شيپاحانادان شىققان ناۋقاستار مەن مەديتسينالىق باقىلاۋدان بوساتىلعان اۋرۋ بەلگىسى جوق جۇعىمدالۋشىلاردىڭ جالپى سانى 900دەن استى
شينجياڭ گازەتىنىڭ جالپىلىق اقپارات قۇرالدارى ءتىلشىسى چاۋ جين 8 - ايدىڭ 26 - كۇنى ۇرىمجىدەن حابارلايدى. مەملەكەتتىك كەڭەستىڭ جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ بويىنشا بىرلەسىپ ساقتانۋ، بىرلەسىپ تىزگىندەۋ مەحانيزمى ماماندار گرۋپپاسى مەن اۆتونوميالى رايونداعى مەديتسينالىق قۇتقارۋ - ەمدەۋ ماماندارىنىڭ بىرلەسىپ دياگنوز قويۋىنان، ساراپتاۋىنان كەيىن، 8 - ايدىڭ 26 - كۇنى ءۇرىمجى قالاسىندا دياگنوزى تۇراقتاندىرىلعان تاعى 17 ناۋقاس مەملەكەتتىك دەنساۋلىق ساقتاۋ، سالاماتتىق كوميتەتىنىڭ جاڭا تيپتى ايدارشا ۆيرۋس وكپە قابىنۋىنا شالدىعىپ دياگنوزى تۇراقتاندىرىلعان ناۋقاستاردىڭ شيپاحانادان شىعۋ ولشەمىنە ۇيلەسكەندىكتەن، ساۋىعىپ شيپاحانادان شىقتى، اۋرۋ بەلگىسى جوق 6 جۇعىمدالۋشى مەديتسينالىق باقىلاۋدان بوساتىلدى. قازىرگە دەيىن، دياگنوزى تۇراقتاندىرىلعان 719 ناۋقاس ساۋىعىپ شيپاحانادان شىعىپ، اۋرۋ بەلگىسى جوق 200 جۇعىمدالۋشى مەديتسينالىق باقىلاۋدان بوساتىلىپ، جالپى سانى919 بولدى.
اۆتونوميالى رايون جاڭا تيپتى ايدارشا ۆيرۋس وكپە قابىنۋى بويىنشا مەديتسينالىق قۇتقارۋ - ەمدەۋگە بەلگىلەگەن شيپاحانانىڭ بىرلەسكەن ەمدەۋ ىستەرى ءبولىمىنىڭ مەڭگەرۋشىسى لەي ۋي بىلاي دەپ تانىستىردى: قازىرگە دەيىن وسى رەتكى ىندەتتە ەمدەلىپ - ساۋىعىپ شيپاحانادان شىققان دياگنوزى تۇراقتاندىرىلعان ناۋقاستار مەن مەديتسينالىق باقىلاۋدان بوساتىلعان اۋرۋ بەلگىسى جوق جۇعىمدالۋشىلاردىڭ جالپى سانى 900دەن استى، ەمدەۋ - كۇتىمدەۋ قىزمەتكەرلەرىنىڭ كۇندى تۇنگە جالعاپ، ەرلىكپەن شايقاسۋىندا ساۋىعىپ شيپاحانادان شىققان ناۋقاستار بارعان سايىن كوبەيدى، بۇل ءبىزدى ىندەتتەن ساقتانۋ - تىزگىندەۋدەن قامال الۋ شايقاسىنىڭ جالپى بەتتىك جەڭىسىنە جەتۋ ۇمىتىنە بولەپ عانا قويماي، ءالى دە شيپاحانادا جاتقان ناۋقاستاردىڭ دا سەنىمىن ەسەلەپ ارتتىردى، قازىر ولاردىڭ بارلىعى بەلسەندى كوڭىل كۇيمەن ەمدەۋگە سايكەسۋدە. الدا ءبىز ساپالى ەمدەۋ بايلىعىن اناعۇرلىم بىرىكتىرىپ، شوعىرلاندىرىپ، قاتاڭ تۇردە «جاڭا تيپتى ايدارشا ۆيرۋس وكپە قابىنۋىنا دياگنوز قويۋ جانە ونى ەمدەۋ جوباسى (سىناق رەتىندە اتقارىلاتىن 8 - نۇسقاسى)» بويىنشا ناۋقاستارعا بەلسەندى ەمدەۋ جانە ساۋىقتىرۋ جاتتىعۋىن ورىستەتىپ، ەمدەۋ تەحنيكاسى مەن مەيىرىم ارقىلى اۋرۋدىڭ بەتىن قايتارامىز.
