رايونىمىزدا كادرلار مەن بۇقارا باس شۋجي شي جينپيڭنىڭ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ جونىندەگى مەملەكەتتىك ماداقتاۋ - سيلاۋ جينالىسىندا سويلەگەن ماڭىزدى ءسوزىن مۇقيات ۇيرەنىپ، مىنالاردى ءبىلدىردى −
جاڭا ساپاردا جاڭا ناتيجە جاراتامىز
گازەتىمىزدىڭ جالپىلىق اقپارات قۇرالدارى تىلشىلەرى
سوڭعى كۇندەردەن بەرى، رايونىمىزداعى ءار ۇلت كادرلارى مەن بۇقارا باس شۋجي شي جينپيڭنىڭ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ جونىندەگى مەملەكەتتىك ماداقتاۋ - سيلاۋ جينالىسىندا سويلەگەن ماڭىزدى ءسوزىنىڭ رۋحىن مۇقيات ۇيرەنىپ، دايەكتىلەندىرىپ، جابال مىنالاردى ءبىلدىردى: ىندەتكە قارسى اتتانۋ ۇلى رۋحىن كۇش سالا اسقاقتاتىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن ىشكەرىلەي دايەكتىلەندىرىپ، تياناقتاندىرىپ، نازاردى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، جاڭا داۋىردەگى جاڭا ساپاردا كەدەرگى، بوگەت اتاۋلىنى تالقانداپ، ەرلىكپەن العا ىلگەرىلەپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتىپ، كەدەيلىكتەن ارىلتۋدان قامال الۋ شەشۋشى شايقاسىن جۇرگىزىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا تىڭ ۇلەس قوسامىز.
”باس شۋجي شي جينپيڭ ’بارشا ەمدەۋ قىزمەتكەرلەرى ەڭ ارداقتى پەرىشتەلەر، جاڭا داۋىردەگى ەڭ سۇيىكتى ادامدار‘ دەپ القادى، بۇل بارشا دەنساۋلىق ساقتاۋ، سالاماتتىق قىزمەتكەرلەرىنە بەرىلگەن اسا زور شابىت پەن مەدەت“. اۆتونوميالى رايوندىق دەنساۋلىق ساقتاۋ، سالاماتتىق كوميتەتى مەديتسينالىق اكىمشىلىك، مەديتسينالىق باسقارۋ باسقارماسىنىڭ باستىعى فىڭ دۇڭ بىلاي دەدى: ءبىز ىندەتكە قارسى اتتانۋ ۇلى رۋحىن كۇش سالا اسقاقتاتىپ، ۇزدىكسىز تۇردە عىلمي پوزيتسيا ۇستانىپ، ەلەۋلى ىندەتتەن ساقتانۋ - تىزگىندەۋ ءتۇزىلىس - مەحانيزمىن ۇزدىكسىز كەمەلدەندىرىپ، ساقتانۋ - تىزگىندەۋ جانە قۇتقارۋ - ەمدەۋ قابىلەتىن جاپپاي جوعارىلاتىپ، حالىقتىڭ دەنساۋلىعىن قامتاماسىز ەتۋگە پارمەندى كەپىلدىك ازىرلەۋىمىز كەرەك.
