تيانشان تورى   ›   جاڭالىقتار   ›   شينجياڭ حابارلارى

حالىققا تيىمدىلىك جاساۋ ناقتى ىستەرى تيانشاننىڭ تۇستىگى مەن تەرىستىگىن مەيىرگە بولەدى

 − ورتالىق پەن مەملەكەت ورگاندارىنان، ورتالىققا قاراستى كاسىپورىنداردان 9 - توپتا شينجياڭعا كومەكتەسۋ قىزمەتىنەن ەستەلىك (2)

شينجياڭ گازەتىنىڭ جالپىلىق اقپارات قۇرالدارى ءتىلشىسى جاۋ چۇنحۋا

  حالىق تۇرمىسى حالىق تىلەگىمەن تامىرلاس، حالىق تىلەگى − ەڭ ۇلكەن ساياسي. ورتالىق پەن مەملەكەت ورگاندارىنان، ورتالىققا قاراستى كاسىپورىنداردان 9 - توپتا شينجياڭعا كومەككە كەلگەن كادرلار، دارىندىلار حالىق تۇرمىسىن، نەگىزگى ساتىنى كورنەكتى ورىنعا قويۋدان جازباي، كوپىرلىك، دانەكەرلىك رولدى ساۋلەلەندىرىپ، ورتالىقتاعى ورىنداردىڭ ساياسات، نىسان، قارجى، دارىندى جاعىنان قولداۋىنا يە بولۋعا كۇش سالىپ، شينجياڭعا ەمدەۋ، وقۋ - اعارتۋ، جۇمىستاندىرۋ، كەدەيلەردى سۇيەمەلدەۋ جاعىنان كومەكتەسۋدى ىشكەرىلەي ىلگەرىلەتىپ، حالىق تۇرمىسىنا قاتىستى ءبىرسىپىرا نىسانداردى ناقتاپ تياناقتاندىردى، ءار ۇلت بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى زور دارەجەدە ارتتى.

 تىڭ ارنا بۇقارانىڭ كەدەيلىكتەن ارىلۋىنا جول اشتى

  كەدەيلىكتەن ارىلتۋدان قامال الۋ شايقاسى قاتاڭ شايقاس، ”ءۇش رايون، ءۇش وبلىس“ ءوڭىرى وسى جولعى قاتاڭ شايقاستاعى قامالدىڭ ىشىندەگى قامال. ورتالىقتاعى ورىنداردان 9 - توپتا شينجياڭعا كومەككە كەلگەن كادرلار، دارىندىلار وزدەرىنىڭ ساياسات، نىسان، قارجى، عىلىم - تەحنيكا سياقتى جاقتارداعى ابزالدىلىقتارىن تولىق ساۋلەلەندىرىپ، اناعۇرلىم ءدال، اناعۇرلىم پارمەندى شارالار ارقىلى كۇشتى ”ەڭ قيىن تۇيىنگە“ شوعىرلاندىرىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋگە دەم بەردى.

  ”اۋىلداستاردىڭ ەككەن شىلان، جاڭعاق، اق ورىك سياقتى ونىمدەرى ەلەكتروندى ساۋدانىڭ ارقاسىندا ىشكى ولكەلەرگە دەيىن ساتىلىپ، كىرىستى ارتتىرىپ، اۋقاتتانۋداعى تىڭ جولعا اينالدى“، - دەدى كۇشار قالاسى چىمان قالاشىعى توعىزتوما قىستاعى ەلەكتروندى ساۋدا ىستەرى بويىنشا قىزمەت وتەۋ پۋنكتىنىڭ باستىعى عوپۇر احىمەت. جاقىنعى جىلداردان بەرى، كۇشار قالاسى ەلەكتروندى ساۋدا ىستەرى بويىنشا قىزمەت وتەۋ پۋنكت - ءتۇيىن قۇرىلىسىن ۇزدىكسىز كەمەلدەندىرىپ، ”ينتەرنەت + تاپسىرىستىق اۋىل شارۋاشىلىعى“ ۇلگىسى جونىندە ىزدەنىس جاساپ، اۋىلداستاردىڭ جۇمىس ىستەۋ جىگەرى ءتىپتى دە تاسقىنداي ءتۇستى.

