۋىنە مۇمكىندىك جاساپ، حالىق تۇرمىسىن تومەنگى شەكتەن تۇسىرمەي قامتاماسىز ەتۋ حاۋىپسىزدىك تورىن بەرىك، مىقتى توقىپ، سوتسياليستىك وسىزامانداندىرۋدى نەگىزىنەن ىسكە اسىرۋ ۇلى نىساناسىنا جالپى تۇلعالىق جاقتان ۇيلەسۋ.
«پىكىر» ساتىعا، تۇرگە بولىنگەن قوعامدىق قۇتقارۋ - كومەكتەسۋ جۇيەسىن ورناتۋ، اقاۋسىزداندىرۋ، نەگىزگى تۇرمىستىق قۇتقارۋ - كومەكتەسۋدى بەكەمدەۋ، ارناۋلى قوعامدىق قۇتقارۋ - كومەكتەسۋدى اقاۋسىزداندىرۋ، شۇعىل، قيىن جاعدايداعى قوعامدىق قۇتقارۋ - كومەكتەسۋدى كەمەلدەندىرۋ، قوعامدىق كۇشتەردىڭ ات سالىسۋىن جەبەۋ، ”تومەنگە بەرۋ، باسقارۋ، قىزمەت وتەۋ“ رەفورماسىن تەرەڭدەتۋ سياقتى جاقتاردان ناقتى تالاپتار قويدى.
