تيانشان تورىنىڭ حابارى. 9 - ايدىڭ 10 - كۇنى، ءتىلشىنىڭ اۆتونوميالى رايوندىق وقۋ - اعارتۋ مەڭگەرمەسىنەن ۇعىسۋىنشا، تۇتاس رايونىمىزداعى بالاباقشالار 9 - ايدىڭ 15 - كۇنىنەن باستاپ، الدىمەن اۋىل ـ قىستاقتار، ونان سوڭ قالا، الدىمەن جوعارى، ورتا كلاستار، ونان سوڭ كىشى كلاستار رەت ءتارتىبى بويىنشا ءبىر ۋاقىتقا شوعىرلاندىرماي كەزەكپەن وقۋ باستايدى ەكەن.
اۆتونوميالى رايوندىق وقۋ - اعارتۋ مەڭگەرمەسى مىنالاردى تالاپ ەتتى، جەر - جەر مەملەكەتتىك دەنساۋلىق ساقتاۋ، سالاماتتىق كوميتەتىنىڭ جانە وقۋ - اعارتۋ مينيسترلىگىنىڭ «بالا باقشا قۇرىلىمىنىڭ كۇز، قىس ماۋسىمدارىندا جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ تەحنيكالىق جوباسىن (جاڭارتىلعان نۇسقاسى)» قاتاڭ تياناقتاندىرىپ، بالالاردىڭ دەنساۋلىعى مەن پسيحيكالىق اقاۋسىزدىق ەرەكشەلىگىمەن، مەكتەپكە دەيىنگى وقىتۋدا تاربيەلەۋ ەرەكشەلىگىمەن ۇشتاستىرىپ، بالا باقشالارىن اشۋدىڭ ءتۇرلى قىزمەت شارالارىن اناعۇرلىم ەگجەي - تەگجەيلىلەندىرىپ، ىندەتتەن ساقتانۋ - تىزگىندەۋ تالابى بويىنشا، قورشاعان ورتانى تولىق زارارسىزداندىرىپ، باقشانىڭ حاۋىپسىز بولۋىنا كەپىلدىك ەتىپ، ىندەتتەن ساقتانۋ - تىزگىندەۋ زاتتىق ماتەريالدارىن ورنىنا جەتكىزىپ، وقىتۋشى ـ قىزمەتكەرلەردىڭ، اتا ـ انالاردىڭ جانە سابيلەردىڭ جەكەلىك قورعانۋ - ساقتانۋ تانىمىن جوعارىلاتىپ، وقىتۋشى ـ وقۋشىلاردىڭ دەنساۋلىق اقاۋسىزدىعىنا شىنايى كەپىلدىك ەتۋ كەرەك.
