تيانشان تورىنىڭ حابارى (تىلشىلەر گو ليڭ، دوۋ شيڭجۇن، يىن تۇڭيۋان، جانات تولقىن حابارلايدى) 8-ايدىڭ 26-كۇنى ساعات 17دە، اۆتونوميالى رايوندىق ۇكىمەتتىڭ اقپارات كەڭسەسى ٴۇرىمجى قالاسىنىڭ جاڭا تيپتى ايدارشا ۆيرۋس وكپە قابىنۋ ىندەتى جانە ساقتانۋ - تىزگىندەۋ قىزمەتى جونىندە 35 - رەتكى اقپار جاريالاۋ ٴماجىلىسىن وتكىزدى.
اۆتونوميالى رايوننىڭ ىندەتتەن ساقتانۋ - تىزگىندەۋ قىزمەتى قولباسشىلىق شتابىنىڭ ساياساتتاردى تياناقتاندىرۋ ارناۋلى گرۋپپاسىنىڭ جاۋاپتىسى جاڭ رۇڭ بىلاي دەپ تانىستىردى: كاسىپورىندار مەن جەكە ساۋدا-ونەركاسىپشىلەردىڭ جۇمىستى، ءوندىرىستى قالپىنا كەلتىرىپ، ورنىقتى دامۋىنا كومەكتەسۋ ءۇشىن،ورتا،شاعىن ، ۇساق كاسىپورىندار مەن جەكە ساۋدا-ونەركاسىپشىلەردىڭ ءۇي ماي اقىسىن ازايتۋ، كەشىرىم ەتۋ ساياساتى اتقارىلادى: ”مەملەكەت مەنشىگىندەگى مال - مۇلىك ساۋدا ۇيلەرىن مايعا الىپ وتىرعان ورتا ، شاعىن ، ۇساق كاسىپورىندار مەن جەكە ساۋدا- ونەركاسىپشىلەرگە قاراتا، 7-ايدان باستاپ ءۇش ايلىق ماي اقىسى كەشىرىم ەتىلەدى. مەملەكەت مەنشىگىنە جاتپايتىن ۇيلەردى مايعا الىپ تيجارات ەتەتىن قىزمەت وتەۋ سيپاتىنداعى شاعىن ، ۇساق كاسىپورىندار مەن جەكە ساۋدا- ونەركاسىپشىلەر جونىنەن، مايعا بەرۋشى ادامدى ەكى جاقتىڭ تەڭ تۇرعىدا كەڭەسۋى نەگىزىندە، ءۇي ماي اقىسىن ازايتۋعا، كەشىرىم ەتۋگە نەمەسە كەشىكتىرىپ الۋعا شابىتتاندىرامىز“.
ءۇيدى مايعا بەرۋدى نەگىزگى كاسىپ ەتەتىن مەملەكەت مەنشىگىندەگى كاسىپورىندار جانە حالىق مەنشىگىندەگى كاسىپورىندارعا جەرگىلىكتى قازىنا دا ۇيلەسىمدى تولىقتاما قاراجات بەرۋ كەرەك. ”ءار دارەجەلى سالىق تاراۋلارى ىندەت مەزگىلىندە جەكە ساۋدا-ونەركاسىپشىلەردىڭ ماي اقىسىن ازايتقان، كەشىرىم ەتكەن ساۋدا عيماراتى، ساۋدا دۇكەنى، بازار، كاسىپ باقشا رايونى قاتارلى مايعا بەرۋشى جاقتىڭ 2020-جىلى 7-ايدىڭ 1-كۇنىنەن 12-ايدىڭ 31-كۇنىنە دەيىنگى مەزگىلدە ماي اقىنى ناقتى ازايتقان ، كەشىرىم ەتكەن ايى بويىنشا قورا - جاي باجىسىن ، قالا - قالاشىق جەرىن پايدالانۋ باجىسىن جالعاستى كەشىرىم ەتەدى“،-دەدى جاڭ رۇڭ.
