تيانشان تورى   ›   ۇيرەنۋ   ›   شولۋ

جۇڭگو حالقىنىڭ ەڭ سەنىمدى تىرەگى

 − باس شۋجي شي جينپيڭنىڭ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ جونىندەگى مەملەكەتتىك ماداقتاۋ - سيلاۋ جينالىسىندا سويلەگەن ماڭىزدى ءسوزىن ۇيرەنۋ، دايەكتىلەندىرۋ جونىندە

 حالىق گازەتىنىڭ شولۋشىسى

  ”ىندەتكە قارسى اتتانۋ كۇرەسىنىڭ ۇلى امالياتى مىنانى قايتالاي دالەلدەدى: جۇڭگو كوممۋنيستىك پارتياسىنىڭ تەڭدەسسىز پارمەندى باسشىلىق قابىلەتى − قيىن - قىستاۋ كەزدەردە جۇڭگو حالقىنىڭ ەڭ سەنىمدى تىرەگى“. جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ جونىندەگى مەملەكەتتىك ماداقتاۋ - سيلاۋ جينالىسىندا، باس شۋجي شي جينپيڭ ىندەتكە قارسى اتتانۋ كۇرەسىنىڭ ماڭىزدى تاجىريبەلەرى مەن تەرەڭ ويلارىن جالپى بەتتىك قورىتىندىلاپ، جۇڭگو كوممۋنيستىك پارتياسىنىڭ حالىقتان كەلگەندىگىن، حالىققا تامىر تارتقاندىعىن، باستان - اياق بارلىعىندا حالىقتى ويلاۋ، بارلىعىندا حالىققا سۇيەنۋگە تاباندى بولىپ، ەڭ قالىڭ حالىق بۇقاراسىنىڭ شىنايى قورعاۋى مەن بەرىك قولداۋىنا يە بولعاندىعىن تەرەڭ اتاپ كورسەتتى، بۇل جۇڭگو كوممۋنيستىك پارتياسىنىڭ باسشىلىق قابىلەتى مەن بيلىك جۇرگىزۋ قۋاتىنىڭ كەڭ دە تەرەڭ نەگىزى.

  توسىن كەلگەن اۋىر ىندەت الدىندا، پارتيا ورتالىق كوميتەتى جالپى جاعدايدى ءبىر تۇتاس مەڭگەرىپ، باتىل شەشىم جاساپ، توتەنشە شارا ارقىلى توتەنشە ىسكە توتەپ بەردى. پارتيا ورتالىق كوميتەتى ىندەتتەن ساقتانۋ - تىزگىندەۋدى ەڭ ماڭىزدى ءىرى ءىس رەتىندە يگەرىپ، باس شۋجي شي جينپيڭ ءوزى قولباسشىلىق ەتىپ، ءوزى ورنالاستىرۋ جاسادى، ورتالىق كوميتەت ساياسي بيۋروسىنىڭ تۇراقتى كوميتەتى، ورتالىق كوميتەت ساياسي بيۋروسى 21 رەت ءماجىلىس اشىپ اقىلداسىپ، شەشىم جاساپ، پارتيا، ۇكىمەت، ارميا، حالىقتىق قۇرىلىم، عىلىم - ءبىلىم سالاسى سياقتى بارلىق سالانىڭ جانە بارلىق جەردىڭ بىرىككەن شايقاسىنا باسشىلىق ەتىپ جانە ونى ۇيىمداستىرىپ، سەنىمدى بەكەمدەۋ، قيىندىقتى بىلەك بىرىكتىرە جەڭۋ، عىلمي ساقتانۋ - تىزگىندەۋ، دالمە - ءدال شارا قولدانۋ سىندى باس تالاپتى ورتاعا قويىپ، ىندەتتىڭ تارالۋ بەتالىسىن باتىل تەجەۋ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە باتىل قول جەتكىزۋ باس نىساناسىن ايقىنداپ، ۋحاندى قورعاۋ شايقاسىن، حۋبەيدى قورعاۋ شايقاسىن ەگجەي - تەگجەيلى ورنالاستىرىپ، ۋاقىتقا، جاعدايعا قاراي كەلەلى ستراتەگيا، تاكتيكا بەلگىلەدى... پارتيا ورتالىق كوميتەتىنىڭ پارمەندى باسشىلىعى بولعاندىقتان دا بۇكىل ەلدە ءبىر تۇتاس قولباسشىلىق ەتۋ، جالپى بەتتىك ورنالاستىرۋ، جان - جاقتى ساقتانۋ - تىزگىندەۋ ستراتەگيالىق ورنالاستىرۋى جەدەل قالىپتاسىپ، ىندەتتىڭ كەڭ كولەمدە تارالۋى ءونىمدى تىزگىندەلىپ، ۆيرۋس تارالۋىنىڭ قاتەرلى بارىسى پارمەندى وزگەرتىلىپ، حالىقتىڭ ءومىرىنىڭ حاۋىپسىزدىگى مەن دەنساۋلىعى ەڭ جوعارى شەكتە قورعالدى. ىندەتكە قارسى اتتانۋ كۇرەسى قول جەتكىزگەن كەلەلى ستراتەگيالىق جەتىستىك پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ بۇكىلدەي دۇرىس ەكەندىگىن، پارتيانىڭ باسشىلىعى پارمەندى دە قۋاتتى ەكەندىگىن، جاعداي نەعۇرلىم كۇردەلى، سىن - سايىس قاتاڭ بولعان سايىن، پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىنىڭ مىعىم ورنىقتىرعىش رولىن سولعۇرلىم ساۋلەلەندىرۋ كەرەك ەكەندىگىن تولىق ايگىلەدى.