  3 جىلدان بەرى، ساۋدا ىستەرى مينيسترلىگىنەن شينجياڭعا كومەككە كەلگەن كادرلار مەملەكەتتىڭ ەلەكتروندى ساۋدا ىستەرىن اۋىل - قىستاقتارعا جەتكىزۋدەن ۇلگى كورسەتۋ اۋدانى بويىنشا 31 نىسانعا قول جەتكىزىپ، ورتالىقتىڭ 585 ميلليون يۋان قارجىسىنا يە بولدى. قازىر وڭتۇستىك شينجياڭداعى 4 ايماق - وبلىستىڭ 22 اۋدانىنداعى 1177 اۋىلدا (قالاشىق)، قىستاقتا ەلەكتروندى ساۋدا ىستەرى بويىنشا قىزمەت وتەۋ پۋنكتىن (ءتۇيىنىن) قۇرۋ مىندەتى جاپپاي ورىندالدى. اۋىل - قىستاق ەلەكتروندى ساۋدا بويىنشا ارحيۆ تۇرعىزىلىپ، كارتچكالاندىرىلعان كەدەي حالىققا 240 مىڭ 700 ادام - رەت قىزمەت وتەلىپ، ارحيۆ تۇرعىزىلىپ، كارتچكالاندىرىلعان كەدەي حالىقتان 65 مىڭ 800 ادام - رەت باۋلىنىپ، 8594 ادام جۇمىستاندى.

  ”ءبىز وڭتۇستىك شينجياڭداعى 4 ايماق - وبلىستاعى ءتۇيىندى رايونداردى ارالاپ، جۇمىس باسى ءماجىلىسىن قىستاق تۇرعىندارىنىڭ ەسىك الدىندا اشىپ، تۇتاس رايوندا ’اۋىل - قىستاق ەلەكتروندى ساۋدا الەۋمەتتىك قىزمەت وتەۋ كەمەلدى جۇيەسى، ينتەرنەتتە ساتىلاتىن ءبىر توپ اۋىل شارۋاشىلىق ەرەكشە ونىمدەرى ماركاسى، اۋىل شارۋاشىلىق ونىمدەرى ەلەكتروندى اينالىم تورى، اينالىم مولشەرىن ساتىلىم مولشەرىنە اينالدىرۋداي ءوندىرۋ مەن ساتۋدى ءتۇيىلىستىرۋ كەمەلدى مەحانيزمى، جەرگىلىكتى ەلەكتروندى ساۋدامەن اينالىساتىن جاڭا شارۋالار مەن ەلەكتروندى ساۋدا بازارى تۇلعاسى‘ سىندى ەلەكتروندى ساۋدا ارقىلى كەدەيلەردى سۇيەمەلدەۋ ۇلكەن ارناسىن العاشقى ادىمدا قالىپتاستىردىق“، - دەدى ساۋدا ىستەرى مينيسترلىگىنەن شينجياڭعا كومەككە كەلگەن كادر، اۆتونوميالى رايوندىق ساۋدا ىستەر مەڭگەرمەسى پارتيا باسشىلىق گرۋپپاسىنىڭ مۇشەسى، ورىنباسار باستىعى ساۋ شياڭ.

  ورتالىقتاعى ورىنداردان شينجياڭعا 9 - توپتا كومەككە كەلگەن كادرلار مەملەكەتتىك ورمان شارۋاشىلىعى مەن جايلىم مەكەمەسىنىڭ ساياسات جاعىنان قولداۋ كورسەتۋىنە قول جەتكىزىپ، شينجياڭدا ەكولوگيالىق ورمان قورعاۋ قىزمەتىنە 38 مىڭ 200 ادام ورنالاستىرىپ، 156 مىڭ كەدەيدىڭ كەدەيلىكتەن ارىلۋىنا تىكەلەي جەتەكشىلىك ەتتى.

