تيانشان تورى   ›   ۇيرەنۋ   ›   شولۋ

ىندەتكە قارسى اتتانۋ ۇلى رۋحىن كۇش سالا اسقاقتاتايىق

 − باس شۋجي شي جينپيڭنىڭ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ جونىندەگى مەملەكەتتىك ماداقتاۋ - سيلاۋ جينالىسىندا سويلەگەن ماڭىزدى ءسوزىن ۇيرەنۋ، دايەكتىلەندىرۋ تۋرالى

 حالىق گازەتىنىڭ شولۋشىسى

  ”وسى رەتكى اۋىر ىندەتپەن ايقاسقان قيان - كەسكى سايىستا جۇڭگو حالقى مەن جۇڭحۋا ۇلتى جۇرەكتىلىكپەن كۇرەس جۇرگىزەتىن، باتىلدىقپەن جەڭىسكە جەتەتىن قايتپاس جىگەرى ارقىلى ءومىردى بارىنەن جوعارى قويۋ، بۇكىل ەل بويىنشا ءبىر نيەتپەن جۇمىلۋ، باسىن ءباي تىگۋ، عىلىمعا قۇرمەت ەتۋ، تاعدىرلاس بولۋ سىندى ىندەتكە قارسى اتتانۋ ۇلى رۋحىن سومدادى“. جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ جونىندەگى مەملەكەتتىك ماداقتاۋ - سيلاۋ جينالىسىندا، باس شۋجي شي جينپيڭ ىندەتكە قارسى اتتانۋ ۇلى رۋحىن ەگجەي - تەگجەيلى تۇجىرىمداپ ءارى ىشكەرىلەي ءتۇسىندىرىپ، تۇتاس قوعامدا ىندەتكە قارسى اتتانۋ ۇلى رۋحىن بار كۇشپەن اسقاقتاتۋ، ونى جاپپاي سوتسياليستىك وسىزاماندانعان مەملەكەت قۇرۋدىڭ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ قۇدىرەتتى كۇشىنە اينالدىرۋ كەرەكتىگىن باسا دارىپتەدى.

