تيانشان تورى   ›   ۇيرەنۋ   ›   ماڭىزدى حۇجاتتار

جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس «استانا فۋنكتسيالىق وزەكتى رايونىنىڭ مەڭگەرۋ سيپاتتى ەگجەي - تەگجەيلى جوباسىن (كوشە اۋماعى دەڭگەيىندە) (2018 - جىلدان 2035 - جىلعا دەيىن)» بەكىتىپ ماقۇلدادى

  شينحۋا اگەنتتىگىنىڭ 8 - ايدىڭ 27 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس تاياۋدا «استانا فۋنكتسيالىق وزەكتى رايونىنىڭ مەڭگەرۋ سيپاتتى ەگجەي - تەگجەيلى جوباسىن (كوشە اۋماعى دەڭگەيىندە) (2018 - جىلدان 2035 - جىلعا دەيىن)» بەكىتىپ ماقۇلدادى.

  «بەكىتۋدە» مىنالار اتاپ كورسەتىلدى: وزەكتى رايون بۇكىل ەلدىڭ ساياسي ورتالىعىنىڭ، مادەنيەت ورتالىعىنىڭ جانە حالىقارالىق بارىس - كەلىس ورتالىعىنىڭ وزەكتى كوتەرىمدى رايونى، تاريح، مادەنيەت ايگىلى قالاسىن قورعاۋدىڭ ءتۇيىندى ءوڭىرى، مەملەكەت استاناسى وبرازىن ايگىلەيتىن ماڭىزدى تەرەزەلىك رايون، ”استانا“ مەن ”قالانىڭ“، قورعاۋ مەن پايدالانۋدىڭ، مولشەرىن ازايتۋ مەن ساپاسىن جوعارىلاتۋدىڭ قاتىناسىن تەرەڭ يگەرىپ، اكىمشىلىك ىستەر ورتاسى تاماشا، مادەنيەت باۋرامدىلىعى كورنەكتى، قونىستانۋ ورتاسى بىرەگەي كورىكتى رايون ەتىپ قۇرۋ كەرەك.

  «بەكىتۋدە» مىنالار تالاپ ەتىلدى: ساياسي ورتالىقتىڭ قىزمەت وتەۋ قامتاماسىزدىعىن كورنەكتىلەندىرىپ، استاناعا جاتپايتىن يقۋاتتى سەيىلتۋمەن ۇشتاستىرىپ، بەيجيڭ قالاسىنىڭ كوشىرىلگەن، بوساتىلعان، قايتارىلعان كەڭسە ۇيلەرىن قابىلداۋدى، پايدالانۋدى ويداعىداي ءبىر تۇتاس جوسپارلاپ، ورتالىقتاعى پارتيا، ۇكىمەت ورگاندارىنىڭ جۇمىس ورنالاستىرۋىن ساپالىلاندىرىپ، وزەكتى رايون يقۋاتىن قايتا ۇيىمداستىرۋدى ورنىقتى ىلگەرىلەتىپ، اناعۇرلىم زور كولەمدى كەڭىستىك ورنالاستىرۋى ارقىلى ورتالىقتىڭ اكىمشىلىك ىستەر قيمىلىنا تىرەك بولىپ، جۇڭنانحاي مەن ونىڭ توڭىرەگى، تيان - انمىن − چاڭ - ان كوشەسى سياقتى ءتۇيىندى وڭىرلەردى جالپىلىق رەتتەۋ - وڭاۋدى ويداعىداي يگەرۋ كەرەك. ”ەكى وزەك، ءبىر قالا، ءبىر اينالىمدى“ قالا كەڭىستىگى قۇرىلىمىن نىعايتىپ، تەگىس تە كەڭ، كوركەم دە رەتتى، بايىرعى مەن قازىرگى توعىسقان، ايبىندى دا ءساليقالى قالا وبرازىن سومداۋ كەرەك. استاناعا جاتپايتىن يقۋاتتى باتىل، ءتارتىپتى سەيىلتىپ، وزەكتى رايون حاۋىپسىزدىگىن قورعاۋ كەرەك.

  «بەكىتۋدە» مىنالار باسا دارىپتەلدى: جوبانىڭ قاتاڭدىعى مەن بەدەلىن باتىل قورعاۋ كەرەك، ءارقانداي تاراۋ مەن جەكەنىڭ بەتالدى وزگەرىس ەنگىزۋىنە، بەلگىلەمەگە قايشى وزگەرتۋىنە بولمايدى، جاڭادان سالىناتىن، وزگەرتىپ سالىناتىن نىسانداردى جوبا بويىنشا قاتاڭ اتقارۋ كەرەك. بەيجيڭ قالالىق پارتكوم مەن قالالىق ۇكىمەت جوبانى ويداعىداي قورعاۋدىڭ قىزمەت جاۋاپكەرشىلىگىن ارقالاپ، پرينسيپكە باتىل بويسۇنىپ، العان بەتىنەن قايتپاي، جوسپاردى سوڭىنا دەيىن جاساۋعا شىنايى كەپىلدىك ەتۋ كەرەك.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.