رايونىمىزداعى ءار دارەجەلى ساياسي كەڭەس مۇشەلەرى ىندەتكە قارسى شايقاستا جاۋاپكەرشىلىكتەرىن ايگىلەدى
شينجياڭ گازەتىنىڭ جالپىلىق اقپارات قۇرالدارى ءتىلشىسى لي ياڭ
ءۇرىمجىنىڭ ءىشىنارا رايون - اۋداننىڭ ىندەت حاۋىپ - قاتەر دارەجەسى جوعارى، ورتا دارەجەدەن تومەن دارەجەگە رەتتەلدى، رايونىمىزدىڭ ىندەتتەن ساقتانۋ - تىزگىندەۋ جاعدايىندا بەلسەندى جاقسارعان اۋقىم ونان ارى كەڭەيدى، مۇنداي ونىمدىلىك رايونىمىزداعى ءار ۇلت كادرلارى مەن بۇقاراسىنىڭ ەل بىرلىگىنەن بەرىك قامال تۇرعىزىپ، ىندەتكە بىرگە قارسى اتتانعاندىعىنىڭ ناتيجەسى. وسى شايقاستا، رايونىمىزداعى ءار دارەجەلى ساياسي كەڭەس مۇشەلەرى جاۋاپكەرشىلىكتى باتىلدىقپەن ارقالاپ، ”مەملەكەت ءۇشىن مىندەت اتقارۋ، حالىق ءۇشىن جاۋاپكەرشىلىك ارقالاۋ“ سۇيىسپەنشىلىكتەرى مەن جاۋاپكەرشىلىكتەرىن ءىس جۇزىندىك ارەكەتتەرىمەن ايگىلەدى.
ءارقايسى تاراۋلاردىڭ زارارسىزداندىرۋ، اۋاشالاۋ، ساقتانۋ - قورعانۋ جۇرگىزۋىنە جەتەكشىلىك ەتتى، ىندەتتەن ساقتانۋ جوباسىن اشالادى... 8 - ايدىڭ 23 - كۇنى ساعات 14تەن 30 مينۋت وتكەندە، تۇسكە دەيىن قاربالاس جۇرگەن شينجياڭدا تۇراتىن مەملەكەتتىك ساياسي كەڭەستىڭ مۇشەسى، ءۇرىمجى قالالىق جۇڭگوشا ەمدەۋ شيپاحاناسى نانمىن بولىمشە شيپاحاناسىنىڭ باستىعى يۇي مەي اقىرى ءبىر ءسات تىنىستادى. ول بەلىن تايانىپ، باياۋ وتىرىپ: ”بەل اۋرۋىم قايتا قوزعالىپ قالىپتى، كونە ناۋقاسىم ەدى“، - دەدى.
وسى رەت جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان كەيىن، وسى شيپاحانانىڭ نۋكلەين قىشقىلىن جيناۋ قىزمەت گرۋپپاسىنىڭ باستىعى بولعان يۇي مەي 250 ەمدەۋ - كۇتىمدەۋ قىزمەتكەرىن باستاپ، ءارقايسى الەۋمەتتىك اۋماقتىڭ نەشە ونداعان تەكسەرۋ - ولشەۋ تۇيىنىندە دامىل تاپپاي شاپقىلادى. سول جەردىڭ وزىندە شارلاۋ - تەكسەرۋ جۇرگىزدى، ساقتانۋ - قورعانۋ حاۋىپسىزدىك شارالارىن تياناقتاندىردى، قوقسىقتاردى ءبىر جايلى ەتۋگە جەتەكشىلىك ەتتى، سىناق ءدارىسى مەن اسپاپتاردى ۇلەستىرۋ جانە قامتاماسىز ەتۋدى جاقسى ىستەدى، جاعدايعا قاراي قىزمەتكەرلەردىڭ كەزەكشىلىگىن ويداعىداي ورنالاستردى... ”كەيدە ءبىر كۇندە كوپتەگەن تەكسەرۋ - ولشەۋ تۇيىنىنە بارۋعا تۋرا كەلەدى، قاربالاستىققا تۇسكەندە ءبارى دە ۇمىتىلىپ كەتەدى“، - دەدى ول.
