تيانشان تورىنىڭ حابارى (سۋرەتىن ٴتۇسىرىپ حابارىن جازعان تىلشىلەر گو ليڭ، دوۋ شيڭجۇن، يىن تۇڭيۋان، جانات تولقىن). 8 - ايدىڭ 26 - كۇنى ساعات 17دە، اۆتونوميالى رايوندىق ۇكىمەتتىڭ اقپارات كەڭسەسى ٴۇرىمجى قالاسىنىڭ جاڭا تيپتى ايدارشا ۆيرۋس وكپە قابىنۋ ىندەتى جانە ساقتانۋ - تىزگىندەۋ قىزمەتى جونىندە 35 - رەتكى اقپار جاريالاۋ ٴماجىلىسىن وتكىزدى.
اۆتونوميالى رايوننىڭ ىندەتتەن ساقتانۋ - تىزگىندەۋ قولباسشىلىق شتابى ساياساتتاردى تياناقتاندىرۋ ارناۋلى گرۋپپاسىنىڭ جاۋاپتىسى جاڭ رۇڭ بىلاي دەپ تانىستىردى: ورتا، شاعىن، ۇساق كاسىپورىنداردىڭ دامۋىن اناعۇرلىم جاقسى سۇيەمەلدەۋ ٴۇشىن، فينانس، قازىنا، قامسىزداندىرۋ جاقتارىندا مىناداي ساياساتتار جولعا قويىلدى.
ورتا، شاعىن، ۇساق كاسىپورىندار مەن جەكە ساۋدا - ونەركاسىپشىلەرگە امانات - قارىز بەرۋ ساياساتى جاعىندا:
ٴبىرىنشى، جەكە ساۋدا - ونەركاسىپشىلەرگە بەرىلەتىن شاعىن سومالى امانات - قارىز ساياساتىن تياناقتاندىردى. ىندەتتىڭ ىقپالىنا ۇشىراعان جەكە ساۋدا - ونەركاسىپشىلەردىڭ فينانس قۇرىلىمدارىنا كىرەۋسىز، كەپىلسىز، 80 مىڭ يۋاننان تومەن، 6 اي ىشىندەگى شاعىن سومالى امانات-قارىز الۋدى ءوتىنىش ەتۋىنە بولادى، قارىز اقشانىڭ ٴوسىم مولشەرى بىردەي ۋاقىتتاعى بانكە قارىز اقشانىڭ بازار باعا ءوسىم مولشەرى ( L P R ) بويىنشا اتقارىلدى، ۇكىمەت قازىنادان ءوسىمنىڭ %50 ىن كوتەردى. بۇل ساياسات 2021 – جىلى 3- ايدىڭ 31 - كۇنىنە دەيىن ۇزارتىلدى، قاتىستى قارىز اقشادا ورتا، شاعىن، ۇساق كاسىپورىندار العان قارىزىن وسىمىمەن قوسىپ قايتارۋ مەرزىمىن ۋاقىتتىق ۇزارتۋ جەڭىلدىك ساياساتىنان يگىلىكتەنۋىنە بولادى.
ەكىنشى، شاعىن، ۇساق كاسىپورىندارعا امانات - قارىز بەرۋدىڭ جالپى مولشەرىن ارتتىرۋ ساياساتىن تياناقتاندىردى. بانكە سالالارى، فينانس قۇرىلىمدارى شاعىن، ۇساق كاسىپورىنداردىڭ امانات-قارىز، العاشقى قارىز، نەگىزگى اقشاسىن قايتارماي تۇرىپ جالعاستى قارىز بەرۋ سالىستىرماسىن ارتتىرۋدى تياناقتاندىرىپ، حاۋىپ - قاتەردى مەڭگەرۋ العى شارتىندا، العاش قارىز اقشا الۋشىلاردىڭ، شاعىن، ۇساق كاسىپورىنداردىڭ جالعاستى قارىز اقشا الۋ سالىستىرماسىنىڭ بىلتىرعىدان جوعارى بولۋىنا، جاڭادان بەرىلگەن امانات - قارىز ۇلەسىنىڭ كورنەكتى جوعارىلاۋىنا كۇش سالىپ، جالپىعا ءتيىمدى شاعىن، ۇساق كاسىپورىندارعا بەرىلگەن قارىز اقشانىڭ جىلدىڭ باسىنداعى ارتۋ جىلدامدىعىنىڭ ءتۇرلى قارىز اقشالاردىڭ ورتاشا ارتۋ جىلدامدىعىنان تومەن بولماۋىنا، قارىزىنىڭ قالدىق سوماسى بارلاردىڭ جىلدىڭ باسىنداعى دەڭگەيدەن تومەن بولماۋىنا شىنايى كەپىلدىك ەتتى، مۇنىڭ ىشىندە، مەملەكەت مەنشىگىندەگى بەس ۇلكەن ساۋدا بانكەسىنىڭ جالپىعا ءتيىمدى ۇساق، شاعىن كاسىپورىندارعا بەرگەن امانات - قارىزىنىڭ ارتۋ جىلدامدىعى %40 تەن جوعارى بولدى.
