تيانشان تورى   ›   جاڭالىقتار   ›   وقۋ-اعارتۋ

اۆتونوميالى رايون 36 - رەتكى وقىتۋشىلار مەرەكەسىن قۇتتىقتاۋ اڭگىمە ءماجىلىسىن اشتى

  شينجياڭ گازەتىنىڭ جالپىلىق اقپارات قۇرالدارى ءتىلشىسى جاۋ جىيۇن 9 - ايدىڭ 9 - كۇنى ۇرىمجىدەن حابارلايدى. 9 - ايدىڭ 9 - كۇنى تۇستەن بۇرىن اۆتونوميالى رايون 36 - رەتكى وقىتۋشىلار مەرەكەسىن قۇتتىقتاۋ اڭگىمە ءماجىلىسىن اشتى. اۆتونوميالى رايوندىق پارتكومنىڭ ورىنباسار شۋجيى، وقۋ - اعارتۋ قىزمەت كوميتەتىنىڭ شۋجيى لي پىڭشين ماجىلىسكە قاتىناستى ءارى بۇكىل رايونداعى قالىڭ وقىتۋشىلار مەن وقۋ - اعارتۋ قىزمەتكەرلەرىنەن ىقىلاسپەن حال سۇرادى جانە وسكەلەڭ قۇرمەت ءبىلدىردى، كوپشىلىكتەن مىندەت پەن بورىشتى ەستە بەرىك ساقتاپ، جاڭا جاعدايعا ىرىقتىلىقپەن ۇيلەسىپ، تىڭ سايىستاردى قارسى الىپ، ءوز قىزمەت ورنىن تياناق ەتىپ، كۇرەس جەلكەنىن جەلبىرەتىپ، جاپپاي دوڭگەلەك داۋلەتتى قوعام ورناتۋعا، حالىق ريزا بولاتىن وقۋ - اعارتۋدى جاقسى جۇرگىزۋگە، سوتسياليزمنىڭ تولىمدى قۇرىلىسشىلارى مەن ءىزباسارلارىن جەتىلدىرۋگە ءتىپتى دە زور، تىڭ ۇلەس قوسۋلارىن ءۇمىت ەتتى.

  اڭگىمە ماجىلىستە تاڭداۋلى وقىتۋشىلار ۋاكىلى ياۋ ۋىنبيڭ، تاشمات ءيۇسىپ، ۋاڭ شۋەلي، جياڭ ۋانرۋ، گو گۇڭلي، ايگۇل ىلگەرىندى - كەيىندى سوزگە شىعىپ، وقۋ - اعارتۋ ىسىنە دەگەن قىزۋ سۇيىسپەنشىلىكتەرىن جانە وقىتۋشىلىق قىزمەت ورىندارىندا ەش وكىنىشسىز تاپجىلماي تۇراتىندىقتارىن ءبىلدىردى.

  كوپشىلىكتىڭ ءسوزىن تىڭداعاننان كەيىن لي پىڭشين بىلاي دەپ اتاپ كورسەتتى: ۇزاق ۋاقىتتان بەرى، بۇكىل رايونداعى قالىڭ وقىتۋشىلار مەن وقۋ - اعارتۋ قىزمەتكەرلەرى وقۋ - اعارتۋمەن وتانعا قىزمەت ەتۋ اۋەلگى ماقساتىنان بۇلجىماي، ارمان ارقالاپ ادام تاربيەلەۋ بورىشىن باتىلدىقپەن ۇستىلەرىنە الىپ، بويلارىنداعى ىستىق قاندارىن قاراپايىم قىزمەت ورىندارىنا ارناپ، بۇكىل رايوننىڭ وقۋ - اعارتۋ ىستەرىنىڭ دامۋىنا كورنەكتى ۇلەس قوسىپ، جاڭا داۋىردەگى شينجياڭ اعارتۋشىلارىنىڭ جاۋاپكەرشىلىگى مەن بورىشىن ايگىلەدى.

