تيانشان تورى   ›   ۇيرەنۋ   ›   ماڭىزدى حۇجاتتار

جۇڭگو كوممۋنيستىك پارتياسى ورتالىق كوميتەتىنىڭ مەملەكەتتىك تاڭداۋلى كوممۋنيستىك پارتيا مۇشەلەرى مەن مەملەكەتتىك وزات نەگىزگى ساتى پارتيا ۇيىمدارىن ماداقتاۋ - سيلاۋ جونىندەگى قارارى

(2020 - جىلى 9 - ايدىڭ 8 - كۇنى)

  وسى رەتكى جاڭا تيپتى ايدارشا ۆيرۋس وكپە قابىنۋ ىندەتى − جاڭا جۇڭگو قۇرىلعاننان بەرى ەلىمىز جولىققان تارالۋ جىلدامدىعى ەڭ تەز، جۇعىمدالۋ كولەمى ەڭ كەڭ، ساقتانۋ - تىزگىندەۋ قيىندىعى ەڭ زور، توسىن تۋىلعان ەلەۋلى الەۋمەتتىك دەنساۋلىق ساقتاۋ وقيعاسى. ىندەت تۋىلعاننان كەيىن، پارتيا ورتالىق كوميتەتى باسا ءمان بەرىپ، باس شۋجي شي جينپيڭ ءوزى قولباسشىلىق ەتىپ، ءوزى ورنالاستىرۋ جاساپ، حالىقتىڭ ءومىرىنىڭ حاۋىپسىزدىگى مەن دەنساۋلىعىن ءبىرىنشى ورىنعا قويۋعا تاباندى بولىپ، بۇكىل پارتيانىڭ، بۇكىل ەلدەگى ءار ۇلت حالقىنىڭ ىندەتتەن ساقتانۋ - تىزگىندەۋ حالىقتىق شايقاسىن، جالپى تۇلعالىق شايقاسىن، توسقاۋىل شايقاسىن جاقسى جۇرگىزۋىنە باسشىلىق ەتتى. جاپالى دا ەرەن قۇلشىنىس ارقىلى ىندەتتەن ساقتانۋ - تىزگىندەۋدە ەلەۋلى ستراتەگيالىق ناتيجەگە قول جەتكىزىپ، ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاۋدا كەلەلى جەتىستىككە قول جەتكىزدى.

  ءار دارەجەلى پارتيا ۇيىمدارى مەن قالىڭ پارتيا مۇشەلەرى، كادرلار شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، حالىقتىڭ مۇددەسى بارىنەن جوعارى دەگەندى ەستە بەرىك ساقتاپ، ”سەنىمدى بەكەمدەۋ، قيىندىقتى بىلەك بىرىكتىرە جەڭۋ، عىلمي ساقتانۋ - ەمدەۋ، دالمە - ءدال شارا قولدانۋ“ باس تالابىن جاپپاي تياناقتاندىرىپ، ءىرى شايقاستا اۋەلگى ماقساتتى، بورىشتى ايگىلەپ، ۇلكەن سىناقتا تولىمدى جاۋاپ بەردى. قالىڭ نەگىزگى ساتى پارتيا ۇيىمدارى جەدەل اتتانىسقا كەلىپ، پارمەندى ۇيىمداسىپ، اركىم ءوز جاۋاپكەرشىلىگىن ادا ەتىپ، جاۋىنگەر قورعاندىق رولىن تولىق ساۋلەلەندىردى؛ قالىڭ پارتيا مۇشەلەرى اتويلاپ العا شىعىپ، باسىن ءباي تىگىپ، ەرلىكپەن شايقاس جاساپ، اۆانگاردتىق ۇلگىلىك رولىن تولىق ساۋلەلەندىرىپ، جۇمىلا ساقتانىپ، جۇمىلا وڭاۋدىڭ، بىرلەسىپ ساقتانىپ، بىرلەسىپ تىزگىندەۋدىڭ قاتاڭ قورعانىس شەبىن ورناتىپ، ەل بىرلىگىنەن بەرىك قامال سوعۋدىڭ، قيىنشىلىقتى بىرگە جەڭۋدىڭ قۋاتتى كۇشىن ۇيىستىرىپ، نارت قىزىل پارتيا تۋىن ىندەتتەن ساقتانۋ - تىزگىندەۋ شايقاسىنىڭ ءبىرىنشى شەبىندە اسقاق جەلبىرەتتى.

  جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋدا جارىققا شىققان تاڭداۋلى كوممۋنيستىك پارتيا مۇشەلەرىن جانە وزات نەگىزگى ساتى پارتيا ۇيىمدارىن ماداقتاپ - سيلاپ، بۇكىل پارتيانى اۋەلگى ماقساتتى ۇمىتپاي، بورىشتى ەستە بەرىك ساقتاپ، ۇدەرە العا تارتىپ، تالىقپاي كۇرەسۋگە جىگەرلەندىرۋ ءۇشىن، پارتيا ورتالىق كوميتەتى جياڭ رۇڭمىڭ قاتارلى 186 كوممۋنيستىك پارتيا مۇشەسىنە ”مەملەكەتتىك تاڭداۋلى كوممۋنيستىك پارتيا مۇشەسى“ اتاعىن بەرۋدى، شان يۇيحوۋ قاتارلى 14 كوممۋنيستىك پارتيا مۇشەسىنە ”مەملەكەتتىك تاڭداۋلى كوممۋنيستىك پارتيا مۇشەسى“ اتاعىن تولىقتاپ بەرۋدى، استانا مەديتسينا داشۋەسىنە قاراستى بەيجيڭ ديتان شيپاحاناسى پارتكومى قاتارلى 150 نەگىزگى ساتى پارتيا ۇيىمىنا ”مەملەكەتتىك وزات نەگىزگى ساتى پارتيا ۇيىمى“ اتاعىن بەرۋدى ۇيعاردى.