  توسىن تۋىلعان اۋىر ىندەت الدىندا، جۇڭگو حالقى قيىن - قىستاۋ جاعدايدى بىرگە وتكەرىپ، ەل بىرلىگىنەن بەرىك قامال تۇرعىزىپ، ىندەتتەن ساقتانۋ - تىزگىندەۋدىڭ بەرىك قورعانىس شەبىن قۇرىپ، ادامزاتتىڭ اۋرۋمەن كۇرەسۋ تاريحىندا تاعى ءبىر ەرلىك باستامانى جاساپ قالماستان، ىندەتكە قارسى اتتانۋدىڭ ۇلى رۋحىن دا سومداپ، ادامزات رۋحىن ايشىقتاۋداعى تاعى ءبىر جاندى تاراۋدى جازدى. ”حالىقتىڭ ءومىرىنىڭ حاۋىپسىزدىگىن قورعاۋ ءۇشىن، ءبىز بارلىعىنا تاۋەكەل ەتۋدەن تايىنبايمىز!“ بۇل جۇڭگو كوممۋنيستىك پارتياسىنىڭ حالىق ءۇشىن بيلىك جۇرگىزۋ ۇستانىمىنىڭ ەڭ جاقسى تۇسىندىرمەسى، بۇل جۇڭحۋا وركەنيەتىندەگى ادام ومىرىنە قاتىستى دەيتىن ءمورال كوزقاراسىنىڭ ەڭ جاقسى بەينەلەنۋى، سونداي - اق جۇڭگو حالقىنىڭ ءومىردى ارداقتايتىن گۋمانيتارلىق رۋحىنىڭ ەڭ جاقسى كۋاسى. ءومىر مەن ءولىم سىناعىندا، ۇزاق ۋاقىت وڭاشالاۋ اكەلگەن وراسان زور دەنە جانە پسيحيكالىق قىسىم الدىندا، قالىڭ حالىق بۇقاراسى ءومىر مەن ءولىم سايىسىندا جاسقانباي، سان - ساناقسىز حاۋىپ - قاتەردە شەگىنشەكتەمەي، ءتۇرلى تاسىلدەرمەن ىندەتتەن ساقتانۋ - تىزگىندەۋگە كوڭىل ءبولىپ، كۇش شىعارىپ، ىنتىماق − كۇش سىندى ءداۋىر كارتيناسىن كەسكىندەدى. ”قيىن - قىستاۋ ساتتە، بارلىق الاپتان باتىر شىقتى“، ءارقايسى شايقاس شەبىندەگى ىندەتكە قارسى اتتانعان باتىرلار قاتەردەن قايمىقپاي، ولىمنەن جاسقانباي، قيىنشىلىق الدىندا تاۋەكەلگە بەل بۋىپ، شەشۋشى ساتتە العا ۇمتىلىپ، ومىرىمەن بورىشىنا اتتاندى، ۇلى سۇيىسپەنشىلىكپەن جۇرتتىڭ ءومىرىن قورعادى. بۇرىن بولىپ كورىلمەگەن جاڭا تيپتى جۇقپالى اۋرۋ الدىندا، ءبىز عىلمي رۋحتان، عىلمي پوزيتسيادان جازباي، عىلمي زاڭدىلىققا بويسۇنۋدى شەشىم جاساپ، قولباسشىلىق ەتۋدىڭ، ناۋقاستاردى ەمدەۋدىڭ، تەحنيكادان قامال الۋدىڭ، قوعامدى جونگە سالۋدىڭ ءارقايسى جاقتارىنا، جالپى بارىسىنا ءسىڭىرىپ، ىندەتتى جەڭۋ ءۇشىن قۋاتتى عىلمي تىرەك ازىرلەدىك. ”جول - جوسىن بىلگەن جالعىز قالماس، ۇلى سۇيىسپەنشىلىكتە شەكارا بولماس“، ءبىز جاڭا جۇڭگو قۇرىلعاننان بەرگى كومەك بەرۋ ۋاقىتى ەڭ شوعىرلى، شارپيتىن اۋماعى ەڭ كەڭ بولعان شۇعىل ىزگىلىك قيمىلىن باستاپ، الەمدىك ىندەتتەن ساقتانۋ - تىزگىندەۋگە تىنباي قوزعاۋشى كۇش ۇستەپ، سەنىمدىلىكتى دارىپتەيتىن، سۇيىسپەنشىلىككە ءمان بەرەتىن، ادىلدىكتى اسقاقتاتاتىن، ادامگەرشىلىكتەن اينىمايتىن ءىرى ەلدىڭ وبرازىن تولىق ايگىلەپ، دۇنيە جۇزىنە ۇلى بىرلىك قاراستىراتىن، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتەتىن ءىرى ەلدىڭ جاۋاپكەرشىلىك ارقالاۋىن جاندى تۇسىندىردىك. ءومىردى بارىنەن جوعارى قويۋ، بۇكىل ەل بويىنشا ءبىر نيەتپەن جۇمىلۋ، باسىن ءباي تىگۋ، عىلىمعا قۇرمەت ەتۋ، تاعدىرلاس بولۋ سىندى جۇڭگو حالقى مەن جۇڭحۋا ۇلتى سومداعان ىندەتكە قارسى اتتانۋ ۇلى رۋحى ىندەتتەن ساقتانۋ - تىزگىندەۋ حالىقتىق شايقاسىنىڭ، جالپى تۇلعالىق شايقاسىنىڭ، توسقاۋىل شايقاسىنىڭ جەڭىسىنە باتىل قول جەتكىزۋدىڭ قۇدىرەتتى رۋحاني تىرەگىنە اينالدى.

