26 توننا شينمەي تيەگەن سۋىق تىزبەكتى اۆتوموبيل يوپۇرعا اۋدانى سيەك اۋىلىنان شاندۇڭعا قاراي جولعا شىقتى.
تيانشان تورىنىڭ حابارى (سۋرەتىن ءتۇسىرىپ، حابارىن جازعان ٴتىلشى ساۋ حۋا، ەرىكتى چيۋ جيڭ). قازىر، شينجياڭنىڭ اۋىل شارۋاشىلىق ونىمدەرىنەن مول ءونىم الاتىن كەز، شينجياڭعا باعىتتامالى كومەكتەسەتىن ولكە، قالالار كاسىپورىندار ارقىلى ساتىپ الۋ، ارالاپ ساتۋ، الەۋمەتتىك اۋماقتارعا، مەكەمە ـ ورىنعا ەنگىزۋ سياقتى شارالار ارقىلى شينجياڭنىڭ جەمىس ورمانى ونىمدەرىنىڭ ىشكى ولكە بازارىنا شىعارىلۋىنا كومەكتەستى.
ۇعىسۋعا قاراعاندا، قاشقار ايماعىنىڭ اۋىل شارۋاشىلىق ونىمدەرىنىڭ شاندۇڭ ولكەسىندە ساتىلۋىن اناعۇرلىم كەڭەيتۋ ٴۇشىن، بيىل 8 - ايدىڭ باس شەنىندە، شاندۇڭنىڭ شينجياڭعا باعىتتامالى كومەكتەسۋ نىسانى ”ۇلكەن قامبانى شىعىسقا كوشىرۋ“، ”قاشقار وزگەشە ءدامى“ باس دۇكەندەرى شاندۇڭ ولكەسى بينجوۋ قالاسى مەن زاۋجۋاڭ قالاسىنا ىرگە تەۋىپ، وسىدان كەيىن، ”ۇلكەن قامبانى شىعىسقا كوشىرۋ“ نىسانى شاندۇڭ ولكەسىندە 15 باس دۇكەن، 120 دان استام جەلىلەس دۇكەن جانە جەلىلەس ارناۋلى تەكشەلەردى اشىپ، قاشقار ايماعىنىڭ تۇتىنۋ ارقىلى كەدەيلەردى سۇيەمەلدەۋىنە دەم بەرەتىن بازار اۋماعى ۇزدىكسىز كەڭەيگەن، كەزەكتە، قاشقار ايماعىنداعى 60 نەشە كاسىپورىننىڭ 400 تۇرگە جۋىق ەرەكشە اۋىل شارۋاشىلىق قوسىمشا ونىمدەرى شاندۇڭ بازارىنا جالپى بەتتىك كىرىپ، جىلدىق ساتىلۋ مولشەرى 20 مىڭ تونناعا تاياپ، جالپى ساتىلىم سوماسى ٴبىر ميلليارد 280 ميلليون يۋان بولعان.
