بەتاشار
باس شۋجي شي جينپيڭنىڭ اس - سۋ ىسىراپشىلدىق ارەكەتىن تيۋ جونىندەگى ماڭىزدى نۇسقاۋىنىڭ رۋحىن ىشكەرىلەي ۇگىتتەۋ، ءتۇسىندىرۋ ءۇشىن، گازەتىمىز بۇگىننەن باستاپ ”ىسىراپشىلدىق − نامىس، ۇنەمشىلدىك − داڭق“ ارناۋلى ايدارىن اشىپ، بۇكىل قوعامنىڭ ۇنەمشىلدىكتى قاتاڭ اتقارۋ، ىسىراپشىلدىققا قارسى تۇرۋ شارالارىن، ارەكەتتەرىن دەر كەزىندە حابارلاپ، ىسىراپشىلدىقتى نامىس، ۇنەمشىلدىكتى داڭق سانايتىن تاماشا راي قالىپتاستىرادى.
شينجياڭ گازەتىنىڭ جالپىلىق اقپارات قۇرالدارى ءتىلشىسى ميھىرگۇل عوپۇر 8 - ايدىڭ 28 - كۇنى ۇرىمجىدەن حابارلايدى. جۋىقتا اۆتونوميالى رايوندىق ورگان ىستەرىن باسقارۋ مەكەمەسى «باس شۋجي شي جينپيڭنىڭ ماڭىزدى نۇسقاۋىنىڭ رۋحىن دايەكتىلەندىرىپ، تياناقتاندىرىپ، اس - سۋ ىسىراپشىلدىق ارەكەتىن تيۋ قىزمەتىن ونان ارى كۇشەيتۋ جونىندەگى حابارلاندىرۋدى» (تومەندە قىسقارتىلىپ «حابارلاندىرۋ» دەلىندى) شىعارىپ، اۆتونوميالى رايوننىڭ جەر - جەردەگى، تاراۋلارداعى، مەكەمە - ورىندارداعى ورگان ىستەرىن باسقارۋ قىزمەت تاراۋلارىنان اس - سۋ ىسىراپشىلدىعىن تيۋدىڭ ءونىمدى جولدارى مەن سايكەستى قىزمەت مەحانيزمدەرىن بەلسەنە قاراستىرۋدى، ۇنەمشىل ورگان جانە الەۋمەتتىك قۇرىلىم ۇلگىلى ورىندارى بولۋ قىزمەتىمەن ۇشتاستىرىپ، اس - سۋ ىسىراپشىلدىق ارەكەتىن باتىل تيۋ جاعىنداعى سەركەلىك، جەتەكشىلىك، ۇلگىلىك رولدى شىنايى ساۋلەلەندىرىپ، بۇكىل رايوندا ىسىراپشىلدىقتى نامىس، ۇنەمشىلدىكتى داڭق سانايتىن تاماشا راي قالىپتاستىرۋدى تالاپ ەتتى.
«حابارلاندىرۋدا» مىنالار تالاپ ەتىلدى: باس شۋجي شي جينپيڭنىڭ ماڭىزدى نۇسقاۋىنىڭ رۋحىن ىشكەرىلەي ۇيرەنىپ، ءتۇسىنىپ جانە باتىل دايەكتىلەندىرىپ، تياناقتاندىرىپ، ءوز كاسىبىن تياناق ەتىپ، قاجىرلىلىقپەن كۇرەس جۇرگىزەتىن، ۇقىپتى، ۇنەمشىل بولاتىن تاڭداۋلى ءداستۇردى زور كۇشپەن اسقاقتاتۋ، امالياتتا ايگىلەۋ كەرەك.
«حابارلاندىرۋدا» مىنالار اتاپ كورسەتىلدى: كادر - قىزمەتشىلەر اسحانالارىنا، ۇكىمەت جۇمىسى بويىنشا قابىلدايتىن قوناق ۇيلەرگە جانە ۇكىمەت اشقان باۋلۋ قۇرىلىمدارىنا، جوعارى، ورتا، باستاۋىش مەكتەپتەر مەن ۇكىمەت اشقان مەديتسينالىق قۇرىلىمدارعا جەتەكشىلىكتى كۇشەيتىپ، بۇكىل قوعامدا اقاۋسىز، وركەنيەتتى، ۇنەمشىل اس تۇتىنۋ ءتاسىلىن جالپىلاستىرۋ كەرەك. اس - سۋ ىسىراپشىلدىق ارەكەتىن تيۋ تۋرالى ۇگىت - تاربيەنى ۇدايىلاندىرىپ ورىستەتىپ، اس - سۋ ىسىراپشىلدىعىن تيۋ جانە استىقتى ۇنەمدەۋ قىزمەتىندەگى جاقسى تاجىريبەلەردى، جاقسى ادىستەردى، جاقسى تيپتەردى زور كۇشپەن ۇگىتتەپ، استىقتى ۇنەمدەيتىن، اس - سۋ ىسىراپشىلدىعىن تياتىن قۋاتتى قوعامدىق پىكىر بەتالىسىن جانە تاماشا قوعامدىق راي قالىپتاستىرۋعا قۇلشىنۋ كەرەك. باقىلاۋ - تەكسەرۋدى ۇدايىلاندىرىپ ورىستەتىپ، ۇنامسىز تيپتەردى اشىق جاريالاپ كورسەتىپ، ايقىن قۇن بەتالىسىن جانە ۇدايىلانعان، ۇزاق ۋاقىتتىق ءونىمدى قىزمەت ارناسىن قالىپتاستىرۋعا قۇلشىنۋ كەرەك.
