شينحۋا اگەنتتىگىنىڭ 9 - ايدىڭ 9 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 9 - ايدىڭ 9 - كۇنى كەشتە ۋرۋگۆايدىڭ زۇڭتۇڭى لاكاللەمەن تەلەفوندا سويلەستى.
شي جينپيڭ بىلاي دەپ اتاپ كورسەتتى: ۋرۋگۆاي − جۇڭگونىڭ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋىنا ەڭ ەرتە قولداۋ كورسەتكەن جانە كومەك بەرگەن لاتىن امەريكاسىنداعى ەلدەردىڭ ءبىرى. جۇڭگو جاق باستان - اياق ۋرۋگۆاي حالقىنىڭ ىندەتكە قارسى كۇرەسىنە تىلەكتەس بولىپ كەلەدى. جۇڭگو ورتالىق ۇكىمەتى، قاتىستى ولكەلەر، قالالار، قوعامداعى ءار سالا ۋرۋگۆاي جاقتى ىندەتكە قارسى اتتانۋ زاتتىق بۇيىمدار كومەگىمەن قامدادى ءارى ساقتانۋ - تىزگىندەۋ تاجىريبەلەرىنەن ورتاق پايدالاندى. قازىر دۇنيە ءجۇزى 100 جىلدا بولماعان زور وزگەرىستى باستان وتكەرۋدە، ءبىز ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ ۇستانىمىن نەگىز ەتىپ، ىنتىماقتاسا سەلبەستىك جاساۋ جولىمەن ءجۇرۋىمىز كەرەك. جۇڭگو جاق ۋرۋگۆاي جاقپەن ىندەتكە قارسى اتتانۋ سەلبەستىگىن ۇزدىكسىز ورىستەتىپ، دۇنيە جۇزىلىك دەنساۋلىق ساقتاۋ ۇيىمىنىڭ باسشىلىق رولىن ساۋلەلەندىرۋىن باتىل قولداپ، تىزە قوسا ىندەتتى ەرتەرەك جەڭىپ، ادامزاتتىڭ دەنساۋلىق، سالاماتتىق ورتاق تۇلعاسىن قۇرۋدى بىرگە ىلگەرىلەتەدى.
شي جينپيڭ بىلاي دەپ باسا دارىپتەدى: ۋرۋگۆاي − جۇڭگونىڭ لاتىن امەريكاسى وڭىرىندەگى سەنىمدى جاقسى دوسى، ەكى ەل ەجەلدەن ءبىر - ءبىرىن ءتۇسىنىپ، ءوزارا قولداۋ كورسەتىپ كەلەدى. 2016 - جىلى جۇڭگو - ۋرۋگۆاي ستراتەگيالىق سەرىكتەستىك قارىم - قاتىناس ورناتقاننان بەرى، ەكى ەل ساياسي ءوزارا سەنىمدىلىگىن ۇزدىكسىز تەرەڭدەتىپ، ءار سالاداعى سەلبەستىكتەرىنەن سۇبەلى ناتيجەلەرگە قول جەتكىزدى. جۇڭگو سىرتقا ەسىك اشۋ دەڭگەيىن جاپپاي جوعارىلاتىپ، ەل ءىشى اينالىمىن نەگىز ەتكەن، ەل ءىشى مەن حالىقارا قوس اينالىم ءوزارا جەبەيتىن جاڭا دامۋ ارناسىنىڭ قالىپتاسۋىن ىلگەرىلەتەدى. بۇل ۋرۋگۆايدى قامتىعان دۇنيە جۇزىندەگى ءار ەلگە ءتىپتى دە كەڭ ءورىستى بازار جانە دامۋ ورايىن ازىرلەيدى. جۇڭگو جاق بازار سۇرانىسىنا ۇيلەسەتىن ۋرۋگۆايدىڭ ءتىپتى كوپ ساپالى ەگىن، مال شارۋاشىلىق ونىمدەرىن جانە جوعارى قوسىمشا قۇنعا يە ونىمدەرىن يمپورت ەتۋدى قالايدى، ەلەكتروندى ساۋدا، قىزمەت وتەۋ ساۋداسى سياقتى تىڭ سەلبەستىكتەردىڭ ارتۋ ءتۇيىنىن بەلسەنە قالپىتاستىرادى، ۋرۋگۆاي جاقتىڭ 3 - كەزەكتى جۇڭگو حالىقارالىق يمپورت كورمەسىنە قاتىناسۋىن قارسى الادى. ەكى جاق ”ءبىر بەلدەۋ، ءبىر جولدى“ جوعارى ساپادا بىرگە قۇرۋدى ىلگەرىلەتىپ، مادەنيەت، وقۋ - اعارتۋ، دەنە تاربيە سياقتى سالالارداعى اۋىس - كۇيىستى، سەلبەستىكتى كۇشەيتىپ، جۇڭگو مەن ۋرۋگۆاي دوستىعىنىڭ حالىق قالاۋى نەگىزىن بەكەمدەۋ كەرەك. ەكى جاق بىرلەسكەن مەملەكەتتەر ۇيىمى قۇرىلعاندىعىنىڭ 75 جىلدىعىن وراي ەتىپ، حالىقارالىق قارىم - قاتىناستىڭ دەموكراتيالانۋىن جانە ەكونوميكانىڭ جاھاندانۋىن باتىل قولداۋ كەرەك. ۋرۋگۆاي جاقتىڭ جۇڭگونىڭ وڭتۇستىك جاق ورتاق بازارىمەن ەركىن ساۋدا سەلبەستىگىن ىلگەرىلەتۋگە، سونداي - اق جۇڭگو مەن لاتىن امەريكاسىنىڭ قارىم - قاتىناسىن دامىتۋعا جانە جۇڭگو مەن لاتىن امەريكاسىنىڭ تۇلعالىق جاقتان سەلبەستىك جاساۋىنا بەلسەندى رول اتقارۋىن ءۇمىت ەتەمىز.
لاكاللە مىنانى ءبىلدىردى: مەن ءتوراعا شي جينپيڭنىڭ كەزەكتەگى حالىقارالىق جاعداي جونىندەگى ماڭىزدى بايىمداۋلارىن جانە ۇستانىمدارىن بارىنشا قۇپتايمىن، جۇڭگونىڭ ىندەتكە قارسى اتتانۋدا قول جەتكىزگەن ۇلى جەتىستىكتەرىنە سۇيىنەمىن. قازىرگى جاعدايدا، ءار ەل تەك اشىق بولۋدى ساقتاپ، ىنتىماقتاسا سەلبەسۋدى كۇشەيتكەندە عانا، ورتاق مۇددەنى اناعۇرلىم جاقسى قورعاۋىنا بولادى. ۋرۋگۆاي مەن جۇڭگو جاقسى سەرىكتەر، جاعراپيالىق جاقتاعى شالعايلىق ەكى ەلدىڭ دوستىق قارىم - قاتىناسىنىڭ دامۋىنا ەشقاشان بوگەت بولا العان جوق. ۋرۋگۆاي جاق ەكى ەلدىڭ ەكونوميكا جاعىندا ءبىر - ءبىرىن تولىقتاۋ سيپاتىن تولىق ساۋلەلەندىرىپ، ۋرۋگۆاي مەن جۇڭگونىڭ قارىم - قاتىناسىن تەرەڭدەتىپ، ەكى ەلدىڭ اۋىل شارۋاشىلىعى ونىمدەرى، نەگىزدىك قۇرىلعىلار، عىلىم - تەحنيكادا جاڭالىق اشۋ سياقتى سالالارداعى سەلبەستىگىن كۇشەيتۋدى ءۇمىت ەتەدى. ۋرۋگۆاي جاق جۇڭگو جاقپەن بىرگە ەركىن ساۋدانى قورعاپ، وڭتۇستىك جاق ورتاق بازارىنىڭ جۇڭگومەن سەلبەستىگىن كۇشەيتۋىن ىلگەرىلەتۋدى قالايدى.