ىندەت شۇعىل تۋىلعاننان كەيىن، اۆتونوميالى رايوندىق ايەلدەر مەن بالالار دەنساۋلىعىن قورعاۋ شيپاحاناسى (ءۇرىمجى قالالىق ايەلدەر مەن بالالار دەنساۋلىعىن قورعاۋ شيپاحاناسى) جۇكتى - بوسانعان ايەلدەردى بار كۇشپەن قابىلداپ ەمدەۋگە بەلگىلەگەن شيپاحانا بولىپ رەتتەلدى. ناۋقاستار بولمەسىن بوساتۋ، ايىرىپ دياگنوز قويۋ، اۋرۋ كورۋ، ناۋقاستاردى جوتكەۋ، ناۋقاستاردى قابىلداپ ەمدەۋ، زاتتىق بۇيىمداردى ۇلەستىرۋ، باقىلاۋ - تەكسەرۋ... شيپاحانا باستىعى بولعان اۆتونوميالى رايوندىق ساياسي كەڭەستىڭ مۇشەسى ديڭ گۇيفىڭ بۇكىل شيپاحانانىڭ ءبىرىنشى شەبىندەگى ەمدەۋ قىزمەتكەرلەرىمەن بىرگە، ءاربىر جۇكتى - بوسانعان ايەلدەردىڭ حاۋىپسىزدىگىن قورعاپ، انا مەن بالانىڭ دەنساۋلىعىنا كەپىلدىك ەتتى. ”مەن ەمدەۋ قىزمەتكەرىمىن، بارلىق ەڭبەگىم تەككە كەتكەن جوق!“، - دەدى ديڭ گۇيفىڭ.
رايونىمىزدىڭ ىندەتتەن ساقتانۋ - تىزگىندەۋدە ءتۇيىندى قامتاماسىز ەتىلەتىن بۇيىمداردى ءوندىرۋ كاسىپورنى بولعان جۇڭدا كاسىپورىن توبى شينجياڭ جۇڭدا جيارۇي ونەركاسىپ - ساۋدا شەكتى سەرىكتەستىگى مەديتسيناعا قولدانىلاتىن سپيريت پەن 84 زارارسىزداندىرۋ سۇيىقتىعىن ءوندىرۋ مىندەتىن ۇستىنە العان. ءۇرىمجى قالالىق ساياسي كەڭەستىڭ مۇشەسى، وسى سەرىكتەستىكتىڭ باس جوراسى حان فۋشيڭ سەرىكتەستىكتىڭ 60نەشە قىزمەتكەرىن باستاپ، كۇنى - ءتۇنى ءوندىرىستىڭ ءبىرىنشى شەبىندە ەرلىكپەن شايقاس جۇرگىزدى. ءار كۇنى تۇرلىشە ولشەمدەگى مەديتسيناعا قولدانىلاتىن سپيريت پەن 84 زارارسىزداندىرۋ سۇيىقتىعىنان 20 نەشە توننا ءوندىرىپ، قامداۋعا كۇش سالا كەپىلدىك ەتتى. مۇنىمەن عانا تىنباي، سەرىكتەستىك تاعى ءۇرىمجى قالاسىنىڭ تيانشان رايونىنا، سايباق رايونىنا، ەكونوميكالىق - تەحنيكالىق اشۋ رايونىنا (توۋتۇنحى رايونى) قۇنى 140 مىڭ يۋان تۇراتىن زارارسىزداندىرۋ بۇيىمدارىن اتادى.
حايحۇڭ حالىقارالىق ازىق - تۇلىك زات اينالىمى پورتى − بۇكىل شينجياڭداعى ەڭ ۇلكەن توڭازىتىلعان ونىمدەردى تولايىم ساتۋ بازارى، ازىق - تۇلىكپەن جەتكىلىكتى قامداۋعا كەپىلدىك ەتۋ ءۇشىن، سونىمەن بىرگە ازىق - تۇلىك حاۋىپسىزدىگىنە كەپىلدىك ەتۋ ءۇشىن، ءۇرىمجى قالالىق ساياسي كەڭەستىڭ مۇشەسى، حايحۇڭ حالىقارالىق ازىق - تۇلىق زات اينالىمى پورتىنىڭ باس ديرەكتورى يان لينلۇڭنىڭ ءار كۇنگى كۇن ءتارتىپ كەستەسىنە تاڭ اتقاننان ءتۇن ورتاسىنا دەيىن قىزمەت ورنالاستىرىلعان. ”ءبىز الاڭعا كىرگەن بارلىق اۆتوموبيل مەن ادامداردى تەكسەرەمىز جانە زارارسىزداندىرامىز، سونىمەن بىرگە بازار باقىلاۋ - باسقارۋ تاراۋلارىنىڭ ونىمدەردەن ۇلگى الىپ تەكسەرۋىنە سايكەسەمىز. كەزەكتە 4000 نەشە توپتاعى ونىمنەن ۇلگى الىپ تەكسەرۋ جۇمىسى اياقتاپ، ازىق - تۇلىك حاۋىپسىزدىگىنە باتىل كەپىلدىك ەتتىك“.
