ٴۇرىمجى قالاسى سولتۇستىك بەيجيڭ كوشەسى بەيجيڭ چىڭحۋايۋان شاعىن ٴوڭىرى شاشتارازحاناسىنىڭ تيجاراتى قالپىنا كەلدى. شاشتاراز تۇرعىنداردىڭ شاشىن الۋدا. ٴتىلشى جاڭ شينجۇن تۇسىرگەن سۋرەت
تيانشان تورى حابارى (سۋرەتىن ٴتۇسىرىپ حابارىن جازعان تىلشىلەر ۋاڭ چيميڭ، جاڭ شينجۇن، چين پىڭ، جاڭ ۋاندى، دوۋ شيڭجۇن، ەرىكتى ٴتىلشى شياۋ ۋان) 8 - ايدىڭ 29 - كۇنى تۇستەن بۇرىن، ٴۇرىمجى قالاسىنىڭ ىندەت جوق شاعىن وڭىرلەرىندەگى تۇرعىنداردىڭ قيمىل كولەمى ونان ارى كەڭەيدى: تۇرعىندار كىرىپ - شىعۋ كۋالىگىن الىپ شاعىن وڭىردەن شىعىپ قيمىلداۋىنا بولادى، كولىكتىڭ كىرىپ - شىعۋ كۋالىگىن الىپ كولىكتى جۇرگىزىپ قاتىستى وڭىردە جۇرۋگە بولادى، نەمەسە الەۋمەتتىك قاتىناس كولىگىنە، كىرە كولىگىنە وتىرىپ سىرتقا شىعۋىنا بولادى، كەيبىر دۇكەندەردىڭ جۇمىسى، ٴوندىرىسى دە قالپىنا كەلدى، ٴۇرىمجى قالاسىنىڭ ەكونوميكاسى، قوعامى قايتادان جەدەل قالپىنا كەلۋدە.
