شينجياڭ گازەتىنىڭ جالپىلىق اقپارات قۇرالدارى ءتىلشىسى جاۋ شييا، ەرىكتى ءتىلشى جاڭ لۋ 9 - ايدىڭ 1 - كۇنى ۇرىمجىدەن حابارلايدى. ”مەن تەلەۆيزوردان كوپتەن كۇتكەن ارداقتى جۇڭ نانشان اتايدى كوردىم، جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان كەيىن، 84 جاستاعى ول كىسى دەرەۋ ۋحانعا اتتاندى. ورەندەر قۋاتتى بولسا جۇڭگو دا قۇدىرەتتەنەدى، ءبىلىمدى قۇلشىنا ۇيرەنىپ، ول كىسى سياقتى جاۋاپكەرشىلىك ارقالايتىن، ادىلەتتى جاقتايتىن ادام بولامىن“، - دەدى 9 - ايدىڭ 1 - كۇنى كەشتە «وقۋ باستاعانداعى تۇڭعىش ساباقتى» كورگەننەن كەيىن ءۇرىمجى قالالىق 73 - باستاۋىش مەكتەپ 6 - جىلدىعىنىڭ وقۋشىسى جاڭ لۋلۋ تەبىرەنە.
سول كۇنى رايونىمىزداعى ورتا، باستاۋىش مەكتەپتەردىڭ ”كەڭىستىك ساباقحاناسى“ ينەرنەت جەلىسىندە وقۋ باستادى، ءارقايسى مەكتەپتەر «ساباق باستاعانداعى تۇڭعىش ساباقتى» كورۋ، ينتەرنەت جەلىسىندە ”مەملەكەت تۋى استىندا لەكسيا جاساۋ“، ”ىندەتتەن ساقتانۋ بىلىمدەرىن جالپىلاستىرۋ“ سياقتى تاسىلدەر ارقىلى جاڭا وقۋ ماۋسىمىن باستاپ، ىندەتكە قارسى اتتانۋدى ماڭىزدى يدەيا - ساياسي وقۋلىعى ەتىپ، وقۋشىلاردى ءومىردىڭ ءمانى مەن قۇنى جونىندە وي جۇگىرتۋگە، قاھارمانداردى قادىرلەۋگە، جانۇيا - وتان سۇيىسپەنشىلىگىن كوكەيگە ۇيالاتۋعا جەتەكتەدى.
نىلقى اۋدانى قاراسۋ اۋىلى سەنترلى مەكتەبى ورتالاۋ 3 - جىلدىعىنىڭ وقۋشىسى قاستەر اكىمتوقتاۋ: ”بۇلشىق ەت سەمۋ ناۋقاسىنا شالدىققان ’قۇرىش شيپاحانا باستىعى‘ جاڭ ديڭيۇيدىڭ ءوز باسىنا تونگەن قاتەردى ەلەمەي، ىندەتكە قارسى اتتانۋدىڭ ءبىرىنشى شەبىندە كۇندىز - ءتۇنى ەرلىكپەن شايقاس جاساعاندىعىن كورىپ، ەرەكشە تەبىرەندىم، ول كىسىنىڭ بويىنان جاڭا ءداۋىردىڭ جاس وسپىرىمدەرى بولعان ءبىزدىڭ بورىشىمىز بەن جاۋاپكەرشىلىگىمىزدى اناعۇرلىم اڭعاردىم. مەن مەكتەپتىڭ ۇندەۋىنە ءۇن قوسىپ، ەسىل شاقتاردى زايا جىبەرمەي، ينتەرنەت جەلىسىندە ساباقتى دەن قويا ۇيرەنىپ، تاسقىنداعان ىنتامەن جاڭا وقۋ ماۋسىمىن قارسى الامىن!“ دەي كەلىپ، قىسىلتاياڭ ساتتە، سانسىز قارسى اتتانۋشىلاردىڭ اتويلاپ الدا جۇرگەندىگىن، ءوزىنىڭ دە ”قيىندىقتان تايسالمايتىن، جاۋاپكەرشىلىكتەن قاشقالاقتامايتىن“ زامانىمىزدىڭ جاقسى ورەنى بولۋعا قۇلشىناتىندىعىن ءبىلدىردى.
