ۋاڭ مىڭچاۋ قاز باعۋدا.
تيانشان تورىنىڭ حابارى (سۋرەتىن ءتۇسىرىپ، حابارىن جازعان ءتىلشى جاڭ جينفىڭ، ەرىكتى ٴتىلشى جاڭ ۋىنتيڭ). جاقىنعى جىلداردان بەرى، شينجياڭ ىلە قازاق اۆتونوميالى وبلىسىنىڭ كۇنەس اۋدانى ورماندى القاپ پەن شۇرايلى جايلىم بايلىعىنان تولىق پايدالانىپ، ورماندى القاپتا ەگىمشىلىك، باعىمشىلىق كاسىبىن زور كۇشپەن دامىتتى، ورماندى القاپ پەن جايلىمدا قاز باعۋ كولەمى بىرتىندەپ كەڭەيىپ، سول جەرلەردىڭ پايدالانىلۋ مولشەرى مەن ٴونىم مولشەرىن جوعارلاپ، جەرگىلىكتى بۇقارانىڭ كىرىسىن ارتتىرىپ، اۋقاتتانۋعا باستايتىن جاڭا دامۋ جولىنا اينالدى.
كۇنەس اۋدانى ارالتوبە قالاشىعى ٴۇش كەپتەر قىستاعىنىڭ تۇرعىنى ۋاڭ مىڭچاۋ قاز باعىپ اۋقاتتانعان وتباسىنىڭ ءبىرى.
9 - ايدىڭ 1 - كۇنى، ٴتىلشى ۋاڭ مىڭچاۋدىڭ باعىمشىلىق بازاسىنان نەشە مىڭداعان قازدىڭ ورمان اراسىندا جانە جايلىمدى القاپتا جەم شوقىپ جاتقانىن كوردى.
2019 - جىلى، داشۋەنى تاۋىسقان ۋاڭ مىڭچاۋ بازاردى تەكسەرىپ - زەرتتەۋ ارقىلى ەكى ساباقتاسىمەن بىرگە 170 مىڭ يۋان قارجى قوسىپ، 10 مۋ جەردى مايعا الىپ، ءبىر قورا سالىپ، بيىل 6 ـ ايدان باستاپ قاز باعۋدى باستايدى، العاشىندا شاندۇڭنان 2000 قاز بالاپانىن ساتىپ الادى، قازىر ٴاربىرىن 100 يۋاننان 600ىن ساتتى، قالعانىنا قورعاس اۋدانىنداعى ٴبىر اس ـ سۋ كاسىپورنى الدىن الا تاپسىرىس بەرىپ قويدى.
ۋاڭ مىڭچاۋدىڭ سەرىكتەرى قۇنۇس قۇربانجان، بالعىن ادىلجان قاتارلى ”90 - جىلداردىڭ تۇلەكتەرى“ ەدى. ۋاڭ مىڭچاۋ بىلاي دەدى: قاز باعىمشىلىعىمەن ءبىرىنشى رەت شۇعىلدانعاندىقتان ولاردا تەحنيكا كەمشىل بولدى، سونىمەن ينتەرنەتتەن ۇيرەنىپ، شاندۇڭ ولكەسى تايجوۋ قاز باعىمشىلىق الاڭىنىڭ تەحنيگىن ۇسىنىس ەتتىك. 8 - ايدىڭ ورتا، اياق شەنىندە ءاربىر قاز ورتا ەسەپپەن 4 كيلوگرام سالماق تارتىپ، ٴار كيلوگرامىن 25 يۋاننان ساتىپ، بازاردىڭ قولداۋىنا يە بولدىق.
قاز باعىمشىلىعى بارىسىندا، ۋاڭ مىڭچاۋ مەن ونىڭ سەرىكتەرى ەكونوميكالىق جاقتا دا ءتۇرلى قيىنشىلىقتارعا تاپ بولدى، قالاشىق، قىستاق كادرلارى مەن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ مۇشەلەرى بار ىنتا ـ پەيىلىمەن كومەكتەسۋىندە تولعاقتى ماسەلەلەر بىرتىندەپ شەشىمىن تاپتى.
”بىرنەشە كۇننەن كەيىن، مەن ىشكى ولكەلەرگە بارىپ قاز باعۋ تەحنيكاسىن جۇيەلى ۇيرەنبەكشىمىن، قايتىپ كەلگەننەن كەيىن باعىمشىلىق لاپاسىن جاڭالاپ، ولشەمدى بالاپان جەتىلدىرۋ لاپاسىنان ەكەۋىن سالىپ، باعىمشىلىق كولەمىن كەڭەيتەمىن. قازىر بىزدە 3 جۇمىسشى بار، باعىمشىلىق كولەمى كەڭەيتىلگەننەن كەيىن، جۇمىسشىلار سانىن كوبەيتەمىز، ٴبىزدىڭ باستى ويىمىز الدىمەن وسى قىستاقتاعى ارحيۆ تۇرعىزىلىپ، كارتچكالاندىرىلعان كەدەي وتباسىلارىنىڭ جۇمىسقا ورنالاسۋ ماسەلەسىن شەشۋ، ورماندى القاپتا قاز باعۋ ارقىلى بايۋعا بولاتىنىنا كوزىم ابدەن جەتتى“،- دەدى ۋاڭ مىڭچاۋ.