  لي پىڭشين بۇكىل رايونداعى قالىڭ وقىتۋشىلاردان مىنانى ءۇمىت ەتتى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنۋدى، دايەكتىلەندىرۋدى باستى ساياسي مىندەت ەتىپ، ساياسي جاقتان شىنايى مويىنداۋدى، يدەيالىق جاقتان شىنايى مويىنداۋدى، نازاريالىق جاقتان شىنايى مويىنداۋدى، سۇيىسپەنشىلىك جاقتان شىنايى مويىنداۋدى ۇزدىكسىز جوعارىلاتىپ، ىرىقتىلىقپەن كوممۋنيزم ۇلى مۇراتىنىڭ جانە جۇڭگوشا سوتسياليزم ورتاق مۇراتىنىڭ تاباندى سەنۋشىلەرى جانە ادال اتقارۋشىلارى بولۋ كەرەك. دۇرىس ساياسي بەتالىسقا تاباندى بولىپ، ساياسي دەڭگەيدى جوعارىلاتىپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، باستان - اياق پارتيا مەن حالىقتىڭ وقۋ - اعارتۋ ىسىنە ادال بولۋ كەرەك. باس شۋجي شي جينپيڭنىڭ وقۋ - اعارتۋ جونىندەگى ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، شەكاراعا تامىر تارتىپ، جاۋاپكەرشىلىك ارقالاپ، ۇلەس قوساتىن ۇرپاقتان - ۇرپاققا جالعاسقان جارامدى دارىندىلار تاربيەلەۋگە قۇلشىنۋ كەرەك. ىسىلعان كاسىپتىك قابىلەتىن، ەرەن ادام تاربيەلەۋ ورەسىن تالىقپاي شىڭداپ، كىتاپ وقىتىپ ادام تاربيەلەۋدى ءومىر بويى تاپجىلمايتىن كاسىپ ساناپ، وقۋ - اعارتۋ ۇستانىمىن ىرىقتىلىقپەن جاڭالاپ، يدەيا - ساياسي قىزمەتىن جاقسى ىستەۋدى نەگىزگى ونەر ەتىپ، وقۋشىلاردى وزەك ەتكەن ادام تاربيەلەۋ كوزقاراسىن كۇشەيتىپ، شىڭدالعان ساپامەن سوتسياليزمنىڭ قۇرىلىسشىلارىن جانە ءىزباسارلارىن تاربيەلەۋ اۋىر مىندەتىن ارقالاۋ كەرەك. وسكەلەڭ ءمورالدىق قاسيەتتى، تاماشا وقىتۋشىلىق ءمورالدى، وقىتۋشىلىق ستيلدى تالىقپاي جەتىلدىرىپ، ادامدىق قاسيەتىمەن ”ءبىلىم جاعىندا ادامدارعا ۇستاز، ارەكەتتە باسقالارعا ونەگە بولۋ“ نەگىزىن بەكەمدەپ، مورالمەن تاربيە بەرۋدىڭ، مورالمەن ادام باۋلۋدىڭ ۇلگىسى بولۋ كەرەك.

  لي پىڭشين بىلاي دەپ اتاپ كورسەتتى: پارتيانىڭ وقۋ - اعارتۋ قىزمەتىنە جاپپاي باسشىلىعىن شىن مانىندە كۇشەيتىپ، وقۋ - اعارتۋدى باستان - اياق الدىمەن دامىتۋ سىندى ستراتەگيالىق ورىنعا قويىپ، وقىتۋشىلار قوسىنى قۇرىلىسىن كۇشەيتۋدى نەگىزدىك قىزمەت رەتىندە يگەرىپ، قاتاڭ باسقارىپ، تەرەڭ سۇيىسپەنشىلىك ورناتىپ، كوڭىل ءبولىپ قامقورلىق جاساپ، وقىتۋشىلاردىڭ وقىتۋمەن الاڭسىز اينالىسۋىنا، وقىتۋمەن ىقىلاسپەن اينالىسۋىنا، ونەگە كورسەتىپ ادام تاربيەلەۋ، كىتاپ وقىتىپ ادام تاربيەلەۋ سىندى ءداۋىردىڭ اۋىر جۇگىن ءتىپتى جاقسى ارقالاۋىنا مۇمكىندىك جاساۋ كەرەك.

  اۆتونوميالى رايوننىڭ ورىنباسار ءتوراعاسى جاۋ چيڭ ءماجىلىستى باسقاردى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.