قالا تۇرعىندارى بالالارىن ەرتىپ شياۋلۇيگۋدا سەيىلدەدى.
تيانشان تورىنىڭ حابارى (سۋرەتىن ءتۇسىرىپ حابارىن جازعان ءتىلشى جاڭ ۋاندى). 9 - ايدىڭ 3 - كۇنى، ۇرىمجىدە كۇن سالقىن بولدى، شياۋلۇيگۋ ەكولوگيالىق باقشاسىندا كوپتەگەن قالا تۇرعىندارى سەيىلدەپ، دەنە شىنىقتىرىپ، تىنىش، جايلى ورتادان ءلاززاتتاندى.
ءتىلشىنىڭ ۇعىسۋىنشا، ءوندىرىس، تۇرمىستىڭ تارتىپپەن جاپپاي قالپىنا كەلۋىنە ساي، ءۇرىمجى ەكونوميكالىق، تەحنيكالىق اشۋ رايونىنداعى (توۋتۇنحى رايونى) شياۋلۇيگۋ ەكولوگيالىق باقشاسى اشىلىپ ساياحاتشىلاردى قابىلدادى.
اشىلعاننان بەرى، جۇمىسشىلار بۇتا - بۇرگەندى كورىنىس بەلدەۋىندەگى اعاشتاردى بۇتاپ، سۋاردى، تازالىق جۇمىسشىلارى ورىندىقتاردى، راشەتكا قاتارلىلاردى تازالاپ، باقشانىڭ كىرەر اۋىزىندا جانە باقشا ىشىندە قىزمەتكەرلەر دە ساياحاتشىلارعا جەكەلىك ساقتانۋ - قورعانۋعا كوڭىل ءبولىپ، ارالىق ساقتاپ، ماسكى تاعۋ قاتارلىلاردى ەسكەرتتى.
شياۋلۇيگۋ ەكولوگيالىق باقشاسى ءۇرىمجى ەكونوميكالىق، تەحنيكالىق اشۋ رايونىنداعى (توۋتۇنحى رايونى) ۋيتاي سارايىنىڭ باتىسىنداعى ەكى سايدىڭ اراسىنا ورنالاسقان، سۋى، جاسىل جامىلعىسى، جاياۋلار جولى، كەڭىستىكتى تامالايتىن ۇزىن كاريدورى قاتارلىلار بار، ساياحاتشىلار وسىندا گۇلدەن ءلاززاتتانىپ قانا قالماي، اقىرىن جۇگىرۋ سىندى سپورتپەن اينالىسۋىنا بولادى، ءار كۇنى كوپتەگەن قالا تۇرعىندارى وسىندا كەلىپ سەيىلدەپ، دەنە شىنىقتىرادى.
شياۋلۇيگۋ ەكولوگيالىق باقشاسىنداعى جاساندى كول — يۇيحىڭ كولى.
تۇڭعيىق اشىلدى.
جۇمىسشىلار اعاش بۇتاۋدا.
تازالىق جۇمىسشىسى باقشاداعى ورىندىقتى تازالاۋدا.
تازالىق جۇمىسشىسى كول شەتىندەگى راشەتكانى تازالاۋدا.
