[رەداكتور ەسكەرتپەسى]
حالىق تۇرمىسى − باقىتتىڭ نەگىزى، جاراسىمدىلىقتىڭ ارقاۋى. باس شۋجي شي جينپيڭ بىلاي دەپ اتاپ كورسەتكەن بولاتىن: ”حالىقتىڭ تاماشا تۇرمىسقا تالپىنىسى __ ءبىزدىڭ كۇرەس نىسانامىز“. جۇمىستانۋ، وقۋ - اعارتۋ، ەمدەۋ، زەينەتكەرلىك، تۇرعىن ءۇي سياقتى حالىق تۇرمىسى ىستەرىنىڭ ءبارى بۇقارانىڭ تۇرمىسىمەن تىعىز قاتىستى، جاپپاي دوڭگەلەك داۋلەتتى قوعام ورناتۋدىڭ نەگىزى، سونداي - اق بۇقارانىڭ تابىس سەزىمىن، باقىت سەزىمىن، حاۋىپسىزدىك سەزىمىن بەينەلەيتىن تەرەزە. بۇگىننەن باستاپ، گازەتىمىز ”باقىتتى تۇرمىستىڭ كارتينالارى“ جەلىلەس حابارىن جاريالاپ، جاپپاي دوڭگەلەك داۋلەتتى قوعام ورناتۋدىڭ تاريحي اياق الىسىندا تيانشاننىڭ تۇستىگى مەن تەرىستىگىندە تۋىلعان قوعامدىق وزگەرىستەردى، سونداي - اق ءار ۇلت بۇقاراسىنىڭ تۇرمىسىنداعى وزگەرىستەردى بەينەلەيدى.
شينجياڭ گازەتىنىڭ جالپىلىق اقپارات قۇرالدارى ءتىلشىسى لي چۇنشيا
”سەرىكتەستىگىمىز جاتىن ورنىمىزدى، تاماعىمىزدى كوتەرەدى، ءار ايداعى كىرىسىم تۇراقتى، وتكەن ايدا قىزمەت بەينەم جاقسى بولعاندىقتان، سەرىكتەستىك ماعان ءبىر مۇزداتقىش سيلادى“. راحمەتۇللا ءيۇسۇپامەت اتۇش قالاسىنداعى شاعىن، ۇساق كاسىپ باقشاسىنداعى ءبىر تەرى كاسىپورنىندا قىزمەت ىستەيدى. بۇل كاسىپورىندا ول سياقتى ءوز جەرىندە، جاقىن ماڭدا جۇمىستانعان 200 نەشە ادام بار.
”مەن سياقتى اۋىل - قىستاق وتباسىلارىندا وتباسىنداعى 2 مۋ ەگىستىك جەردەن كىرەتىن كىرىس شەكتى. قىزمەتكە ورنالاسقاننان كەيىن، ءۇيىم بارعان سايىن ادەمى بولىپ، تۇرمىسىم دا جاقساردى. مەن، ءسوز جوق، قۇلشىنا قىزمەت ىستەپ، ’نەسىبەمە‘ مىقتاپ يە بولامىن“، - دەدى راحمەتۇللا.
بۇگىنگى كۇندە، مۇنداي جۇمىستانۋ اڭگىمەلەرى تيانشاننىڭ تۇستىگى مەن تەرىستىگىندە ۇنەمى كەزىگەدى. ۇزاق ۋاقىتتىق ەكونوميكالىق، قوعامدىق دامۋ امالياتىندا شينجياڭدىقتار تولىق جۇمىستانۋدىڭ كەدەيلىكتەن ارىلۋدىڭ ەڭ ءونىمدى ءتاسىلى بولۋمەن قاتار، جاپپاي دوڭگەلەك داۋلەتتى قوعام ورناتۋدىڭ بەرىك نەگىزى ەكەندىگىن دە بارعان سايىن جەتە تانىدى.
رەفورما جاساپ، ەسىك اشقاننان بەرى، سوتسياليستىك بازار شارۋاشىلىعىنىڭ دامۋىنا ساي، جۇمىستانۋدىڭ شينجياڭدىقتاردىڭ كوكەيىندەگى ورنى بارعان سايىن ماڭىزدى بولا ءتۇستى. جۇمىستانۋ سان مىڭداعان وتباسىنا قاتىستى، ءار ۇلت بۇقاراسىنىڭ جاقسى تۇرمىسىنا قاتىستى.
پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى حالىقتى وزەك ەتكەن دامۋ يدەياسىنا تاباندى بولىپ، جۇمىستانۋدى الدىمەن ويلاسۋ ستراتەگياسىن اناعۇرلىم بايىتىپ، دامىتتى. 2014 - جىلى 4 - ايدا باس شۋجي شي جينپيڭ شينجياڭعا كەلىپ قىزمەت تەكسەرگەندە بىلاي دەپ باسا دارىپتەدى: جۇمىستانۋ قىزمەتى ەڭ ماڭىزدى، مىقتاپ يگەرىپ، ويداعىداي ىستەۋ كەرەك. دامۋدى يگەرۋ، حالىق تۇرمىسىنا تيىمدىلىك جاساۋ ارقىلى بۇقارانىڭ ىستەيتىن جۇمىسىنىڭ، تاباتىن اقشاسىنىڭ بولۋىنا، ارمانىنىڭ بولۋىنا، تۇرمىسىنىڭ كۇن سايىن جاقسارۋىنا مۇمكىندىك جاساۋ كەرەك.
جۋىق جىلداردان بەرى، اۆتونوميالى رايوندىق پارتكوم مەن ۇكىمەت قاشاندا جۇمىستانۋدى ءبىرىنشى ورىنعا قويۋعا تاباندى بولىپ، ”وڭتۇستىك شينجياڭداعى 4 ايماق - وبلىستاعى اۋىر كەدەي وڭىرلەردە جۇمىستانۋ ارقىلى كەدەيلەردى سۇيەمەلدەۋدىڭ 3 جىلدىق جوباسى“، ”قالا - قالاشىقتا بىردە - ءبىر ادامى جۇمىستانباعان وتباسىلارىنان كەمىندە ءبىر ادامدى جۇمىستاندىرۋ“ سياقتى جۇمىستانۋدى جەبەيتىن ءبىر قىدىرۋ شارالاردى اتقارىپ، جۇمىستانۋى قيىن ادامدار ءۇشىن اناعۇرلىم كوپ وراي ازىرلەپ، حالىق تۇرمىسىنىڭ نەگىزىن اناعۇرلىم تەرەڭ، اناعۇرلىم ورنىقتى تامىر تارتقىزدى.
باسقا كاسىپ سالاسىنا ويىسىپ جۇمىستانىپ، تۇرمىسىمىز جاقساردى
لاۋلاپ جانعان مەش، اعىپ جاتقان كالتسيلى كاربيد، قاربالاس جۇمىس ىستەپ جاتقان مەشتەن الۋشى جۇمىسشىلار. شينجياڭ جۇڭتاي حيميا توقسۇن نىڭحۋا شەكتى سەرىكتەستىگىنىڭ كالتسيلى كاربيد سەحىندا مەشتەن الۋشى جۇمىسشى تۇراپ سوپۇر بايىپپەن جۇمىس ىستەۋدە.
تۇراپتىڭ ءۇيى جاڭاءشار اۋدانى جاھانجار اۋىلى مازار قىستاعىندا. 3 جىلدىڭ الدىندا، اۆتونوميالى رايوننىڭ باسقا كاسىپ سالاسىنا ويىستىرىپ جۇمىستاندىرۋ ابزال ساياساتىنىڭ يگىلىگىن كورىپ، ول ايەلىمەن توقسۇن اۋدانىنا كەلىپ جۇمىستاندى. قازىر ەرلى - زايىپتى ەكەۋىنىڭ كىرىسىن قوسقاندا ءبىر ايدا 10 مىڭ يۋانعا تايايدى.
سونىمەن بىرگە، تۇراپ ءۇيىن وسى زامانعا ساي بەزەندىردى، وتباسى ەلەكتر جابدىقتارى، سافا سياقتىلاردىڭ ءبارى بار بولدى، سۋ جىلىتقىش تا ورناتتى. ەرلى - زايىپتى ەكەۋى توقسۇن اۋدان قالاشىعىندا عيماراتتان 80 نەشە شارشى مەترلىك ءۇي ساتىپ الىپ، قالالىقتاردىڭ تۇرمىسىن كەشىردى.
اۋىل - قىستاقتان قالاعا، شارۋادان جۇمىسشىعا، توپىراق ۇيدەن اۋدان قالاشىعىنداعى تۇرعىن ۇيگە دەيىن، اۆتونوميالى رايوننىڭ جۇمىستاندىرۋ ارقىلى حالىققا تيىمدىلىك جاساۋ ابزال ساياساتى تۇراپ سياقتى كوپتەگەن اۋىل - قىستاق وتباسىنىڭ تاعدىرىن وزگەرتتى.
دوڭگەلەك داۋلەتتى بولۋ - بولماۋدا، باستىسى، اۋىلداستارعا قاراۋ كەرەك. ادام كوپ، جەر از بولۋ، ءبىر جەردىڭ سول جەردەگى ادامداردى باعا الماۋى كەزىندە وڭتۇستىك شينجياڭداعى اۋىر كەدەي وڭىرلەردى ۇزاق ۋاقىت مازالاعان ۇلكەن ماسەلە بولاتىن، كەدەي بۇقارانى باسقا كاسىپ سالاسىنا ويىستىرىپ جۇمىستاندىرۋ ەڭ تىكە، ەڭ رەال ءادىس.
پارتيا 18 - قۇرىلتايىنان بەرى، اۆتونوميالى رايون ۇكىمەتتىڭ جەتەكتەۋىن نەگىز ەتەتىن باسقا كاسىپ سالاسىنا ۇيىمدى تۇردە ويىستىرۋ جاڭا مەحانيزمىن ورناتىپ، ىلگەرىندى - كەيىندى قاشقار مەن حوتاندا 3 جىلدا 100 مىڭ ادامدى جۇمىستاندىرۋ جوسپارى، اۆتونوميالى رايوننىڭ جۇمىستاندىرۋ ارقىلى كەدەيلەردى سۇيەمەلدەۋ بويىنشا 3 جىلدا 100 مىڭ ادامدى جۇمىستاندىرۋ جوسپارى سياقتىلاردى اتقاردى. ءبىر جاقتان، شينجياڭنىڭ ءىشى - سىرتىنداعى جۇمىستانۋ ورنىن اشىپ، كەدەي ەڭبەككۇشتەردى سىرتقا شىعاردى؛ ەندى ءبىر جاقتان، ەڭبەك شوعىرلانعان كاسىپورىنداردى ەنگىزىپ، كەدەي حالىقتى ءوز جەرىندە، جاقىن ماڭدا جۇمىستاندىردى.
ساياساتتىڭ پايداسى كوكتەمنىڭ سالقىن سامالى سياقتى اناعۇرلىم كوپ كەدەي وتباسىلارىندا ”ءبىر ادام جۇمىستانىپ، بۇكىل وتباسىنىڭ كەدەيلىكتەن ارىلۋىن“ جۇزەگە اسىردى. ولار ەسىك الدىنداعى قىستاق قۇرعان زاۆودتاردا، كەدەيلەردى سۇيەمەلدەۋ سەحتارىندا جۇمىستانۋدى جۇزەگە اسىردى، مەملەكەت مەنشىگىندەگى كاسىپورىندار، جالپىلىق مەنشىككە جاتپايتىن كاسىپورىن، الەۋمەتتىك يگىلىك جۇمىس ورنى، قۇرىلىس سالاسى سياقتى تۇرلىشە جۇمىس ورىندارىندا جۇمىستاندى. تۇراقتى قىزمەتى، سەنىمدى كىرىسى بولىپ، دوڭگەلەك داۋلەتتى تۇرمىسقا قول جەتكىزەتىن نەگىزى قالاندى.
قالتاسى قامپايىپ، قىستاق تۇرعىندارىنىڭ تۇرمىسىندا زور وزگەرىس تۋىلدى. ”مەن قىستاقتا ءبىر ءومىر تۇرمىس كەشىردىم، قازىر قىستاق تۇرعىندارىنىڭ سىرتقا شىعىپ جۇمىس ىستەيتىندەرى كوبەيدى، تاباتىن اقشاسى دا كوبەيدى، كيىنىستەرى، بەزەنىستەرى دە ادەمى، قىستاق تۇرعىندارىنىڭ ءبىر تالايىنىڭ جەڭىل اۆتوموبيلى بار، مۇنى بۇرىن ويلاۋ دا مۇمكىن ەمەس ەدى. پارتيانىڭ جۇمىستاندىرۋ ساياساتىنىڭ ارقاسىندا، قىستاقتىڭ بەت - بەينەسى وزگەردى“، - دەدى كۇشار قالاسى الاقارعا قالاشىعى باعۋان قىستاعىنداعى 85 جاستاعى ساقا پارتيا مۇشەسى جامال مامەت تەبىرەنە.
2014 - جىلدان بەرى، رايونىمىزدا اۋىل - قىستاقتاعى ارتىق ەڭبەككۇشتەن جىلىنا ورتا ەسەپپەن باسقا كاسىپ سالاسىنا ويىستىرىپ جۇمىستاندىرىلعاندار 2 ميلليون 700 مىڭ ادام رەتتەن استى. بۇرىنعى بۇقارانىڭ شەبەرلىگىنىڭ جوق بولۋى، جۇمىستانۋىنىڭ قيىن بولۋى، سىرتقا شىعىپ جۇمىستانۋدى قالاماۋىنان تارتىپ، قازىر بۇقارانىڭ ىرىقتىلىقپەن كۋرسكە قاتىناسۋىنا، ىرىقتىلىقپەن سىرتقا شىعىپ جۇمىس ىستەۋىنە دەيىن، بۇقارانىڭ تۇرمىسى كۇننەن - كۇنگە جاقسارىپ، تۇرمىسى دا بارعان سايىن ۇمىتكە تولى بولدى، كاسىپ ارقىلى ادامدى ورنالاستىرۋدى، كاسىپ ارقىلى ادامدى ورنىقتىرۋدى، كاسىپ ارقىلى كەدەيلىكتەن ارىلتۋدى جۇزەگە اسىردى.
كومەكتەسۋ - سۇيەمەلدەۋ جۇمىس ورنى تۇرمىسىمىزدى قامتاماسىز ەتتى
8 - ايدىڭ 15 - كۇنى تۇستەن بۇرىن جەمەنەي اۋدانى جييۇن قالا ىستەرى قۇرىلىسى شەكتى سەرىكتەستىگىنىڭ قىزمەتكەرى سۇن شيۋفاڭ سىر، سىر، سىر ەتكىزىپ، كوشە بويىن مۇقيات سىپىرىپ كەلەدى. ”ايلىق ەڭبەكاقىم 2000 يۋاننان اسادى، ءتۇرلى قوعامدىق قامسىزداندىرۋلارىم دا تولىق“، - دەدى سۇن شيۋفاڭ جايدارى بەينەمەن.
سۇن شيۋفاڭنىڭ جاي سوزىنەن ايرىقشا العىس سەزىمى بايقالادى. بىلتىر ۇلى ىستەيتىن جۇمىس قاراستىرادى، قىزى جوعارى مەكتەپكە ەمتيحان بەرمەكشى بولادى، ولاردىڭ وتباسى كۇيەۋى ەكەۋىنىڭ كۇندىك جۇمىس ىستەپ تاپقان كىرىسىنە عانا قاراپ قالعان ەدى. ”ونىڭ وتباسىنىڭ جاعدايىنان حاباردار بولعاننان كەيىن، ءبىز وعان الەۋمەتتىك يگىلىك جۇمىس ورنىن تانىستىردىق، بيىل 1 - ايدا رەسمي جۇمىسقا شىقتى“، - دەدى جەمەنەي اۋداندىق ادام كۇشى بايلىعى جانە قوعامدىق قامتاماسىزداندىرۋ مەكەمەسى جۇمىستاندىرۋدى جەبەۋ ءبولىمىنىڭ باستىعى چۇي شۋشيا.
ءبىر جۇمىس ورنى ءبىر ورنىقتى كىرىستەن دەرەك بەرەدى، سۇن شيۋفاڭ سياقتى جۇمىستانۋ جاعىندا قيىنشىلىعى بارلار جونىنەن جۇمىس ورنى ولاردىڭ وتباسى تۇرمىس ورەسىنىڭ قامتاماسىزداندىرىلعاندىعىنىڭ بەلگىسى.
ورنىقتى جۇمىستاندىرۋ، قيىنشىلىعى بار قاۋىمدى جۇمىستاندىرۋ سىندى ”تاعاندى“ بەكەمدەۋ كەرەك. سول ءۇشىن، رايونىمىز جۇمىستانۋ جاعىندا قيىنشىلىعى بارلار مەن بىردە - ءبىر ادامى جۇمىستانباعان وتباسىلارىنىڭ جۇمىستانۋ جاعدايىن تىزىمگە الۋ ءتۇزىمىن ورناتىپ، اقاۋسىزداندىرىپ، ”بىرگە ءبىر“ كومەكتەسۋ - سۇيەمەلدەۋدى بارىنشا ورىستەتىپ، ساياسات، جۇمىس ورنى جاعىنان كومەك كورسەتىپ جانە سوڭىنا ءتۇسىپ قىزمەت وتەپ، الەۋمەتتىك يگىلىك سيپاتتى جۇمىس ورىندارىن اشۋ ارقىلى بىردە - ءبىر ادامى جۇمىستانباعان وتباسىنداعى جۇمىسسىز قالعانداردى جۇمىسقا ورنالاستىرىپ، جۇمىستاندىرۋدىڭ، كومەك كورسەتۋدىڭ ”بايقالعان وتباسىلارىن تۇراقتاندىرۋ، سۇيەمەلدەۋ، ورنىقتىرۋداي“ ۇزاق ۋاقىتتىق ءونىمدى مەحانيزمىن ورناتىپ، جۇمىستانۋ جاعىندا قيىنشىلىعى بارلاردى الدىمەن سۇيەمەلدەدى جانە ءتۇيىندى تۇردە كومەك كورسەتتى.
اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنىڭ ساناعىنا قاراعاندا، 2019 - جىلى بۇكىل رايون بويىنشا قالا - قالاشىقتارداعى جۇمىستانۋ جاعىندا قيىنشىلىعى بارلاردان 49 مىڭ 100 ادام جۇمىستانۋدى جۇزەگە اسىرعان. بيىل الدىڭعى 5 ايدا قالا - قالاشىقتارداعى جۇمىستانۋ جاعىندا قيىنشىلىعى بارلاردان 24 مىڭ 200 ادام جۇمىستانىپ، جىلدىق نىسانا - مىندەتتىڭ ％60.57ى ورىندالعان؛ بىردە - ءبىر ادامى جۇمىستانباعان وتباسىلارىندا كەم دەگەندە ءبىر ادامدى 24 ساعات ىشىندە جۇمىستاندىرعان.
”ءبىز ورنىقتى جۇمىستاندىرۋدى، جۇمىستانۋدى قامتاماسىز ەتۋدى كوزدە ۇستاپ، ءتۇيىندى قاۋىمعا كومەكتەسۋ - سۇيەمەلدەۋدى مىقتى يگەردىك“، - دەدى اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى پارتيا باسشىلىق گرۋپپاسىنىڭ ورىنباسار شۋجيى، مەڭگەرمە باستىعى راحمانجان داۋىت، - بيىل رايونىمىز ىندەتتىڭ ىقپالىنا ۇشىراعان جۇمىستانۋدا قيىنشىلىعى بارلاردى جۇمىستاندىرۋ بويىنشا كومەك بەرۋ كولەمىنە دەر كەزىندە ەنگىزىپ، ”ءبىر ادامعا ءبىر شارادان“ جازباي، سوڭىنا ءتۇسىپ قىزمەت وتەۋدى كۇشەيتىپ، ساياسات، جۇمىس ورنى جانە قىزمەت وتەۋدىڭ ادامعا دەيىن تياناقتانۋىنا شىنايى كەپىلدىك ەتىپ، بىردە - ءبىر ادامى جۇمىستانباعان وتباسىلارىندا كەم دەگەندە ءبىر ادامدى 24 ساعات ىشىندە جۇمىستاندىرۋدى جۇزەگە اسىردى.
ىستەيتىن جۇمىس، ورنىقتى كىرىس بولعاندىقتان، بۇقارانىڭ كوڭىلى دە ورنىقتى. ”ۇلىم جاقىندا قىزمەتكە شىقتى، قىزىم سىچۋان مەديا داشۋەسىنە قابىلداندى. جاقسىلىق ارت - ارتىنان كەلىپ، تۇرمىسىمىز ۇمىتكە تولدى، قازىر الاڭدايتىن ەشنارسەمىز قالمادى“، - دەدى سۇن شيۋفاڭ.
جۇمىستانۋ، شارۋاشىلىق قۇرۋ ءومىرىمىزدى ارلەندىردى
بيىلعى جازدىق كانيكولدا احمەتجان مامەت جونىنەن قىزمەتكەر قابىلداۋ ورنىنىڭ جۇمىسقا قابىلداۋ ۇقتىرۋىن تاپسىرىپ العاننان ارتىق قۋانىشتى ءىس بولماسا كەرەك. احمەتجان قاشقار داشۋەسى ەلەكترلەندىرۋ ينجەنەرياسى جانە اۆتوماتتاندىرۋ كاسىبىنەن بيىل وقۋ تاۋىسقان وقۋشى، داشۋەنىڭ 4 - جىلدىعىن وقىپ جۇرگەن كەزىنەن باستاپ، قىزمەت قاراستىرا باستاعان.
جوعارى مەكتەپ تاۋىساتىن وقۋشىلاردىڭ جۇمىستانۋىن، شارۋاشىلىق قۇرۋىن جەبەۋ سان مىڭداعان وتباسىنىڭ بولاشاق تۇرمىسىمەن قاتىستى. پارتيا 18 - قۇرىلتايىنان بەرى، جوعارى مەكتەپ تاۋىسقان وقۋشىلاردىڭ كولەمى ۇزدىكسىز ارتقان جاعدايدا، رايونىمىز جوعارى مەكتەپ تاۋىسقان وقۋشىلاردىڭ جۇمىستانۋىن، شارۋاشىلىق قۇرۋىن جەبەۋ جوسپارىن، نەگىزگى ساتىدا جەتىلۋ جوسپارىن، ”ۇشكە كومەكتەسۋ، ءبىردى سۇيەمەلدەۋ“ جوسپارىن اتقارۋدى ءبىر تۇتاس جوسپارلاپ ىلگەرىلەتىپ، جان - جاقتى سوڭىنا ءتۇسىپ قىزمەت وتەۋ مەن دالمە - ءدال كومەكتەسۋ - سۇيەمەلدەۋدى كۇشەيتىپ، وقۋ تاۋىسقان وقۋشىلاردىڭ كوپ جولمەن، كوپ فورمامەن نەگىزگى ساتىلاردا جۇمىستانۋىنا، كاسىپورىندارعا بارىپ جۇمىستانۋىنا جانە دەربەس شارۋاشىلىق قۇرۋىنا جەتەكشىلىك ەتتى جانە شابىتتاندىردى.
بيىل جاڭا تيپتى ايدارشا ۆيرۋس وكپە قابىنۋ ىندەتى جوعارى مەكتەپ تاۋىسقان وقۋشىلاردىڭ جۇمىستانۋىنا بەلگىلى دارەجەدە كەسىرىن تيگىزدى. رايونىمىزداعى ادام كۇشى بايلىعى جانە قوعامدىق قامتاماسىزداندىرۋ تاراۋلارى قىزمەت وتەۋ ءتاسىلىن جاڭالاپ، ساپالىلاندىرىپ، جوعارى مەكتەپتەردىڭ، ادام كۇشى بايلىعى جانە قوعامدىق قامتاماسىزداندىرۋ تاراۋلارىنىڭ، جوعارى مەكتەپ تاۋىسقان وقۋشىلاردىڭ جانە قىزمەتكەر ىستەتەتىن ورىنداردىڭ بىرلەسىپ ينتەرنەت جەلىسىندە جۇمىسقا قابىلداۋ تەكشەسىن بەلسەنە قۇرىپ، شينجياڭنىڭ الەۋمەتتىك جۇمىستاندىرۋ قىزمەت وتەۋ سايتى، جوعارى مەكتەپ تاۋىسقان وقۋشىلاردى ينتەرنەت بۇلتىندا جۇمىسقا قابىلداۋ تەكشەسى سياقتىلارعا سۇيەنىپ، ينتەرنەت جەلىسىندە قىزمەت قاراستىرۋ، جۇمىسقا قابىلداۋ جاعىنان قىزمەت وتەۋىن بارىنشا جالپىلاستىردى.