شينحۋا اگەنتتىگىنىڭ 9 - ايدىڭ 9 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 9 - ايدىڭ 9 - كۇنى كەشتە ساۋد ارابياسىنىڭ پاتشاسى سالمانمەن تەلەفوندا سويلەستى.
شي جينپيڭ بىلاي دەپ باسا دارىپتەدى: جۇڭگو مەن ساۋد ارابياسى ديپلوماتيالىق قارىم - قاتىناس ورناتقان 30 جىلدان بەرى، ەكى ەلدىڭ قارىم - قاتىناسى ارشىنداي دامىپ، ءارقايسى سالاداعى ناقتى سەلبەستىكتەر ورنىقتى قاداممەن ىلگەرىلەدى. قازىر جۇڭگو - ساۋد ارابياسى قارىم - قاتىناسى جەدەل دامۋداي تولىسقان مەزگىلگە قادام قويدى ءارى تىڭ دامۋ ورايلارىنا ءدوپ كەلدى. جۇڭگو جاق ساۋد ارابياسى جاقپەن بىرگە ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 30 جىلدىعىن وراي ەتىپ، ساياسي جاقتاعى ءوزارا سەنىمدىلىكتى نىعايتىپ، ءبىر - ءبىرىنىڭ وزەكتى مۇددەسىنە ساياتىن جانە ءجىتى قاداعالاپ وتىرعان كەلەلى ماسەلەلەردە ۇزدىكسىز ءبىر - بىرىنە قولداۋ كورسەتىپ، ”ءبىر بەلدەۋ، ءبىر جولدى“ بىرگە قۇرۋ باستاماسىن ساۋد ارابياسى ”2030 نىشانىمەن“ ۇشتاستىرۋدى كۇشەيتىپ، ءار سالاداعى سەلبەستىكتى ىشكەرىلەي، ناقتى ىلگەرىلەتىپ، جۇڭگو - ساۋد ارابياسى جان - جاقتى ستراتەگيالىق سەرىكتەستىك قارىم - قاتىناسىنىڭ اناعۇرلىم زور دامۋىن جەبەۋدى قالايدى. جۇڭگو جاق ساۋد ارابياسىمەن بىرگە قۇلشىنىپ، جۇڭگو - اراب ەلدەرى ستراتەگيالىق سەرىكتەستىك قارىم - قاتىناسىن اناعۇرلىم جوعارى دەڭگەيگە كوتەرۋدى قالايدى.
شي جينپيڭ بىلاي دەپ اتاپ كورسەتتى: توسىن تۋىلعان جاڭا تيپتى ايدارشا ۆيرۋس وكپە قابىنۋ ىندەتى الدىندا ساۋد ارابياسى جاق جۇڭگو جاقتىڭ ىندەتكە قارسى اتتانۋىنا قولداۋ كورسەتتى جانە كومەك بەردى، جۇڭگو جاق تا قيىنشىلىقتاردى جەڭىپ، ساۋد ارابياسى جاقتى زاتتىق بۇيىمدار كومەگىمەن بەلسەنە قامدادى. جاڭا تيپتى ايدارشا ۆيرۋس وكپە قابىنۋ ىندەتى − بۇكىل ادامزاتتىڭ ورتاق جاۋى، ءار ەل تەك ىنتىماقتاسا سايكەسكەندە عانا، جەڭىسكە جەتە الادى. كەزەكتە ىندەت دۇنيە جۇزىندە ءالى تارالۋدا، جۇڭگو جاق ساۋد ارابياسى جاقتىڭ ىندەتكە قارسى اتتانۋ قۇلشىنىسىن ۇزدىكسىز بار كۇشىپەن قولداپ، ۆاكسينا زەرتتەپ جاساۋ جاعىندا سەلبەستىك ورىستەتىپ، ساۋد ارابياسى جاقتىڭ جۇمىستى، ءوندىرىستى قالپىنا كەلتىرۋىنە دەم بەرەدى.