 جاڭا ونەر بۇقارانى جۇمىستانۋ سەنىمىنە يە ەتتى

  جۇمىستاندىرۋ − ەڭ ۇلكەن حالىق تۇرمىسى. ورتالىقتاعى ورىنداردان 9 - توپتا شينجياڭعا كومەككە كەلگەن كادرلار، دارىندىلار جۇمىستاندىرۋ سىندى كەدەيلىكتەن ارىلتىپ، كىرىستى ارتتىرۋ تەتىگىن مىقتى يگەرىپ، ورنىقتى كاسىپتەندىرۋگە ۇزدىكسىز كۇش سالدى.

  ادام كۇشى بايلىعى جانە قوعامدىق قامتاماسىزداندىرۋ مينيسترلىگىنەن شينجياڭعا كومەككە كەلگەن كادرلار جۇمىستاندىرۋ ارقىلى كەدەيلەردى سۇيەمەلدەۋ جوباسىن جەتەكشى ەتىپ، «اۆتونوميالى رايوننىڭ وڭتۇستىك شينجياڭداعى 4 ايماق - وبلىستاعى اۋىر كەدەي رايونداردا جۇمىستاندىرۋ ارقىلى كەدەيلەردى سۇيەمەلدەۋدىڭ 3 جىلدىق جوباسىن (2018 − 2020 - جىل)» ۇيىمداستىرىپ جازدى.

  ”ءبىز وڭتۇستىك شينجياڭداعى 4 ايماق - وبلىستى ارالاپ تەكسەرۋ - زەرتتەۋ جۇرگىزىپ، اۋىل - قىستاقتاردى، وتباسىلارىن ارالاپ، قىستاق تۇرعىندارىنىڭ جۇمىستانۋ تىلەكتەرى مەن شەبەرلىك دەڭگەيلەرىن ۇعىستىق“. ادام كۇشى بايلىعى جانە قوعامدىق قامتاماسىزداندىرۋ مينيسترلىگىنەن شينجياڭعا كومەككە كەلگەن كادر، اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى پارتيا باسشىلىق گرۋپپاسىنىڭ مۇشەسى، ورىنباسار باستىعى ليۋ جۇنچاڭ مەن قىزمەتتەستەرى وڭتۇستىك شينجياڭداعى 4 ايماق - وبلىستاعى 22 اۋىر كەدەي اۋداندى تۇگەل ارالاپ شىقتى.

  2018 - جىلدان 2019 - جىلعا دەيىن، وڭتۇستىك شينجياڭداعى 22 اۋىر كەدەي اۋدان ”التى ءبىر توپ“ ارناسى ارقىلى ارحيۆ تۇرعىزىلىپ، كارتچكالاندىرىلعان كەدەي وتباسىلارىنداعى ەڭبەككۇشتەردەن 150 مىڭنان استام ادامدى ۇيىمدى تۇردە باسقا كاسىپ سالاسىنا ويىستىرىپ جۇمىستاندىرىپ، اۆتونوميالى رايوننىڭ 3 جىلدا 100 مىڭ ادامدى جۇمىستاندىرىپ، كەدەيلەردى سۇيەمەلدەۋ نىسانا - مىندەتتەرىن الدىن الا ورىندادى.

  باسقا كاسىپ سالاسىنا ويىسىپ جۇمىستانعان، حوتان قالاسى يۇرۇڭقاش قالاشىعى يۇڭبازار قىستاعىنىڭ تۇرعىنى ۇسەن اسەن ۇرىمجىدە جاڭا تۇرمىسىن باستادى. ”مەن شينجياڭ حۋاڭنيۋ مال شارۋاشىلىق ونىمدەرىن دامىتۋ شەكتى سەرىكتەستىگىندە ىستەيمىن، ايلىق ەڭبەكاقىم 5500 يۋان، جۇمىس ورنىمىزداعى جاتاقتا جاتامىن، ىرىككەن اقشامدى وتباسىمنىڭ تۇرمىسقا پايدالانۋىنا جىبەرىپ بەرەمىن، بۇعان ءوزىم ءدان ريزامىن!“، - دەدى ۇسەن.