ٴۇشىنشى، ورتا، شاعىن، ۇساق كاسىپورىنداردىڭ العان قارىز اقشانى وسىمىمەن قايتارۋدى ۋاقىتتىق ۇزارتۋ ساياساتىن تياناقتاندىردى. مەملەكەتتىڭ >> ورتا، شاعىن، ۇساق كاسىپورىنداردىڭ العان قارىز اقشانى وسىمىمەن قايتارۋدى ۋاقىتتىق ۇزارتۋ جونىندەگى حابارلاندىرۋدى >> ونان ارى تياناقتاندىرىپ، بانكە سالالارى، فينانس قۇرىلىمدارى شارتقا ۇيلەسەتىن، قارجى اينالىمىندا ۋاقىتتىق قيىنشىلىققا ۇشىراعان ورتا، شاعىن، ۇساق كاسىپورىنداردىڭ (جەكە ساۋدا - ونەركاسىپشىلەردى قامتيدى) العان قارىزدارىنا قاراتا، ۋاقىتىن كەشىكتىرۋ، جالعاستى قارىز بەرۋ سياقتى تاسىلدەرمەن كاسىپورىندارعا بەلگىلى شەكتى مەرزىمدە العان قارىزدى وسىمىمەن قايتارۋ ۋاقىتتىق ورنالاستىرۋىن جاسادى .
ءتورتىنشى، قارىز اقشانىڭ قايىرسىزدىق مولشەرىنە توزىمدىلىك دەڭگەيىن جوعارىلاتۋ ساياساتىن تياناقتاندىردى. ىندەتتىڭ ىقپالىنا ۇشىراپ، تابىس كوزىنەن ۋاقىتشا ايرىلعان جەكەلەرگە نەمەسە كاسىپورىندارعا فينانس قۇرىلىمدارى رەتتەلگەننەن كەيىنگى قارىز قايتارۋ ورنالاستىرۋى بويىنشا سەنىمدىلىك ەستەلىگىن جولداۋىنا بولادى، مەرزىمى ءوتىپ كەتكەن قاتىستى قارىزدار مەرزىمى ءوتىپ كەتۋ ەستەلىگىنە الىنبايدى. ىندەت كەزىندە، فينانس قۇرىلىمدارى تاراتقان جالپىعا ءتيىمدى شاعىن، ۇساق كاسىپورىندار (جەكە ساۋدا - ونەركاسىپشىلەردى قامتيدى) قارىزىنىڭ قايىرسىزدىق مولشەرى وزدەرى تاراتقان ءتۇرلى قارىز اقشالارىنىڭ قايىرسىزدىق مولشەرىنىڭ 3 پايىز ىشىندە بولسا ءارى قارىز بەرۋ كولەمى ارتسا، باقىلاۋ - باسقارۋ دارەجەسى مەن ىشكى قىزمەت ناتيجەسىن باعالاۋدى ۇيلەسىمدى بەلگىلەسە بولادى.
قامسىزداندىرۋ قىزمەت وتەۋ ساياساتتارىن كۇشەيتۋ جاعىندا:
ٴبىرىنشى، قامسىزداندىرۋ قۇرىلىمدارىن قامسىزداندىرۋ تولەمدەرىن بەرۋ جاسىل ارناسىن اشۋعا ىنتالاندىرىپ، تولەم بەرۋ ٴتارتىبىن ىقشامداپ، ىندەتتىڭ ىقپالىنان زيانعا ۇشىراپ، قامسىزداندىرۋ تولەمىن الۋعا ءوتىنىش بەرگەن جەكە ساۋدا - ونەركاسىپشىلەرگە قاراتا، تولەم بەرىلۋگە تيىستىلەرىنە مۇمكىندىكتىڭ بارىنشا تولەم بەرۋ، تەز تولەم بەرۋدى ورىندادى.
ەكىنشى، قامسىزداندىرۋعا قاتىناسقان جەكە ساۋدا - ونەركاسىپشىلەردى قامتىعان بارلىق تيجارات سيپاتىنداعى اۆتوكولىكتەردىڭ قامسىزداندىرۋ ىستەرىنە قاراتا، ىندەت كەزىندەگى قاتىناۋدان توقتاۋ نەمەسە قاتىناۋدى قالپىنا كەلتىرۋ بويىنشا قامسىزداندىرۋ شەگىن سايكەستى ۇزارتۋ ساياساتى جالعاستى اتقارىلادى.
ٴۇشىنشى، جەكە ساۋدا-ونەركاسىپشىلەردىڭ ىندەت كەزىندە قامسىزداندىرۋعا قاتىناسقاندارعا قامسىزداندىرۋ اقى مولشەرى جاعىنان جەڭىلدىك جاسالادى.