  وسى رەت ماداقتاپ - سيلانعان مەملەكەتتىك تاڭداۋلى كوممۋنيستىك پارتيا مۇشەلەرى مەن مەملەكەتتىك وزات نەگىزگى ساتى پارتيا ۇيىمدارى بۇكىل ەلدەگى جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانعان وزات جەكەلەر مەن وزات كوللەكتيۆتەردىڭ تاڭداۋلى ۋاكىلدەرى. ولاردىڭ ىزگى ىستەرى مەن وسكەلەڭ رۋحى پارتيامىزدىڭ بۇكىل ىنتا - پەيىلىمەن حالىق ءۇشىن قىزمەت ىستەۋگە تاباندى بولۋ ءتۇبىرلى ماقساتىن ايقىن ايگىلەپ، حالىق بارىنەن جوعارى، ءومىر بارىنەن جوعارى دەيتىن قۇن تالپىنىسىن جاندى بەينەلەپ، جۇڭگو كوممۋنيستەرىنىڭ باتىلدىقپەن كۇرەسەتىن، باتىلدىقپەن جەڭىپ شىعاتىن ساياسي قاسيەتىن شوعىرلى ايگىلەپ، پارتيانىڭ قاتاڭ ۇيىمدىق جۇيەسىنىڭ قۋاتتى ۇيىمداستىرۋ كۇشىن، ارەكەتكە كەلۋ كۇشىن، جاۋىنگەرلىك كۇشىن تولىق بەينەلەدى. پارتيا ورتالىق كوميتەتى ءار دارەجەلى پارتيا ۇيىمدارى مەن قالىڭ پارتيا مۇشەلەرىن، كادرلاردى ماداقتاپ - سيلانعان مەملەكەتتىك تاڭداۋلى كوممۋنيستىك پارتيا مۇشەلەرى مەن مەملەكەتتىك وزات نەگىزگى ساتى پارتيا ۇيىمدارىن ۇلگى ەتىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، پارتيانىڭ نازارياسىن جانە لۋشيان، باعىت، ساياساتىن مۇقيات دايەكتىلەندىرىپ، اتقارىپ، مۇرات، سەنىمدى بەكەمدەپ، پارتياعا ادال بولۋعا؛ حالىقتى باستان - اياق كوڭىلدىڭ تورىنە قويىپ، قاجىماي - تالماي بۇقاراعا ناقتى ىستەر ىستەپ، يگى ىستەر ىستەپ، قيىنشىلىقتارىن شەشىپ، حالىق بۇقاراسىمەن ەتەنە بايلانىستى ساقتاۋعا؛ سوتسياليستىك وزەكتى قۇن كوزقاراسىن باستاماشىلدىقپەن امالياتتا ايگىلەپ، وتانشىلدىق، كوللەكتيۆشىلدىك، سوتسياليستىك رۋحتى بارىنشا اسقاقتاتىپ، ۇدەرە العا باسۋدىڭ ەكپىندەي ىلگەرىلەۋ قوزعاۋشى كۇشىن ۇزدىكسىز قاۋلاتۋعا؛ قايىسپاي كۇرەس جاساۋ رۋحىن باستان - اياق ساقتاپ، باتىلدىقپەن جاۋاپكەرشىلىك ارقالاپ، ىسكەرلىك كورسەتىپ، شەشۋشى ساتتەردە اتويلاپ العا شىعىپ، قيىن - قىستاۋ مەزگىلدە باسىن ءباي تىگىپ، ەلەۋلى كۇرەستەردە سىناقتاردان سۇرىنبەي ءوتىپ، وزاتتاردان ۇيرەنۋ، وزات بولۋعا تالپىنۋ، وزاتتارعا تەڭەلۋ سىندى ءىس جۇزىندىك ارەكەت ارقىلى جاڭا داۋىردەگى پارتيانىڭ تاريحي بورىشىن ىسكە اسىرۋدىڭ قۋاتتى كۇشىن ۇيىستىرۋعا ۇندەدى.

  كەزەكتە ىندەتتەن ساقتانۋ - تىزگىندەۋدى ۇدايىلاندىرۋدى جانە ەكونوميكالىق، قوعامدىق دامۋدى ءبىر تۇتاس جوسپارلاپ ىلگەرىلەتىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋدىڭ، كەدەيلىكتەن ارىلتۋدان قامال الۋ شەشۋشى شايقاسىن جۇرگىزۋدىڭ ءتۇرلى مىندەتتەرى جاپالى دا كۇردەلى، العا باسۋ جولىنداعى ءتۇرلى حاۋىپ - قاتەر، سىن سايىستار قاتاڭ ءارى كۇردەلى. ءار دارەجەلى پارتيا ۇيىمدارى مەن قالىڭ پارتيا مۇشەلەرى، كادرلار شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، جۇڭحۋا ۇلتىنىڭ ۇلى گۇلدەنۋى سىندى ستراتەگيالىق جالپى جاعداي مەن دۇنيە جۇزىندە 100 جىلدا بولماعان ۇلكەن وزگەرىستى جان - جاقتى يگەرىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، قايراتتانا ءىس تىندىرىپ، قىزمەتتى تىڭعىلىقتى ىستەپ، اۋىر جۇك ارقالاپ، قامال الىپ قيىندىقتاردى جەڭىپ، جاپپاي دوڭگەلەك داۋلەتتى قوعام ورناتۋ كۇرەس نىساناسىن ىسكە اسىرۋعا، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستاۋعا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن ورىنداۋعا تىڭ دا ءتىپتى دە زور ۇلەس قوسۋلارى كەرەك.

  (شينحۋا اگەنتتىگىنىڭ 9 - ايدىڭ 8 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.