  جۇڭگو مۇگەدەكتەر بىرلەستىگىنەن شينجياڭعا كومەككە كەلگەن كادرلار نىسان قارجىسىن قولعا كەلتىرىپ، وڭتۇستىك شينجياڭنىڭ اۋىر كەدەي اۋداندارداعى ارحيۆ تۇرعىزىلىپ، كارتچكالاندىرىلعان كەدەي، مۇگەدەك ادامداردى ۇلگى كورسەتىپ باۋلىدى، اتۇش قالاسى ءۇستىن اتۇش قالاشىعىنداعى ارحيۆ تۇرعىزىلىپ، كارتچكالاندىرىلعان كەدەي، كورۋ قۋاتى كەم يارالي يسام سوقىرلار ەمدىك ۋقالاۋ ونەرىنە باۋلىنعاننان كەيىن، قىزمەت تاپتى.

 جاڭا ۇجىم بۇقارانىڭ كوكەي تەستى ىستەرىن شەشتى

  ەمدەۋ مەن وقۋ - اعارتۋ − بۇقارا ەڭ كوڭىل بولەتىن حالىق تۇرمىسى ماسەلەسى. 3 جىلدان بەرى، وقۋ - اعارتۋ مينيسترلىگى شينجياڭنىڭ ءالسىز مەكتەپتەردى جاڭالاۋىنا جانە وقۋ - اعارتۋ ارقىلى كەدەيلىكتەن ارىلتۋدان قامال الۋ ينجەنەرياسىن اتقارۋىنا بەلسەندى قولداۋ كورسەتىپ، شينجياڭدا قىزمەتكە قابىلداعان مەملەكەتتىڭ ارنايى شتاتتاعى وقىتۋشىلارى 58 مىڭعا، ”مەملەكەتتىك باۋلۋ جوسپارى“ ارقىلى باۋلىعان وقىتۋشىلار 250 مىڭعا جەتىپ، تاڭداپ جىبەرىلگەن 6700دەن استام وقىتۋشى شينجياڭعا وقۋ - اعارتۋ ىسىنە كومەكتەسۋگە كەلدى.

  ”بۇل اراداعى بالالار ءبىزدى ءتىپتى دە قاجەت ەتەدى!“ بەيجيڭ قالاسىنان 9 - توپتا شينجياڭعا كومەككە كەلگەن وقىتۋشىلاردىڭ ءبىرى، استانا سىفان داشۋەسىنە قاراستى داشيڭ ورتا مەكتەبىنىڭ وقىتۋشىسى ليۋ چيڭحۋا حوتان اۋداندىق تاجىريبە ورتا مەكتەبىنە كەلىپ 9 - جىلدىق ادەبيەت وقىتۋ گرۋپپاسىنىڭ گرۋپپا باستىعى بولدى. بۇل ارادا ول ”گرۋپپالار سەلبەستىگى ۇلگىسىندە“ وقىتۋدى سىناق ەتىپ، وقۋشىلاردى ءوزارا پىكىرلەسۋ بارىسىندا ماسەلەنىڭ جاۋابىن تابۋىنا مۇمكىندىك تۋدىرىپ، ۇيرەنۋ ناتيجەسىن جوعارىلاتتى.

