تيانشان تورى   ›   جاڭالىقتار   ›   شينجياڭ حابارلارى

سۇن شيانلي: ەڭ سوڭعى ناۋقاس شيپاحانادان شىققانعا دەيىن شايقاسامىن

شينجياڭ گازەتىنىڭ جالپىلىق اقپارات قۇرالدارى ءتىلشىسى چاۋ جين

  ”جىل باسىنداعى ىندەتتە العان قۇتقارۋ - ەمدەۋ تاجىريبەمىز بار، ماماندار گرۋپپاسى كەلىپ تىكە جەتەكشىلىك ەتىپ وتىر، ءسوز جوق، ەڭ سوڭعى ناۋقاس شيپاحانادان شىققانشا شايقاسامىن“، - دەدى اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋى بويىنشا مەديتسينالىق قۇتقارۋعا، ەمدەۋگە بەلگىلەگەن شيپاحانانىڭ شيپاگەرى سۇن شيانلي.

  اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋى بويىنشا مەديتسينالىق قۇتقارۋعا، ەمدەۋگە بەلگىلەگەن شيپاحانا اۆتونوميالى رايوندىق 6 - حالىق شيپاحاناسى نەگىزىندە شايقاس كەزىندەگىدەي جىلدامدىقپەن تەز قۇرىلعان. 7 - ايدىڭ 16 - كۇنى ساعات 3تە سۇن شيانلي تەلەفون العان سوڭ، شيپاحاناعا دەرەۋ جەتىپ، تۇڭعىش ناۋقاستى قابىلدادى. ”سول كەزدە قورقىپ كەتپەدىم، قالاي دەگەنمەن جىل باسىندا ءبىز وسىندا ناۋقاستاردى ءساتتى ەمدەپ ساۋىقتىردىق“. جىل باسىنداعى ىندەتتەگى قۇتقارۋ - ەمدەۋ قىزمەتىن ورىنداعاننان كەيىن، جاڭا تيپتى ايدارشا ۆيرۋس وكپە قابىنۋىنا دياگنوز قويۋ - ەمدەۋ باعدارناماسىنىڭ ءار نۇسقاسىن تۇگەلدەي ەگجەي - تەگجەيلى زەرتتەپ وقىپ، مۇقيات ەستەلىك الدى. ”ءبىز جۇقپالى اۋرۋعا شالدىعۋشىلارعا دياگنوز قويىپ، ەمدەپ - ساۋىقتىرۋشىلارمىز، وسىنىڭ ءبارى ەرەكشە باعالى تاجىريبەلەر“.

  ”سۇراپىل كەلدى، قاتتى تىكسىندىردى“. اۆتونوميالى رايوندىق 6 - حالىق شيپاحاناسىنىڭ سالماقتى اۋرۋلار مەديتسينالىق ءبولىمىنىڭ مەڭگەرۋشىسى سۇن شيانلي وسى رەتكى ىندەتتى وسىلاي سۋرەتتەدى. حال ۇستىندە جاتقان تۇڭعىش ناۋقاس سالماقتى اۋرۋلاردى باقىلاۋ ۇيىنە جەتكىزىلگەندە تاڭعى ساعات 5 كەزى ەكەندىگى ونىڭ انىق ەسىندە، ”سول كەزدە ناۋقاستىڭ تىنىس الۋى السىرەپ، وتتەگىنىڭ قانىعۋ دارەجەسى %70كە تۇسكەن، ءبىز دەرەۋ جاراقاتسىز تىنىس الدىرۋ اسپابىمەن اۋا جىبەرىپ، ونان سوڭ اۋرۋىنا قاراي ەمدەدىك“. مەملەكەتتىك ماماندار گرۋپپاسىنىڭ جاساعان تالداۋىن تىڭداعاننان كەيىن، سۇن شيانلي ەكپەتىنەن جاتقىزىپ اۋا جىبەرۋدى قاتاڭ جۇرگىزىپ، ناۋقاستىڭ تىنىس الۋ جيىلىگىن تىزگىندەپ تۇردى، 3 كۇن بويى توسەك باسىندا كۇتىمدەپ قاراۋدان كەيىن، بۇل ناۋقاستىڭ اۋرۋىنىڭ بەتى قايتىپ، جاي اۋرۋلار اۋماعىنا اۋىستىرىلدى.

