شينجياڭ قورعاس نان كاسىپ باقشاسى ٴوندىرىس سەحىنداعى جاڭا پىسىرىلعان ناندار.
تيانشان تورىنىڭ حابارى (سۋرەتىن ءتۇسىرىپ، حابارىن جازعان ٴتىلشى ۋاڭ جيڭجيڭ، ەرىكتى ٴتىلشى زوۋ لۋلۋ). 8 - ايدىڭ 31 - كۇنى 100 مىڭ نان شينجياڭنىڭ قورعاس وتكەلىندەگى اۋىل شارۋاشىلىق قوسىمشا ونىمدەرىننىڭ ”جاسىل ارناسى“ ارقىلى كەدەننەن ىركىلىسسىز ءوتىپ، وزبەكستانعا جونەلتىلدى، 9 ـ ايدىڭ 3 ـ كۇنى بۇل ناندار وسى ەلدەگى تاشكەنت قالا تۇرعىندارىنىڭ داستارقانىنا قويىلاتىن بولادى.
ۇعىسۋعا قاراعاندا، بۇل جولى 5 تۇردەگى 100 مىڭ ناننىڭ بارلىعى شينجياڭ قورعاس نان كاسىپ باقشاسى ٴوندىرىس سەحىندا پىسىرىلعان جانە قوراپتالعان، وزبەكستانداعى ٴبىر ٴىرى كاسىپورىن 8 ـ ايدىڭ 20 ـ كۇنى تاپسىرىس بەرىپ، 8 ـ ايدىڭ 31 ـ كۇنى كەدەننەن ءساتتى شىعارىلعان.
”بۇل كاسىپورىن ەكىنشى رەت تاپسىرىس بەرىپ ساتىپ الدى، ٴبىرىنشى رەت 7- ايدا 30 مىڭ نانعا تاپسىرىس بەرگەن. ٴبىزدىڭ نانىمىز ساپالى ءارى ارزان، ٴدامى جاقسى، سول جەردە جاقسى باعاعا يە بولدى، ولار تاعى دا 100 مىڭ نانعا ۇستەمەلەپ تاپسىرىس بەردى“،- دەدى وسى رەتكى نان ەكسپورت ەتۋگە جاۋاپتى قورعاستاعى ءبىر سىرتقى ساۋدا سەرىكتەستىگىنىڭ باس القاسى يۇي چىڭجۇڭ. ۇعىسۋعا قاراعاندا، 6 - ايدان باستاپ، نان كاسىپ باقشاسىنا بۇل سەرىكتەستىك ۇزبەي تاپسىرىس بەرگەن.
ۇعىسۋعا قاراعاندا، قورعاس نان كاسىپ باقشاسى جۇمىس باستاعاننان بەرى، 500 ادامنىڭ جۇمىسقا ورنالاسۋ ماسەلەسىن شەشىپ، كەدەيلىكتەن ارىلتۋدان قامال الۋعا دەم بەرەتىن حالىق تۇرمىسى ينجەنەرياسىنا اينالعان. جۋىقتا ەكىنشى مەرزىمدىك ينجەنەريا قۇرىلىسى اياقتاعاندا، كۇنىنە 400 مىڭ نان ءوندىرىلىپ، 800 ادامنىڭ جۇمىسقا ورنالاسۋ ماسەلەسىن شەشىم ەتەدى ەكەن.
