شينجياڭ گازەتىنىڭ جالپىلىق اقپارات قۇرالدارى تىلشىلەرى جاۋ چۇنحۋا، لي چۇنشيا
8 - ايدىڭ 25 - كۇنى ساعات 12دە، تۇستەن بۇرىنعى قىزمەت اياقتاپ، چىن لۋ اقىرى عيمارات زالى الدىنداعى ارقالىقتى ورىندىقتا وتىرىپ ءبىر ءسات دەمالۋعا مۇرسات تاپتى. ءۇرىمجى جوعارى، جاڭا تەحنيكالىق كاسىپتەردى اشۋ رايونى (جاڭا قالا رايونى) قاشقار شىعىس جولى اۋماعىن باسقارۋ كوميتەتى جيڭجياڭ جولى الەۋمەتتىك اۋماعىنداعى ەرىكتىلەردىڭ ءبىرى رەتىندە، چىن لۋ وسى قىزمەت ورنىنان 34 كۇن تاپجىلعان جوق.
ورنىعىپ وتىرماي جاتىپ، چىن لۋدىڭ تەلەفونى شىرىلداي جونەلدى. ”كەشەگى تاپسىرىستار جالعاماسىنداعى كوكونىس دورباسى شاعىن اۋماققا قاشان جەتەدى؟“، - دەپ سۇرايدى ءبىر تۇرعىن. كوكونىس دورباسىنىڭ قاشان كەلەتىن ءدال ۋاقىتىن انىقتاپ العان سوڭ، چىن لۋ دەرەۋ تۇرعىنعا جاۋاپ قايتاردى. تەلەفوندا سويلەسۋ ەستەلىگىندە تەك سول كۇنى تۇستەن بۇرىن چىن لۋدىڭ تەلەفوندى 20 نەشە رەت قولعا الىپ سويلەسكەنى كورسەتىلىپ تۇر.
2019 - جىلى قوسىننان شەگىنگەن سوڭ، اسكەري كيىمدى شەشكەنىمەن، چىن لۋدىڭ اسكەريلىك قاسيەتى تيتتەي دە وزگەرگەن ەمەس. وسى رەت ىندەت تۋىلعان سوڭ، الەۋمەتتىك اۋماققا ادام قاجەت ەكەنىن بىلگەن ول دەرەۋ بارىپ تىزىمدەلدى، سونداي - اق ”مەنى مىندەتى اۋىر ورىنعا جىبەرىڭىزدەر!“ دەپ سۇراندى.
چىن لۋ قىزمەت وتەيتىن عيمارات زالىندا قارتتار مەن بالالار ءبىرشاما كوپ. ”عيماراتتا ەرلى - زايىپتى 2 قارت تۇرادى، چىن لۋ كوكونىس دورباسىن اپارىپ بەرگەنىندە قارتتىڭ كارتوپ، ءسابىز سياقتى تامىر ساباق كوكونىستەر جەۋدى ۇناتپايتىنىن بايقاعاننان كەيىن، ءار جولى قارتقا ارنايى ونىڭ ۇناتىپ جەيتىن كوكونىس دورباسىن دايىنداپ اپارىپ بەرەدى“، - دەدى قاشقار شىعىس جولى اۋماعىن باسقارۋ كوميتەتىنەن تومەنگە تۇسكەن كادر چىن چيانچي.
چىن لۋ بىلاي دەدى: ءار كۇنى كەشتە قىزمەتتى ورىنداپ بولعاننان كەيىن، ەرىكتىلەردىڭ بارلىعى جينالىپ سول كۇنى جولىققان قيىن ماسەلەلەردى تالقىلاپ، بىرگە ءادىس قاراستىرىپ، ءبىر - بىرىمىزگە دەم بەرەمىز.
”مەن قالاداعى بارشا ەرىكتىلەردىڭ ءبىرى عانامىن، ءبىر ادامنىڭ ساۋلەسى مەن جىلۋى بولماشى بولعانىمەن، جينالىپ، توپتالسا، مىزعىماس كۇشكە اينالادى. مەن ەڭ سوڭعى جەڭىسكە جەتكەنگە دەيىن قىزمەت ورنىمنان تاپجىلمايمىن!“، - دەيدى چىن لۋ.
