تيانشان تورىنىڭ حابارى (سۋرەتىن ءتۇسىرىپ حابارىن جازعان ءتىلشى يۇي مىڭفان، ەرىكتى ءتىلشى لو حۇڭمەي) 9 - اي كەزى، سانجى حۇيزۋ اۆتونوميالى وبلىسى فۋكاڭ قالاسىنداعى تيانشان بوعدا كولى كورىنىس ءوڭىرىنىڭ كۇزگى كورىنىسىن تاماشالاۋدىڭ جاقسى مەزگىلى، شايداي اشىق اسپان تىنىش كول بەتىنەن كورىنىپ، اندا - ساندا قايىقتار ءجۇزىپ ءوتىپ، كول بەتىندە كوگىلجىم تولقىندار بۇيرالانا تولقيدى، جاقىننان كوز جىبەرسەڭىز، قوڭىر كۇزدىڭ قىزىلعا بوياعان اعاش جاپىراقتارىن، الىسقا كوز جىبەرسەڭىز نۋ ورمان، قاتپار - قاتپار تاۋلار مەن كول بەتىنە تۇسكەن اعاشتاردىڭ ساعىمىن كورە الاسىز. ۇعىسۋعا قاراعاندا، تيانشان بوعدا كولى كورىنىس ءوڭىرى ولكە اتتاپ ساياحاتتاۋدى قالپىنا كەلتىرگەننەن كەيىن، 9 ـ ايدىڭ 5 ـ كۇنى شينجياڭ سىرتىنان كەلگەن تۇڭعىش ساياحات ۇيىرمەسىن قابىلدادى.
