شينجياڭ گازەتىنىڭ جالپىلىق اقپارات قۇرالدارى ءتىلشىسى ما ينيڭ 8 - ايدىڭ 29 - كۇنى ۇرىمجىدەن حابارلايدى. 8 - ايدىڭ 29 - كۇنى ءۇرىمجى گانچۋانباۋ ەكونوميكالىق، تەحنيكالىق اشۋ رايونى شىنحۋا شينجياڭ حيميا ونەركاسىبى شەكتى سەرىكتەستىگىنىڭ ءوندىرىس سەحىندا كۇرىش تۇيىرىندەي پولي پروپيلەن S2040 ونىمدەرى قوراپتالىپ، ءوندىرىس جەلىسىنەن شىقتى.
”مۇنداي ءونىمدى توقىماسىز بۇل وندىرۋگە پايدالانۋعا بولادى، ماسكى، قورعانۋ كيىمى، وپەراتسيا كيىمى سياقتى قورعانۋ ونىمدەرى ەتىپ مانەرلەۋگە بولادى. وسى رەت 3000 توننا ءوندىرىلدى، بۇل سەرىكتەستىكتىڭ بازار قاجەتىنە سايكەسىپ، ءوندىرىس جوباسىن وزگەرتىپ وندىرگەن ەڭ جاڭا ونىمدەرى، كەيىن تاعى بازار قاجەتى بويىنشا، ءوندىرىس تەبىنىن ارتتىرىپ، ىندەتتەن ساقتانۋ زاتتىق ماتەريالدارىن وندىرەتىن ءتۇرلى كاسىپورىنداردى شيكىزاتپەن قامتاماسىزداندىرامىز“، - دەدى سەرىكتەستىكتىڭ ساپا تەحنيكاسى ءبولىمىنىڭ ورىنباسار ديرەكتورى گو ۋي.
ىندەت تۋىلعاننان بەرى، رايونىمىزدىڭ ءارقايسى اشۋ رايوندارىنداعى كاسىپورىندار ىندەتتەن ساقتانۋ - تىزگىندەۋدى ويداعىداي ىستەۋ العى شارتىندا نىسان اتقارىپ، وندىرىسكە كەپىلدىك ەتىپ، جۇمىستانۋدى ورنىقتىرىپ، ءوندىرىستى، تيجاراتتى بار كۇشپەن ويداعىداي يگەردى.
8 - ايدىڭ 26 - كۇنى جۇندۇڭ ەكونوميكالىق، تەحنيكالىق اشۋ رايونىنا ورنالاسقان شينجياڭ گوتاي شينحۋا كەن كاسىبى جارنا شەكتى سەرىكتەستىگى ورگانيكالىق ىستەر ءبولىمىنىڭ ءوندىرىس سەحىندا جۇمىسشىلار جەدەلدەتە ءوندىرىپ، ىندەت تۋدىرعان زياندى ەڭ تومەن شەككە تۇسىرۋگە قۇلشىندى. سەح مەڭگەرۋشىسى چىن حۇڭبىن تىلشىگە بىلاي دەدى: ”8 - ايدىڭ 25 - كۇنىنە دەيىن ورگانيكالىق ىستەر ءبولىمى مولشەرمەن 140 مىڭ توننا BDO (1،4 − بۋتاديول) ءوندىردى، بيىل توپتىڭ جىلدىق ءوندىرۋ كورسەتكىشىن ورىنداۋدان ماسەلە شىقپايدى“.
8 - ايدىڭ 28 - كۇنى كورلا ەكونوميكالىق، تەحنيكالىق اشۋ رايونىندا كورلا بيڭجۋان كيىم تىگۋ شەكتى سەرىكتەستىگىنىڭ ءارقايسى ءوندىرىس جەلىلەرىندەگى جۇمىسشىلار ۇستەمەلەپ جۇمىس ىستەپ، تاپسىرىستاردى ۇلگىرتىپ ورىندادى. بيىل 9 - ايدا وسى توپتاعى قۇنى 80 ميلليون يۋاندىق كيىمدەر ساتىپ العان ورىنعا تاپسىرىلادى. سەرىكتەستىكتىڭ باس ديرەكتورى ليۋ شياڭحۇڭ بىلاي دەدى: ”سەرىكتەستىك اشۋ رايونىنداعى توقىماشىلىق كاسىپ سالاسىنىڭ تۇتاس كاسىپ سالاسى تىزبەگىندىك باسىمدىعىنا سۇيەنىپ، تاپسىرىستى ءوندىرۋ ارناسىن بەلسەنە كەڭەيتتى، بيىل ءونىم قۇنى 170 ميلليون يۋاننان اسادى“. ءوندىرىس كولەمىن ونان ارى كەڭەيتۋ ءۇشىن، بيڭجۋان كيىم تىگۋ سەرىكتەستىگى جىل سوڭىندا جاڭا زاۆود ۇيىنە كوشىرىلىپ، 1500 ادامدى قابىلداپ جۇمىستاندىرادى، وندىرىسكە قوسىلعاننان كەيىن ءار جىلى 500 ميلليون يۋان اينالاسىنداعى ءونىم قۇنىن جۇزەگە اسىرا الادى، پايدا باجىسى 15 ميلليون يۋان اينالاسىندا بولادى. اشۋ رايونى ەكونوميكانى دامىتۋ مەكەمەسىنىڭ باستىعى ليۋ چين بىلاي دەپ تانىستىردى: بيىل اشۋ رايونى كاسىپورىندارعا تيىمدىلىك جەتكىزۋ ساياساتتارىنىڭ ناقتىلانۋىن، تياناقتانۋىن بەلسەنە ىلگەرىلەتتى، مەجەمەن تۇتاس جىلدا 80 ميلليون يۋاننان استام قازىنالىق ۇستەمە قاراجات بوساتىپ، توقىماشىلىق كاسىپورىندارىن ”قان قۇيىپ، وتتەگىمەن قامدايدى“.
بيىل كۇيتۇن - مايتاۋ ەكونوميكالىق، تەحنيكالىق اشۋ رايونى قامداۋعا كەپىلدىك ەتىپ، كومەكتەسۋ - سۇيەمەلدەۋدى كۇشەيتىپ، قىزمەت وتەۋدى ساپالىلاندىرىپ، باقشا رايونى كاسىپورىندارى جاعدايعا قاراي ىستەپ، ءوندىرىس قۋاتىن ۇزدىكسىز كەڭەيتتى. شينجياڭ شيڭدا ۋييە كوبىك پلاستىماسسا جاڭا ماتەريالدارى شەكتى سەرىكتەستىگىندە ۇلعايتىلاتىن پوليستيرول شايىرى ءوندىرىس جەلىسى قالىپتى جۇمىس جۇرگىزىپ، كۇندىك ءوندىرىس قۋاتى ورتا ەسەپپەن 200 تونناعا جەتتى. كاسىپورىن وندىرىستە مولشەرىن ازايتپاي، ونىمدىلىگىن ارتتىردى. سەرىكتەستىكتىڭ القا باستىعى لي يە بىلاي دەدى: ”قازىر 2 - مەرزىمدىك ينجەنەريا اياقتالۋعا تاياپ، سىناق رەتىندە جۇمىس جۇرگىزۋ كەزەڭىندە تۇر، جوسپار بويىنشا 9 - ايدا سىناق رەتىندە وندىرىسكە قوسىلادى“.
