تيانشان تورى   ›   جاڭالىقتار   ›   شينجياڭ حابارلارى

سۇن جياڭ: قىزمەتتى ەڭ نازىك بۋىندارعا دەيىن ىستەدى

  【بەتاشار】

  تۇتاس رايونداعى جوعارى - تومەننىڭ ورتاق قۇلشىنىس جاساۋىندا، ىندەتتەن ساقتانۋ - تىزگىندەۋ كەزەڭدىك ماڭىزدى تابىسقا قول جەتكىزدى، ىندەتتەن ساقتانۋ - تىزگىندەۋدىڭ جاقسارۋ بەتالىسى ونان ارى بەكەمدەلە ءتۇستى. بۇل رەتكى ىندەتتەن ساقتانۋ - تىزگىندەۋدەن قامال الۋ شايقاسىندا، رايونىمىزداعى ءار دارەجەلى پارتيا ۇيىمدارى مەن قالىڭ پارتيا مۇشەلەرى، كادرلار اتويلاپ الدا ءجۇرىپ، ەرلىكپەن كۇرەس جاسادى؛ ەمدەۋ ىستەرى قىزمەتكەرلەرى كەۋدە كەرىپ العا شىعىپ، ءومىردى قورعادى؛ الەۋمەتتىك اۋماق قىزمەتكەرلەرى بار ىنتا - پەيىلدەرىمەن بۇقاراعا قىزمەت وتەدى؛ ەرىكتىلەر ادالدىقپەن ۇلەس قوسىپ، ارىپ - شارشاۋدان قورىقپاي، قاي جەر قاجەت ەتسە سول جەرگە جەتىپ باردى... بۇگىننەن باستاپ گازەتىمىز ”ءبىرىنشى شەپتە ىندەتكە قارسى اتتانعان قاھارماندار شەجىرەسى“ اتتى ستون اشىپ، ىندەتكە قارسى اتتانۋدىڭ ءبىرىنشى شەبىندەگى قىزمەتكەرلەردىڭ اسەرلى ىستەرىن بايانداپ، بۇل جولعى قامال الۋ شايقاسى بارىسىندا شىڭدالىپ شىققان ىندەتكە قارسى اتتانۋ رۋحىن ايگىلەيدى.

 شينجياڭ گازەتىنىڭ جالپىلىق اقپارات قۇرالدارى ءتىلشىسى ۋي حۇڭپيڭ

  ”جۇبايىم بالامنىڭ ۇيىنە بارىپ، قايتا الماي قالدى، مەن ۇيدە جالعىز قالدىم، باقىتقا جاراي، سۇن شۋجي مەن الەۋمەتتىك اۋماق قامقورلىق جاسادى، وسى كەزدەردە مەنىڭ قۇرساعىم توق بولدى، ۇيقىم قاندى، دەنساۋلىعىم دا جاقسى“. 8 - ايدىڭ 30 - كۇنى شۇيموگوۋ رايونى لۇڭشىڭ كوشەسى اۋماعىن باسقارۋ كوميتەتى باجياحۋ الەۋمەتتىك اۋماعىنىڭ تۇرعىنى داي چيڭشين الەۋمەتتىك اۋماقتىڭ ءبىرىنشى شۋجيىن تىلگە العاندا، ماداق جاۋدىرا سويلەپ: ”سۇن شۋجي ۇلكەن - كىشى ىستەردىڭ بارلىعىنا كوڭىل بولەدى، ماعان قامقورلىق ىستەگەندە، ەرەكشە مۇقيات بولدى، ءوز بالامنان دا ارتىق قارايلاستى“، - دەدى.

  كاريا ماقتاپ وتىرعان شۋجي شۇيموگوۋ رايوندىق وقۋ - اعارتۋ مەكەمەسىنىڭ باجياحوۋ الەۋمەتتىك اۋماعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، الەۋمەتتىك اۋماقتىڭ ءبىرىنشى شۋجيى سۇن جياڭ بولاتىن، ول بيىل 1 - ايدىڭ 23 - كۇنى باجياحۋ الەۋمەتتىك اۋماعىنا كەلگەننەن كەيىن، ىندەتتەن ساقتانۋ - تىزگىندەۋ قىزمەتىنە كىرىسىپ، كوپتەگەن تاجىريبەلەردى جيناعان بولاتىن.

  ۇرىمجىدە جاڭا تيپتى ايدارشا ۆيرۋس وكپە قابىنۋ ىندەتى قايتا تۋىلعاننان كەيىن، سۇن جياڭ باستاماشىلدىقپەن ءبىرىنشى شەپتەن تاپجىلماي، ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ مۇشەلەرى مەن الەۋمەتتىك اۋماق قىزمەتكەرلەرىن باستاپ قاراستى اۋماقتاعى تۇرعىندارعا ساپالى قىزمەت وتەپ، ۇيىندە اۋاشالانىپ جاتقان ادامدارعا پسيحيكالىق جاقتان ويداعىداي جەتەكشىلىك ەتىپ، قاراستى اۋماقتاعى ۇيىندە جالعىز تۇراتىن قارتتارعا، ەڭ تومەنگى تۇرمىسى قامتاماسىزداندىرىلاتىن وتباسىلارىنا كوڭىل ءبولىپ، تۇرعىنداردىڭ دەنساۋلىعى مەن اماندىعىن قورعادى.

