9 - ايدىڭ 8 - كۇنى ساعات 9دان 50 مينۋت وتكەندە، ءۇرىمجى جوعارى قارقىندى تەمىر جول حالىقارالىق اۆتوكولىك جولاۋشى تاسىمال بەكەتىنىڭ بەلەت ساتۋ زالىندا، جولاۋشىلار قاتارعا تۇرىپ بەلەت ساتىپ الۋدا.
تيانشان تورىنىڭ حابارى (سۋرەتىن ءتۇسىرىپ، حابارىن جازعان تىلشىلەر يۇي مىڭفان، جاڭ ۋاندى). 9 - ايدىڭ 8 - كۇنى، ءتىلشىنىڭ ءۇرىمجى جوعارى قارقىندى تەمىر جول حالىقارالىق اۆتوكولىك جولاۋشى تاسىمال بەكەتى، ءۇرىمجى وڭتۇستىك قالا ماڭى جولاۋشى تاسىمال بەكەتىنەن ۇعىسۋىنشا، قازىرگە دەيىن 30دان استام جولاۋشى تاسىمال اۆتوبۋز جەلىسى قالپىنا كەلگەن.
وڭتۇستىك قالا ماڭى جولاۋشى تاسىمال بەكەتى پارتيا ياچەيكاسىنىڭ شۋجيى يوۋ جيانىڭ تانىستىرۋىنشا، قازىر دابانچىڭ، شۇيشيگوۋ باعىتىنا جانە بانفاڭگوۋ باعىتىنا قاتىنايتىن 3 قالا ماڭى جولاۋشى تاسىمالى اۆتوبۋز جەلىسى قالپىنا كەلگەن، باسقا جەلىلەر دە ىركەس - تىركەس قالپىنا كەلەدى ەكەن. ”ءبىز بەكەتكە كىرەر اۋىزى، قىزمەت وتەۋ تەكشەسى، بەلەت ساتۋ زالى، تازالىق بولمەسى، حاۋىپسىزدىك تەكسەرۋ اۋىزى قاتارلى وڭىرلەردى كۇنىنە كوپ رەت زارارسىزداندىرامىز، ءار كەزەك اۆتوبۋزدى زارارسىزداندىرامىز، ءارى ءاربىر اۆتوكولىكتىڭ ەڭ سوڭعى ەكى قاتارىن بوس قالدىردىق، ەگەر جولاۋشىلاردا قىزۋ قاتارلى اۋرۋ بەلگىلەرى بولسا دەر كەزىندە اۋاشالايمىز“،- دەدى يوۋ جيا.
ءۇرىمجى جوعارى قارقىندى تەمىر جول حالىقارالىق اۆتوكولىك جولاۋشى تاسىمال بەكەتى كەزەكشىلىك پۋنكتىنىڭ باستىعى ليۋ حاييان تىلشىگە، قازىر سانجى قالاسى، قۇلجا قالاسى، قارامايلى قالاسى، اراسان اۋدانى، ءدوربىلجىن اۋدانى، كۇيتۇن قالاسى، شىحىزى قالاسى، بۇراتالا قالاسى قاتارلى باعىتتارداعى 30دان استام اۆتوبۋز جەلىسىنىڭ قالپىنا كەلتىرىلگەنىن ايتتى.
9 - ايدىڭ 8 - كۇنى ساعات 9دان 50 مينۋت وتكەندە، ءۇرىمجى جوعارى قارقىندى تەمىر جول حالىقارالىق اۆتوكولىك جولاۋشى تاسىمال بەكەتىنىڭ بەلەت ساتۋ زالىندا، جولاۋشىلار اۆتوكولىك كۇتۋ زالىنا شىعۋدا.
9 - ايدىڭ 9 - كۇنىنەن باستاپ، ءۇرىمجى قالاسىنان سانجى قالاسىنا باراتىن جولاۋشى تاسىمال اۆتوبۋز جەلىسى ءار كۇنى ساعات 8دەن ساعات 20دان 30 مينۋت وتكەنگە دەيىن اۆتوبۋزداردى اينالمالى ۇلگىدە جونەلتەدى، تۇيىندەر بويىنشا تىكە تاسىمالداۋدى جولعا قويىپ، جول ورتادا اۆتوبۋز توقتامايدى، جولاۋشى شىعىپ - تۇسپەيدى؛ اۆتوبۋزعا شىققاندا جولاۋشىلار ازاماتتىق كۋالىك سياقتى كۇشكە يە كۋالىكتەرمەن بەلەت ساتىپ الادى.
جولاۋشى تاسىمالى قالپىنا كەلگەننەن كەيىن، جولاۋشى تاسىمال بەكەتىنىڭ ىشىندەگى اۆتوكولىك كۇتۋ بولمەسى، اسحانا، دۇكەن سياقتى الەۋمەتتىك اۋماقتاردىڭ ۇزدىكسىز اۋا الماسىپ تۇرۋىن ساقتاپ، ۇلكەن زالداعى الەۋمەتتىك اۋماق پەن الەۋمەتتىك قۇرىلعىلاردى كۇنىنە كەم دەگەندە 3 رەت زارارسىزداندىردى. قىزمەتكەرلەر جۋىسقان اۋماق، باستىسى، تۇيىق ورتاداعى اۆتوكولىك توقتاتۋ الاڭى، بەكەت قىزمەتكەرلەر بولمەسى، شوفەر جانە جولاۋشىلار دەمالۋ بولمەسى، بەكەتتەن شىعۋ اۋىزىنداعى حاۋىپسىزدىك تەكسەرۋ بولمەسى قاتارلى وڭىرلەردى كۇنىنە كەم دەگەندە 3 رەت زارارسىزداندىردى.
جولاۋشى تاسىمال بەكەتى ولشەمدى تالاپ بويىنشا جولاۋشى تاسىمال اۆتوبۋزىنىڭ ءىشى، اۆتوبۋز ءىشى اۋا الماستىرعىشىنىڭ جەل شىعاراتىن اۋىزى، اۆتوبۋز ءىشىنىڭ قابىرعاسى جانە تەرەزەلەرى، رولى، اۆتوبۋز ەسىگى جانە سۇيەنىشى، اۆتوبۋز ورىندىعى مەن حاۋىپسىزدىك بەلبەۋى، جۇك سورەسى كۇنىنە ءبىر رەت زارارسىزداندىرىلادى.
9 - ايدىڭ 8 - كۇنى، ءۇرىمجى جوعارى قارقىندى تەمىر جول حالىقارالىق اۆتوكولىك جولاۋشى تاسىمال بەكەتى 30دان استام اۆتوبۋز جەلىسىن قالپىنا كەلتىردى.
ەسكەرتۋگە ءتيىستىسى، قالىڭ جولاۋشىلار ىندەتتەن ساقتانۋ - تىزگىندەۋدىڭ قاتىستى بەلگىلەمەلەرىنە سانالىلىقپەن بويسۇنىپ، جەكە باسىندىق ساقتانۋ - قورعانۋدى ويداعىداي ىستەپ، تۇتاس بارىستا ءسوزسىز ماسكى تاعۋى، بەكەت قىزمەتكەرلەرىنىڭ دەنە تەمپەراتۋراسىن ولشەپ - تىزىمدەۋ قىزمەتىنە بەلسەنە سايكەسۋى كەرەك. دەنە تەمپەراتۋراسى قالىپسىز بولعاندار مەن ماسكى تاقپاعانداردىڭ اۆتوبۋزعا شىعۋىنا بولمايدى.
ەگەر سىرتقا شىعۋ جوسپارى بولسا، جولاۋشى تاسىمالىنا قىزمەت وتەۋ ىستىق لەنياسىنا تەلەفون سوعىپ، ءتىپتى دە كوپ ەڭ جاڭا اۆتوبۋز قاتىناۋ ينفورماتسياسىن ۇعىسۋىنا بولادى. ءۇرىمجى جوعارى قارقىندى تەمىر جول حالىقارالىق اۆتوكولىك جولاۋشى تاسىمال بەكەتىنىڭ كەڭەس بەرۋ تەلەفونى: 5878898-0991. وڭتۇستىك قالا ماڭى جولاۋشى تاسىمال بەكەتىنىڭ كەڭەس بەرۋ تەلەفونى: 2866635-0991.
