ٴۇرىمجى حالىقارالىق اۋەجايى (ماتەريالدان الىنعان سۋرەت).
تاياۋدا، شينجياڭداعى ٴارقايسى اۋەجايلار دا وقۋشىلارعا ”شينجياڭنان شىعاتىن وقۋشىلار ارناۋلى تەكشەسىن“ ورنالاستىرىپ، مەكتەپكە قايتاتىن ەرەكشە تەز قىزمەت وتەۋ جاسىل ارناسىن اشىپ، جۇيەلى جەر ٴۇستى قامتاماسىز ەتۋ قىزمەت وتەۋىمەن، وقۋشىلاردىڭ ساپارىنىڭ ٴساتتى بولۋىنا شىنايى كەپىلدىك ەتتى.
8 - ايدىڭ 29 - كۇنى 168 جولاۋشى وتىرعان كەزەكشى ۇشاق التايدان شي - انعا ۇشتى، بۇل جۇڭگو وڭتۇستىك اۆياتسيا سەرىكتەستىگىنىڭ شينجياڭدىق وقۋشىلاردى تاسىمالداعان 14 - كەزەكتى جالدامالى ۇشاعى. 8 - ايدىڭ 29 - كۇنىنە دەيىن وڭتۇستىك اۆياتسيا سەرىكتەستىگى جالپى 2000نان استام شينجياڭدىق وقۋشىنىڭ مەكتەپكە قايتۋىن قامتاماسىز ەتتى.
172 جولاۋشى وتىرعان CZ2473 كەزەكشى ۇشاعى التايدان شي - انعا ۇشتى. (ماتەريالدان الىنعان سۋرەت) جاڭ لين تۇسىرگەن سۋرەت
9 - ايدا بۇكىل ەلىمىزدىڭ جەر - جەرىندەگى داشۋەلەردىڭ، جوعارى، ورتا تەحنيكۋم مەكتەپتەرىنىڭ وقۋ باستاۋى تاياپ، التاي، بۇراتالا، تارباعاتاي سياقتى جەرلەردەگى كوپتەگەن وقۋشىلاردىڭ مەكتەپتەرىنە جەدەل ورالۋى قاجەت بولدى. وقۋشىلاردىڭ مەكتەپكە ٴساتتى ورالۋىنا كەپىلدىك ەتۋ ٴۇشىن، سونىمەن بىرگە ىشكى ولكەلەرگە دەرەۋ اتتاناتىن حالىقتىڭ ساپار قاجەتىن قاناعاتتاندىرۋ ٴۇشىن، وڭتۇستىك اۆياتسيا سەرىكتىگى بەلسەندى بايلانىس جاساپ، وقۋشىلار جالداما ۇشاق قىزمەتىن اشتى.
تارباعاتايدان جىڭجوۋعا ۇشاتىن CZ2395 كەزەكشى ۇشاعىندا ۇشاق قىزمەتكەرى ميىراي جولاۋشىلارعا ىندەتتەن ساقتانۋ بىلىمدەرىن تۇسىندىرۋدە. جاڭ يۇيمەي تۇسىرگەن سۋرەت
بۇدان سىرت، وڭتۇستىك اۆياتسيا سەرىكتىگى شاۋەشەك، التاي، كورلا سياقتى شينجياڭ ىشىندەگى قالالاردان ۇرىمجىگە ايالداماي شي - انعا جانە جىڭجوۋعا توتە باراتىن وقۋشىلار جالداما ۇشاق جوسپارىن جاسادى. وقۋشىلار جىڭجوۋ قالاسىنا، شي - ان قالاسىنا جەتكەننەن كەيىن، كەزەكشى ۇشاق اۋىستىرىپ سولتۇستىك جۇڭگو، شىعىس جۇڭگو، شىعىس سولتۇستىك جۇڭگو، وڭتۇستىك جۇڭگو جانە باتىس وڭتۇستىك جۇڭگو سياقتى بۇكىل ەلىمىزدىڭ ٴارقايسى ٴىرى قالالارىنا. بەيجيڭ، تيانجين، چاڭچۇن، حاربين، شىنياڭ، شاڭحاي، حاڭجوۋ، نانجيڭ، ۋحان، گۋاڭجوۋ، جۋحاي، شىنجىن، چاڭشا، چىڭدۋ، كۇنميڭ، گۇيياڭ قاتارلىلاردى قامتىعان تانىمالى قالالارداعى مەكتەپتەرگە ورالۋىنا بولادى.
قازىر وڭتۇستىك اۆياتسيا سەرىكتەستىگىنىڭ ٴۇرىمجى - بەيجيڭ اۋە لەنياسى ۇشۋدى قالپىنا كەلتىردى، مۇنان كەيىن بۇل اۋە لەنياسىنىڭ كەزەكشى ۇشاقتارى بەيجيڭ داشيڭ اۋەجايىنا قونادى. سونىمەن بىرگە، ٴۇرىمجى - كوكحوت - چيڭداۋ قاتارلى اۋە لەنيالارىن دا قالپىنا كەلتىردى.
بەيجيڭ داشيڭ حالىقارالىق اۋەجايى ايالداما عيماراتىنىڭ ٴىش جاعى (ماتەريالدان الىنعان سۋرەت). شينحۋا اگەنتتىگىنىڭ ٴتىلشىسى جاڭ چىنلين تۇسىرگەن سۋرەت
ٴۇرىمجى اۆياتسيا سەرىكتەستىگى لانجوۋ، حايكوۋ، جىڭجوۋ قاتارلى جەرلەرگە ۇشاتىن اۋە لەنيالارىن قالپىنا كەلتىردى، 9 - ايدىڭ 1 - كۇنىنەن باستاپ تاعى ۇرىمجىدەن گۋاڭجوۋ، حاڭجوۋ، چاڭشا، شيامىن، تيانجين قاتارلى جەرلەرگە ۇشاتىن كەزەكشى ۇشاقتاردى ىركەس - تىركەس قالپىنا كەلتىرەدى، قالپىنا كەلگەن باستاپقى مەزگىلدە كۇنىنە ٴبىر كەزەكشى ۇشاق ۇشادى، سونىمەن بىرگە، ٴۇرىمجى - لانجوۋ - گۋاڭجوۋ بارىپ - كەلۋ اۋە لەنياسىن جاڭادان اشادى، كۇنىنە ٴبىر كەزەك ۇشادى، بارىپ - كەلۋگە 360تان استام ورىن ازىرلەيدى.
شيامىن اۆياتسيا سەرىكتەستىگى 9 - ايدىڭ 1 - كۇنىنەن باستاپ ۇرىمجىدەن تيانجينگە، شيامىنعا، چاڭشاعا، حاڭجوۋعا ۇشاتىن كەزەكشى ۇشاقتاردى قالپىنا كەلتىرەدى، 9 - ايدىڭ 8 - كۇنى ٴۇرىمجى - يىنچۋان - فۋجوۋ اۋە لەنياسىن، 9 - ايدىڭ 16 - كۇنى ۇرىمجىدەن جينانعا، چۋانجوۋعا، جىڭجوۋعا، فۋجوۋعا ۇشاتىن اۋە لەنياسىن قالپىنا كەلتىرەدى.
