شىن ياپيڭ
8 - ايدىڭ 29 - كۇنى ساعات نولدە ءۇرىمجى قالاسىنداعى ءىشىنارا رايون، اۋداننىڭ ىندەت حاۋىپ - قاتەر دارەجەسى جوعارى، ورتا حاۋىپ - قاتەردەن تومەن حاۋىپ - قاتەرگە رەتتەلدى. ىندەتتەن ساقتانۋ ونىمدىلىگى ادامدى جىگەرلەندىردى، سونداي - اق كەلەسى ساتىداعى قىزمەتتەرگە ءتىپتى دە جوعارى تالاپ قويدى. ءار دارەجەلى پارتيا ۇيىمدارى مەن پارتيالى كادرلار ءبىر تۇتاس جوسپارلاپ جاپپاي ءمان بەرۋ قابىلەتىن شىڭداپ، ىندەتتەن ساقتانۋ - تىزگىندەۋدى جانە ەكونوميكالىق، قوعامدىق دامۋدى ءبىر تۇتاس ويداعىداي جوسپارلاپ، جاپپاي دوڭگەلەك داۋلەتتى قوعام ورناتۋ شەشۋشى جەڭىسىنىڭ، كەدەيلىكتەن ارىلتۋدان قامال الۋ شەشۋشى شايقاسىنىڭ ءتۇرلى نىسانالارىن، مىندەتتەرىن باتىل ويداعىداي ورىنداۋ كەرەك.
ءجۇز شاقىرىمدىق جولدىڭ توقسان شاقىرىمىن باسساڭ دا ءالى جارتى جولدامىن دەپ ءبىل. كەزەكتە رايونىمىزدىڭ ىندەتتەن ساقتانۋ - تىزگىندەۋ جاعدايىنىڭ بەلسەندى بەتالىسقا قاراي جاقسارعان اۋقىمى بىرتىندەپ كەڭەيىپ، ساقتانۋ - تىزگىندەۋ قىزمەتىنىڭ كەزەڭدىك جەتىستىگى اناعۇرلىم بەكەمدەلدى، دەسەدە، ىندەتتىڭ قايتا بەلەڭ بەرۋ حاۋپى ءالى دە ساقتالىپ وتىر. ءبىز باستان - اياق ساق بولىپ، تيتتەي دە بوساڭسىماي، دالمە - ءدال ساقتانۋ - تىزگىندەۋ تاكتيكاسىن تياناقتاندىرىپ، ىندەتتەن ساقتانۋ - تىزگىندەۋدەن قامال الۋ شايقاسىنىڭ جالپى بەتتىك جەڭىسىنە باتىل قول جەتكىزۋىمىز كەرەك.
سونىمەن قاتار، جالپى جاعداي تانىمىن ءتىپتى دە كۇشەيتۋىمىز كەرەك. ەسەپتەپ كورسەك، بيىلعى جىلدىڭ ۇشتەن ءبىرى عانا قالىپتى، ءتۇرلى مىندەتتەر جاپالى دا اۋىر، ىندەتتەن ساقتانۋ - تىزگىندەۋدى جانە ەكونوميكالىق، قوعامدىق دامۋدى، ءسوز جوق، ەكى جاقتاپ يگەرۋىمىز، ەكەۋىن دە قاتاڭ يگەرۋىمىز كەرەك. جۇمىستى، ءوندىرىستى قالپىنا كەلتىرۋ، كەدەيلىكتەن ارىلتۋدان قامال الۋ، حالىق تۇرمىسىن قامتاماسىز ەتۋ، ەگىن، مال شارۋاشىلىعى ءوندىرىسى، قوعام ورنىقتىلىعى سياقتى قىزمەتتەردى ءتۇرلى ءادىس، امالمەن جاقسى يگەرىپ، ىندەت ىقپالىن ەڭ تومەنگە تۇسىرۋگە قۇلشىنىپ، ەكونوميكانىڭ ۇزدىكسىز اقاۋسىز، ورنىقتى اينالىمىن ىلگەرىلەتۋىمىز كەرەك.
سەنىمدى بەكەمدەپ، ىرىقتىلىقپەن ىسكەرلىك كورسەتىپ، ءبىر تۇتاس جوسپارلاپ جاپپاي ءمان بەرىپ، داعدارىستى ورايعا اينالدىرۋىمىز كەرەك، وسىلاي ىستەگەندە عانا، ىندەتتەن ساقتانۋ - تىزگىندەۋ ۇلكەن سىناعىندا تولىمدى جاۋاپ بەرىپ، جاپپاي دوڭگەلەك داۋلەتتى قوعام ورناتۋ بارىسىندا تاريحي جاۋاپكەرشىلىك ارقالاۋدى ايگىلەي الامىز.
(”لەپتى لەبىزگە“ ماقالا جولداۋ حات ساندىعى: xjrbplb@126.com)