  ۇقىپتى سۇن جياڭ داي چيڭشين ساتىپ العان بۇيىمداردىڭ كوبى دايىن ازىق - تۇلىك ەكەندىگىن بايقاعاننان كەيىن، ۇيىنە بارىپ، كاريانىڭ ۇيدە جالعىز قالعانىن، تاماق ىستەي المايتىنىن، اسقازانى دا اۋىراتىنىن، دايىن ازىق - تۇلىكتەرگە سۇيەنىپ كۇن وتكىزىپ جاتقاندىعىن ۇعىسادى. سۇن جياڭ مەن كوتەرمەگە العان كادر اقىلداسقاننان كەيىن، الەۋمەتتىك اۋماق كادرىن كارياعا تاماق جاساپ بەرۋگە ورنالاستىرادى، سونداي - اق قىزمەتكەرگە تاماق ىستەگەندە اشتى بولىپ كەتپەۋىن قاداعالايدى.

  تۇرعىنداردىڭ تالاپ - تىلەگىن سۇن جياڭ ەشقاشان تويتارماي، بارلىعىن بار ىنتا - پەيىلىمەن كومەكتەسىپ شەشىپ بەردى. الەۋمەتتىك اۋماقتىڭ شىڭحىيۋان شاعىن اۋماعىنداعى ءبىر ەسىكتىڭ تۇرعىندارى زالدان شيقىلداعان داۋىس شىعىپ، ءتۇنى بويى ۇيىقتاتپايتىنىن اڭىس ەتەدى. سۇن جياڭ مۇنى بىلگەننەن كەيىن، دەرەۋ الەۋمەتتىك اۋماق قىزمەتكەرلەرىمەن بىرگە بارلىق وتباسىلاردى ارالاپ سەبەبىن تەكسەرەدى. سوڭىندا شيقىلداعان داۋىستىڭ وسى ەسىكتەگى 402 - ۇيدەن شىعاتىندىعىن بايقايدى، ءبىراق، ءۇي يەسى ۇيىندە جوق ەدى. جان - جاقتى بايلانىس جاساعاننان كەيىن، الەۋمەتتىك اۋماق قىزمەتكەرلەرى ءۇي يەسىنىڭ مەكەمەسىنە بارىپ، كىلتىن الىپ، ونىڭ ۇيىنە كىرگەندە ءاسىلى بالىق كۇبىسىندە سۋ ازايىپ كەتكەندىكتەن، سۋ ناسوسى قاتتى دىبىس شىعارىپ تۇرعانىن بايقايدى، ءۇي يەسىنىڭ ماقۇل بولۋىمەن بالىق كۇبىسىنىڭ توگىن ءۇزىپ تاستايدى، شيقىلداعان دىبىس تا ساپ تيىلىپ، دەر كەزىندە تۇرعىنداردىڭ تالابى شەشىم تابادى.

  تۇرعىنداردىڭ نازارىنداعى شاپشاڭ دا شيراقى سۇن شۋجي ”تەمىر ادام“ ەمەس. وسى رەتكى ىندەت تۋىلعاننان كەيىن، سۇن جياڭ نەسەپ جولىنا تاس بايلانىپ، شۇعىل قۇتقارۋعا جەتكىزىلەدى، شيپاگەر وعان بالنيتسادا جاتىپ تاستى تۇسىرۋگە كەڭەس بەرەدى، ءبىراق ول ءدارىنى العاننان كەيىن تاباندىلىقپەن قىزمەت ورنىنا قايتىپ كەلەدى. ”مەنىڭ جىل باسىنداعى ىندەتكە قارسى اتتانۋ تاجىريبەم بار، الەۋمەتتىك اۋماقتىڭ قىزمەتىنە دە ءبىرشاما قانىقپىن، مۇنداي شەشۋشى كەزەڭدە بارلىعىمىز مىندەتىمىزدى ويداعىداي اتقارعاندا عانا ەڭ سوڭعى جەڭىسكە قول جەتكىزۋگە كەپىلدىك ەتە الامىز“.

  سۇن جياڭ ءوزىنىڭ ءىس جۇزىندىك ارەكەتى ارقىلى، بۇقارامەن ەتەنە بولىپ، قىزمەتتى ەڭ نازىك بۋىندارعا دەيىن ىستەگەندە عانا، تۇرعىنداردىڭ قولداۋى مەن تۇسىنىگىنە يە بولاتىندىعىن دالەلدەدى، مىنە بۇل دا ىندەتتەن ساقتانۋ - تىزگىندەۋدەن قامال الۋ شايقاسىنىڭ جەڭىسىنە قول جەتكىزۋ ءۇشىن كۇش توپتاعاندىق.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى