تيانشان تورى   ›   جاڭالىقتار   ›   ەل ءىشى حابارى

قيىندىقتى بىلەك بىرىكتىرە جەڭىپ، ”ىندەتپەن“ شايقاس جۇرگىزۋ ەستەلىگى

− جۇڭگونىڭ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋىنان جالپى ەستەلىك

شينحۋا اگەنتتىگىنىڭ تىلشىلەرى

  بۇل دۇنيە جۇزىلىك 2 - سوعىس اياقتاعاننان بەرگى ەڭ اۋىر بۇكىل جەر شارىندىق الەۋمەتتىك دەنساۋلىق ساقتاۋ توسىن ۋاقيعاسى.

  بۇرىن بولىپ كورمەگەن، توسىن تۋىلعان جاڭا تيپتى ايدارشا ۆيرۋس وكپە قابىنۋ ىندەتىنە ءدوپ كەلگەندە، جۇڭگو ەڭ الدىمەن مالىمدەپ، ەڭ الدىمەن جورىققا اتتانىپ، كۇللى ادامزاتقا جاۋاپتى بولۋ پوزيتسياسىمەن ىندەتتەن ساقتانۋ - تىزگىندەۋدىڭ ءبىر رەتكى حالىقتىق شايقاسىن، جالپى تۇلعالىق شايقاسىن، توسقاۋىل شايقاسىن باستادى.

  ميلليونداعان حالقى بار ءىرى قالا، 9 ولكەنىڭ جول تورابى بولعان ۋحاننان شىعاتىن وتكەلدى بەكىتتى؛ 40 نەشە مىڭ ەمدەۋ قىزمەتكەرى اق حالاتتان ساۋىت كيىپ، ءتۇن قاتا كومەككە اتتاندى؛ ءبىر ميلليارد 400 ميلليون جۇڭگولىق بەرىك سەنىممەن ەل بىرلىگىنەن بەرىك قامال تۇرعىزدى... بۇل ادامزات تاريحىنداعى ەڭ باتىل ساقتانۋ - تىزگىندەۋ شاراسى، سونداي - اق بۇرىن بولىپ كورمەگەن ىرىقتىلىقپەن قۇرباندىق بەرۋ.

  قىس پەن كوكتەمدى وتكىزىپ، ءولىم مەن ءومىردى باستان كەشىردى.

  ىندەتكە قارسى اتتانۋدىڭ وسى ايبىنى اسقاق كۇرەسىندە باس شۋجي شي جينپيڭ ءوزى قولباسشىلىق ەتتى، ءوزى ورنالاستىرۋ جاسادى، ”سەنىمدى بەكەمدەۋ، قيىندىقتى بىلەك بىرىكتىرە جەڭۋ، عىلمي ساقتانۋ - ەمدەۋ، دالمە - ءدال شارا قولدانۋ“ باس تالابىن العا قويىپ، ”ىندەتتىڭ ءورشۋ اۋقىمىن باتىل تەجەۋ، ىندەتتەن ساقتانۋ - تىزگىندەۋدىڭ توسقاۋىل شايقاسىنىڭ جەڭىسىنە باتىل قول جەتكىزۋ“ باس نىساناسىن ايقىندادى، ساقتانۋ - تىزگىندەۋ تاكتيكاسىن ۋاقىتقا، جاعدايعا قاراي رەتتەدى.

  قاشاندا حالىقتىڭ ءومىرىنىڭ حاۋىپسىزدىگى مەن دەنساۋلىعىن ءبىرىنشى ورىنعا قويدى − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، جۇڭگو باتىل دا مىزعىماس ەرلىكپەن جانە بەكىممەن بۇرىن بولماعان عىلمي، دالمە - ءدال ساقتانۋ - تىزگىندەۋ تاكتيكاسى مەن شاراسىن قولدانىپ، قاجىرلىلىقپەن قۇلشىنۋ ارقىلى ءبىر ايدان ارتىق ۋاقىتتا ىندەتتىڭ ءورشۋ اۋقىمىن العاشقى ادىمدا تىزگىندەدى، 2 اي مولشەرىندە ءوز جەرىندەگى ءار كۇنى جاڭادان قوسىلاتىن ناۋقاستى بىرلىك ورىن ىشىندە تىزگىندەدى، 3 اي مولشەرىندە ۋحاندى قورعاۋ شايقاسىنىڭ، حۋبەيدى قورعاۋ شايقاسىنىڭ شەشۋشى جەتىستىگىنە قول جەتكىزىپ، ىندەتتەن ساقتانۋ - تىزگىندەۋ توسقاۋىل شايقاسىنىڭ كەلەلى ستراتەگيالىق جەتىستىگىنە قول جەتكىزدى، ىندەتتەن ساقتانۋ - تىزگىندەۋدى جانە ەكونوميكالىق، قوعامدىق دامۋ قىزمەتتەرىن ءبىر تۇتاس جوسپارلاپ ىلگەرىلەتۋدە بەلسەندى ونىمدىلىككە قول جەتكىزدى.

  جۇڭگو حالقى قايسارلىق كورسەتتى! ادامزاتتىڭ تاعدىرلاس ورتاق تۇلعاسى ۇستانىمىنا تاباندى بولىپ، ءار ەل حالقى قيىندىقتى بىلەك بىرىكتىرە جەڭسە، ۋاقىتتىق اۋىرتپالىقتى بىرگە جەڭسە بولعانى، قيىنشىلىق پەن سىن - سايىستاردى، ءسوز جوق، جەڭىپ، اناعۇرلىم كورىكتى دۇنيە ءجۇزىن قۇرۋعا بولادى.

  ءبىز اقىرىندا، قيىن - قىستاۋ ساتتەردەن وتەتىن بولامىز، ادامزات تۇبىندە ىندەتتى جەڭىپ شىعادى!

  (تىلشىلەر چىن فاڭ، ان بەي، باي جيە، چۇي تيڭ، حۋ جى، حوۋ ۋىنكۇن)

  (شينحۋا اگەنتتىگىنىڭ 9 - ايدىڭ 6 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.