  ءومىردى بارىنەن جوعارى قويۋ جۇڭگو حالقىنىڭ تەرەڭ مەيىرىمدىلىك ءداستۇرى مەن جۇڭگو كوممۋنيستەرىنىڭ حالىقتى وزەك ەتەتىن قۇن تالپىنىسىن شوعىرلى ايگىلەدى؛ بۇكىل ەل بويىنشا ءبىر نيەتپەن جۇمىلۋ جۇڭگو حالقىنىڭ جالپى جۇرت جۇدىرىقتاي جۇمىلاتىن، بەينەت پەن زەينەتتى بىرگە وتكەرەتىن ىنتىماعىنىڭ ۇلى كۇشىن شوعىرلى ايگىلەدى؛ باسىن ءباي تىگۋ جۇڭگو حالقىنىڭ بارلىق قيىندىقتى جۇرەكتىلىكپەن جەڭەتىن، ەشقانداي قيىندىققا مويىمايتىن قايسار ەرىك - جىگەرىن شوعىرلى ايگىلەدى؛ عىلىمعا قۇرمەت ەتۋ جۇڭگو حالقىنىڭ شىنايىلىققا تالپىنىپ، ناقتى ىسكە ۇمتىلاتىن، ءورىس اشا جاڭالىق جاسايتىن امالياتتىق قاسيەتىن شوعىرلى ايگىلەدى؛ تاعدىرلاس بولۋ جۇڭگو حالقىنىڭ ءبىر جاعادان باس، ءبىر جەڭنەن قول شىعاراتىن، بەيبىتشىلىكتى سۇيەتىن ءمورالدىق جاۋاپكەرشىلىگىن شوعىرلى ايگىلەدى. باس شۋجي شي جينپيڭنىڭ ىندەتكە قارسى اتتانۋ ۇلى رۋحىن تۇجىرىمداۋى مەن ءتۇسىندىرۋى، پارتيامىزدىڭ بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، ىندەتكە قارسى اتتانۋدىڭ سۇراپىل ءىرى شايقاسىن جۇرگىزۋىنىڭ رۋحاني ءمانىن ىشكەرىلەي ءتۇسىندىرىپ، بۇكىل ەلدىڭ ىندەتكە قارسى اتتانۋ كۇرەسىندە قول جەتكىزگەن كەلەلى ستراتەگيالىق تابىستارىنىڭ كۇش - قۋات قاينارىن ىشكەرىلەي ۇعىندىردى. جۇڭگو حالقى مەن جۇڭحۋا ۇلتى سومداعان ىندەتكە قارسى اتتانۋ ۇلى رۋحى جۇڭحۋا ۇلتىنىڭ ۇزاق ۋاقىت قالىپتاستىرعان ەرەكشە قاسيەتىمەن جانە مادەنيەت گەنىمەن تامىرلاسقان، ول − وتانشىلدىق، كوللەكتيۆشىلدىك، سوتسياليستىك رۋحتىڭ جالعاسۋى جانە دامۋى، جۇڭگو رۋحىنىڭ جاندى انىقتاماسى، ول ۇلت رۋحى مەن ءداۋىر رۋحىنىڭ ىشكى مازمۇنىن بايىتىپ، جۇڭحۋا ۇلتىنىڭ ۇلى گۇلدەنۋى ساپارىنداعى تىڭ رۋحاني وشپەس تۋىندىنى جاساپ، جۇڭحۋا ۇلتىنىڭ ەڭ قىمباتتى رۋحاني بايلىعىنا اينالدى.

  ادامدا رۋح بولماعاندا ەڭسە كوتەرىپ تۇرا المايدى، مەملەكەتتە رۋح بولماعاندا قۇدىرەتتەنە المايدى. ءبىر ۇلت تەك رۋحاني جاقتا تابان تىرەپ، ورنىقتى تۇرا العاندا عانا تاريح كوشىندە قاسقايىپ تۇرىپ، ەكپىنمەن ەڭسە كوتەرەدى. قيىنشىلىقپەن كۇرەس جاساۋ ماتەريانىڭ بايقاسۋى بولۋمەن بىرگە، رۋحتىڭ دا بەلدەسۋى. كەزەكتە دۇنيە ءجۇزىنىڭ 100 جىلدا بولماعان ۇلكەن وزگەرىسى جەدەل قۇبىلۋدا، ەل ىشىندەگى رەفورما، دامۋ، ورنىقتىلىق مىندەتى ماشاقاتتى دا اۋىر، العا باسۋ جولىندا، ءبىز ءالى دە ءار ءتۇرلى حاۋىپ - قاتەرلەرگە، سىن - سايىستارعا ءدوپ كەلەمىز، ءار ءتۇرلى كەدەرگىلەرگە، ساتسىزدىكتەرگە كەزدەسەمىز، ۇلى ارماندى جۇزەگە اسىرۋ ءۇشىن، ءسوز جوق، ۇلى كۇرەس جۇرگىزۋىمىز كەرەك. ”قوس 100 جىلدىق“ كۇرەس نىساناسىنىڭ تاريحي توعىسىندا تۇرعان ءبىز ىندەتكە قارسى اتتانۋ ۇلى رۋحىن زور كۇشپەن اسقاقتاتۋىمىز، كۇرەس جىگەرىن بەكەمدەۋىمىز، نەعۇرلىم جاپالى دا قاتەرلى بولعان سايىن، سولعۇرلىم العا باساتىن ارىنمەن ەرلىكپەن سايىسىپ، قيىندىقتان تايسالماي العا ۇمتىلىپ، جىگەردى مۇقالتپاي، باتىلدىقپەن اتويلاپ، ەرلىكپەن شايقاسىپ، جەڭىسكە قول جەتكىزىپ، بارلىق اۋىر بوگەت، قيىن توسقاۋىلداردى جەڭىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىندا تىڭ دا اناعۇرلىم زور كەرەمەتتەر جاساۋىمىز كەرەك.

  (شينحۋا اگەنتتىگىنىڭ 9 - ايدىڭ 10 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.