تيانشان تورى   ›   جاڭالىقتار   ›   شينجياڭعا باعىتتامالى كومەكتەسۋ

رايونىمىز تۇتىنۋ ارقىلى كەدەيلەردى سۇيەمەلدەۋ بويىنشا بيىل اۋىل شارۋاشىلىق ءونىمىن ساتىپ الۋعا جانە ساتۋعا 3 ميلليارد 900 ميلليون يۋان جۇمسادى

  شينجياڭ گازەتىنىڭ جالپىلىق اقپارات قۇرالدارى ءتىلشىسى ليۋ شياڭ 8 - ايدىڭ 29 - كۇنى ۇرىمجىدەن حابارلايدى. اۆتونوميالى رايوندىق كەدەيلەردى سۇيەمەلدەۋ كەڭسەسىنەن ۇعىسۋىمىزشا، رايونىمىزدىڭ جەر - جەرى ءوندىرۋ مەن ساتۋدى ۇشتاستىرۋدى كۇشەيتۋ، ساتۋ ارناسىن كەڭەيتۋ، كەدەيلەردى جەتەكتەۋ، كەدەيلەرگە پايدا جەتكىزۋ مەحانيزمىن كەمەلدەندىرۋ قاتارلىلار ارقىلى ءار جاقتىڭ كۇشىن تۇتىنۋ ارقىلى كەدەيلەردى سۇيەمەلدەۋگە ات سالىسۋعا بەلسەندىلىكپەن جۇمىلدىرىپ، بيىل 1 - ايدان 8 - ايدىڭ ورتا شەنىنە دەيىن اۋىل شارۋاشىلىق ءونىمىن ساتىپ الۋعا جانە ساتۋعا كومەكتەسۋ ءۇشىن 3 ميلليارد 900 ميلليون يۋان جۇمساعان.

  جاقىنعى جىلداردان بەرى، بۇكىل رايوندا جوعارىدان تومەنگە دەيىن قالىپتاسقان ەندىك باعىتتا شەتىنە، بويلىق باعىتتا تاعانىنا جەتكەن تۇتىنۋ ارقىلى كەدەيلەردى سۇيەمەلدەۋ قىزمەت جاعدايىن تايانىش ەتىپ، رايونىمىزدىڭ تۇتىنۋ ارقىلى كەدەيلەردى سۇيەمەلدەۋى كەدەيلەردى سۇيەمەلدەۋدىڭ باسقا ۇلگىلەرىمەن تەرەڭدەي توعىستى −

  شينجياڭعا كومەكتەسۋ ارقىلى كەدەيلەردى سۇيەمەلدەۋمەن ۇشتاستىرىپ، كومەكتەسكەن ولكە، قالالار ”ولكەلەر اۋدان - قالالاردى، ايماق، قالالار اۋىل - قالاشىقتاردى، اۋدان، قالالار قىستاق - گرۋپپالاردى“ ءتۇيىن ەتىپ، كەدەي وڭىرلەردىڭ اۋىل شارۋاشىلىق ونىمدەرىن ساتۋدى ۇستىنە الدى.

  بۇكىل رايونداعى ءار دارەجەلى بەلگىلەنگەن تاراۋلار (مەكەمە - ورىندار) ۇلگىلىك، جەتەكشىلىك رولدارىن تولىق ساۋلەلەندىرىپ، ءار دارەجەلى ورگاندار مەن كاسىپورىن، ءىسورىن قاتارلىلاردى كەدەي وڭىرلەردىڭ اۋىل شارۋاشىلىق ونىمدەرىن ساتىپ الۋعا، ساتۋعا كومەكتەسۋگە جەتەكشىلىك ەتتى ءارى ۇزاق مەرزىمدىك باعىتتامالى ساتىپ الۋ سەلبەستىك مەحانيزمىن ورناتتى.

  بۇكىل رايونداعى ەكونوميكاسى قۋاتتى اۋداندار (قالا، رايون) كومەك قابىلدايتىن اۋدان، قالالارمەن مۇددە بايلانىسى تىعىز، ۇزاق ۋاقىتتىق قامداۋ - قاجەتسىنۋى ورنىقتى اۋىل شارۋاشىلىق ونىمدەرى قامداۋ - قاجەتسىنۋ تۇعىرىن قۇرىپ، كەدەي وڭىرلەردىڭ اۋىل شارۋاشىلىق ونىمدەرىن ساتىپ الدى، ساتۋىنا كومەكتەستى.

  قوعامنىڭ كۇشىن جۇمىلدىردى، اۆتونوميالى رايوندىق ساۋدا - ونەركاسىپشىلەر بىرلەستىگى، باس جۇمىسشى ۇيىمى، جاستار وداعى كوميتەتى، ايەلدەر بىرلەستىگى، ساۋدا قوعامى سياقتى بۇقارالىق ۇيىمدار مەن حالىقتىق كاسىپورىندار ”جىلۋ بەرۋدىڭ ورنىنا ساتىپ الۋ“، ”كومەكتەسۋدىڭ ورنىنا ساتىپ الۋ“ سياقتى تاسىلدەردى جولعا قويىپ، كەدەي بۇقاراعا دەگەن قامقورلىقتى ناقتى تاپسىرىسقا اينالدىردى.

  جىجياڭ ولكەسىنىڭ شينجياڭعا كومەكتەسۋ قولباسشىلىق شتابى ”10 قالادا 100 دۇكەن“ ينجەنەرياسىن ىشكەرىلەي ىلگەرىلەتىپ، اقسۋ ايماعىنىڭ، بيڭتۋان 1 - شى ارال قالاسىنىڭ اۋىل شارۋاشىلىق ونىمدەرىنىڭ ساتىلۋىن، بازار تابۋىن جەبەدى. 1 - ايدان 7 - ايعا دەيىن، جىجياڭ ولكەسىنىڭ شينجياڭعا كومەكتەسۋ قولباسشىلىق شتابى ”10 قالادا 100 دۇكەن“ ينجەنەرياسى ارقىلى جەرگىلىكتى ورىنداردىڭ 37 مىڭ توننا اۋىل شارۋاشىلىق ونىمدەرىن ساتتى، ساتۋ سوماسى 700 ميلليون يۋانعا جەتىپ، سايكەس مەزگىلدەگىدەن %12تەن استام ارتتى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى