تيانشان تورى   ›   جاڭالىقتار   ›   كەدەيلىكتەن ارىلتۋدان قامال الۋ

ەلەكتر ارقىلى كەدەيلەردى سۇيەمەلدەۋ باقىتتى تۇرمىسقا ساۋلەسىن شاشتى

  2020 - جىلى 9 - ايدىڭ 5 -كۇنى، مەملەكەتتىك ەلەكتر تورى شينجياڭ باعراش اۋدانى ەلەكترمەن قامداۋ سەرىكتەستىگىنىڭ قىزمەتكەرلەرى باعراش اۋدانى باعراش قالاشىعىندا اۋىل ـ قىستاققا توك جەتكىزەتىن جەلىنى تەكسەرىپ جوندەدى.

  تيانشان تورىنىڭ حابارى (حابارىن جازىپ سۋرەتىن تۇسىرگەن ەرىكتى ءتىلشى چۋە حۋرە). بىرنەشە كۇننەن بەرى، شينجياڭ بايىنعولين موڭعۇل اۆتونوميالى وبلىسىنىڭ كۇز ماۋسىمىنداعى اۋىل - قىستاق ەلەكتر تورابىن تەكسەرۋ ـ جوندەۋ قىزمەتى باستالدى. جۋىق جىلداردان بەرى، بايىنعولين وبلىسى ەلەكتر ارقىلى كەدەيلەردى سۇيەمەلدەۋدى بەلسەنە ورىستەتىپ، كەدەيلىكتەن ارىلتۋدان قامال الۋدا ەلەكتر جەتكىزۋدى الدىمەن ىسكە اسىرۋعا كۇش سالىپ، ەلەكتر نەگىزدىك قۇرىلعىلار قۇرىلىسىن ۇزدىكسىز ىلگەرىلەتىپ، شارۋالاردىڭ وتباسىلارىنا ەلەكتر جەتكىزۋ، كەدەيلەردى سۇيەمەلدەۋ فوتوۆولتتىق ەلەكتر ستانسياسىن دامىتۋ، ەلەكترمەن قامداۋ جەلىسىن جاڭالاۋ، دارەجەسىن ءوسىرۋ سياقتى شارالار ارقىلى باعىمشى، ەگىمشى وتباسىلارىنىڭ، ساياحات شارۋاشىلىعىمەن شۇعىلدانۋشىلاردىڭ ەلەكتردەن پايدالانۋ قاجەتىن قاناعاتتاندىرىپ، تيجارات كولەمىنىڭ ەلەكتر سۇرانىسىن كەڭەيتىپ، جەرگىلىكتى شارۋالاردىڭ كەدەيلىكتەن ارىلىپ، اۋقاتتانۋىنا اناعۇرلىم پارمەندى قوزعاۋشى كۇش ۇستەدى.

  2020 - جىلى 1 - ايدىڭ 1 - كۇنىنەن 9 - ايدىڭ 8 - كۇنىنە دەيىن، مەملەكەتتىك ەلەكتر تورى بايىنعولين وبلىسى ەلەكترمەن قامداۋ سەرىكتەستىگى جالپى 459 ميلليون يۋان قارجى قوسىپ، اۋىل ـ قىستاق ەلەكتر تورىن جاڭالاۋ، دارەجەسىن ءوسىرۋ نىسانىن اتقاردى، بايىنعولين وبلىسىنداعى 8 اۋدان، ءبىر قالاعا ساياتىن جالپى 315 نىسان، جەرگىلىكتى ورىنداعى 17 مىڭنان استام ەگىنشى ـ مالشى وتباسىن يگىلىككە كەنەلتتى، قازىر ينجەنەريا ءساتتى جۇرگىزىلۋدە.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.