شينجياڭ گازەتىنىڭ جالپىلىق اقپارات قۇرالدارى ءتىلشىسى لۋ فىڭباۋ، ەرىكتى ءتىلشى ياڭ لى 9 - ايدىڭ 2 - كۇنى ۇرىمجىدەن حابارلايدى. جۇڭگو تەمىر جول ءۇرىمجى مەكەمەسى توبى شەكتى سەرىكتەستىگىنەن ۇعىسۋىمىزشا، 9 - ايدىڭ 2 - كۇنى تۇستەن بۇرىن 66 توننا جاڭعاق وڭتۇستىك شينجياڭ شوعىرلى جيناۋ، شوعىرلى تاسىمالداۋ جۇك تاسىمال كەزەكشى پويەزىمەن قاشقار بەكەتىنەن اتتاندى، ۇرىمجىگە جەتكەننەن كەيىن شوعىرلاندىرىلىپ تۇركياعا جونەلتىلەدى.
66 توننا جاڭعاق تيەلگەن پويەزدىڭ بەكەتتەن اتتانعانىن كورگەن شينجياڭ جەمىس - جيدەك كاسىبى توبى قاعىلىق باتىس ءوڭىر گوشۋ ەلەكتروندى ساۋدا قامداۋ تىزبەگى شەكتى سەرىكتەستىگىنىڭ باس ديرەكتورى فەي شيڭحۋا قۋانىشپەن: ”وڭتۇستىك شينجياڭ شوعىرلى جيناۋ، شوعىرلى تاسىمالداۋ جۇك تاسىمال پويەزى ورتا، شاعىن كاسىپورىنداردىڭ بىتىراندى زات جونەلتۋ قاجەتىن شەشىپ، زات توپتاۋ ۋاقىتىن ۇنەمدەدى“ دەدى.
فەي شيڭحۋا بىلاي دەدى: سەرىكتەستىكتىڭ ساتىپ العان جاڭعاعى، باستىسى، قازاقستان، تۇركيا سياقتى ەلدەرگە تاسىمالدانادى. تەمىر جولدا ۆاگون الماستىرۋ، الماستىرىپ تيەۋ رەت - سانى ازايعاندىقتان، جاڭعاقتى قۇرعاق كۇيىندە ساقتاپ، كوگەرۋىنىڭ الدىن الىپ، زات ساپاسىنا اناعۇرلىم كەپىلدىك ەتۋگە بولادى، ءبىر جىلدان بەرى وسى سەرىكتەستىك وڭتۇستىك شينجياڭ شوعىرلى جيناۋ، شوعىرلى تاسىمالداۋ جۇك تاسىمال كەزەكشى پويەزىمەن 6076 توننا جاڭعاق جونەلتتى.
جۇڭگو تەمىر جول ءۇرىمجى مەكەمەسى توبى شەكتى سەرىكتەستىگى قاشقار جۇك تاسىمال ورتالىعى تيەۋىش قوراپتاردى رەتتەۋ، جونەلتۋ سياقتى تاسىمال قۋاتى جاقتارىندا بەيىمدەۋ سەرپىنىن ارتتىرىپ، تيجارات قىزمەتكەرلەرىن جونەلتۋ جاعدايىن ۋاق - ۋاق يگەرۋگە ورنالاستىرىپ، تاسىمالدىڭ ۇيىمدىق ءتارتىبىن ۇزدىكسىز ساپالىلاندىرىپ، وڭتۇستىك شينجياڭ شوعىرلى جيناۋ، شوعىرلى تاسىمالداۋ جۇك تاسىمال كەزەكشى پويەزىنىڭ جونەلتۋ ونىمدىلىگىن جوعارىلاتتى.
”وڭتۇستىك شينجياڭ شوعىرلى جيناۋ، شوعىرلى تاسىمالداۋ جۇك تاسىمال كەزەكشى پويەزىن جۇرگىزۋدە اپتا سايىن تۇراقتى كەزەكشى پويەز جونەلتۋ جانە جول جونەكەي ۆاگون تىركەۋ ءتاسىلى اتقارىلدى، شوعىرلى جۇك جيناۋدى توسۋ ۋاقىتىن قىسقارتىپ، تاسىمالدىڭ ونىمدىلىگىنە شىنايى كەپىلدىك ەتىلدى. ءبىز ۇزدىكسىز دالمە - ءدال قىزمەت وتەۋ ازىرلەپ، قاريدارلاردىڭ تاسىمال سۇرانىسىن قاناعاتتاندىرامىز“، - دەدى قاشقار جۇك تاسىمال ورتالىعى پارتكومىنىڭ شۋجيى لۇي جۇن.
جۇڭگو تەمىر جول ءۇرىمجى مەكەمەسى توبى شەكتى سەرىكتەستىگى زات تاسىمال ءبولىمىنىڭ جاۋاپتىسى بىلاي دەپ تانىستىردى: بىلتىر شينجياڭ تەمىر جول تاراۋلارى وڭتۇستىك شينجياڭداعى ورتا، شاعىن كاسىپورىنداردىڭ ءوندىرىس قۋاتى مەن جەرگىلىكتى ورىننىڭ اۋىل شارۋاشىلىعى قوسىمشا ونىمدەرىنىڭ ساتىلۋ جاعدايىنا تەكسەرۋ - زەرتتەۋ جۇرگىزىپ، وڭتۇستىك شينجياڭعا شوعىرلى جيناۋ، شوعىرلى تاسىمالداۋ جۇك تاسىمال كەزەكشى پويەزىن ورنالاستىرىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋگە دەم بەردى. 9 - ايدىڭ 1 - كۇنىنە دەيىن، وڭتۇستىك شينجياڭ شوعىرلى جيناۋ، شوعىرلى تاسىمالداۋ جۇك تاسىمال كەزەكشى پويەزى قاتىناعان ءبىر جىلدان بەرى، تاسىعان ونىمدەرى جاڭعاق، ورىك توسابى، جەمىس شىرىنىنان كيىم - كەشەك، ەلەكتر شاۋگىم، اۆتوكولىك بولشەكتەرى سياقتى 20 تۇرلىدەن استام ونىمگە كەڭەيىپ، 9 مەملەكەتتىڭ 17 قالاسىنا قاتىناپ، جيىنى 40 مىڭ 300 توننا زات وسى كەزەكشى پويەزبەن مەملەكەت قاقپاسىنان شىقتى.
