تيانشان تورى   ›   جاڭالىقتار   ›   ۇعىسۋ، تيىمدىلىك جاساۋ، توعىستىرۋ

ٴبىرىنشى شۋجي قىسقا كەسكىنمەن تانىستىرۋ ارقىلى جەرگىلىكتى جۇمىرتقانىڭ ايلىق ساتىلىم كىرىسىن 45 مىڭ يۋانعا جەتكىزدى

  تيانشان تورىنىڭ حابارى (سۋرەتىن ءتۇسىرىپ، حابارىن جازعان ءتىلشى ايشامگۇل ابىلا، ەرىكتى ءتىلشى اكىرام ناسىرول). لوپنۇر اۋداندىق ساناق مەكەمەسىنىڭ لوپنۇر اۋدانى تارىم اۋىلى نانحايزى قىستاعىندا تۇراتىن ٴبىرىنشى شۋجيى لي جىنحاي ادەتتەگىسىندەي، ىركىندى جۇمىرتقا مولشەرىن ساناپ رەتتەگەننەن كەيىن، جاڭا ٴبىر كۇندىك ساتۋ ينفورماتسياسىن دوستار شەڭبەرىنە تاراتا سالىپ، جالعاستى سەلبەستىك كووپەراتيۆىنىڭ مۇشەلەرىنە كومەكتەسىپ، ولارمەن بىرگە جۇمىرتقالاردى ىرىكتەپ، قوراپتاپ، وتكەن كۇنگى تاپسىرىس مولشەرىنە قاراي زات جەتكىزۋدى ورنالاستىردى.

لي جىنحاي كووپەراتيۆ مۇشەلەرىمەن بىرگە ۋينان جۇمىرتقاسىن قوراپتاۋدا.

  ۇعىسۋعا قاراعاندا، قىستاق كوللەكتيۆ ەكونوميكاسىن كۇشەيتىپ، قىستاق تۇرعىندارىن كىرىستى ارتتىرۋعا جەتەكتەۋ ٴۇشىن، تارىم اۋىلى نانحايزى قىستاعى قىستاق پارتيا ياچەيكاسى باستاماشى بولۋ ۇلگىسى بويىنشا، ياۋلۇڭ ءۇي قۇستارى باعىمشىلىق شارۋالار كاسىپتىك سەلبەستىك كووپەراتيۆىن باستاماشىلدىقپەن قۇرىپ، توڭىرەكتەگى قىستاقتارعا دەيىن كەڭەيتىپ، بۇكىل اۋىلدىڭ باعىمشىلىق بايلىعىن بىرىكتىرىپ، ٴبىرىڭعاي سورت، ٴبىرىڭعاي الدىن الۋ، ءبىرىڭعاي جەم - ٴشوپ، ٴبىرىڭعاي ماركا، ٴبىر تۇتاس ساتۋ ۇلگىسى بويىنشا، كولەمدەنگەن باعىمشىلىق جولىن اشىپ، ۋينان تاۋىعىن باقتى.

  ىندەت تۋىلعان كەزدە، لي جىنحاي ۋيشين، دوۋيىن سياقتى تور تەكشەلەرىنەن پايدالانىپ، قىسقا كەسكىندى تانىستىرۋ جاساپ، ۋينان جۇمىرتقاسىنىڭ ”جارشىسى“ بولدى، ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ مۇشەلەرى، اۋىل، قىستاق كادرلارى، كووپەراتيۆ مۇشەلەرىنىڭ ءبارى ”ساتۋشىعا“، ”جەدەل جەتكىزۋگە“ جاۋاپتى بولىپ، ۋينان جۇمىرتقاسىنىڭ ساتىلۋ جولىن اناعۇرلىم كەڭەيتتى.

  قازىر لوپنۇر اۋدانى ياۋلۇڭ ءۇي قۇستارى باعىمشىلىق شارۋالار كاسىپتىك سەلبەستىك كووپەراتيۆى لوپنۇر اۋدانىنداعى ۇلكەن ەرەن بازار جانە الەۋمەتتىك اۋماقتارعا ءتۇيىندى ساتۋدى جۇزەگە اسىرىپ قانا قالماستان، كورلا قالاسىنداعى 13 ٴىرى، ورتاشا كاسىپورىنمەن زاتپەن قامداۋ توقتامىن جاساستى. ءاركۇنگى زاتپەن قامداۋ مولشەرى 600 كيلوگرام بولىپ، ءبىر ايعا جۋىق ۋاقىتتا ساتىلىم سوماسى 45 مىڭ يۋانعا جەتكەن.

  لي جىنحاي بىلاي دەدى: كەلەسى قادامدا، سەلبەستىك كووپەراتيۆى شوجەنى ءتىپتى دە كوپ ەنگىزىپ، عىلمي باعىمشىلىقتى ارناعا ٴتۇسىرىپ، باعىمشىلىق كولەمىن كەڭەيتىپ، جۇمىرتقانىڭ ءونىم مولشەرىن ارتتىرىپ، ءۇي قۇستارى باعىمشىلىق كاسىبىن جەبەپ، قىستاق تۇرعىندارىنىڭ كىرىسىن ارتتىرۋعا دەم بەرەمىز.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.