شينجياڭ گازەتىنىڭ جالپىلىق اقپارات قۇرالدارى ءتىلشىسى لۋ فىڭباۋ 8 - ايدىڭ 31 - كۇنى ۇرىمجىدەن حابارلايدى. اۆتونوميالى رايوندىق قاتىناس - تاسىمال مەڭگەرمەسىنەن ۇعىسۋىمىزشا، الدىڭعى 7 ايدا تۇتاس رايونداعى قاتىناس قۇرىلىسى نىساندارىنا جيىنى 28 ميلليارد 279 ميلليون يۋان قارجى قوسىلىپ، سايكەس مەزگىلدەگىدەن ％8.4 ارتقان.
8 - ايدىڭ 19 - كۇنى ساعات 19دا دىڭگەك فونتاميتى بەتونىنىڭ ءساتتى قۇيىلۋىنا بايلانىستى، ياركەن اۋدانى قوشىراپ - ياركەن وزەنى ۇلكەن كوپىرى نىساننىڭ تۇڭعىش قازىق فونتاميتىن قۇيۋ ءساتتى ورىندالدى. ”بۇل نىسان كەدەيلەردى سۇيەمەلدەۋدەگى ءتۇيىندى ينجەنەريا، 6 - ايدىڭ 25 - كۇنى قۇرىلىس باستاعان، قۇرىلىس قىزمەتكەرلەرى ءتۇرلى قيىنشىلىقتاردى جەڭىپ، نىسان قۇرىلىسىن جۇرگىزۋدىڭ ماڭىزدى ءبىر قادامىن باستى“، - دەدى نىساننىڭ قولباسشىسى جاۋ شياۋجۇن.
بيىل رايونىمىزدىڭ قاتىناس قۇرىلىس ورىندارى ىندەتتىڭ ىقپالىن جەڭىپ، قۇلشىنا قۇرىلىس جۇرگىزدى. بيىل تۇتاس رايوندا 51 قاتىناس قۇرىلىسى نىسانى جوسپارلانىپ، 54 ميلليارد 242 ميلليون يۋان قارجى قوسۋ جوسپارلانعان، قۇرىلىس كولەمى 32 مىڭ 700 كيلومەتر، مۇنىڭ ىشىندە اۋىل - قىستاق تاس جولى 24 مىڭ 500 كيلومەتر.
اۆتونوميالى رايوننىڭ قاتىناس - تاسىمال تاراۋلارى قيىنشىلىقتاردى جەڭىپ، جالعاستىرىلىپ سالىنا باستاعان قۇرىلىستارعا كەپىلدىك ەتىپ، جاڭادان باستالعان قۇرىلستاردى جەبەپ، قارجى قوسۋدى تەزدەتىپ، ءتۇيىندى نىسانداردىڭ ىلگەرىلەۋىن ءونىمدى ىلگەرىلەتتى. الدىڭعى 7 ايدا رايونىمىزدا ءتۇرلى نىسان قۇرىلىسى ورىندارى جاۋاپكەرشىلىكتى قاتايتىپ، ىندەتتەن ساقتانۋ - تىزگىندەۋدى ۇدايىلاندىرۋ قىزمەتىن ويداعىداي ىستەۋ العى شارتىندا، جۇمىستى ءتارتىپتى قالپىنا كەلتىرۋدى جۇزەگە اسىردى. سالىنىپ جاتقان 35 نىسان تۇگەلدەي جۇمىستى قالپىنا كەلتىردى، جاڭادان سالىنعان 13 نىسان جۇمىس باستاپ قۇرىلىس جۇرگىزدى.
قازىر رايونىمىزداعى تاس جول ءتۇيىندى نىساندارى قۇرىلىسى جەدەل ىلگەرىلەدى، G30 شياۋساۋحۋ − ءۇرىمجى نىساننىڭ نەگىزگى جەلىسى تۇتاستىرىلدى، G0711 ءۇرىمجى − لوپنۇر نىسانى ءتارتىپتى ىلگەرىلەدى، شەشۋشى ينجەنەريا تيانشان جەڭىس تۋنەلى جاپپاي تۇلعالىق قۇرىلىس جۇرگىزۋ كەزەڭىنە ءوتتى، اۋىل - قىستاق تاس جولى پارمەندى ىلگەرىلەپ، 7944 كيلومەتر جەرى سالىنىپ بولدى.
اۆتونوميالى رايوندىق قاتىناس - تاسىمال مەڭگەرمەسىنىڭ قاتىستى جاۋاپتىسى بىلاي دەپ تانىستىردى: سالىنۋ ۇستىندەگى نىساندارعا قاراتا جۇمىس ۋاقىتىن قاۋىرت ورنالاستىرىپ، جاۋاپكەرشىلىكتى قاتايتىپ، قارقىنىن قايتا تەزدەتتىك؛ جاڭادان قۇرىلىس باستاعان نىساندار مەن كەزەكتە تۇرعان نىسانداردىڭ الدىڭعى مەرزىمىن مىقتى ۇستاپ، دايىندىقتى كۇشەيتىپ، دايىن نىسانداردىڭ قارقىنىن تىڭعىلىقتى ىلگەرىلەتتىك؛ ءبىر تۇتاس ورنالاستىرۋدى ۇزدىكسىز ويداعىداي ىستەپ، تاس جول قۇرىلىسىنىڭ جوعارى ساپالى دامۋىن ىلگەرىلەتىپ، تۇتاس جىلداعى قۇرىلىس مىندەتىنىڭ ورىندالۋىنا شىنايى كەپىلدىك ەتتىك.
