تيانشان تورى
تيانشان تورى   ›   جاڭالىقتار   ›   ۇعىسۋ، تيىمدىلىك جاساۋ، توعىستىرۋ

ٴدوربىلجىن اۋدانى: تاڭقۋراي قىپ - قىزىل بولىپ پىستى

  تيانشان تورىنىڭ حابارى. (سۋرەتىن ءتۇسىرىپ حابارىن جازعان ەرىكتى تىلشىلەر جاڭ ياڭ، فىڭ ۋىن ۋىن). ”قىزمەت گرۋپپاسىنىڭ ءادىس - امال قاراستىرۋىمەن تاڭقۋرايدان مول ءونىم الدىق، تۇرمىسىمىز بارعان سايىن جاقساردى“، - دەدى 8 ـ ايدىڭ 24 ـ كۇنى شينجياڭ تارباعاتاي ايماعى ٴدوربىلجىن اۋدانى ەمالعۇلىن موڭعۇل ۇلتتىق اۋىلى بيىكجار قىستاعىنىڭ تۇرعىنى چىن يۇيجاڭ قۋانا.

  بيىكجار قىستاعىندا 6000 مۋدان استام ەگىستىك جەر بار، نەگىزىنەن جۇگەرى، ءبيداي ەگىلەدى. ەگىمشىلىك قۇرىلىمىن ساپالىلاندىرۋ ٴۇشىن، ٴدوربىلجىن اۋداندىق ٴادىليا مەكەمەسىنىڭ قىستاقتا تۇراتىن قىزمەت اترەتى ەرەكشە ەگىمشىلىكتى دامىتىپ، شارۋالاردىڭ كىرىسىن ارتتىرۋدى العا قويدى.  

  ايتىلعان زامان باستاپ كەتتىك، قىزمەت اترەتى قىستاق ”ەكى كوميتەتىمەن“ بىرلەسىپ قىستاق تۇرعىندارى ءماجىلىسىن اشىپ، 80 مۋ جەردى مۋ باسىن 300 يۋاننان كوتەرمەگە بەرۋ ءتاسىلى بويىنشا چىن يۇيجاڭنىڭ ەرەكشە ەگىمشىلىكتى سىناق رەتىندە باستاۋىنا بەردى. چىن يۇيجاڭ ەرەكشە ەگىمشىلىك سالاسىن ەڭ الدىمەن باستاپ، باتىلدىقپەن ىسكە كىرىسكەن ادام بولدى.

  نە ىستەرىن بىلمەي اڭكى - تاڭكى بولعانىندا، قىزمەت اترەتى جاعدايدى ۇعىسقاننان كەيىن، اۋداندىق ەگىن شارۋاشىلىق تەحنيكا پۋنكتىندەگى مامانداردى مەرزىم بويىنشا جەتەكشىلىك ەتۋگە ۇسىنىس ەتتى. پارتيا مۇشەلەرى مەن قىستاق كادرلارى بىرلىكتە توپىراعىن بوساتىپ، ارام ٴشوبىن وتادى. كوپشىلىكتىڭ زەر سالا باپتاۋىمەن، سول جىلى چىن يۇيجاڭ ەككەن ساۋساقشا تاڭقۋراي مول ٴونىم بەرىپ، جىلدىق ٴونىم مولشەرى 4 تونناعا جەتتى. سونىمەن بىرگە ۋيشىن دوستار شەڭبەرى جانە جاقىن ماڭداعى قىستاق اترەت دۇكەندەرىمەن بايلانىس جاساۋ ارقىلى ساتۋ جولىن دا تاپتى. ساۋساقشا تاڭقۋرايدىڭ ونىمدىلىگىنىڭ جاقسى ەكەنىن كورگەن، توڭىرەكتەگى قىستاق، اترەتتەگى قىستاق تۇرعىندارى كەلەر جىلى تاڭقۋراي ەگۋ قوسىنىنا كىرۋگە دايىندالدى.

  بيىكجار قىستاعىنىڭ ٴبىرىنشى شۋجيى، قىزمەت اترەتىنىڭ باستىعى سەرىك ماۋكەن بىلاي دەدى: كەلەسى قادامدا، قىستاق ىشىندە ساۋساقشا تاڭقۋراي ەگۋ ۇگىت تەبىنىن كۇشەيتىپ، ٴتىپتى دە كوپ قىستاق تۇرعىندارىن تاڭقۋراي ەگۋگە شابىتتاندىرىپ، تاڭقۋرايدى كولەمدەندىرىپ ەگىپ، قىستاق تۇرعىندارىنىڭ كىرىسىن ارتتىرۋعا دەم بەرەمىز.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.