− باس شۋجي شي جينپيڭنىڭ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ جونىندەگى مەملەكەتتىك ماداقتاۋ - سيلاۋ جينالىسىندا سويلەگەن ماڭىزدى ءسوزى رايونىمىزدا كۇشتى اڭىس قوزعادى
شينجياڭ گازەتىنىڭ جالپىلىق اقپارات قۇرالدارى تىلشىلەرى
”وسى رەتكى اۋىر ىندەتپەن ايقاسقان قيان - كەسكى سايىستا، جۇڭگو حالقى مەن جۇڭحۋا ۇلتى جۇرەكتىلىكپەن كۇرەس جۇرگىزەتىن، باتىلدىقپەن جەڭىسكە جەتەتىن قايتپاس جىگەرى ارقىلى ءومىردى بارىنەن جوعارى قويۋ، بۇكىل مەملەكەت بويىنشا ءبىر نيەتپەن جۇمىلۋ، باسىن ءباي تىگۋ، عىلىمعا قۇرمەت ەتۋ، تاعدىرلاس بولۋ سىندى ىندەتكە قارسى اتتانۋ ۇلى رۋحىن سومدادى“.
9 - ايدىڭ 8 - كۇنى باس شۋجي شي جينپيڭنىڭ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ جونىندەگى مەملەكەتتىك ماداقتاۋ - سيلاۋ جينالىسىندا سويلەگەن ماڭىزدى ءسوزى رايونىمىزداعى قالىڭ كادر - بۇقاراسى اراسىندا كۇشتى اڭىس قوزعادى. كوپشىلىك جابال مىنالاردى ءبىلدىردى: باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات ۇيرەنىپ، دايەكتىلەندىرىپ، تياناقتاندىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ىندەتكە قارسى اتتانۋ ۇلى رۋحىن كۇش سالا اسقاقتاتىپ، ءبىر نيەتپەن كۇش قوسىپ، ۇدەرە العا باسىپ، ىندەتتەن ساقتانۋ - تىزگىندەۋدى ۇدايىلاندىرۋدى ويداعىداي مىقتى يگەرىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋدەگى نىسانا - مىندەتتەردى قايراتتانا جۇزەگە اسىرىپ، جاڭا داۋىردەگى جاڭا جورىقتا كەزىككەن كەدەرگى - بوگەتتەردى الاستاپ، ەرلىكپەن العا باسامىز.
”پارتيا ورتالىق كوميتەتىنىڭ پارمەندى باسشىلىعىندا، بۇكىل ەل حالقىنىڭ قيىندىقتى بىلەك بىرىكتىرە جەڭىپ بىرگە كۇرەس جاساۋىندا ەلىمىزدىڭ ىندەتتەن ساقتانۋ - تىزگىندەۋ توسقاۋىل شايقاسىندا كەلەلى ستراتەگيالىق جەتىستىككە قول جەتتى“. اۆتونوميالى رايون جاڭا تيپتى ايدارشا ۆيرۋس وكپە قابىنۋى بويىنشا مەديتسينالىق قۇتقارۋ - ەمدەۋگە بەلگىلەگەن شيپاحانانىڭ شيپاگەرى سۇن شيانلي بىلاي دەدى: ”مەن جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانعان مەملەكەتتىك وزات جەكە بولىپ باعالانعانىمدا، ىشتەي بارىنەن كوپ ويعا تۇيگەنىم زىلدەي اۋىر جاۋاپكەرشىلىك بولدى. داڭق مەن جونىنەن العاندا شابىت، ونان دا ماڭىزدىسى، قامشى، مەن باس شۋجيدىڭ ماڭىزدى تاپسىرماسىن ەسىمدە بەرىك ساقتاپ، پارتيا مەن حالىق قاجەت ەتكەن كەزدە حاۋىپ - قاتەردەن تايسالماي، اتويلاپ الدا ءجۇرىپ، داۋىرمەن بىرگە قادام تاستاپ، حالىقپەن تاعدىرلاس بولامىن“.
”’جاستار − مەملەكەت پەن ۇلتتىڭ ءۇمىتى. بۇل رەتكى ىندەتكە قارسى اتتانۋ كۇرەسىندە، جاس بۋىننىڭ كورنەكتى بەينەسى جان ءسۇيىندىرىپ، ادامداردى اسەرلەندىردى‘. باس شۋجيدىڭ ءسوزى شىنىمەن - اق كوڭىلدى جەلپىنتەدى!“، جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانعان مەملەكەتتىك وزات جەكە، حوتان ايماقتىق جۇقپالى اۋرۋلار ارناۋلى شيپاحاناسىنىڭ سەستراسى كامىلجان الىم ”90 - جىلداردىڭ تۇلەگى“، ۋحانعا بارىپ كومەكتەسكەننەن كەيىن، بيىل 7 - ايدا ول اۆتونوميالى رايون جاڭا تيپتى ايدارشا ۆيرۋس وكپە قابىنۋى بويىنشا مەديتسينالىق قۇتقارۋعا، ەمدەۋگە بەلگىلەگەن شيپاحاناعا تاعى كەلدى. ”جاس بۋىندار جاپادان قورىقپاۋى، قيىندىقتان يمەنبەۋى، قۇربان بولۋدان تايسالماۋى كەرەك، كانديدات پارتيا مۇشەسى رەتىندە، مەن بورىش پەن جاۋاپكەرشىلىگىمدى ۇزدىكسىز ارقالاپ، ىسىلعان قابىلەتكە شىڭدالىپ، ۇلى داۋىرگە ۇلەس قوسىپ، جاستىقتىڭ سالتاناتتى جىرىن جازامىن“.
”ىندەتكە قارسى اتتانۋ ۇلى رۋحى ءبىزدىڭ حاۋىپ - قاتەردەن قايمىقپاي، ’ىندەتپەن‘ سوڭىنا دەيىن شايقاسۋىمىزعا تىرەك بولعان قۋاتتى سەنىم، سونداي - اق ءبىزدىڭ ءبىر نيەتپەن كۇش قوسىپ، قايراتتانا العا باسىپ، جاڭا ساپاردا جاڭا ۇلى ىستەر جاراتۋىمىزداعى قوزعاۋشى كۇش قاينارىمىز“. ماداقتاۋ - سيلاۋ جينالىسىنا قاتىناسقان جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋداعى مەملەكەتتىك وزات جەكە، اۆتونوميالى رايوندىق اۋرۋدىڭ الدىن الۋ، تىزگىندەۋ ورتالىعى توتەنشە جاعدايدى ءبىر جاقتى ەتۋ جانە وبادان ساقتانۋ، ەمدەۋ ورنىنىڭ مەڭگەرۋشىسى لو تاۋ ءوز يىعىنداعى جاۋاپكەرشلىكتىڭ ونان ارى اۋىرلاعانىن سەزىندى، ”مەن باس شۋجيدىڭ ماڭىزدى تاپسىرماسىن ەسىمدە بەرىك ساقتاپ، اۋرۋدىڭ الدىن الۋ، تىزگىندەۋ، ەپيدەميولوگيالىق تەكسەرۋ - زەرتتەۋ سياقتى جاقتاردا ۇيرەتۋ، كومەكتەسۋ، جەتەلەۋ رولىمدى ۇزدىكسىز ساۋلەلەندىرىپ، اناعۇرلىم كوپ جاس دارىندىلاردى باۋليمىن. سونىمەن بىرگە، ەمدەۋ تەحنيكاسى جەتىستىكتەرىن كادەگە جاراتۋدى كۇش سالا جەبەپ، اناعۇرلىم كوپ عىلمي زەرتتەۋ جەتىستىكتەرىنەن بۇقارانى يگىلىكتەندىرىپ، بۇقارانىڭ دەنساۋلىعىن قورعايمىن“.
ماداقتاۋ - سيلاۋ جينالىسىندا، ايبىندى ”وتان قاھارماندارىنا قۇرمەت“ مۋزيكاسى كوتەرىلگەن ساتتە، جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋداعى مەملەكەتتىك وزات جەكە، اۆتونوميالى رايوندىق قوعام حاۋىپسىزدىگى مەڭگەرمەسى سايلاۋىت ساقشى باس اترەتى قىزمەتشى اسكەرلەر تارماق اترەتى 2 - ۇلكەن اترەتى پارتيا ياچەيكاسىنىڭ شۋجيى، ۇلكەن اترەت باستىعى ۋاڭ جيانجياۋ قاتتى اسەرلەندى، ”ۇلتتىڭ گۇلدەنۋى ساپارىندا ىندەتكە قارسى اتتانۋ ۇلى رۋحى اسا باعالى. ءبىز ىندەتكە قارسى اتتانۋ ۇلى رۋحىن كۇش سالا اسقاقتاتىپ، جان دۇنيەمىزگە تەرەڭ تامىر تارتقىزىپ، ارەكەتىمىزدە ايگىلەۋىمىز كەرەك. قوعام حاۋىپسىزدىگى حالىق ساقشىسى رەتىندە، بۇدان بىلايعى قىزمەت بارىسىندا، مەن الۋان ءتۇرلى حاۋىپ - قاتەر، سىن - سايىستاردى جانە شۇعىل، قيىن، قاتەرلى، اۋىر مىندەتتەردى قارسى الۋعا قاي - قاشان دا ساقاداي ساي تۇرامىن“.
قۇمىل قالاسى شيڭشيڭشيا ىندەتتىڭ الدىن الۋ قولباسشىلىق شتابىنىڭ ۋاقىتشا پارتكومى جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋداعى مەملەكەتتىك وزات كوللەكتيۆ اتاعىنا يە بولدى، ماداقتاۋ - سيلاۋ جينالىسىنا قاتىناسقاننان كەيىن، قۇمىل قالاسى شيڭشيڭشيا ىندەتتىڭ الدىن الۋ قولباسشىلىق شتابى ۋاقىتشا پارتكومىنىڭ شۋجيى زاتۇر سايرام تەلەفوندا تەبىرەنىستى كوڭىل كۇيىن باسا المادى، ول بىلاي دەدى: ”ىندەتكە قارسى اتتانۋ كۇرەسىنىڭ ۇلى امالياتى پارتيانىڭ جاپپاي باسشىلىعىنا تاباندى بولۋ − بۇكىل ەلدەگى ءار ۇلت حالقىنىڭ باقىتىنىڭ، اماندىعىنىڭ ءتۇبىرلى تياناعى ەكەندىگىن، جۇڭگونىڭ دامۋدا ءدوپ كەلگەن ءتۇرلى قيىنشىلىقتارىن شەشۋدىڭ تەتىگى پارتيادا ەكەندىگىن تاعى ءبىر مارتە دالەلدەدى. الداعى جەردە ىندەتكە قارسى اتتانۋ ۇلى رۋحىن ىندەتتەن ساقتانۋدى ۇدايىلاندىرۋ قىزمەتى بارىسىندا دايەكتىلەندىرىپ، پارتيانىڭ باسشىلىعىنا تاباندى بولىپ، باستان - اياق ساق بولىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتىپ، جاڭا داۋىردەگى جۇڭگوشا سوتسياليزمنىڭ ۇلى جەڭىسىن قولعا كەلتىرۋ جولىندا قاجىماي - تالماي كۇرەس جاسايمىن“.
شينجياڭ جيۋديڭ اۋىل شارۋاشىلىعى توبى شەكتى سەرىكتەستىگى پارتكومى جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋداعى مەملەكەتتىك وزات كوللەكتيۆ اتاعىنا يە بولدى، وسى سەرىكتەستىك پارتكومىنىڭ شۋجيى، القا باستىعى لي چياڭ اسەرلەنە بىلاي دەدى:”ىندەتتەن ساقتانۋ - تىزگىندەۋدى ۇدايىلاندىرعاننان كەيىن، ءبىز ىندەتكە قارسى اتتانۋ ۇلى رۋحىن ۇزدىكسىز ساۋلەلەندىرىپ، حاۋىپسىزدىك تومەنگى شەگىن قۇلشىنا ساقتاپ، جەمىس - جيدەك، كوكونىس بازارىنىڭ جەتكىلىكتى قامداۋىنا باستان - اياق كەپىلدىك ەتىپ، ءار ۇلت بۇقاراسىنا شىن جۇرەكپەن، ناعىز سۇيىسپەنشىلىكپەن ويداعىداي قىزمەت وتەيمىز“.