  سالماقتى اۋرۋعا شالدىققان ناۋقاستار جۇرەك، نەرۆ، بۇيرەك سياقتى ءاربىر جۇيەدەگى اۋرۋلارعا سايادى، سۇن شيانلي ءار كۇنى ساعات 10داعى كەزەك اۋىستىرۋ جيىنى مەن ساعات 15تەگى كۇماندى، كۇردەلى ناۋقاستاردىڭ اۋرۋ جاعدايىنا تۇجىرىم جاساۋ جيىنىندا دەر كەزىندە كاسىپتىك گرۋپپاداعى ماماندارمەن بىرلەسىپ دياگنوز قويىپ، ناۋقاستارعا بولەك ەمدەۋ جوباسىن بەلگىلەدى.

  ”جاي - جاپسارعا ءمان بەرۋ مەن ۇجىمدىق سەلبەستىك − سالماقتى اۋرۋلار مەديتسيناسىنداعى تەتىك، سونداي - اق ءبىزدىڭ اجالمەن بەلدەسۋدەگى ’ەرەكشە قابىلەتىمىز‘ “. سۇن شيانلي ءار كۇنگى قىزمەتتىڭ جاي - جاپسارىنا، وتە - موتە، كوڭىل ءبولدى، ول تىلشىگە بىلاي دەدى: بولىمدەگى 20 شيپاگەر، 60 نەشە سەسترا تۇرلىشە شيپاحانادان، تۇرلىشە بولىمدەردەن كەلگەن، ءاربىر بولەك ەمدەۋ جوباسىن جاساپ شىعىپ اتقارۋدىڭ بارلىعى كوپ ءتۇرلى پاندەگى ۇجىمدىق سەلبەستىكپەن جۇرىلگەن شايقاستارمەن ىسكە اسىپ، سوڭىندا ەمدەۋ مەن كۇتىمدەۋدىڭ نازىك بۋىندارىندا تياناقتاندىرىلىپ، ناۋقاستاردىڭ اۋرۋدى جەڭۋىنە كومەكتەسەدى.

  جىل باسىندا ىندەتكە قارسى اتتانۋعا قاتىناسقان ءبىر ايدان استام ۋاقىتتا سۇن شيانلي سالماقتى اۋرۋلار مەديتسينا بولىمىندەگى 34 شيپاگەر - سەسترانى باستاپ، بۇكىل رايونداعى %90كە جۋىق سالماقتى اۋرۋعا شالدىققان ناۋقاس پەن %46 دياگنوزى تۇراقتاندىرىلعان ناۋقاستى قۇتقارۋ - ەمدەۋ قىزمەتىن ۇستىنە الىپ، سالماقتى اۋرۋعا شالدىققان ناۋقاستاردى ءساتتى ەمدەپ ساۋىقتىرىپ، ”ءولىم - ءجىتىم بولماۋ، ەشكىم جۇعىمدالماۋ، تۇگەلدەي ەمدەپ - ساۋىقتىرۋ“ سىندى شايقاس ناتيجەسىنە قول جەتكىزدى، سونداي - اق وسى ءۇشىن مەملەكەتتىك جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋداعى وزات جەكە اتاعىنا يە بولدى.

  وسى رەت ول سالماقتى اۋرۋلاردى ەمدەۋ ۇجىمىن جالعاستى باستاپ، جاڭا تيپتى ايدارشا ۆيرۋس وكپە قابىنۋىنا شالدىققانداردى قۇتقارۋ - ەمدەۋدىڭ ەڭ الدىڭعى شەبىندە اتوي سالدى. سۇن شيانلي بىلاي دەدى: ”حالىقتىڭ ءومىرىن قورعاۋدان ماڭىزدى ەشتەڭە جوق! مەن جالعاستى تۇردە ءومىر ءۇشىن بار كۇشىمدى سالامىن، عىلمي قۇتقارىپ - ەمدەۋ مەن ىجداعاتتى كۇتىمدەۋىمىز ارقىلى حالىقتىڭ دەنساۋلىعىنا جار بولامىز“.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى