شي جينپيڭ مەملەكەت وردەنىنىڭ جانە مەملەكەت داڭق اتاعىنىڭ يەگەرلەرىنە وردەن، مەدال تاراتتى ءارى ماڭىزدى ءسوز سويلەدى
لي كىچياڭ باسقاردى، لي جانشۋ ءتوراعا بۇيرىعىن وقىدى، ۋاڭ حۋنيڭ ماداقتاۋ - سيلاۋ قارارىن وقىدى، ۋاڭ ياڭ، جاۋ لىجي، حان جىڭ، ۋاڭ چيشان قاتىناستى
جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ جونىندەگى مەملەكەتتىك ماداقتاۋ - سيلاۋ جينالىسى 9 - ايدىڭ 8 - كۇنى بەيجيڭ حالىق سارايىندا سالتاناتپەن وتكىزىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جينالىستا ماڭىزدى ءسوز سويلەدى. سۋرەتتى شينحۋا اگەنتتىگىنىڭ ءتىلشىسى ياۋ دا - ۋي تۇسىرگەن
جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ جونىندەگى مەملەكەتتىك ماداقتاۋ - سيلاۋ جينالىسى 9 - ايدىڭ 8 - كۇنى بەيجيڭ حالىق سارايىندا سالتاناتپەن وتكىزىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ”رەسپۋبليكا وردەنىنىڭ“ يەگەرى جۇڭ نانشانعا (الدىڭعى قاتار وڭنان 2 - ادام)، ”حالىق قاھارمانى“ مەملەكەت داڭق اتاعىنىڭ يەگەرلەرى جاڭ بوليعا (الدىڭعى قاتار سولدان 2 - ادام)، جاڭ ديڭيۇيعا (الدىڭعى قاتار وڭنان 1 - ادام)، چىن ۋيعا (الدىڭعى قاتار سولدان 1 - ادام) وردەن، مەدال تاراتتى. سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن
جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ جونىندەگى مەملەكەتتىك ماداقتاۋ - سيلاۋ جينالىسى 9 - ايدىڭ 8 - كۇنى بەيجيڭ حالىق سارايىندا سالتاناتپەن وتكىزىلدى. جينالىس الدىندا، شي جينپيڭ قاتارلى پارتيا مەن مەملەكەت باسشىلارى مەملەكەت وردەنىنىڭ جانە مەملەكەت داڭق اتاعىنىڭ يەگەرلەرىمەن، جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋداعى مەملەكەتتىك وزات جەكەلەردىڭ، وزات كوللەكتيۆتەردىڭ ۋاكىلدەرى سياقتىلارمەن كەزدەستى ءارى كوپشىلىكپەن بىرگە سۋرەتكە ءتۇسىپ، ەستەلىك قالدىردى. سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن
شينحۋا اگەنتتىگىنىڭ 9 - ايدىڭ 8 - كۇنى بەيجيڭنەن بەرگەن حابارى. جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ جونىندەگى مەملەكەتتىك ماداقتاۋ - سيلاۋ جينالىسى 9 - ايدىڭ 8 - كۇنى تۇستەن بۇرىن بەيجيڭ حالىق سارايىندا سالتاناتپەن وتكىزىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ مەملەكەت وردەنىنىڭ جانە مەملەكەت داڭق اتاعىنىڭ يەگەرلەرىنە وردەن، مەدال تاراتتى ءارى ماڭىزدى ءسوز سويلەدى. شي جينپيڭ بىلاي دەپ باسا دارىپتەدى: جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ كۇرەسىندە كەلەلى ستراتەگيالىق جەتىستىككە قول جەتكىزۋ جۇڭگو كوممۋنيستىك پارتياسىنىڭ باسشىلىعى مەن ەلىمىزدىڭ سوتسياليستىك ءتۇزىمىنىڭ كورنەكتى ابزالدىلىعىن تولىق ايگىلەدى، جۇڭگو حالقى مەن جۇڭحۋا ۇلتىنىڭ ۇلى كۇش - قۋاتىن تولىق ايگىلەدى، جۇڭحۋا وركەنيەتىنىڭ مىعىم نەگىزىن تولىق ايگىلەدى، جۇڭگونىڭ جاۋاپكەرشىلىك ارقالايتىن ءىرى ەلدىك سانالى جاۋاپكەرشىلىگىن تولىق ايگىلەدى، بۇكىل پارتيانىڭ، بۇكىل ەلدەگى ءار ۇلت حالقىنىڭ وزىنە سەنىمى مەن ماقتانىش سەزىمىن، ۇيىسۋ قۋاتى مەن جۇرەكتەستىگىن بارىنشا كۇشەيتتى، ءبىزدى جاڭا ءداۋىردىڭ جاڭا جورىعىندا كەدەرگى بوگەت اتاۋلىنى تالقانداپ، ەرلىكپەن العا ىلگەرىلەۋگە ىنتالاندىراتىندىعى ءشۇباسىز.
شي جينپيڭ بىلاي دەپ باسا دارىپتەدى: جۇڭحۋا ۇلتىنىڭ ۇزاق ۋاقىت قالىپتاستىرعان ەرەكشە قاسيەتىمەن جانە مادەنيەت گەنىمەن تامىرلاسقان ىندەتكە قارسى اتتانۋ ۇلى رۋحى، وتانشىلدىق، كوللەكتيۆشىلدىك، سوتسياليستىك رۋحتىڭ جالعاسۋى جانە دامۋى، جۇڭگو رۋحىنىڭ جاندى انىقتاماسى، ول ۇلت رۋحى مەن ءداۋىر رۋحىنىڭ ىشكى مازمۇنىن بايىتتى. ءبىز تۇتاس قوعامدا ىندەتكە قارسى اتتانۋ ۇلى رۋحىن بار كۇشپەن اسقاقتاتىپ، ونى جاپپاي سوتسياليستىك وسىزاماندانعان مەملەكەت قۇرۋدىڭ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ قۇدىرەتتى كۇشىنە اينالدىرۋىمىز كەرەك.