”پارتيا تۋىن ىندەتتەن ساقتانۋ - تىزگىندەۋ كۇرەسىنىڭ الدىڭعى شەبىندە اسقاق جەلبىرەتەمىز“. ءۇرىمجى جوعارى، جاڭا تەحنيكالىق كاسىپ سالاسىن اشۋ رايونى (جاڭا قالا رايونى) چاڭچۇن ورتا جولى ءمالى باسقارماسى چاڭچۇن سولتۇستىك جولى الەۋمەتتىك اۋماعىنداعى 34 پارتيا مۇشەسى ەكپىندىلەر قوسىنىن قۇرىپ، تۇرعىنداردىڭ تۇرمىسىن كۇش سالا قامتاماسىز ەتتى. الەۋمەتتىك اۋماق پارتيا ياچەيكاسىنىڭ شۋجيى لي يۇيحۇي بىلاي دەدى:”ءبىز ىندەتكە قارسى اتتانۋ ۇلى رۋحىن ۇزدىكسىز ساۋلەلەندىرىپ، ىنتىماقتاسۋعا بولاتىن بارلىق كۇشتەردى ىنتىماقتاستىرىپ، ىندەتتەن ساقتانۋ - تىزگىندەۋدى ۇدايىلاندىرۋ قىزمەتىن ويداعىداي ىستەپ، ىندەتتەن ساقتانۋ - تىزگىندەۋدىڭ ءبىرىنشى قورعانىس شەبىن جاقسى قورعاپ، شىن جۇرەكتەن، ناعىز سۇيىسپەنشىلىكپەن تۇرعىندار ءۇشىن قىزمەت وتەپ، تۇرعىنداردىڭ جاقىن جان اشىرى بولامىز“.
جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانعان مەملەكەتتىك وزات جەكە، شينجياڭ گازەتى مەكەمەسى (شينجياڭ گازەتشىلىك مەديا <توبى> شەكتى سەرىكتەستىگى) حالىق تۇرمىسى اقپارات ءبولىمىنىڭ ءتىلشىسى چاۋ جين ىندەتكە قارسى اتتانۋ رۋحى جايلى تەرەڭ تۇسىنىگىن باياندادى: ”ىندەتتەن قۇتقارۋ - ەمدەۋدىڭ الدىڭعى شەبىندە تىلشىلىك ىستەۋ بارىسىندا، مەن كوپتەگەن اسەرلى ىزگى ىستەرگە كۋا بولىپ، ءومىردى بارىنەن جوعارى قويعان، بۇكىل ەل بويىنشا ءبىر نيەتپەن جۇمىلعان، باسىن ءباي تىككەن، عىلىمعا قۇرمەت ەتكەن، تاعدىرلاس بولعان ىندەتكە قارسى اتتانۋ ۇلى رۋحىن تەرەڭ سەزىندىم. پارتيانىڭ اقپارات قۇرالدارى ءتىلشىسى رەتىندە، ءبىز بۇكىل قوعامدا ىندەتكە قارسى اتتانۋ ۇلى رۋحىن بار كۇشپەن اسقاقتاتۋىمىز، ونى سوتسياليستىك وسىزاماندانعان مەملەكەتتى جاپپاي قۇرۋدىڭ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ قۇدىرەتتى كۇش - قۋاتىنا اينالدىرۋىمىز كەرەك“.
(ءتىلشى رىن حۋا، قاتىناسقان تىلشىلەر يۇي شي، سۋ لۋپيڭ، سۇي يۇنيان، لي لين، يە شياۋمين، جاۋ يۋە)
