لي فان ٴتىلشىنىڭ سۇحپاتىن قابىلداۋدا.
تيانشان تورىنىڭ حابارى (سۋرەتىپ ٴتۇسىرىپ، حابارىن جازعان تىلشىلەر ليۋ مىڭمىڭ، ۋاڭ جوۋ، دوۋ شيڭجۇن) كەزەكتە ىندەتتەن ساقتانۋ-تىزگىندەۋ جاعدايى بەلسەندى جاقسارىپ، شينجياڭداعى ٴار دارەجەلى تاراۋلار ىندەتتەن ساقتانۋ-تىزگىندەۋدى ناقتى تياناقتاندىرۋعا شىنايى كەپىلدىك ەتۋ العى شارتىندا، كاسىپورىندار مەن جەكە ساۋدا-ونەركاسىپشىلەردىڭ ورنىقتى دامۋىنا كومەكتەسىپ، بۇكىل شينجياڭ ەكونوميكاسىنىڭ ورنىقتى اينالىمىن جەبەدى.
8-ايدىڭ 30-كۇنى تىلشىلەر اۆتونوميالى رايوندىق اۋرۋدىڭ الدىن الۋ، تىزگىندەۋ ورتالىعى جاڭا تيپتى ايدارشا ۆيرۋس وكپە قابىنۋ ىندەتى ماماندار گرۋپپاسىنىڭ مۇشەسى، اعا شيپاگەر لي فانعا تىلشىلىك ىستەدى. ول مىنالاردى ەسكەرتتى : ىندەت ٴالى اياقتامادى، ساقتانۋ-ىتىزگىندەۋدى بوساڭسىتۋعا بولمايدى. جۇمىسشى ىستەتەتىن كاسىپورىندار ىندەتتەن ساقتانۋ- تىزگىندەۋدى باسقارۋدى ٴالى دە كۇشەيتۋى، جۇمىسشى - قىزمەتشىلەر دە وزىندىك ٴتارىپتى كۇشەيتىپ، جەكەلىك قورعانۋدى جاقسى ىستەۋى، توپتاسپاۋى كەرەك.
ساۋدا سارايلارى مەن ەرەن بازارلار: الارمانداردى تارتىپپەن زات ساتىپ الۋعا جەتەكتەۋگە كوڭىل ٴبولۋ
”ساۋدا سارايلارى، ەرەن بازارلار سياقتى تيجارات ورىندارى تۇلعالىق جاۋاپكەرشىلىكتى تياناقتاندىرىپ، ٴتۇرلى ساقتانۋ-تىزگىندەۋ، توتەپ بەرۋ شارالارىن كەمەلدەندىرىپ، قاتىستى قىزمەتكەرلەردىڭ قىزمەت جاۋاپكەرشىلىگىن ايقىنداپ، جۇمىسشى - قىزمەتكەرلەردىڭ ينفورماتسياسىن جيناۋ قىزمەتىن ويداعىداي ىستەپ، جۇمىسشى - قىزمەتكەرلەردىڭ دەنساۋلىق جاعدايىن ۇعىسىپ، مالىمدەۋ ٴتۇزىمىن ورناتۋى، ىندەت جاعدايى ينفورماتسياسىن مالىمدەۋشىلنى ايقىنداۋى كەرەك“. لي فان بىلاي دەدى: ساۋدا سارايى ٴىشىنىڭ تازالىعىن جاقسى ىستەپ، تەرەزەنى اشىپ اۋا الماستىرۋدى كۇشەيتىپ، ليفت، الەۋمەتتىك كىلەم، ءدالىز، تازالىق بولمەسى، ەسىك تۇتقاسى، اقشا تولەۋ ورنى، زات ساتىپ الۋ ارباسى سياقتى الەۋمەتتىك وڭىرلەر مەن قاتىستى قۇرىلعىلاردى تازارتۋدى جانە زارارسىزداندىرۋدى جاقسى ىستەۋ كەرەك.
”شيكى، جاڭا توڭازىتىلعان ونىمدەرمەن جاناساتىن جۇمىسشى-قىزمەتشىلەر ماسكى تاعۋى، قولدىڭ تازالىعىنا كوڭىل ٴبولۋى، وتە-موتە توڭازىتىلعان زاتتاردى نۋكلەين قىشقىلىن تەكسەرۋدەن وتكىزۋ قاجەت “. لي فان مىنانى ەسكەرتتى: ساۋدا سارايلارى مەن ەرەن بازارلار الارمانداردى تارتىپپەن زات ساتىپ الۋعا جەتەكتەپ، ەسەپ جابۋدا، كىرىپ-شىققاندا ارالىق ساقتاۋعا نازار اۋدارىپ، زات ساتىپ الۋدىڭ قاۋىرت كەزىندە الارماندار سانىن تىزگىندەپ، اقشا تولەۋ ورنىن كوبەيتىپ، ادامداردىڭ توپتالۋىنىڭ جانە ۇزاق ۋاقىت ايالداۋىنىڭ الدىن الۋ كەرەك.
كاسىپورىن: جۇمىس ورنىنا قايتقان جۇمىسشى-قىزمەتكەرلەردى قاتاڭ باسقارۋ
”كاسىپورىندار جۇمىس ورنىنا قايتقان جۇمىسشى-قىزمەتكەرلەردى قاتاڭ باسقارىپ، جۇمىس باستاۋدان بۇرىن نۋكلەين قىشقىلىن تەكسەرۋى قاجەت. وسى ارالىقتا قىزۋ، جوتەلۋ سياقتى اۋرۋ بەلگىلەرى بولماي، دەنساۋلىعى اقاۋسىز بولعاندا عانا جۇمىس باستاۋعا بولادى. كۇندەلىكتى دەنە تەمپەراتۋراسىن ولشەۋ قىزمەتىن جاقسى ىستەپ، جۇمىسشى-قىزمەتكەرلەر ٴار كۇنى جۇمىسقا كەلگەندە جانە جۇمىستان قايتقاندا، ولاردىڭ دەنە تەمپەراتۋراسىن ولشەۋ ٴارى ەستەلىككە الۋدى جاقسى ىستەۋ. قالىپسىز جاعداي بايقالعاندا دەرەۋ مالىمدەۋ ٴارى سايكەستى ساقتانۋ-تىزگىندەۋ شارالارىن قولدانۋ كەرەك“ . لي فان بىلاي دەپ تانىستىردى: كاسىپورىن قىزمەتىنىڭ ەرەكشەلىگىنە ساي، ۋاقىتىن ٴالشاقتاتىپ جۇمىسقا شىعۋ جانە جۇمىستان قايتۋ ٴتاسىلى ارقىلى جۇمىسشى-قىزمەتكەرلەردى ۇيلەسىمدى ٴبولۋ، جۇمىسشى-قىزمەتكەرلەردى تاماقتانۋعا ۇيلەسىمدى ۇيىمداستىرىپ، ورنالاستىرىپ، مەرزىمگە، وڭىرگە، توپقا ٴبولىپ تاماقتاندىرۋعا شىنايى كەپىلدىك ەتۋ كەرەك. جاتاقتار ادام سانىن قاتاڭ تىزگىندەپ، اۋا الماستىرۋ، بەلگىلى ۋاقىتتا تازالاۋدى كۇشەيتىپ، الەۋمەتتىك ورىندار مەن قاتىستى زاتتار، تازالىق بولمەسى، قوقىر - قوقسىق ساندىعى قاتارلىلاردى بەلگىلى ۋاقىتتا زارارسىزداندىرۋ كەرەك.
جەكەلىك قورعانۋ: ماۋسىمنىڭ الماسۋ مەزگىلىندە تارالعىش تۇماۋدان ساقتانۋ
”قازىر ٴدال ماۋسىم الماساتىن مەزگىل، كيىم كيۋگە كوڭىل ٴبولۋ كەرەك. قارتتار، بالالار نەمەسە نەگىزدىك اۋرۋ بارلار تارالعىش تۇماۋ ۆاكسيناسىن ەكتىرۋدى ويلاسىپ، دەمالۋعا كوڭىل ٴبولىپ، ۇيلەسىمدى تاماقتانۋ، ۇيدە نەمەسە كەڭسەدە بولمەنىڭ اۋاسىن الماستىرۋعا، تازالىعىنا جانە زارارسىزداندىرۋعا كوڭىل ٴبولىپ، زاراسىزداندىرۋ بۇيىمدارىن دايىنداپ قويۋ كەرەك“ . لي فان مىنانى ەسكەرتتى : سىرتقا شىعىپ زات ساتىپ العاندا، ايقىن نىسانا بەلگىلەپ، تىزىمدىكتى جاقسى جاساپ، باعىتتامالى تۇردە زات ساتىپ الىپ، سىرتتا ايالداۋ ۋاقىتىن ازايتۋ كەرەك.
اۋدارعان: قادىر ماقان