  حالىقتىڭ ءومىرىنىڭ حاۋىپسىزدىگى مەن دەنساۋلىعى اۋىر قاتەرگە ۇشىراعاندا، پارتيا ورتالىق كوميتەتى حالىقتى بارىنەن جوعارى قويۋعا، ءومىردى بارىنەن جوعارى قويۋعا تاباندى بولىپ، حالىق ءۇشىن ءارقانداي بوداۋ بەرۋدەن تايىنبادى. ۆيرۋس تۇتقيىل تاپ بەرىپ، ىندەت سۇراپىل كەلگەن شەشۋشى ساتتە، باس شۋجي شي جينپيڭ وراسان زور ساياسي باتىلدىقپەن جانە باتىل تاريحي جاۋاپكەرشىلىك ارقالاۋمەن كەلەلى شەشىم جاساپ، ۋحاننان شىعۋ، حۋبەيدان شىعۋ جولىن كەسكىن توسىپ، تاريحتا بۇرىن بولىپ كورمەگەن قاتاڭ باسقارۋ - تىزگىندەۋ جۇرگىزدى. باس شۋجي شي جينپيڭ اتاپ كورسەتكەندەي: ”حالىقتىڭ ءومىرىنىڭ حاۋىپسىزدىگىن قورعاۋدا ءبىز، ءسوز جوق، ءارقانداي بوداۋ بەرۋدەن تايىنباۋىمىز كەرەك، ءبىز ءارقانداي بوداۋ بەرۋدەن تايىنباۋدى ورىنداي دا الامىز، ويتكەنى جۇڭگو كوممۋنيستىك پارتياسىنىڭ ءتۇبىرلى باستى ماقساتى بۇكىل ىنتا - پەيىلىمەن حالىق ءۇشىن قىزمەت ىستەۋ، ءبىزدىڭ مەملەكەتىمىز حالىق قوجايىن بولعان سوتسياليستىك مەملەكەت“. حالىقتىڭ ءومىرىنىڭ حاۋىپسىزدىگىن قورعاۋ ءۇشىن، ءبىز ءارقانداي ءىستى ىستەي الامىز! تۋعانىنا نەبارى 30 نەشە ساعات بولعان نارەستەدەن 100 جاستان اسقان قارتقا دەيىن، جۇڭگودا وقىپ جاتقان شەتەلدىك وقۋشىلاردان جۇڭگوعا كەلگەن شەتەلدىكتەرگە دەيىن، ءاربىر ءومىر تۇگەلدەي بار كۇشپەن قورعالدى، ادامنىڭ ءومىرى، ادامنىڭ قۇنى، ادامنىڭ قادىر - قاسيەتى قۇنتتى قورعالدى. ”مەملەكەت نەعۇرلىم گۇلدەنگەن سايىن، بۇقاراعا سولعۇرلىم قامقور بولادى“، بۇل جۇڭگو كوممۋنيستىك پارتياسىنىڭ بيلىكتى حالىق ءۇشىن جۇرگىزۋ ۇستانىمىنىڭ ەڭ جاقسى تۇسىندىرمەسى، جۇڭگو كوممۋنيستەرىنىڭ حالىقتى وزەك ەتكەن قۇن تالپىنىسىنىڭ شوعىرلى ايگىلەنۋى.

  پارتيانىڭ حالىقپەن قيىن - قىستاۋ جاعدايدى بىرگە وتكىزىپ، اششى مەن تۇششىنى بىرگە تاتىپ، باستان - اياق ەتەنە بايلانىستى ساقتاۋى پارتيانىڭ قيىنشىلىق پەن حاۋىپ - قاتەر اتاۋلىنى جەڭۋىنىڭ ءتۇبىرلى كەپىلى. 100 جىلعا جۋىق ۋاقىتتان بەرى، جۇڭحۋا ۇلتى ىشكى لاڭ مەن سىرتقى سۇعاناقتىققا تاپ بولعان ساتتە كەۋدە كەرىپ العا شىعىپ، جاڭا جۇڭگودا ويراندالعاننىڭ ءبارى ورنىنا كەلتىرۋدى كۇتىپ تۇرعان كەزدە قاجىرلىلىقپەن شارۋاشىلىق قۇرىپ، رەفورما، دامۋ بوران - شاشىندى باستان كەشىرگەن كەزدە ەرلىكپەن جاۋاپكەرشىلىك ارقالادى، ءار رەت بوران - شاشىن كەلگەن كەزدە جۇڭگو كوممۋنيستىك پارتياسىنىڭ باسشىلىعى قاشاندا ەڭ ماڭىزدى كەپىلدىك، ەڭ سەنىمدى تايانىش بولدى؛ ءار رەت بوران - شاشىن وتكەننەن كەيىن، جۇڭگو حالقى جۇڭگو كوممۋنيستىك پارتياسىن ونان ارى قولدادى جانە وعان سەندى. جۇڭگو كوممۋنيستىك پارتياسىنىڭ باسشىلىعى بولعاندىقتان، بۇكىل ەلدەگى ءار ۇلت حالقىنىڭ پارتيانى قورعاۋى مەن قولداۋى بولعاندىقتان عانا، جۇڭگو دۇنيە جۇزىندە سيرەك كەزدەسەتىن ەكونوميكانىڭ جەدەل دامۋى مەن قوعامنىڭ ۇزاق ۋاقىت ورنىقتىلىعىنىڭ كەرەمەتىن جاراتا الدى، ءبىز تاسقىنمەن شايقاسۋدىڭ جەڭىسىنە جەتىپ، سارستان ساقتانىپ، جەر سىلكىنىسىنە قارسى اتتانىپ، داعدارىستى جەڭىپ، وزگەرىسكە توتەپ بەرە الدىق، وسى رەتكى ىندەتكە قارسى اتتانۋ كۇرەسىنىڭ جەڭىسىنە قول جەتكىزە الدىق. تاريح پەن رەالدىق بىزگە تەك پارتيانىڭ جالپى بەتتىك باسشىلىعىنا ەش مىزعىماستان تاباندى بولساق جانە ونى كۇشەيتسەك، پارتيانىڭ ساياسي باسشىلىق قۋاتىن، يدەيالىق جەتەكشىلىك قۋاتىن، بۇقارالىق ۇيىمداستىرۋ قۋاتىن، قوعامدىق ۇندەۋ قۋاتىن ۇزدىكسىز كۇشەيتىپ، پارتيانىڭ حالىق بۇقاراسىمەن ەتەنە بايلانىسىن ماڭگى ساقتاساق بولعانى، ءبىزدىڭ، ءسوز جوق، پارمەندى بىرىككەن كۇش قالىپتاستىرىپ، ءتۇرلى كۇردەلى جاعدايلار مەن حاۋىپ - قاتەرلەرگە، سىن - سايىستارعا سالماقتىلىقپەن توتەپ بەرە الاتىندىعىمىزدى ءتۇسىندىردى.

  تۋلاعان الىپ تولقىندار تىرەكتىڭ كۇشىن كورسەتەدى، ايبىندى تاۋلار اسقار شىڭىنا باعىنادى. اماليات جۇڭگو كوممۋنيستىك پارتياسىنىڭ ءتۇرلى حاۋىپ - قاتەرلەرگە توتەپ بەرە الاتىندىعىن، ءتۇرلى كۇردەلى جاعدايلاردى مەڭگەرە الاتىندىعىن، قۋاتتى جاۋىنگەرلىك كۇشكە يە ماركسيزمدىك بيلىك باسىنداعى پارتيا ەكەندىگىن، ايتسا - ايتقانداي جۇڭگو حالقى مەن جۇڭحۋا ۇلتىنىڭ تىرەگى ەكەندىگىن، ايتسا - ايتقانداي جۇڭگوشا سوتسياليزم ىستەرىنىڭ قۋاتتى باسشىلىق ۇيتقىسى ەكەندىگىن تولىق دالەلدەدى. العا باسۋ جولىندا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، اۋەلگى ماقسات پەن بورىشتى باستان - اياق ەستە بەرىك ساقتاپ، باستان - اياق حالىقپەن تىلەكتەس بولىپ، حالىقپەن بەينەت پەن زەينەتتى بىرگە كەشىپ، حالىقپەن ىنتىماقتاسا كۇرەس جاساساق، ءارقانداي كۇش جۇڭگو حالقى مەن جۇڭحۋا ۇلتىنىڭ العا باسۋ قادامىن بوگەي المايدى!

  (شينحۋا اگەنتتىگىنىڭ 9 - ايدىڭ 11 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.