  مەملەكەتتىك دەنساۋلىق ساقتاۋ، سالاماتتىق كوميتەتى شينجياڭعا كومەكتەسەتىن 7 ولكە، قالاداعى 3A دارەجەلى 62 شيپاحانادان 681 ماماندى تاڭداپ الىپ ”ۇيىرمە ۇيىمداستىرۋ ۇلگىسىمەن“ وڭتۇستىك شينجياڭداعى 4 ايماق - وبلىستى ءتۇيىن ەتكەن 8 ورتالىق شيپاحاناعا كومەككە جىبەردى. ”قان قۇيۋدى“ ”قان جاساۋعا“ اينالدىرۋ ءۇشىن، مەملەكەتتىك دەنساۋلىق ساقتاۋ، سالاماتتىق كوميتەتىنەن شينجياڭعا كومەككە كەلگەن كادر، اۆتونوميالى رايوندىق دەنساۋلىق ساقتاۋ، سالاماتتىق كوميتەتىنىڭ ورىنباسار مەڭگەرۋشىسى جوۋ مەيلين اسا كوپ قىزمەت ىستەدى.

  ”ءبىز قاتىستى تاراۋلارمەن بىرلەسىپ، «ەمدەۋ دارىندىلارىنىڭ ”ۇيىرمە ۇيىمداستىرۋ ۇلگىسىمەن“ شينجياڭعا كومەكتەسۋى بويىنشا كومەك قابىلداۋشى شيپاحانالاردىڭ باسشىلىق القاسى قۇرىلىسىن اناعۇرلىم كۇشەيتۋ جونىندەگى پىكىر» سياقتى 6 حۇجاتتى جازىپ، شيپاحانادا قىزمەت ورنىن اشۋ جانە دارىندىلاردى ەنگىزۋ، ىلەسىپ ۇيرەنەتىندەردى جالعاستىرىپ باۋلۋ سياقتى جاقتاردا بەلگىلەمە جاساپ، كومەك قابىلداۋشى شيپاحانالاردىڭ دامۋى، شينجياڭعا كومەككە كەلگەن ەمدەۋ ماماندارىنىڭ رولىن ساۋلەلەندىرۋى ءۇشىن ساياساتتىق ورتا ازىرلەپ بەردىك“، - دەيدى جوۋ مەيلين.

  ”شينجياڭعا كومەككە كەلگەن كادرلاردىڭ كومەكتەسۋىندە، شيپاحانامىزدىڭ شۇعىل ەمدەۋ، ىشكى اۋرۋلار، بەدەۋلىك ءبولىمى سياقتى ءالسىز بولىمدەرىنىڭ قابىلەتى تۇگەلدەي كۇشەيتىلدى“، - دەدى قاشقار ايماقتىق 1 - حالىق شيپاحاناسى بەدەۋلىك ءبولىمىنىڭ اعا شيپاگەرى اينۇر سىدىق.

 جاڭا قۇرىلعىلار نەگىزگى ساتىعا جاڭا كەلبەت الا كەلدى

  شينجياڭعا كومەكتەسۋ قارجىسىنىڭ %80تەن استامى حالىق تۇرمىسىن قامتاماسىزداندىرۋعا جانە جاقسارتۋعا، اۋدان دارەجەلى جانە اۋدان دارەجەلىدەن تومەن نەگىزگى ساتىعا جۇمسالىپ، ءار ۇلت بۇقاراسىنا شينجياڭعا باعىتتامالى كومەكتەسۋدىڭ تابىستارىن شىنايى سەزىندىردى... ورتالىق جانە مەملەكەت ورگانداردىڭ، ورتالىقتاعى كاسىپورىنداردىڭ زور كۇشپەن قولداۋىندا، تيانشاننىڭ وڭتۇستىگى مەن سولتۇستىگى كۇن سايىن جاڭاردى.

