شينجياڭ گازەتىنىڭ جالپىلىق اقپارات قۇرالدارى ءتىلشىسى ما ينيڭ 8 - ايدىڭ 29 - كۇنى ۇرىمجىدەن حابارلايدى. قازىر ءۇرىمجى حالىقارالىق اۋەجايى شينجياڭنان شىعاتىن ءىشىنارا اۋە جەلىلەرىن قالپىنا كەلتىردى، 9 - ايدان باستاپ شينجياڭنان شىعاتىن تاعى دا كوپتەگەن اۋە جەلىلەرىن جاڭادان اشىپ، قالپىنا كەلتىرىپ، سونىمەن بىرگە، شينجياڭداعى ءارقايسى اۋەجايلار دا وقۋشىلارعا شينجياڭنان شىعاتىن وقۋشىلار ارناۋلى تەكشەسىن ورنالاستىرىپ، مەكتەپكە قايتاتىن ەرەكشە تەز قىزمەت وتەۋ جاسىل ارناسىن اشىپ، وقۋدى قالپىنا كەلتىرۋ بويىنشا جولعا شىعاتىن جولاۋشىلاردىڭ ساپارىنىڭ ءساتتى بولۋىنا شىنايى كەپىلدىك ەتتى.
8 - ايدىڭ 29 - كۇنى 168 جولاۋشى وتىرعان كەزەكشى ۇشاق التايدان شي - انعا ۇشتى، بۇل جۇڭگو وڭتۇستىك اۆياتسيا سەرىكتەستىگىنىڭ شينجياڭ وقۋدى قالپىنا كەلتىرۋ بويىنشا ۇشىرعان 14 - كەزەكتى جالدامالى ۇشاعى. 8 - ايدىڭ 29 - كۇنىنە دەيىن وڭتۇستىك اۆياتسيا سەرىكتەستىگى جيىنى 2000نان استام شينجياڭدىق وقۋشىنىڭ مەكتەپكە قايتۋىن قامتاماسىز ەتتى. قازىر وڭتۇستىك اۆياتسيا سەرىكتەستىگىنىڭ ءۇرىمجى - بەيجيڭ اۋە جەلىسى ۇشۋدى قالپىنا كەلتىردى، مۇنان كەيىن بۇل اۋە جەلىسىنىڭ كەزەكشى ۇشاقتارى بەيجيڭ داشيڭ اۋەجايىنا قونادى. سونىمەن بىرگە، ءۇرىمجى - كوكحوت - چيڭداۋ قاتارلى اۋە جەلىلەرىن دە قالپىنا كەلتىردى.
ءۇرىمجى اۆياتسيا سەرىكتەستىگى لانجوۋ، حايكوۋ، جىڭجوۋ قاتارلى اۋە جەلىلەرىن قالپىنا كەلتىردى، 9 - ايدىڭ 1 - كۇنىنەن باستاپ تاعى ۇرىمجىدەن لانجوۋ، گۋاڭجوۋ، حاڭجوۋ، چاڭشا، شيامىن، تيانجين قاتارلى جەرلەرگە ۇشاتىن كەزەكشى ۇشاقتاردى قالپىنا كەلتىرەدى، قالپىنا كەلگەن باستاپقى مەزگىلدە كۇنىنە ءبىر كەزەكشى ۇشاق ۇشادى، مۇنىمەن قوسا، ءۇرىمجى - لانجوۋ - گۋاڭجوۋ بارىپ - كەلۋ اۋە جەلىسىن جاڭادان اشادى، كۇنىنە ءبىر كەزەك ۇشادى، بارىپ - كەلۋدە 360تان استام ورىن بار.
شيامىن اۆياتسيا سەرىكتەستىگى 9 - ايدىڭ 1 - كۇنىنەن باستاپ ۇرىمجىدەن تيانجينگە، شيامىنعا، چاڭشاعا، حاڭجوۋعا ۇشاتىن كەزەكشى ۇشاقتاردى قالپىنا كەلتىرەدى، 9 - ايدىڭ 8 - كۇنى ءۇرىمجى - يىنچۋان - فۋجوۋ اۋە جەلىسىن، 9 - ايدىڭ 16 - كۇنى ۇرىمجىدەن جينانعا، چۋانجوۋعا، جىڭجوۋعا، فۋجوۋعا ۇشاتىن اۋە جەلىسىن قالپىنا كەلتىرەدى.