اۆتونوميالى رايوندىق حالىق شيپاحاناسى پارتكومىنىڭ شۋجيى، شيپاحانانىڭ ورىنباسار باستىعى، اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتى بويىنشا مەديتسينالىق قۇتقارۋ - ەمدەۋگە بەلگىلەگەن شيپاحانا پارتكومىنىڭ شۋجيى، شيپاحانا باستىعى يۇي ايپيڭ بىلاي دەدى: ”ءاربىر جان يەسى بار كۇشپەن قورعالۋى كەرەك، ادامنىڭ ءومىرى، ادامنىڭ قۇنى، ادامنىڭ ار - نامىسى دەن قويا قورعالۋى كەرەك. بۇل جۇڭگو كوممۋنيستىك پارتياسىنىڭ حالىق ءۇشىن بيلىك جۇرگىزۋ ۇستانىمىنىڭ ەڭ جاقسى انىقتاماسى! ىندەتكە قارسى اتتانۋداعى نەگىزگى قوسىن جانە كاسىپتىك اترەت رەتىندە، ءبىز ىندەتتەن ساقتانۋ - تىزگىندەۋ قىزمەتىن باستان - اياق قۇنتتىلىقپەن ىستەپ، ومىرگە قۇرمەت ەتۋ، اجالعا اراشاشى، جارالىعا مەدەت بولۋداي كاسىپتىك رۋح جانە عىلمي، ىجداعاتتى كاسىپتىك پوزيتسيا ارقىلى حالىقتى بارىنەن جوعارى قويۋ، ءومىردى بارىنەن جوعارى قويۋ ۇستانىمىن ناقتاپ تياناقتاندىرامىز“.
”ءبىز باس شۋجيدىڭ ماڭىزدى ءسوزىن ءتۇبىرلى بويسۇنۋ ولشەمى ەتىپ، حالىقتىڭ مۇڭ - مۇقتاجىن كوكەيدە ساقتاپ، بۇقارانىڭ جۇمىستانۋ سياقتى جاقتارداعى ناقتى قيىنشىلىقتارىن شەشۋىنە كومەكتەسەمىز“، - دەدى اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى جۇمىستانۋدى جەبەۋ باسقارماسىنىڭ ورىنباسار باستىعى ما شاۋفىڭ، - ىندەت تۋىلعاننان بەرى، رايونىمىز جۇمىسسىزدىق قامسىزداندىرۋى ارقىلى جۇمىس ورنىن ورنىقتىرىپ، جۇمىسسىزدىق قامسىزداندىرۋىن قايتارۋ سەرپىنىن كۇشەيتۋ، جۇمىستاندىرۋ بويىنشا سيلاۋ سيلىق، قوسىمشا قاراجاتىن بەرۋدى تياناقتاندىرۋ سياقتى ءبىر قىدىرۋ جۇمىستانۋدى سۇيەمەلدەۋ ساياساتىن شىعاردى، ەندىگى جەردە جۇمىستانۋدى سۇيەمەلدەۋدەگى ءتۇرلى ساياساتتاردى ۇزدىكسىز تۇردە ويداعىداي تياناقتاندىرىپ، شارتقا ۇيلەسەتىن ءتۇرلى ەڭبەكشىلەر مەن ادام ىستەتۋشى ورىنداردىڭ جۇمىستاندىرۋ ساياساتىنان مۇمكىندىگىنشە يگىلىكتەنۋىنە مۇمكىندىك جاسايدى.
ياركەن اۋداندىق پارتكومنىڭ ورىنباسار شۋجيى، اۋدان اكىمى ابدىعاني مامەت بىلاي دەدى: ”قايىسپاس ەرىك - جىگەر − العا ىلگەرىلەۋ جولىنداعى بارلىق جاپا - ماشاحات، قيىنشىلىق، حاۋىپ - قاتەر، كەدەرگىلەردى جەڭۋدىڭ كۇش قاينارى. ءبىز اۋدانىمىزدىڭ ءىس جۇزىندىگىمەن ۇشتاستىرىپ، كەدەيلىكتەن ارىلتۋدان قامال الۋ شايقاسىن جۇرگىزەتىن 21 گرۋپپا ۇيىمداستىردىق، كەدەيلىك تىزىمىنەن شىعارىلماعان 173 قىستاق پەن كەدەيلىك تىزىمىنەن شىعارىلعان 168 قىستاقتى اۋدان، باسقارما دارەجەلى ءبىر باسشى + 2 ءبولىم دارەجەلى كادر بىرلەسىپ كوتەرمەگە الىپ، كەدەيلەردى سۇيەمەلدەۋ مىندەتى بار 225 ادەتتەگى قىستاقتى (الەۋمەتتىك اۋماق) ءبولىم دارەجەلى 2 كادر قىستاق بويىنشا بىرلەسىپ كوتەرمەگە الىپ شايقاس جۇرگىزدى، 23 مىڭ كادر ”1 + 1“ ۇلگىسىمەن كەدەي وتباسىلارىمەن، كەدەيلەسۋگە تاياعان وتباسىلارىمەن جۇپ قۇراپ كومەكتەسىپ، سۇيەمەلدەپ، جۇپ قۇراپ كومەكتەسۋ - سۇيەمەلدەۋمەن تولىق قامتىدى. ءبىز ىندەتكە قارسى اتتانۋ ۇلى رۋحىن ساۋلەلەندىرىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋىمىز، كەدەيلىكتەن ارىلتۋدان قامال الۋ شەشۋشى شايقاسىن جۇرگىزۋىمىز كەرەك“.
