تيانشان تورى   ›   ۇيرەنۋ   ›   ماڭىزدى حۇجاتتار

جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ، ورتالىق اسكەري ىستەر كوميتەتىنىڭ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋداعى مەملەكەتتىك وزات جەكەلەر مەن وزات كوللەكتيۆتەردى ماداقتاۋ - سيلاۋ جونىندەگى قارارى

(2020 - جىلى 9 - ايدىڭ 8 - كۇنى)

  جاڭا تيپتى ايدارشا ۆيرۋس وكپە قابىنۋ ىندەتى جاڭا جۇڭگو قۇرىلعاننان بەرى ەلىمىز جولىققان تارالۋ جىلدامدىعى ەڭ تەز، جۇعىمدالۋ كولەمى ەڭ كەڭ، ساقتانۋ - تىزگىندەۋ قيىندىعى ەڭ زور توسىن تۋىلعان ەلەۋلى الەۋمەتتىك دەنساۋلىق ساقتاۋ وقيعاسى. ىندەت تۋىلعاننان كەيىن شي جينپيڭ جولداستى ۇيتقى ەتكەن پارتيا ورتالىق كوميتەتى باسا ءمان بەرىپ، حالىقتى بارىنەن جوعارى قويۋعا، ءومىردى بارىنەن جوعارى قويۋعا تاباندى بولىپ، حالىقتىڭ ءومىرىنىڭ حاۋىپسىزدىگى مەن دەنساۋلىعىن ءبىرىنشى ورىنعا قويدى. باس شۋجي شي جينپيڭ ءوزى قولباسشىلىق ەتىپ، ءوزى ورنالاستىرۋ جاساپ، ءبىرسىپىرا ماجىلىستەردى باسقارىپ اشىپ، اقىلداسىپ، شەشىم جاساپ، قىزمەتتەردى ورنالاستىرىپ، ءبىرسىپىرا ماڭىزدى نۇسقاۋ بەرىپ، بەكىتۋ جازىپ، ىندەتتەن ساقتانۋ - تىزگىندەۋگە ءتۇبىرلى بويسۇنۋ ولشەمى جانە عىلمي جەتەكشىلىك ازىرلەدى. پارتيا، ۇكىمەت، ارميا، بۇقارالىق ۇيىم ورگاندارى، كاسىپورىندار، ءىسورىندار جانە قالىڭ حالىق بۇقاراسى بۇكىل ەل ءبىر تۇتاس جۇيە دەگەنگە تاباندى بولىپ، پارتيا ورتالىق كوميتەتىنىڭ ءبىر تۇتاس قولباسشىلىعىنا، ءبىر تۇتاس سايكەستىرۋىنە، ءبىر تۇتاس ورنالاستىرۋىنا باتىل بويسۇنىپ، ”سەنىمدى بەكەمدەۋ، قيىندىقتى بىلەك بىرىكتىرە جەڭۋ، عىلمي ساقتانۋ - ەمدەۋ، دالمە - ءدال شارا قولدانۋ“ باس تالابىن باتىل دايەكتىلەندىرىپ، جوعارى، تومەن ءبىر نيەتتە بولىپ، بار كۇشىن جۇمساپ، ۋاقىتپەن جارىسىپ، اۋرۋمەن الىسىپ، ىندەتتەن ساقتانۋ - تىزگىندەۋدىڭ حالىقتىق شايقاسىن، جالپى تۇلعالىق شايقاسىن، توسقاۋىل شايقاسىن جەدەل جۇرگىزىپ، ىندەتتىڭ تارالۋ، ءورشۋ جاعدايىن باتىل تەجەپ، ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاۋدا كەلەلى ناتيجەگە قول جەتكىزدى.

  بۇل جولعى قاتاڭ شايقاستا قالىڭ پارتيا مۇشەلەرى، كادرلار پارتيا مەن حالىقتىڭ ماڭىزدى تاپسىرماسىن ەستە بەرىك ساقتاپ، اۆانگاردتىق، ونەگەلىك رولىن تولىق ساۋلەلەندىرىپ، حاۋىپ - قاتەردەن قورىقپاي، اتويلاپ الدا ءجۇردى؛ قالىڭ ەمدەۋ قىزمەتكەرلەرى اجالعا اراشاشى، جارالىعا مەدەت بەرەتىن، شيپاگەر ىزگىلىگى وسكەلەڭ رۋحىن ساۋلەلەندىرىپ، ەشتەڭەدەن تايىنباي، كۇن - ءتۇن دەمەي ەرلىكپەن شايقاس جۇرگىزدى؛ حالىق ازاتتىق ارمياسىنىڭ كوماندير - جاۋىنگەرلەرى بۇيرىقتى ەستي سالا اتقا قونىپ، باتىلدىقپەن قيان - كەسكى شايقاس جۇرگىزدى؛ قالىڭ قوعام حاۋىپسىزدىگى حالىق ساقشىلارى، اۋرۋدان ساقتانۋ - تىزگىندەۋ قىزمەتكەرلەرى، الەۋمەتتىك اۋماق قىزمەتكەرلەرى مىندەتىن ادالدىقپەن اتقارىپ، جۇمىس ورنىنان تاپجىلمادى؛ قالىڭ عىلمي زەرتتەۋ قىزمەتكەرلەرى، اقپارات قىزمەتكەرلەرى، تومەنگە تۇسكەن كادرلار، ەرىكتىلەر، كاسىپورىن جۇمىسشى - قىزمەتشىلەرى شىن پەيىلىمەن ۇلەس قوسىپ، ارىپ - شارشاۋدان قورىقپادى؛ قالىڭ حالىق بۇقاراسى جالپى جاعدايمەن ساناسىپ، ءوزارا قارايلاسىپ، قۇرباندىق بەرۋ جانە ۇلەس قوسۋ، تاپجىلماۋ جانە قۇلشىنۋ ارقىلى بۇكىل ەلدىڭ ىندەتكە قارسى اتتانۋ شايقاسىنا ماڭىزدى ۇلەس قوستى. ولاردىڭ ەرجۇرەك بەينەسى مەن اسەرلى ىزگى ىستەرى جان سۇيىندىرەدى، العا باسۋعا دەم بەرەدى، جۇڭگو كوممۋنيستىك پارتياسى باسشىلىعى مەن جۇڭگوشا سوتسياليستىك ءتۇزىمنىڭ كورنەكتى ابزالدىلىعىن ايگىلەدى، جۇڭحۋا ۇلتىنىڭ ىنتىماقتاسا كۇرەس جۇرگىزەتىن، ءوزىن تىنباي الۋەتتەندىرەتىن ۇلى رۋحىن ايگىلەدى، جۇڭگو حالقىنىڭ بوران - شاشىندى بىرگە وتكەرەتىن، قيىندىقتى تىزە قوسا جەڭەتىن قاھارماندىق ماداق جىرىن اسقاقتاتا شىرقادى.

  جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ بارىسىندا قالىپتاسقان ۇلى رۋحتى بارىنشا اسقاقتاتىپ، بۇكىل پارتيانىڭ، بۇكىل ارميانىڭ، بۇكىل ەلدەگى ءار ۇلت حالقىنىڭ ءىس تىندىرىپ، ناتيجە شىعارۋ جاۋاپكەرشىلىك سەزىمىن، بورىشتىلىق سەزىمىن، داڭق سەزىمىن تولىق قاۋلاتىپ، ەل بىرلىگىنەن بەرىك قامال تۇرعىزۋدىڭ، ۋاقىتتىق قيىندىقتى بىرگە ەڭسەرۋدىڭ قۋاتتى وڭ ەنەرگياسىن كەڭ كولەمدە ۇيىستىرۋ ءۇشىن پارتيا ورتالىق كوميتەتى، مەملەكەتتىك كەڭەس، ورتالىق اسكەري ىستەر كوميتەتى تۇڭ چاۋحۇي قاتارلى 1499 جولداسقا ”جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋداعى مەملەكەتتىك وزات جەكە“ اتاعىن بەرۋدى؛ ۋحان قالالىق جينيىنتان شيپاحاناسى قاتارلى 500 كوللەكتيۆكە ”جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋداعى مەملەكەتتىك وزات كوللەكتيۆ“ اتاعىن بەرۋدى ۇيعاردى. ماداقتالىپ - سيلانعان جەكەلەر مەن كوللەكتيۆتەردىڭ داڭقتى قاستەرلەپ، ءتىپتى دە قايراتتانىپ، ۇلگىلىك، باستاماشىلدىق رولىن تولىق ساۋلەلەندىرىپ، پارتيا مەن حالىق ىستەرىنە ۇزدىكسىز جاڭا، اناعۇرلىم زور ۇلەس قوسۋىن ءۇمىت ەتەمىز.

  كەزەكتە جاڭا تيپتى ايدارشا ۆيرۋس وكپە قابىنۋ ىندەتى ءالى دە بۇكىل جەر شارىندا تارالىپ، ورشۋدە، ەلىمىزدىڭ ىندەتتەن ساقتانۋ - تىزگىندەۋدى ۇدايىلاندىرۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ ىلگەرىلەتۋ مىندەتى ءالى دە جاپالى، اۋىر. پارتيا ورتالىق كوميتەتى بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتىنىڭ ەكىنشى، ءۇشىنشى، ءتورتىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، ماداقتالىپ - سيلانعان وزات جەكەلەر مەن وزات كوللەكتيۆتەردى ونەگە ەتىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، قايسارلىقپەن شايقاس جاساپ، اۋىر مىندەتتى باتىلدىقپەن ارقالاپ، جاپپاي دوڭگەلەك داۋلەتتى قوعام ورناتۋ كۇرەس نىساناسىن جۇزەگە اسىرۋ، سوتسياليستىك وسىزاماندانعان مەملەكەتتى جاپپاي قۇرۋدىڭ جاڭا ساپارىن باستاۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا قاجىماي - تالماي كۇرەس جۇرگىزۋگە ۇندەيدى!

  (شينحۋا اگەنتتىگىنىڭ 9 - ايدىڭ 8 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.