8 - ايدىڭ 24 - كۇنى ساعات 15دە، ءۇرىمجى قالاسى ميدۇڭ رايوندىق ساياسي كەڭەستىڭ مۇشەسى، ءۇرىمجى جياحى ۋانشىشيڭ ساۋدا - ساتتىق شەكتى سەرىكتەستىگىنىڭ باس جوراسى سۇن جىن تۇسكى اسىن جەۋگە دە ۇلگىرمەي، كومپيۋتەر الدىندا ءارقايسى الەۋمەتتىك اۋماق جىبەرگەن ساندى مالىمەتتەردى ەسەپتەپ، ساتىپ الۋ جانە جەتكىزۋ جۇمىستارىن ورنالاستىردى. ”تاماعىمدى جايىراق ىشسەم ەشتەڭە ەتپەيدى، الدىمەن مىنا قىزمەتتەردى ويداعىداي ورنالاستىرساق، تۇرعىندار جاقسى تاماقتانا الادى“. بۇل سەرىكتەستىك ميدۇڭ رايونىنداعى جەمىس - جيدەك، استىق - ماي، كوكونىستەردى تولايىم ساتاتىن كاسىپورىن، سۇن جىننىڭ نازارىندا ”كوپشىلىكتىڭ جاقسى تاماقتانۋى“ ەڭ ۇلكەن ءىس. ءبىر ايدان استام ۋاقىتتان بەرى، بۇل سەرىكتەستىك بازاردى 3000 توننادان استام كوكونىس، استىق - ماي سياقتىلارمەن قامداپ، تۇرعىنداردىڭ ’كوجە قاتىعىن‘ كۇش سالا قامتاماسىز ەتتى.
7 - ايدىڭ 18 - كۇنى الەۋمەتتىك اۋماقتا ەرىكتى قىزمەت وتەۋ اترەتىنە قاتىناسقاننان بەرى، اۆتونوميالى رايوندىق ساياسي كەڭەستىڭ مۇشەسى، شينجياڭ جۇيچىن ادۆوكاتتار باسقارماسىنىڭ مەڭگەرۋشىسى دوۋ گاڭگۇي ”ىندەت الدىندا قاراپ وتىرۋعا كەلمەيدى، ەرىكتى بولۋ ماعان قۋانىش سيلادى“ دەگەن ءبىر اۋىز ءسوزدى اۋزىنان تاستامادى. وسى رەت ول جازدىق دەمالىسقا تاراعان، داشۋە وقىپ جاتقان ۇلىن ەرتىپ ەرىكتىلەر قوسىنىنا كىردى. ”اكەلى - بالالى اسكەرلەر“ ءبىر - ءبىرىن جىگەرلەندىرىپ، بىرگە قۇلشىندى، ولاردىڭ قىزۋ سۇيىسپەنشىلىگى شاعىن اۋماقتاعى تۇرعىنداردى اسەرلەندىردى. تۇرعىندارعا تۇرمىستىق بۇيىمدار جەتكىزىپ بەرىپ، قوقىر - قوقسىقتارىن تاسىپ اكەتىپ، دەنە تەمپەراتۋرالارىن ولشەپ، ءدارى - دارمەك جەتكىزدى... ”ۇستىمىزدەگى كيىم كۇنىنە 3 تە 4 رەت تەرگە مالشىنادى، ۇيگە قايتىپ كىرگەنىمىزدە كەيدە ارقامىزدان شىققان تەردەن ’قاريتانىڭ‘ بەينەسى كورىنەدى“، - دەدى ول.
ءۇرىمجى قالالىق ساياسي كەڭەستىڭ مۇشەسى چىن ايجۇن مەن ايەلى ىندەتكە قارسى اتتانعان ”جۇبايلار گرۋپپاسىن“ قۇردى. 7 - ايدىڭ سوڭىنان باستاپ، چىن ايجۇن شاعىن اۋماقتا ەرىكتى بولدى. جارتى ايدان بەرى جايشىلىقتا كوكونىس بازارىنا از باراتىن ول كوكونىس ساتىپ الۋ شەبەرىنە اينالدى، ”الىستاعى تۋىسىڭنان جاقىنداعى كورشىڭ ارتىق دەيدى، كورشىلەرگە قىزمەت وتەگەنىمە قۋانىشتامىن“. جۋىقتان بەرى، مەكەمە ورنىنىڭ قىزمەتى قاربالاس بولىپ، ۇيدە تۇرىپ قىزمەت ىستەۋگە تۋرا كەلگەندىكتەن، چىن ايجۇننىڭ ايەلى ونىڭ ورنىنا ەرىكتى بولدى. ”ىندەتتەن ساقتانۋ - تىزگىندەۋگە بارلىق ادام كۇش شىعارۋى كەرەك“، - دەدى ول.
