تيانشان تورى   ›   جاڭالىقتار   ›   شينجياڭ حابارلارى

گۇلباھار جالىمعازى: كەدەننەن ءوتۋ ونىمدىلىگىن جوعارىلاتىپ، مەملەكەت قاقپاسىن ويداعىداي قورعايمىن

شينجياڭ گازەتىنىڭ جالپىلىق اقپارات قۇرالدارى ءتىلشىسى ءجازيرا نەسىپبەك

  ”قازىر ورتا ەسەپپەن كۇنىنە 120دان استام قازاقستاننىڭ جۇك اۆتوكولىگى مەملەكەت شەكارا جەلىسى ارقىلى تىركەمەنى ءتۇسىرۋ - جالعاۋ وڭىرىنە كىرەدى، جۇڭگو جاقتىڭ 100 تاۋار تيەگەن اۆتوكولىگى شەكارا جەلىسى ارقىلى شىعادى، كىرىپ - شىققان اۆتوكولىكتەر مەن تيەلگەن زاتتارعا ىندەتتەن ساقتانۋ - تىزگىندەۋدى ويداعىداي ىستەۋ مەنىڭ قىزمەت جاۋاپكەرشىلىگىم، ءبىر ءسات تە بوساڭسۋعا بولمايدى“، - دەدى 9 - ايدىڭ 5 - كۇنى قورعاس شەكارا وتكەلىن باسقارۋ مەكەمەسىنىڭ ورىنباسار باستىعى، جۇڭگو - قازاقستان قورعاس حالىقارالىق شەكارا سەلبەستىك ورتالىعى باسقارۋ كەڭسەسىنىڭ ورىنباسار مەڭگەرۋشىسى گۇلباھار جالىمعازى.

  42 جاستاعى گۇلباھار ىرىقتىلىقپەن شايقاسقا قاتىناسۋ ءوتىنىش حاتىن جازىپ، تاس جول وتكەلىندە ىندەتتەن ساقتانۋ - تىزگىندەۋ قىزمەتىنە جاۋاپتى بولىپ، شۇعىل جاعدايعا توتەپ بەرۋ شاعىن اترەتىن دەر كەزىندە ۇيىمداستىرىپ، كۇندىزگى قالىپتى كەدەن وتكەلىنەن تۇنگى ”تاق، جۇپ قىزمەت“ ۇلگىسىندە كەزەكشىلىك ىستەگەنگە دەيىن، ول بارلىق جەردە تىنىم تاپپاي ىستەدى. جۇك اۆتوكولىكتەرىنىڭ شەكارادان كىرىپ - شىعۋ راسمياتىن سايكەستىرۋدەن تىس، ونىڭ ەڭ ۇلكەن جاۋاپكەرشىلىگى سىرتتان كىرۋدەن ساقتانۋدىڭ ءتۇرلى شارالارىن مۇقيات تياناقتاندىرىپ جانە ۇزدىكسىز كەمەلدەندىرىپ، مەملەكەت ”قاقپاسىن“ باتىل ويداعىداي قورعاۋ بولدى.

  ”قورعاس شەكارا وتكەلى ەلىمىزدىڭ باتىس سولتۇستىگىندەگى ەڭ ۇلكەن قۇرلىقتىق ساۋدا - ساتتىق وتكەلى، زات اينالىمى جانە ىندەتتەن ساقتانۋ - تىزگىندەۋ سىندى قوس جاۋاپكەرشىلىكتى ارقالاپ وتىر، سىرتتان كىرۋدەن ساقتانۋداعى نەگىزگى شايقاس مايدانى“، - دەدى گۇلباھار.

  نەگىزدەلەتىن ەشقانداي تاجىريبە جوق، گۇلباھار جوباعا ۇزدىكسىز وزگەرىس جاساپ، مەملەكەت قاقپاسىنىڭ قورعاۋشىسى بولۋ جاۋاپكەرشىلىگىن شىنايى ارقالادى. وسى مەزگىلدە ول «تاس جول وتكەلىنەن كىرەتىن جولاۋشىلاردى باسقارۋ ءادىسى»، «شەتەلدەن كىرەتىن جۇك اۆتوكولىكتەرىن باسقارۋ ءتارتىبى»، «جۇك الاڭىن باقىلاۋ - باسقارۋدى باسقارۋ - تىزگىندەۋ شاراسى»، «وتكەلدە ىندەتتەن ساقتانۋ - تىزگىندەۋدىڭ شۇعىل دايىندىق جوباسى» سياقتى كوپ ءتۇرلى ءادىس تارتىپتەرىن باستاماشىلدىقپەن جاسادى، مۇندا ”شەكارا كوپىرىندە وتكىزىپ بەرۋ - وتكىزىپ الۋ فورماسى“، ”تىركەمەنى ءتۇسىرۋ - جالعاۋ فورماسى“ زاتتىڭ كەدەننەن ءوتۋ ونىمدىلىگىن پارمەندى جوعارىلاتىپ، ىندەتتىڭ قاتەرىن تومەندەتتى.

  ىندەت كەزىندە جۇڭگو جاقتىڭ ءارقايسى كەدەن باقىلاۋ - باسقارۋ زات الاڭدارىندا ايالداپ قالعان ماقتا تەرۋ ماشيناسى، توپىراق قازۋ ماشيناسى سياقتى تاۋارلىق اۆتوكولىكتەر كەدەندە تىزىمگە الدىرعاننان كەيىن، جۇڭگو جاقتىڭ شوفەرلەرى مەملەكەت قاقپاسىنا دەيىن جەتكىزەدى، كەدەن شوفەردىڭ دەنە تەمپەراتۋراسىن ولشەپ، زارارسىزداندىرىپ، اۆتوكولىكتى سكانەرلەگەننەن كەيىن، قازاقستان جاقتىڭ شوفەرى كەلىپ ايداپ اكەتەدى. مۇنداي ”شەكارا كوپىرىندە وتكىزىپ بەرۋ - وتكىزىپ الۋ فورماسى“ ادامداردى كەزىكتىرمەۋدى جۇزەگە اسىرىپ، تاۋارلىق اۆتوكولىكتەردىڭ كەدەننەن قالىپتى ءوتۋىن قامتاماسىز ەتتى.

  ال ”تىركەمەنى ءتۇسىرۋ - جالعاۋ فورماسى“ كەدەننەن كىرەتىن جۇك اۆتوكولىكتەر مەن شوفەرلەرگە قولايلىلىق تۋدىردى. قازاقستان جاقتىڭ جۇك اۆتوكولىكتەرى شەكارالىق تەكسەرۋ جانە كەدەندىك تەكسەرۋدەن كەيىن، جەر كولەمى 600 مۋلىق تىركەمەنى ءتۇسىرۋ - جالعاۋ وڭىرىنە كىرىپ، جۇڭگو جاقتىڭ قىزمەتكەرلەرى اۆتوكولىكتىڭ باسىن اۋىستىرۋ فورماسىمەن اۆتوكولىك تىركەمەسىن تاسىپ اكەتەدى، قازاقستان جاقتىڭ شوفەرى جۇڭگو جاقتاعى ادامداردى كەزىكتىرمەۋ وڭىرىندە 20 مينۋت ايالداعاننان كەيىن قايتا قايتىپ كەتەدى.

  ”ءبىز العاشىندا شەكارالىق تەكسەرۋ، كەدەن جانە كاسىپورىنداردا تالاي رەت تەكسەرۋ - زەرتتەۋ جۇرگىزدىك، العا قويعان ادىستەرىمىز كاسىپورىننىڭ قاجەتىن قاناعاتتاندىرىپ قانا قويماي، شەكارالىق تەكسەرۋ جانە كەدەننىڭ زاڭدىق جۇلگە كولەمىندە بارىستى بارىنشا قاراپايىمداستىردى“، - دەدى گۇلباھار.

  وسى باسقارۋ ادىستەرى كەدەننەن وتەتىن ءاربىر اۆتوكولىككە 30 مينۋت شاماسىندا ۋاقىت ۇتىپ، قورعاس وتكەلىنىڭ تاسىمال قۋاتىن بارىنشا جوعارىلاتىپ، زاتتاردىڭ باسىلىپ قالۋىن ازايتىپ، شۇعىل قاجەتتى زاتتاردىڭ كەدەننەن ءوتۋىن قامتاماسىز ەتىپ، ءوندىرىستى جەبەۋگە ۇلەس قوستى.

  ءار كۇنى العاشقى جۇك اۆتوكولىگى كەدەننەن وتكەننەن باستاپ، گۇلباھار شەكارالىق تەكسەرۋدە جانە كەدەندە ساعات باسىپ ۋاقىتقا قاراپ، اۆتوكولىكتەردىڭ توقتاپ قالۋ سەبەبىن ىزدەدى ءارى جوبانى دەرەۋ تۇزەتىپ وتىردى. گۇلباھار قورعانۋ كيىمىن كيىپ، زارارسىزداندىرۋدان اۆتوكولىك باسىن اۋىستىرۋعا، زاتتاردى تۇسىرۋدەن اۆتوكولىك كەتكەنگە دەيىنگى بارلىق بارىستى ءبىر - بىرلەپ تەكسەرگەندە، ونە بويى ءاپ - ساتتە تەرگە مالشىنىپ كەتەدى، ءبىراق ول بۇعان ەش نالىعان جوق.

  ىندەتتەن ساقتانۋ - تىزگىندەۋ كەزىندە گۇلباھار تاڭ اتقاننان كەش باتقانشا قىزمەت ورنىندا قاربالاس بولدى. ”ىندەتتىڭ ىقپالىن جەڭىپ، وتكەلدىڭ قالىپتى تاسىمالىن قامتاماسىز ەتۋ ءۇشىن، شەكارالىق تەكسەرۋ، كەدەن، كاسىپورىن بارلىعى كوپتەگەن قۇلشىنىس جاسادى. وتكەل باسقارۋشى قىزمەتكەر رەتىندە، مەن شەگە قاعۋ رۋحىمەن قىزمەت ورنىمنان تاپجىلماي، مەملەكەت قاقپاسىن جاقسى قورعاپ، وتكەلدىڭ قۋاتىن جوعارىلاتامىن“، - دەدى گۇلباھار.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • نىسان قۇرىلىسى تارتىپپەن ىلگەرىلەتىلدى
  • جىلىجاي سالدى
  • مايسا ورتالىعىنىڭ قۇرىلىسى قاۋىرت جۇرىلۋدە
  • شينجياڭنىڭ ەلەكترىن سىرتقا جەتكىزۋدى قامتاماسىز ەتتى
  • تاپجىلماۋ