”باس شۋجيدىڭ ماڭىزدى ءسوزى سەنىمدى سەرپىلتىپ، جىگەر - قايراتتى تاسقىنداتتى، جاپپاي دوڭگەلەك داۋلەتتى قوعام ورناتۋ، كەدەيلىكتەن ارىلتۋدان قامال الۋ شەشۋشى شايقاسىنىڭ نىسانالارىن، مىندەتتەرىن ورىنداۋ سەنىمىمىز بەن تەبىنىمىز ونان ارى ارتا ءتۇستى“، - دەدى اۆتونوميالى رايوندىق ورمان شارۋاشىلىعى جانە جايلىم مەكەمەسىنىڭ ءۇشتۇرپان اۋدانى وتباسى اۋىلى جارقوتان قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، ءبىرىنشى شۋجيى شۇي پەيجى، -كەلەسى قادامدا، قىزمەت اترەتى تۇتىنۋ ارقىلى كەدەيلەردى سۇيەمەلدەۋ سىندى پارمەندى تۇتقادان ونان ارى ويداعىداي پايدالانىپ، جارقوتان قىستاعىنىڭ بىلتىرعى كەدەيلىك قالپاعىن الىپ تاستاۋ، جان باسىندىق ورتاشا كىرىستى 12 مىڭ يۋانعا جەتكىزۋ نەگىزىندە، بيىل جان باسىندىق ورتاشا كىرىستى 18 مىڭ يۋانعا جەتكىزۋىنە مۇمكىندىك جاسايدى.
”كەدەيلىكتەن ارىلتۋدان قامال الۋ جولىندا، بىزدە تاۋقىمەت تانىمى بولۋ كەرەك، يدەيالىق جاقتا تيتتەي دە بوساڭسۋعا بولمايدى“، - دەدى كۇنەس اۋدانى كۇنەس قالاشىعى ءۇشبۇلاق قىستاعى پارتيا ياچەيكاسىنىڭ شۋجيى القار ءسادىعالي، - ءبىز ىندەتكە قارسى اتتانۋ ۇلى رۋحىن كۇش سالا ساۋلەلەندىرىپ، كەدەي ەڭبەككۇشتەردى ％100 ورنىقتى جۇمىستاندىرۋ نىساناسىن كوزدەپ، قىستاق دارەجەلى كۇش پەن كومەكتەسۋ - سۇيەمەلدەۋ كادرلارىن سايكەسە شايقاس جاساۋعا ۇيىمداستىرىپ، جۇمىستانۋ قاجەتى مەن ەڭبەك قابىلەتى بار كەدەيلەردىڭ بارلىعىنىڭ ىستەيتىن كاسىبىنىڭ بولۋىنا، ءار كۇنى كىرىس كىرگىزۋىنە شىنايى كەپىلدىك ەتەمىز.
(ءتىلشى رىن حۋا، قاتىناسقان تىلشىلەر لي چۇنشيا، چاۋ جين، سۋ لۋپيڭ، جاڭ جىلي، حان چينيان، ءجازيرا نەسىپبەك، ەرىكتى تىلشىلەر جاڭ حى، سۇن جىنجىن)