ءۇرىمجى قالالىق 80 - باستاۋىش مەكتەپتىڭ باستىعى يىن جيە بۇلت تەرمينالى ارقىلى وقۋشىلارعا ويلاۋعا شەبەر بولىپ، قادىرلەۋدى ءبىلىپ، العىس ايتۋدى ءبىلىپ، تەجەمدىلىكپەن، قايسارلىقپەن ءوزىمىزدىڭ ەسەيىپ - ەرجەتۋىمىزدى جەبەيىك دەگەن ءۇمىت ارتتى.
ۇعىسۋعا قاراعاندا، 9 - ايدىڭ 1 - كۇنىنەن باستاپ، اۆتونوميالى رايوندىق وقۋ - اعارتۋ مەڭگەرمەسى اۆتونوميالى رايوندىق ەلەكترلى وقىتۋ سارايى، وقۋ - اعارتۋ عىلمي زەرتتەۋ ورنى جانە شينجياڭ تەلەۆيزياسى، راديو - تەلەۆيزيا، يدۇڭ، ليانتۇڭ، تەلەگراف سياقتى تەلەۆيزور، ينتەرنەت ارنالارى ارقىلى اۆتونوميالى رايونداعى ورتا، باستاۋىش مەكتەپتەردى ”كەڭىستىك ساباقحانا“ ينتەرنەت جەلىسىندەگى ساباق بايلىعىمەن ءبىر تۇتاس قامداعان.
ينتەرنەت جەلىسىندە ”كەڭىستىك ساباقحانا“ وقىتۋىن ويداعىداي ىستەۋ ءۇشىن، رايونىمىزداعى ءار دارەجەلى وقۋ - اعارتۋ تاراۋلارى، ورتا، باستاۋىش مەكتەپتەر كوكتەمگى وقۋ ماۋسىمىنداعى ينتەرنەت جەلىسىندە وقىتۋ تاجىريبەلەرىن قورىتىندىلاپ، كۇزگى وقۋ ماۋسىمىنداعى قىزمەت ءىس جۇزىندىك جاعدايىمەن ۇشتاستىرىپ، ينتەرنەت جەلىسىندە وقىتۋ قىزمەت جوباسىن ەرتە باستان جاساپ، تۇرلىشە ساتىداعى ساباق وقىتۋ ۋاقىتى بويىنشا ينتەرنەت جەلىسىندە وقىتۋ قىزمەتىن تارتىپپەن ۇيىمداستىردى.
اقسۋ قالالىق 10 - ورتا مەكتەپتىڭ وقىتۋشىلارى جاڭا وقۋ ماۋسىمىندا ينتەرنەت جەلىسىندە توپتىق ساباق دايىنداۋ قيمىلىن ورىستەتىپ، ينتەرنەت جەلىسىندە وقىتۋدان ورتاقتاسۋ، زەرتتەۋ - تالقى جۇرگىزۋ، ت. ب ارقىلى وقۋشىلاردىڭ ۇيرەنۋ بارىسىندا قويعان ءىس جۇزىندىك ماسەلەلەرىمەن ۇشتاستىرىپ، ينتەرنەت جەلىسىندە وقىتۋ ونىمدىلىگىن جوعارىلاتتى. ”ينتەرنەت جەلىسىندە ساباق وتۋدەن ىلگەرى وقىتۋشىلار بار زەيىن - زەردەسىن جۇمساپ، بايلىق قاراستىرىپ، وقىتۋدى جوبالاۋ مەن ساباق قۇرالدارىن تولىقتىرىپ، وقىتۋ قابىلەتىن جوعارىلاتتى، جاڭا وقۋ ماۋسىمىندا ينتەرنەت جەلىسىندەگى ساباقحانا ۇلگىسىنەن ويداعىداي پايدالانىپ، وقۋشىلارعا اناعۇرلىم ويداعىداي ساباق وتەمىز“، - دەدى كەلپىن اۋدانى كەلپىن . حۋجوۋ گوچيڭ ورتا مەكتەبى پارتيا باس ياچەيكاسىنىڭ شۋجيى ما دۇڭشيڭ.