  سارى توپىراقتى جولدار اسفالت جولعا وزگەرتىلىپ، قىستاقتار شىت جاڭا تۇسكە ەندى... بۋرىلتوعاي اۋدانى كوكاعاش اۋىلى اقوتكەل قىستاعىنىڭ تۇرعىنى جامال قادىلدىڭ قۋانىشتى ىستەرى ايتىپ تاۋىسقىسىز كوپ، ول بىلاي دەدى: ”قىستاق تۇرعىندارى ەرەكشە ەگىنشىلىك جىلىجايىنا، شارۋالار شاتتىعى ساياجايى تيجاراتىنا سۇيەنىپ اۋقاتتانۋ جولىنا ءتۇستى، بارشا وتباسىنىڭ دوڭگەلەك داۋلەتتىلىككە جەتۋ قۋاتى جەتكىلىكتى!“

  ورتالىقتاعى ورىنداردان 9 - توپتا شينجياڭعا كومەككە كەلگەن كادرلار، دارىندىلار جانە شينجياڭعا كومەكتەسەتىن ولكە، قالالار نازاردى پارتيا قۇرىلىسىن جەتەكشى ەتۋگە اۋدارىپ، نەگىزگى ساتى ۇيىمدىق قيمىل بازالارىنان 3300دەن استامىن جاڭادان سالۋىنا جانە وزگەرتىپ، كەڭەيتىپ سالۋىنا قولداۋ كورسەتىپ، 1057 ءالسىز قىستاقتى، كەۋەك قىستاقتى سۇيەمەلدەپ كوللەكتيۆ ەكونوميكاسىن دامىتتى، كۇشەيتتى.

  شايار اۋدانى تويبولدى قالاشىعىنىڭ قىجماتا قىستاعىندا 2019 - جىلى وزگەرتىپ، كەڭەيتىپ سالىنعان ءبىر پۋنكتتىك حالىققا قولايلى قىزمەت ەتۋ ورتالىعى، قىستاق تۇرعىندارىنىڭ قيمىل ورتالىعى سياقتىلاردى ءبىر تۇلعالاندىرعان قىستاق تۇرعىندار كوميتەتى قيمىل بازاسى پارتيا ۇيىمىنىڭ بۇقارامەن تىعىز بايلانىس ورناتۋ، كەدەيلىكتەن ارىلتۋدان قامال الۋدى جەبەۋ سياقتى ءتۇرلى قىزمەتتەردىڭ بەرىك تىرەگىنە اينالدى.

  ”قىستاق تۇرعىندارى قوعامدىق قامتاماسىزداندىرۋ، جوسپارلى تۋۋ سياقتى راسمياتتاردى بىتىرەردە ماتەريالدارىن حالىققا قولايلى قىزمەت وتەۋ ورتالىعىنا تاپسىرىپ بەرسە بولعانى، ەندىگارى ارتىق جول باسىپ اۋرە بولمايدى!“، - دەدى اقسۋ ايماقتىق دامۋ جانە رەفورما كوميتەتىنەن قىجماتا قىستاعىنا تۇسكەن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ ورىنباسار اترەت باستىعى ۋاڭ حۇڭشيا، قازىر قىستاق تۇرعىندارى قيمىل ورتالىعىنا كەلىپ دويبى ويناپ، كىتاپ وقۋدى ۇناتادى، پارتيا مەن بۇقارانىڭ، كادرلار مەن بۇقارانىڭ بايلانىسى ءتىپتى دە قويۋلاپ، قىستاق پارتيا ياچەيكاسىنىڭ ۇيىستىرۋ قۋاتى مەن بەدەلى ۇزدىكسىز ارتتى.

  جاڭا تاريحي باستامادا، پارتيا ورتالىق كوميتەتىنىڭ شىنايى قامقورلىعىندا، ورتالىقتاعى مەكەمە - ورىندار مەن باۋىرلاس ولكە، قالالاردىڭ قالتقىسىز كومەگىندە، شينجياڭداعى ءار ۇلت كادر - بۇقاراسى ءوز كۇشىنە سۇيەنىپ ءومىر ءسۇرىپ، قاجىرلىلىقپەن كۇرەس جۇرگىزىپ، حالىق تۇرمىسىنىڭ ءتىپتى دە مەيىرگە تولى، كوركەم، باقىتتى جاڭا تاراۋىن، ءسوزسىز، جازىپ شىعادى!

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.