شي جينپيڭ بىلاي دەپ باسا دارىپتەدى: جۇڭگو جاق ساۋد ارابياسى جاقتىڭ ءتوراعا ەل مىندەتىن اتقارعاننان بەرى 20 ەل توبى سەلبەستىگىن جەبەۋگە قوسقان وراسان زور قۇلشىنىسىن القايدى، ساۋد ارابياسى جاقپەن ءجيى پىكىر اۋىستىرىپ، سايكەسىپ، 20 ەل توبىنىڭ سەلبەستىكتى كۇشەيتۋىن جەبەپ، ۆاكسينانىڭ تۇتاس جەر شارىنىڭ الەۋمەتتىك ونىمىنە اينالۋىن ىلگەرىلەتىپ، بارلىق ەلدىڭ، بارلىق ادامنىڭ ۆاكسيانى ساتىپ الۋىنا، پايدالانۋىنا مۇمكىندىك جاساۋعا ۇمتىلۋدى قالايدى. جۇڭگو جاق ساۋد ارابياسىن قامتىعان 20 ەل توبى مۇشەلەرىمەن بىرگە وركەندەپ كەلە جاتقان ەلدەرگە كومەكتى كۇشەيتىپ، اشىق دۇنيە ءجۇزى ەكونوميكاسىن قۇرىپ، جەر شارىنىڭ كاسىپ سالاسى تىزبەگىنىڭ، قامداۋ تىزبەگىنىڭ ورنىقتىلىعىن قورعاپ، ادامداردىڭ ءتارتىپتى ءجۇرىس - تۇرىسىنا قولايلىلىق جاساپ، سيفرلى ەكونوميكا سەلبەستىگىنە جەتەكشىلىك ەتىپ، اشىق، ءادىل، تۋرا، كەمسىتۋسىز سيفرلى ەكونوميكا ورتاسىن ازىرلەۋدى قالايدى.
سالمان مىنانى ءبىلدىردى: ساۋد ارابياسى مەن جۇڭگو ەكى ەل قارىم - قاتىناسىنىڭ دامۋى جاقسى، ەكى ەل حالقىنىڭ دوستىعى ۇزدىكسىز تەرەڭدەۋدە. ساۋد ارابياسى جاق جۇڭگومەن جان - جاقتى ستراتەگيالىق سەرىكتەستىك قارىم - قاتىناسىن دامىتۋعا وسكەلەڭ ءمان بەرەدى، جۇڭگو جاقپەن ىندەتكە قارسى اتتانۋ سەلبەستىگىن، اسىرەسە، ۆاكسينا زەرتتەپ جاساۋ سەلبەستىگىن كۇشەيتىپ، ”2030 نىشانىن“ ”ءبىر بەلدەۋ، ءبىر جول“ باستاماسىمەن ۇشتاستىرۋدى ىلگەرىلەتىپ، ءار سالاداعى ناقتى سەلبەستىكتەردى تەرەڭدەتۋدى ءۇمىت ەتەدى. ساۋد ارابياسى جاق جۇڭگو جاقتىڭ ساۋد ارابياسىنىڭ 20 ەل توبىنا ءتوراعا ەل بولىپ قىزمەت ورىستەتۋىنە كورسەتكەن قولداۋى مەن كومەگىن القايدى، جۇڭگو جاقپەن ءجيى پىكىر اۋىستىرىپ، سايكەسىپ، 20 ەل توبىنىڭ ىنتىماقتاسا سەلبەستىك جاساۋىن كۇشەيتۋدى ىلگەرىلەتىپ، دۇنيە جۇزىندەگى ءار ەلدىڭ ىندەتتى جەڭۋىنە، ەكونوميكانىڭ ارتۋىن جانە ورنىقتىلىعىن قالپىنا كەلتىرۋگە ءتيىستى ۇلەس قوسۋدى ءۇمىت ەتەدى.