لي كىچياڭ جينالىستى باسقاردى، لي جانشۋ ءتوراعا بۇيرىعىن وقىدى، ۋاڭ حۋنيڭ ماداقتاۋ - سيلاۋ قارارىن وقىدى، ۋاڭ ياڭ، جاۋ لىجي، حان جىڭ، ۋاڭ چيشان قاتىناستى.
ساعات 8دەن 35 مينۋت وتكەندە مەملەكەت وردەنىنىڭ جانە مەملەكەت داڭق اتاعىنىڭ يەگەرلەرى قوناقتار كولىگىنە توپتىق وتىرىپ، تۇرعان جەرلەرىنەن جولعا شىعىپ، مەملەكەت قوناقتارىن قورعاۋشىلار قوسىنىنىڭ قورعاۋىندا حالىق سارايىنا قاراي بەت الدى. حالىق سارايىنىڭ سولتۇستىك قاقپاسىنىڭ سىرتىندا، قىزىل تۋدى بيىك ۇستاعان قۇرمەت قاراۋىلى جولدىڭ ەكى جاعىنا بولىنە قاتار تۇزەدى، مىلتىقتارىن سەرت ۇستاعان قۇرمەت قاراۋىلى تەكشەدە اسقاق ايبىنمەن تاپجىلماي تۇردى، جاستار مەن ورەندەر ىستىق ىنتامەن الاقايلاپ قۇرمەت ءبىلدىردى. مەملەكەت وردەنىنىڭ جانە مەملەكەت داڭق اتاعىنىڭ يەگەرلەرى قىزىل كىلەمدى باسپالداقپەن ءجۇرىپ حالىق سارايىنا كىردى. پارتيا مەن مەملەكەتتىڭ وردەنمەن، داڭقپەن ماداقتاۋ - سيلاۋ قىزمەت كوميسسياسىنداعى باسشى جولداستار وسى ارادا ولاردى توپتىق قارسى الدى.
حالىق سارايىنىڭ ۇلكەن زالى ايبىندى، دۋماندى بەينەگە ەندى. ءتوراعالار مىنبەسىنىڭ جوعارى جاعىنا ”جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ جونىندەگى مەملەكەتتىك ماداقتاۋ - سيلاۋ جينالىسى“ دەگەن جينالىس كەرمە تۋى ىلىنگەن، ارتقى پەردەنىڭ ءدال ورتاسىنا جارقىراعان جۇڭحۋا حالىق رەسپۋبليكاسى گەربىنىڭ ەكى جاعىنا 10 قىزىل تۋ ءبولىنىپ قويىلعان. 2 - قاباتتاعى تەكشە ماڭدايشاسىنا: ”شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ىندەتكە قارسى اتتانۋ ۇلى رۋحىن اسقاقتاتىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتىپ، كەدەيلىكتەن ارىلتۋدان قامال الۋدىڭ شەشۋشى شايقاسىن جۇرگىزىپ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزەيىك!“ دەگەن ۇران جازىلعان كەرمە تۋ ىلىنگەن.
ساعات 10دا جينالىس باستالدى. ازاتتىق ارميانىڭ اسكەري وركەستىرى «ەرىكتىلەر مارىشىن» ورىندادى، تۇتاس زالداعىلار ورىندارىنان تۇرىپ مەملەكەت ءانىن اسقاقتاتا شىرقادى.
مەملەكەت ءانى اياقتاعاندا تۇتاس زالداعىلار ءۇنسىز تۇرىپ، جاڭا تيپتى ايدارشا ۆيرۋس وكپە قابىنۋ ىندەتىندە قازا بولعان قۇرباندارعا جانە قايتىس بولعان باۋىرلاستارعا ازا ءبىلدىردى.
لي جانشۋ شي جينپيڭ قول قويعان جۇڭحۋا حالىق رەسپۋبليكاسى ءتوراعاسىنىڭ بۇيرىعىن وقىدى. ءتوراعا بۇيرىعىندا مىنالار اتاپ كورسەتىلدى: جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ كۇرەسىندە كورنەكتى ۇلەس قوسىپ ەڭبەك سىڭىرگەن ۇلگىلى تۇلعالاردى سالتاناتتى ماداقتاپ - سيلاپ، ولاردىڭ ادال، جاۋاپكەرشىلىك ارقالايتىن، ۇلەس قوساتىن وسكەلەڭ قاسيەتىن ساۋلەلەندىرۋ ءۇشىن 13 - كەزەكتى مەملەكەتتىك حالىق قۇرىلتايى تۇراقتى كوميتەتى 21 - ءماجىلىسىنىڭ قارارىنا ساي، جۇڭ نانشانعا ”رەسپۋبليكا وردەنى“ بەرىلدى، جاڭ بوليعا، جاڭ ديڭيۇيگە، چىن ۋيعا ”حالىق قاھارمانى“ مەملەكەت داڭق اتاعى بەرىلدى.
4 قۇرمەت قاراۋىلى رەسپۋبليكا وردەنىن، مەملەكەت داڭق اتاعى مەدالىن قولدارىنا الىپ، نىق قاداممەن سالت وتكىزىلەتىن الاڭعا كىردى.
ايبىندى دا اسەرلى «وتان قاھارماندارىنا قۇرمەت» مۋزيكا ءۇنى ىشىندە شي جينپيڭ مەملەكەت وردەنىنىڭ جانە مەملەكەت داڭق اتاعىنىڭ يەگەرلەرىنە وردەندى، مەدالدى ءبىر - بىردەن تابىس ەتتى ءارى ولارمەن ىقىلاسپەن قول الىسىپ، قۇتتىقتادى. ونان كەيىن مەملەكەت وردەنىنىڭ جانە مەملەكەت داڭق اتاعىنىڭ 4 يەگەرى ۇسىنىس بويىنشا ءتوراعالار مىنبەسىنە جايعاستى، تۇتاس زالدان ءالسىن - ءالى قىزۋ شاپالاق ءۇنى كوتەرىلدى.
ۋاڭ حۋنيڭ «جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ، ورتالىق اسكەري ىستەر كوميتەتىنىڭ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋداعى مەملەكەتتىك وزات جەكەلەردى جانە وزات كوللەكتيۆتەردى ماداقتاۋ - سيلاۋ جونىندەگى قاراردى»، «جۇڭگو كوممۋنيستىك پارتياسى ورتالىق كوميتەتىنىڭ مەملەكەتتىك تاڭداۋلى كوممۋنيستىك پارتيا مۇشەلەرىن جانە مەملەكەتتىك وزات نەگىزگى ساتى پارتيا ۇيىمدارىن ماداقتاۋ - سيلاۋ جونىندەگى قاراردى» وقىدى.
شي جينپيڭ قاتارلىلار ماداقتالىپ - سيلانعان جەكەلەردىڭ جانە كوللەكتيۆتىڭ ۋاكىلدەرىنە سيلىق تاراتتى.
تۇتاس زالدا كوتەرىلگەن قىزۋ شاپالاق ءۇنى ىشىندە شي جينپيڭ ماڭىزدى ءسوز سويلەدى. ول بىلاي دەپ اتاپ كورسەتتى: وتكەن 8 ايدان اسا ۋاقىتتا پارتيامىز بۇكىل ەلدەگى ءار ۇلت حالقىن ىنتىماقتاستىرا باستاپ، ىندەتكە قارسى اتتانۋدىڭ سۇراپىل ءىرى شايقاسىن جۇرگىزدى، جاپالى دا ەرەسەن تاريحي سىناققا توتەپ بەردى، وراسان زور قۇلشىنىس جاساپ، جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ كۇرەسىندە كەلەلى ستراتەگيالىق جەتىستىككە قول جەتكىزىپ، ادامزاتتىڭ اۋرۋمەن كۇرەسۋ تاريحىنداعى تاعى ءبىر ەرلىك باستاما جاراتتى.
شي جينپيڭ پارتيا ورتالىق كوميتەتى، مەملەكەتتىك كەڭەس جانە ورتالىق اسكەري ىستەر كوميتەتى اتىنان ماداقتالىپ - سيلانعان وزات جەكەلەر مەن وزات كوللەكتيۆتەرگە، وسى رەتكى ىندەتكە قارسى كۇرەستە ەلەۋلى ۇلەس قوسقان قالىڭ ەمدەۋ قىزمەتكەرلەرىنە، اۋرۋدان ساقتانۋ جانە ونى تىزگىندەۋ قىزمەتكەرلەرىنە، حالىق ازاتتىق ارمياسىنىڭ كوماندير - جاۋىنگەرلەرىنە، قارۋلى ساقشى ءبولىمىنىڭ وفيتسەر - اسكەرلەرىنە، عىلىم - تەحنيكا قىزمەتكەرلەرىنە، الەۋمەتتىك اۋماق قىزمەتكەرلەرىنە، قوعام حاۋىپسىزدىگى حالىق ساقشىلارىنا، توتەنشە جاعداي بويىنشا قۇتقارۋ - كومەكتەسۋ قىزمەتكەرلەرىنە، اقپارات قىزمەتكەرلەرىنە، كاسىپورىنداردىڭ، ءىسورىنداردىڭ جۇمىسشى - قىزمەتكەرلەرىنە، ينجەنەريا قۇرىلىسشىلارىنا، تومەنگە تۇسكەن كادرلارعا، ەرىكتىلەرگە، سونداي - اق قالىڭ حالىق بۇقاراسىنا، ءار دارەجەلى پارتيا، ۇكىمەت ورگاندارىنداعى جانە كاسىپورىندارداعى، ءىسورىندارىنداعى قالىڭ پارتيا مۇشەلەرىنە، كادرلارعا وسكەلەڭ قۇرمەت ءبىلدىردى! ىندەتكە قارسى اتتانۋ كۇرەسىنە بەلسەنە ات سالىسقان ءارقايسى دەموكراتيالىق پارتيا - توپتارعا، ساۋدا - ونەركاسىپشىلەر بىرلەستىگىنە جانە پارتيا دا، توپتا جوق قايراتكەرلەرگە، ءارقايسى حالىقتىق ۇيىمدارعا، سونداي - اق قوعامنىڭ ءار سالاسىنداعىلارعا، جابال كومەك كورسەتكەن شياڭگاڭدىق باۋىرلاستارعا، اۋمىندىق باۋىرلاستارعا، تايۋاندىق باۋىرلاستارعا، سونداي - اق شەتەلدەگى حۋاچياۋلارعا، حۋارىندارعا شىن جۇرەكتەن العىس ايتتى.
شي جينپيڭ مىنالاردى ءبىلدىردى: جۇڭگو حالقى ىندەتكە قارسى اتتانعان كەزدە كوپتەگەن ەلدەردىڭ باسشىلارى، ۇكىمەتتەرى، ساياسي پارتيالارى، قوعامدىق ۇيىمدارى جانە جۇڭگودا تۇراتىن ەلشىلىكتەرى، بىرلەسكەن مەملەكەتتەر ۇيىمىنىڭ قاتىستى ۇيىمدارى، قاتىستى وڭىرلىك ۇيىمدار مەن حالىقارالىق قۇرىلىمدار، شەتەل قارجىلاندىرعان كاسىپورىندار، سونداي - اق حالىقاراداعى دوس قايراتكەرلەر ءتۇرلى تاسىلدەرمەن جۇڭگو حالقىنا شىنايى سالەم جولدادى، قىمباتتى قولداۋ كورسەتتى. مەن جۇڭگو ۇكىمەتى مەن جۇڭگو حالقى اتىنان ولارعا شىنايى العىس ايتامىن.
شي جينپيڭ مىنالاردى ءبىلدىردى: كەزەكتە جاڭا تيپتى ايدارشا ۆيرۋس وكپە قابىنۋ ىندەتى ءالى دە بۇكىل الەمگە لاڭ سالۋدا، جۇڭگو حالقى ىندەتتىڭ ءار ەل حالقىنا اكەلگەن اۋىرتپالىعىن شىنايى سەزىنىپ وتىر، ىندەت ءومىرىن جالماپ كەتكەن ادامدار ءۇشىن قاتتى اشىنادى، ۋاقىتتى قولدان بەرمەي ىندەتكە قارسى اتتانعان، ءومىردى شۇعىل قۇتقارعاندارعا ايرىقشا قۇرمەت بىلدىرەدى، باقىتقا قارسى ۆيرۋسپەن جۇعىمدالعان، ەمدەلىپ جاتقان ادامدارعا شىنايى باقىت تىلەيدى.
شي جينپيڭ مىنالاردى ءبىلدىردى: وسى ۋاقىتتا، وسى ساتتە ءبىز ىندەتكە قارسى اتتانۋ جولىندا ەرلىكپەن ءوزىن ارناعان قۇرباندارعا، ىندەتتە باقىتقا قارسى قازا بولعان باۋىرلاستارعا ايرىقشا تەرەڭ ساعىنىش بىلدىرەمىز جانە قايعىلى ازا تۇتامىز.
شي جينپيڭ بىلاي دەپ اتاپ كورسەتتى: جاڭا تيپتى ايدارشا ۆيرۋس وكپە قابىنۋ ىندەتى 100 جىلدان بەرگى دۇنيە جۇزىندە تۋىلعان كەڭ كولەمدە تارالعان ەڭ اۋىر جۇقپالى اۋرۋ، جاڭا جۇڭگو قۇرىلعاننان بەرى ەلىمىز جولىققان تارالۋ جىلدامدىعى ەڭ تەز، جۇعىمدالۋ كولەمى ەڭ كەڭ، ساقتانۋ - تىزگىندەۋ قيىندىعى ەڭ ۇلكەن، توسىن تۋىلعان ەلەۋلى الەۋمەتتىك دەنساۋلىق ساقتاۋ وقيعاسى. ۆيرۋس تۇتقيىل تاپ بەرىپ، ىندەت سۇراپىل كەلىپ، حالىقتىڭ ءومىرىنىڭ حاۋىپسىزدىگى مەن دەنساۋلىعىنا اۋىر حاۋىپ ءتوندىردى. ءبىز حالىقتى بارىنەن جوعارى قويۋعا، ءومىردى بارىنەن جوعارى قويۋعا تاباندى بولىپ، باتىل دا مىزعىماس جۇرەكتىلىكپەن جانە قايىسپاس قايسار بەكىممەن ۋاقىتپەن جارىسىپ، اۋرۋمەن ايقاسىپ، ىندەتتەن ساقتانۋ - تىزگىندەۋدىڭ حالىقتىق شايقاسىن، جالپى تۇلعالىق شايقاسىن، توسقاۋىل شايقاسىن جەدەل جۇرگىزىپ، 1 ايدان استام ۋاقىتتا ىندەتتىڭ تارالۋ اۋقىمىن العاشقى قادامدا تەجەپ، 2 ايداي ۋاقىتتا ءوز جەرىمىزدەگى ءار كۇنى جاڭادان قوسىلعان ناۋقاستاردى ءبىر ورىندى سان ىشىندە تىزگىندەپ، 3 ايداي ۋاقىتتا ۋحاندى قورعاۋ شايقاسىنىڭ، حۋبەيدى قورعاۋ شايقاسىنىڭ شەشۋشى جەتىستىگىنە قول جەتكىزىپ، ونان ارى ىشكەرىلەي وتىرىپ ءىشىنارا جەرلەردەگى بىرنەشە رەتكى توپتالۋ سيپاتتى ىندەتتى جويۋ شايقاسىن جۇرگىزىپ، بۇكىل ەلدەگى ىندەتكە قارسى اتتانۋ كۇرەسىندە كەلەلى ستراتەگيالىق ناتيجەگە قول جەتكىزدىك. وسى نەگىزدە، ءبىز ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتىپ، ءوندىرىس، تۇرمىس ءتارتىبىن جەدەل قالپىنا كەلتىرىپ، ايتارلىقتاي تابىسقا جەتتىك. جۇڭگونىڭ ىندەتكە قارسى اتتانۋ كۇرەسى جۇڭگو رۋحىن، جۇڭگو كۇشىن، جۇڭگو جاۋاپكەرشىلىگىن تولىق ايگىلەدى.
شي جينپيڭ بىلاي دەپ باسا دارىپتەدى: توسىن كەلگەن اۋىر ىندەت الدىندا، پارتيا ورتالىق كوميتەتى جالپى جاعدايدى ءبىر تۇتاس مەڭگەرىپ، باتىل شەشىم جاساپ، توتەنشە شارا ارقىلى توتەنشە ىسكە توتەپ بەردى. پارتيا ورتالىق كوميتەتى حالىقتىڭ ءومىرىنىڭ حاۋىپسىزدىگى مەن دەنساۋلىعىن ءبىرىنشى ورىنعا قويۋعا تاباندى بولىپ، ورتالىقتانعان ءبىر تۇتاس باسشىلىقتى دەرەۋ جۇرگىزدى، ورتالىق كوميتەت ساياسي بيۋروسىنىڭ تۇراقتى كوميتەتى، ورتالىق كوميتەت ساياسي بيۋروسى 21 رەت ءماجىلىس اشىپ اقىلداسىپ، شەشىم جاساپ، پارتيا، ۇكىمەت، ارميا، حالىقتىق قۇرىلىم، عىلىم - ءبىلىم سالاسى سياقتى بارلىق سالانىڭ جانە بارلىق جەردىڭ بىرىككەن شايقاسىنا باسشىلىق ەتىپ جانە ونى ۇيىمداستىرىپ، سەنىمدى بەكەمدەۋ، قيىندىقتى بىلەك بىرىكتىرە جەڭۋ، عىلمي ساقتانۋ - ەمدەۋ، دالمە - ءدال شارا قولدانۋ سىندى باس تالاپتى ورتاعا قويىپ، ىندەتتىڭ تارالۋ ارىنىن باتىل تەجەۋ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە باتىل قول جەتكىزۋ باس نىساناسىن ايقىنداپ، ۋحاندى قورعاۋ شايقاسىن، حۋبەيدى قورعاۋ شايقاسىن ەگجەي - تەگجەيلى ورنالاستىرىپ، ۋاقىتقا، جاعدايعا قاراي كەلەلى ستراتەگيا، تاكتيكا بەلگىلەدى. ءار دارەجەلى پارتكومدار مەن ۇكىمەتتەر، ءارقايسى تاراۋلار، ءارقايسى ورىندار، ءارقايسى جاقتار بۇيرىقتى الا سالا اتتانىسقا كەلدى، بۇكىل ەلدەگى اۋىل - قىستاقتار، الەۋمەتتىك اۋماقتار، كاسىپورىندار، مەديتسينالىق، دەنساۋلىق ساقتاۋ قۇرىلىمدارى، عىلمي زەرتتەۋ قۇرىلىمدارى، مەكتەپتەر، اسكەري كازارمالار ساقاداي سايلاندى. پارتيا ورتالىق كوميتەتىنىڭ پارمەندى باسشىلىعىندا بۇكىل ەلدە ءبىر تۇتاس قولباسشىلىق ەتىلگەن، جالپى بەتتىك ورنالاستىرىلعان، جان - جاقتى ساقتاناتىن - تىزگىندەيتىن ستراتەگيالىق ورنالاسۋ جەدەل قالىپتاسىپ، ىندەتتىڭ كەڭ كولەمدە تارالۋى ءونىمدى تىزگىندەلىپ، ۆيرۋس تارالۋىنىڭ قاتەرلى بارىسى پارمەندى وزگەرتىلىپ، حالىقتىڭ ءومىرىنىڭ حاۋىپسىزدىگى مەن دەنساۋلىعى ەڭ جوعارى شەكتە قورعالدى.
شي جينپيڭ بىلاي دەپ اتاپ كورسەتتى: توسىن كەلگەن اۋىر ىندەت الدىندا، جۇڭگو حالقى قيىن - قىستاۋ جاعدايدى بىرگە وتكەرىپ، ەل بىرلىگىنەن بەرىك قامال تۇرعىزىپ، ىندەتتەن ساقتانۋ - تىزگىندەۋدىڭ بەرىك قورعانىس شەبىن قۇردى، ءبىز بۇكىل ەلدىڭ كۇشىن جۇمىلدىرىپ بۇرىن بولماعان كولەمدە ءومىردى قۇتقارۋعا قاۋىرت كومەك بەردىك، ۋحان حالقى، حۋبەي حالقى جالپى تۇلعانى تانىپ، كەلەلى جاعدايمەن ساناسىپ، ىندەتتىڭ تارالۋىن ءۇزۋ ءۇشىن، بۇكىل ەلدىڭ ىندەتكە قارسى اتتانۋدا ستراتەگيالىق ىرىقتىلىققا قول جەتكىزۋى ءۇشىن، وراسان زور قۇرباندىق بەردى جانە كەلەلى ۇلەس قوستى. توسىن كەلگەن اۋىر ىندەت الدىندا، قالىڭ ەمدەۋ قىزمەتكەرلەرى اق حالاتتى ساۋىت ەتىپ، قاسقايا قارسى اتتانىپ، باسىن ءباي تىگە وتىرىپ ءومىردى قۇتقاردى، ولار ەڭ ارداقتى پەرىشتەلەر، جاڭا داۋىردەگى ەڭ سۇيىكتى ادامدار. توسىن كەلگەن اۋىر ىندەت الدىندا، ءبىز ءبىر تۇتاس جوسپارلاپ، تەڭ ءمان بەرىپ، سايكەستىرە ىلگەرىلەتتىك، ەكونوميكالىق دامۋ ورنىقتىلىق بارىسىندا جاقسارىپ، ءوندىرىس، تۇرمىس ءتارتىبى ورنىقتى قاداممەن قالپىنا كەلدى. توسىن كەلگەن اۋىر ىندەت الدىندا، جۇڭگو دۇنيە جۇزىندەگى ءار ەلمەن قول ۇستاسا سەلبەسىپ، ۋاقىتتىق قيىندىقتى بىرگە ەڭسەرىپ، كۇللى الەمنىڭ ىندەتكە قارسى اتتانۋى ءۇشىن پاراساتىن جانە كۇشىن ارناپ، ناقتى ارەكەتىمەن الەمدەگى سان ميلليونداعان ادامنىڭ ءومىرىن قۇتقارۋعا كومەكتەسىپ، ناقتى ارەكەتىمەن جۇڭگونىڭ ادامزاتتىڭ تاعدىرلاس ورتاق تۇلعاسىن ورناتۋدى ىلگەرىلەتەتىن شىنايى تىلەگىن ايگىلەدى.
شي جينپيڭ بىلاي دەپ اتاپ كورسەتتى: جاستار − مەملەكەت پەن ۇلتتىڭ ءۇمىتى. بۇل رەتكى ىندەتكە قارسى اتتانۋ كۇرەسىندە جاس بۋىننىڭ كورنەكتى بەينەسى جان ءسۇيىندىرىپ، ادامداردى اسەرلەندىردى. دۇنيە جۇزىندە اسپاننان تۇسە قالاتىن قاھارمان جوق، تەك اتويلاپ العا شىعاتىن جاي ادامدار عانا بار. جاس بۋىن ماشاقاتتان جاسقانباي، قيىندىقتان تايسالماي، قۇربان بولۋدان قورىقپاي، تاۋداي جاۋاپكەرشىلىك ارقالاپ، جاستىق كوكتەمنىڭ جالىندى كەلبەتىن ايگىلەدى، جۇڭحۋا ۇلتىنىڭ ءۇمىتىن كورسەتتى. بارلىعىمىز بىرگە ولارعا القاۋ ايتايىق.
شي جينپيڭ بىلاي دەپ باسا دارىپتەدى: وسى رەتكى اۋىر ىندەتپەن ايقاسقان قيان - كەسكى سايىستا جۇڭگو حالقى مەن جۇڭحۋا ۇلتى جۇرەكتىلىكپەن كۇرەس جۇرگىزەتىن، باتىلدىقپەن جەڭىسكە جەتەتىن قايتپاس جىگەرى ارقىلى ءومىردى بارىنەن جوعارى قويۋ، بۇكىل ەل بويىنشا ءبىر نيەتپەن جۇمىلۋ، باسىن ءباي تىگۋ، عىلىمعا قۇرمەت ەتۋ، تاعدىرلاس بولۋ سىندى ىندەتكە قارسى اتتانۋ ۇلى رۋحىن سومدادى. ءومىردى بارىنەن جوعارى قويۋ جۇڭگو حالقىنىڭ تەرەڭ مەيىرىمدىلىك ءداستۇرى مەن جۇڭگو كوممۋنيستەرىنىڭ حالىقتى وزەك ەتەتىن قۇن تالپىنىسىن شوعىرلى ايگىلەدى. بۇكىل ەل بويىنشا ءبىر نيەتپەن جۇمىلۋ جۇڭگو حالقىنىڭ جالپى جۇرت جۇدىرىقتاي جۇمىلاتىن، بەينەت پەن زەينەتتى بىرگە وتكەرەتىن ىنتىماعىنىڭ ۇلى كۇشىن شوعىرلى ايگىلەدى. باسىن ءباي تىگۋ جۇڭگو حالقىنىڭ بارلىق قيىندىقتى جۇرەكتىلىكپەن جەڭەتىن، ەشقانداي قيىندىققا مويىمايتىن قايسار ەرىك - جىگەرىن شوعىرلى ايگىلەدى. عىلىمعا قۇرمەت ەتۋ جۇڭگو حالقىنىڭ شىنايىلىققا تالپىنىپ، ناقتى ىسكە ۇمتىلاتىن، ءورىس اشا جاڭالىق جاسايتىن امالياتتىق قاسيەتىن شوعىرلى ايگىلەدى. تاعدىرلاس بولۋ جۇڭگو حالقىنىڭ ءبىر جاعادان باس، ءبىر جەڭنەن قول شىعاراتىن، بەيبىتشىلىكتى سۇيەتىن ءمورالدىق جاۋاپكەرشىلىگىن شوعىرلى ايگىلەدى.
شي جينپيڭ بىلاي دەپ اتاپ كورسەتتى: وسى رەتكى ىندەتكە قارسى اتتانۋدىڭ ايبىنى اسقاق كۇرەسىندە ءبىز ماڭىزدى تاجىريبە توپتاپ، تەرەڭ وي تۇيدىك. ىندەتكە قارسى اتتانۋ كۇرەسىنىڭ ۇلى امالياتى مىنانى قايتالاي دالەلدەدى: جۇڭگو كوممۋنيستىك پارتياسىنىڭ تەڭدەسسىز پارمەندى باسشىلىق قابىلەتى − قيىن - قىستاۋ كەزدەردە جۇڭگو حالقىنىڭ ەڭ سەنىمدى تىرەگى؛ جۇڭگو حالقىنىڭ قايتپاس، قايمىقپاس ەرىك - جىگەرى − العا باسۋ جولىنداعى بارلىق بوگەت، قيىندىق، قاتەرلەردى جەڭەتىن كۇش قاينارى؛ جۇڭگوشا سوتسياليزم ءتۇزىمىنىڭ كورنەكتى ابزالدىلىعى − حاۋىپ - قاتەر، سىن - سايىستارعا توتەپ بەرىپ، مەملەكەتتى جونگە سالۋ ونىمدىلىگىن جوعارىلاتۋدىڭ ءتۇبىرلى كەپىلى؛ جاڭا جۇڭگو قۇرىلعاننان بەرى توپتالعان مىعىم مەملەكەت قۋاتى − اساۋ تولقىن، دۇلەي تاسقىنعا بايىپتىلىقپەن توتەپ بەرۋدىڭ مىعىم قايرات - جىگەرى؛ سوتسياليستىك وزەكتى قۇن كوزقاراسىنىڭ، جۇڭحۋانىڭ تاڭداۋلى ءداستۇرلى مادەنيەتىنىڭ قۋاتتى رۋحاني قوزعاۋشى كۇشى − جۇرت تىلەگىن توعىستىرۋدىڭ، حالىقتىڭ كۇشىن شوعىرلاندىرۋدىڭ قۋاتتى كۇشى؛ ادامزاتتىڭ تاعدىرلاس ورتاق تۇلعاسىن ورناتۋدىڭ كەڭ باۋراۋ قۋاتى − ادامزاتتىڭ سىن - سايىسقا ورتاق توتەپ بەرىپ، اناعۇرلىم گۇلدەنگەن، تاماشا دۇنيە ءجۇزىن قۇرۋدىڭ تۋرا جولى.
شي جينپيڭ بىلاي دەپ باسا دارىپتەدى: كەزەكتە دۇنيە ءجۇزىنىڭ 100 جىلدا بولماعان ۇلكەن وزگەرىسى جەدەل قۇبىلۋدا، ەل ىشىندەگى رەفورما، دامۋ، ورنىقتىلىق مىندەتى ماشاقاتتى دا اۋىر. ”قوس 100 جىلدىق“ كۇرەس نىساناسىنىڭ تاريحي توعىسىندا تۇرعان ءبىز پارتيانىڭ نەگىزگى نازارياسىن، نەگىزگى لۋشيانىن، نەگىزگى جالپى جوباسىن، ءسوز جوق، جالپى بەتتىك دايەكتىلەندىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جاڭا دامۋ ۇستانىمىن بۇلجىماي دايەكتىلەندىرىپ، دامۋدىڭ جاڭا اۋقىمىن كۇش سالا قالىپتاستىرىپ، ەل ءىشى، حالىقارا سىندى ەكى كەلەلى جاعدايدى ءبىر تۇتاس جوسپارلاپ، دامۋ مەن حاۋىپسىزدىك سىندى ەكى ءىرى ءىستى ويداعىداي ىستەپ، مەملەكەتتىڭ جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتىپ، پارتيا مەن مەملەكەت ىستەرىن دامىتۋدىڭ جاڭا جاعدايىن ۇزدىكسىز اشۋىمىز كەرەك. ءبىز ىندەتتەن ساقتانۋ - تىزگىندەۋدى ۇدايىلاندىرۋدى تيتتەي دە بوساڭسىتپاي ويداعىداي يگەرىپ، ىندەتكە قارسى اتتانۋ كۇرەسىنىڭ جالپى بەتتىك جەڭىسىنە كۇش سالا قول جەتكىزۋىمىز كەرەك. ءبىز ”التىنى ورنىقتىرۋ“ قىزمەتىن تىڭعىلىقتى، ويداعىداي ىستەپ، ”التىنى قامتاماسىز ەتۋ“ مىندەتىن جالپى بەتتىك تياناقتاندىرىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋدىڭ، كەدەيلىكتەن ارىلتۋدان قامال الۋدىڭ شەشۋشى شايقاسىن جۇرگىزۋدىڭ نىسانالارىن، مىندەتتەرىن ورىنداۋعا شىنايى كەپىلدىك ەتۋىمىز كەرەك. ءبىز جونگە سالۋ جۇيەسىندەگى ولقىلىقتار مەن ءالسىز بۋىنداردى جەدەل تولىقتاپ، حالىقتىڭ ءومىرىنىڭ حاۋىپسىزدىگى مەن دەنساۋلىعىن قامتاماسىز ەتۋدەگى تۇزىمدىك قامتاماسىزدىقتى بەكەمدەۋىمىز كەرەك. ءبىز ادامزات تاعدىرلاس ورتاق تۇلعا ۇستانىمىنان جازباي، حالىقارالىق قوعاممەن قول ۇستاسا وتىرىپ كۇن سايىن شيەلەنىسكەن الەمدىك سىن - سايىستارعا توتەپ بەرۋىمىز كەرەك. ءبىز تومەنگى شەكتە ويلاۋعا، تاۋقىمەت تانىمىن كۇشەيتۋگە تاباندى بولىپ، العا باسۋ جولىنداعى ءتۇرلى حاۋىپ - قاتەرلەردەن ءونىمدى ساقتانىپ جانە ولاردى جويىپ، ىنتىماقتاسۋعا بولاتىن بارلىق كۇشتەرمەن ىنتىماقتاسىپ، بارلىق بەلسەندى فاكتورلاردى جۇمىلدىرىپ، كوپتەگەن جاڭا تاريحي ەرەكشەلىكتەرگە يە ۇلى كۇرەستىڭ تىڭ جەڭىستەرىنە ۇزدىكسىز قول جەتكىزۋىمىز كەرەك.
شي جينپيڭ سوڭىندا بىلاي دەپ باسا دارىپتەدى: ”دۇنيە توقتاۋسىز اينالادى، ادامدار دا تالىقپاي تالپىنۋ كەرەك“. ءبىر ۇلتتىڭ ۇلى بولۋىنىڭ ءتۇبىرلى سەبەبى ءارقانداي قيىندىق پەن حاۋىپ - قاتەر الدىندا ەشقاشان باز كەشپەي، كەرى شەگىنبەي، ايالداپ كىدىرمەي، ءوزىنىڭ بولاشاعى مەن تاعدىرى ءۇشىن نە ءبىر بۇرالاڭدىقتان تايسالماي كۇرەس جۇرگىزۋىندە. 5000 جىلدان استام وركەنيەت دامۋىنىڭ ماشاقاتى مەن نۇر شۇعىلاسىن باستان وتكەرىپ بۇگىنگە جەتكەن جۇڭگو حالقى مەن جۇڭحۋا ۇلتى، ءسوز جوق، جاڭا داۋىردەگى ۇلى ساپاردا ۇدەرە العا تارتادى، ءارقانداي ادام، ءارقانداي كۇش جۇڭگو حالقىنىڭ اناعۇرلىم تاماشا تۇرمىستى جۇزەگە اسىرۋ ءۇشىن العا باسقان قادامىن بوگەي المايدى!
جينالىستا ”رەسپۋبليكا وردەنىنىڭ“ يەگەرى جۇڭ نانشان، جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋداعى مەملەكەتتىك وزات جەكە، مەملەكەتتىك تاڭداۋلى كوممۋنيستىك پارتيا مۇشەسى، بەيجيڭ شيەحى شيپاحاناسى ينفەكسيا ىشكى اۋرۋلار ءبولىمىنىڭ اعا شيپاگەرى ليۋ جىڭيىن، جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋداعى مەملەكەتتىك وزات كوللەكتيۆتەردىڭ، نەگىزگى ساتىداعى مەملەكەتتىك وزات پارتيا ۇيىمدارىنىڭ ۋاكىلى، ۋحان قالاسى چيڭحىجۇي الەۋمەتتىك اۋماق پارتيا باس ياچەيكاسىنىڭ شۋجيى گۇي شياۋمەي لەبىز ءبىلدىردى.
جينالىستىڭ الدىندا، شي جينپيڭ قاتارلى باسشى جولداستار مەملەكەت وردەنى مەن مەملەكەت داڭق اتاعىنىڭ يەگەرلەرى، جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋداعى مەملەكەتتىك وزات جەكەلەردىڭ، وزات كوللەكتيۆتەردىڭ ۋاكىلدەرى سياقتىلارمەن كەزدەستى، سونداي - اق كوپشىلىكپەن بىرگە سۋرەتكە ءتۇسىپ، ەستەلىك قالدىردى.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەلەرى، ورتالىق كوميتەت شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىقتارى، مەملەكەتتىك كەڭەستىڭ مۇشەلەرى، ەڭ جوعارى حالىق سوتى مەكەمەسىنىڭ باستىعى، ەڭ جوعارى حالىق پروكۋراتۋراسىنىڭ باس پروكۋرورى، مەملەكەتتىك ساياسي كەڭەستىڭ ورىنباسار ءتوراعالارى، سونداي - اق ورتالىق اسكەري ىستەر كوميتەتىنىڭ مۇشەلەرى جينالىسقا قاتىناستى.
ءارقايسى ولكە، اۆتونوميالى رايون، قالالارداعى، ورتالىقتاعى پارتيا، ۇكىمەت، ارميا، بۇقارالىق تاراۋلارداعى جاۋاپتى جولداستار، ءارقايسى دەموكراتيالىق پارتيا - توپتاردىڭ ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ جاۋاپتىلارى جانە پارتيادا، توپتا جوق قايراتكەرلەردىڭ ۋاكىلدەرى، مەملەكەت وردەنى مەن مەملەكەت داڭق اتاعىنىڭ يەگەرلەرىنىڭ تۋىس - تۋعاندارىنىڭ ۋاكىلدەرى، مەملەكەت وردەنى مەن مەملەكەت داڭق اتاعىنىڭ يەگەرلەرىنىڭ مەكەمە - ورىندارىنىڭ ۋاكىلدەرى، جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋدا قازا بولعان قۇربانداردىڭ تۋىس - تۋعاندارىنىڭ ۋاكىلدەرى، شياڭگاڭدىق، اۋمىندىق باۋىرلاستاردىڭ، تايۋاندىق باۋىرلاستاردىڭ، شەتەلدەگى چياۋباۋلاردىڭ جانە وتانعا ورالعان چياۋميندەردىڭ، چياۋميندەردىڭ تۋىس - تۋعاندارىنىڭ ۋاكىلدەرى، ءار ەلدىڭ جۇڭگودا تۇراتىن ەلشىلەرى، حالىقارالىق ۇيىمداردىڭ جۇڭگودا تۇراتىن ۋاكىلدەرى جانە ەلىمىزدىڭ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋىنا ۇلەس قوسقان حالىقاراداعى دوستاردىڭ ۋاكىلدەرى سياقتىلاردان 3000داي ادام جينالىسقا قاتىناستى.
