ناۋقاستار اۋماعىنان ناۋقاستاردىڭ جۇزىنە كۇلكى ۇيىرىلگەندىگىن بايقادىم
اۆتونوميالى رايوندىق حالىق شيپاحاناسى شۇعىل ەمدەۋ ٴبولىمىنىڭ ورىنباسار مەڭگەرۋشىسى، تەتە اعا شيپاگەر لۋ جينشۋاي
ۋاقىتى: 8-ايدىڭ 24-كۇن
ورنى: اۆتونوميالى رايون جاڭا تيپتى ايدارشا ۆيرۋس وكپە قابىنۋى بويىنشا مەديتسينالىق قۇتقارۋ - ەمدەۋگە بەلگىلەگەن شيپاحانا ICU 3-ناۋقاستار رايونى
ٴبىرىنشى شەپتە تاپجىلماي قىزمەت ىستەگەن لۋ جينشۋاي.
ICU دە قىزمەت ىستەگەنىمە 15 جىلداي بولعان مەن جونىنەن العاندا، بيىل ايرىقشا ۇمتىلماس ٴبىر جىل بولدى.
لۋ جينشۋاي تەلەفونمەن ناۋقاستار رايونىنداعى كەزەكشى قىزمەتكەرلەردەن سالماقتى ناۋقاستاردىڭ اۋرۋ جاعدايىن ۇعىستى.
جىل باسىندا شينجياڭنىڭ ٴۇشىنشى توپتاعى حۋبەيگە كومەكتەسۋ ەمدەۋ اترەتىنە قاتىناسۋعا تىزىمدەلىپ، ۋحان داشۋەسى حالىق شيپاحاناسى شىعىس شيپاحاناسىنىڭ سالماقتى ناۋقاستار رايونىندا 3-گرۋپپانىڭ باستىعى مىندەتىن وتەدىم ٴارى كەڭىردەككە تۇتىكشە سالۋ قىزمەتىنە ىرىقتى تۇردە ٴوتىنىش بەرىپ قاتىناستىم.
حۋبەيگە كومەكتەسۋ تاجىريبەم بولعاندىقتان، وسى جولى تاعى ٴوتىنىش ەتىپ، اۆتونوميالى رايون جاڭا تيپتى ايدارشا ۆيرۋس وكپە قابىنۋى بويىنشا مەديتسينالىق قۇتقارۋ - ەمدەۋگە بەلگىلەگەن شيپاحاناعا كەلىپ، بۇرىنعىداي ICU ناۋقاستار رايونىندا تۇرۋدى تاڭدادىم ٴارى شيپاحانانىڭ ناۋقاستار رايونىنىڭ ورنالاستىرىلۋىن، شيپاحانانىڭ جۇعىمدالۋدان ساقتانۋىن، ناۋقاستاردى ەمدەۋ جانە ەمدەۋ بارىسىن كەمەلدەندىرۋگە كومەكتەستىم.
لۋ جينشۋاي ناۋقاستار رايونىنداعى كەزەكشى شيپاگەرلەرمەن بىرگە ناۋقاستار بولمەسىن ارالاپ تەكسەرۋدە.
ٴبىر اپتادان كەيىن، مەنى ICU بولمەسىن قۇرۋعا ءبولدى. سول كۇنى تۇندە، ەمدەۋ گرۋپپاسىنىڭ باستىعى رەتىندە مەن مۇشەلەردى باستاپ، سالماقتى ناۋقاستاردى باقىلاۋ ناۋقاستار رايونىنا جايعاسىپ، سالماقتى ناۋقاستاردى قابىلداپ ەمدەي باستادىق.
كەيبىر ناۋقاستاردىڭ اۋرۋ جاعدايى تۇراقسىز بولعاندىقتان، مەن ولاردىڭ ٴاربىر تىرشىلىك كورسەتكىشىندەگى بولماشى وزگەرىستەردى باقىلاپ، ەمدەۋ جوباسىن دەر كەزىندە رەتتەپ وتىردىم؛ ناۋقاستاردىڭ جاعدايى تاۋىرلەنسە، ولارعا كۇلدىرگى ايتتىم، شينجياڭدىقتاردىڭ ۇناتىپ جەيتىن ٴدامدى تاعامدارىن اڭگىمەلەدىم، ناۋقاستاردىڭ جۇزىنە كۇلكى ۇيرىلگەنىن، ولاردىڭ جەڭىل ناۋقاستار بولمەسىنە اۋىسقانىن كوردىم، بۇل مەنىڭ ەڭ باقىتتى ساتتەرىم ەدى.
لۋ جينشۋاي باسقا ەمدەۋ قىزمەتكەرلەرىمەن بىرگە توپتىق سۋرەتكە تۇسۋدە.
I C U عا ءبىر كىرسەك، 10 نەشە ساعات، اۋەلى 20 ساعات ايالدايمىز، شەشكەن قورعانۋ كيىمىم تەرگە مالشىنىپ كەتەدى… ٴبىراق وكىنبەيمىن. مەنىڭ شيپاگەرلىكپەن شۇعىلدانۋ اۋەلگى ماقساتىم قازىرگە دەيىن وزگەرمەدى. 8-ايدىڭ 17-كۇنى ٴوزىمنىڭ 4 - كەزەكتى « بەتيۋنشە جاقسى شيپاگەر » سيلىعىنا يە بولعانىمدى ەستىدىم. ٴوزىم جونىنەن العاندا، بۇل توسىن قۋانىش ەدى، ويتكەنى تاعى كوپتەگەن ساپتاستارىم بار، ولار دا قىزمەتتى وتە جاقسى ىستەيدى، تەك مەن اسا تالەيلى بولدىم. مەنىڭ بەتيۋن رۋحى جونىندەگى تۇسىنىگىم - ناۋقاستارعا قالتقىسىز ەڭبەك ٴسىڭىرۋ جانە بار ىنتاسىمەن ۇلەس قوسۋ. بۇرىن ٴوزىمدى اسا قۇلشىنعانداي سەزىنەتىنمىن، ٴبىراق قازىر ىستەگەندەرىم ٴالى دە جەتكىلىكسىز ەكەنىن سەزىندىم. بۇدان بىلاي وزىمە ٴتىپتى دە قاتاڭ تالاپ قويامىن، ويتكەنى بۇل داڭق قانا ەمەس، ونان دا ماڭىزدىسى جەبەۋ بولىپ تابىلادى .
اۋدارعان: قادىر ماقان