مەكتەپتىڭ تانىستىرۋىمەن، بيىل 4 - ايدا احمەتجان ينتەرنەت جەلىسىندە مەملەكەت ەلەكتر تورى شينجياڭ ەلەكتر سەرىكتەستىگى حوتان ەلەكترمەن قامداۋ سەرىكتەستىگىنە قىسقاشا تانىستىرۋىن جولداپ، 7 - ايدىڭ باس شەنىندە جازباشا جانە اۋىزشا ەمتيحان بەرگەن بولاتىن، 7 - ايدىڭ ورتا شەنىندە قابىلدانۋ ۇقتىرۋىن تاپسىرىپ الدى.احمەتجاننىڭ ءۇيى گۋما اۋدانى چودالاڭگار قىستاعىندا، اكە - شەشەسى ەگىنشىلىكپەن اينالىسادى، ءىنىسى مەن قارىنداسى بىردەي وقۋدا. ”احمەتجان جۇمىسقا ورنالاسقاننان كەيىن وتباسىمىزدا تاعى ءبىر ورنىقتى كىرىس بار بولدى“، - دەدى احىمەتجاننىڭ اكەسى مامەت اۋىت ريزاشىلىقپەن.
بيىل ورتا، باستاۋىش مەكتەپ پەن بالاباقشا وقىتۋشىسىنا 24 مىڭ ادام قابىلداندى، ”ۇشكە كومەكتەسۋ، ءبىردى سۇيەمەلدەۋ“ بويىنشا جوعارى مەكتەپ تاۋىسقان 2000 وقۋشى قابىلداندى، مەملەكەت مەنشىگىندەگى ءجۇز نەشە كاسىپورىن 5000نان اسا جۇمىس ورنىن شىعارىپ، جوعارى مەكتەپ تاۋىسقان وقۋشىلاردى قابىلدادى...
بيىل جاڭا تيپتى ايدارشا ۆيرۋس وكپە قابىنۋ ىندەتى الدىندا، جەر - جەر، تاراۋلار، ءارقايسى جوعارى مەكتەپتەر امالدىڭ بارىنشا جوعارى مەكتەپ تاۋىسقان وقۋشىلاردىڭ جۇمىستانۋىنا كومەك كورسەتتى. اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى: بيىل جانە كەلەر جىلى تۇتاس رايونىمىزداعى ءار دارەجەلى، ءار ءتۇرلى ءىسورىنداردىڭ بوس جۇمىس ورىندارىنا قابىلدايتىن جوعارى مەكتەپ تاۋىسقان وقۋشىلاردى ارناۋلى قابىلداۋ سالىستىرماسى ％80تەن تومەن بولماۋى كەرەك دەگەن ارناۋلى ساياسات شىعاردى.
ءداۋىردىڭ دامۋى مەن قوعامدىق قاجەتسىنۋدەگى وزگەرىسكە ساي، ۇشقىشسىز ۇشاق ۇشىرۋشىلار، ينتەرنەت جەلىسىندە ۇيرەنۋگە قىزمەت وتەيتىن وقىتۋشى سياقتى تىڭ كاسىپتەر ۇزدىكسىز جارىققا شىعىپ، جۇمىستانۋشىلاردى كوپتەگەن تالداۋ ورايىنا يە ەتتى.
جوعارى مەكتەپ وقۋ تاۋىسقان وقۋشى ۋاڭ داۋي شينجياڭ ”لەزدىك ۇشۋ“ ۇشاق ۇلگىسى قيمىلىن سەزىنۋ سارايىنىڭ جاتتىقتىرۋشىسى، نەگىزىنەن ۇشقىشسىز ۇشاق، ۇشاق ۇلگىسى، كوكتەي ءوتۋ ۇشاعى كۋرسىندا ساباق وتەدى. ”قوعام تىنباي دامىپ، العا ىلگەرىلەۋدە، ءوزىم قىزىعاتىن كاسىپپەن اينالىسىپ، قوعام اعىنىنان قالماسام، تۇرمىسىم، ءسوز جوق، مۇنان دا ءماندى بولادى“، - دەدى ۋاڭ داۋي.
كاسىپ ساحناسى جاستىقتىڭ جالىنىمەن، تولىق سەنىممەن كورىكتى، ارمان ءۇشىن تالىقپاي تالپىنامىز.
ءتۇيىندى قاۋىم جۇمىس ورنىنا يە بولسا، جۇمىستانۋدىڭ تومەنگى شەگىندە تياناق بولىپ، قولداعى ”نەسىبەدە“ ورنىقتى بولادى. تولىق جۇمىستانۋ مەن جوعارى ساپالى جۇمىستانۋ ءار ۇلت بۇقاراسىنىڭ رۋحىن ءتىپتى دە سەرپىلتىپ، تاماشا تۇرمىستىڭ داڭعىل جولىنا تۇسىرەدى.
